22/07/2026
တခုပဲ စဉ်းစားကြည့်ဗျာ
💢 လူတစ်ယောက်ကို သေဒဏ်ပေးပြီးမှ… သူ အပြစ်မရှိတာ သိလိုက်ရတာကိုပါ ............ 💢
တကယ့်ကို ရူးလောက်တယ်မလား ...
ကိုယ်မသတ်ခဲ့တဲ့ လူသတ်မှုအတွက် မှားပြီး
သေဒဏ်ပေးခံလိုက်ရတာမျိုး ......
⸻
ဒီအကြောင်းကို စပြောရမယ်ဆိုရင်
၁၉၅၀ ခုနှစ်။
အင်္ဂလန်နိုင်ငံ၊ လန်ဒန်မြို့။
လူငယ်တစ်ယောက်ကို သူ့ရဲ့ ဇနီးနဲ့ သမီးကို သတ်ခဲ့တယ်ဆိုတဲ့ စွပ်စွဲချက်နဲ့ ဖမ်းဆီးလိုက်ပါတယ်။
သူ့နာမည်က တင်မိုသီ အီဗန်စ် (Timothy Evans) ပါ။
ရဲတပ်ဖွဲ့ရဲ့ စစ်ဆေးမှုမှာ…
သူဟာ တစ်ခါ ဝန်ခံလိုက်…
တစ်ခါ ပြန်ငြင်းလိုက်နဲ့ ထွက်ဆိုချက်တွေ ပြောင်းလဲနေခဲ့ပါတယ်။
နောက်ဆုံးမှာတော့…
တရားရုံးက သူ့ကို အပြစ်ရှိတယ်လို့ ဆုံးဖြတ်ခဲ့ပါတယ်။
⸻
အဲဒါနဲ့
၁၉၅၀ ခုနှစ် မတ်လ ၉ ရက်နေ့မှာ…
တင်မိုသီ အီဗန်စ်ကို ကြိုးပေးကွပ်မျက်ခဲ့ပါတယ်။
အမှုကလည်း အဲဒီမှာ ပြီးဆုံးသွားပြီလို့ လူတိုင်း ထင်ခဲ့ကြပါတယ်။
ဒါပေမယ့်…
သုံးနှစ်အကြာမှာ မထင်မှတ်ထားတဲ့ အရာတစ်ခု ဖြစ်လာခဲ့ပါတယ်။
လုံးဝ မထင်ထားတာတစ်ခုပါ ....
ဘာပါလိမ့်????
⸻
အဲဒါက
တင်မိုသီ နေခဲ့တဲ့ အိမ်တစ်အိမ်တည်းမှာ…
နောက်ထပ် အမျိုးသမီးအလောင်းတွေကို ဆက်တိုက် တွေ့ရှိခဲ့ပါတယ်။
စုံစမ်းစစ်ဆေးမှုတွေ ဆက်လုပ်တဲ့အခါ…
တကယ့် လူသတ်သမားက…
အိမ်နီးချင်း ဂျွန် ရက်ဂျင်နယ် ဟာလီ ခရစ္စတီ (John Reginald Halliday Christie) ဖြစ်နေကြောင်း ပေါ်ပေါက်လာပါတယ်။
လုံးဝ Shock ဗျာ.....
ခရစ္စတီဟာ နောက်ပိုင်းမှာ အမျိုးသမီးများစွာကို သတ်ခဲ့တဲ့ Serial Killer ဖြစ်ကြောင်း ဝန်ခံခဲ့ပြီး…
၁၉၅၃ ခုနှစ်မှာ ကြိုးပေးကွပ်မျက်ခံခဲ့ရပါတယ်။
⸻
ဒီအချိန်မှာ…
လူတိုင်း မေးခွန်းထုတ်ခဲ့ကြပါတယ်။
“ဒါဆို တင်မိုသီ အီဗန်စ်က အပြစ်မရှိဘဲ သေဒဏ်ပေးခံခဲ့ရတာလား?”
နှစ်ပေါင်းများစွာ ပြန်လည်သုံးသပ်မှုတွေ လုပ်ပြီးနောက်…
၁၉၆၆ ခုနှစ်မှာ ဗြိတိန်အစိုးရက တင်မိုသီ အီဗန်စ်ဟာ တရားမျှတမှု မရခဲ့ကြောင်း အသိအမှတ်ပြုခဲ့ပြီး အမှားအယွင်းအတွက် လျော်ကြေးပေးခဲ့ပါတယ်။
နောက်ဆုံး…
၁၉၆၉ ခုနှစ်မှာ ဗြိတိန်နိုင်ငံက လူသတ်မှုအတွက် သေဒဏ်ကို ဖျက်သိမ်းခဲ့ပါတယ်
ယနေ့အထိလည်း (United Kingdom - UK) ဗြိတိန်နိုင်ငံ မှာ ဒီနေ့အထိ သေဒဏ် (Death Penalty) မရှိတော့ပါဘူး။
ဒီ တင်မိုသီ အီဗန်စ်ရဲ့ အမှုဟာ…
ဗြိတိန်သမိုင်းမှာ တရားစီရင်ရေး အမှားတစ်ခုက နိုင်ငံတစ်နိုင်ငံရဲ့ ဥပဒေကိုတောင် ပြောင်းလဲသွားစေနိုင်တယ် ဆိုတာကို ပြသခဲ့တဲ့ အထင်ကရ အမှုဖြစ်လာခဲ့ပါတော့တယ်။
