ウェブサイトとは何ですか？

https://www.facebook.com/103025491198707/

Htain Linn, Kyoto-shi (2025)

11/03/2025

သင့်စကားသံကိုအသုံးပြုနိုင်လောက်အောင်ရဲရင့်ပါ။ သင့်နှလုံးသားကိုနားထောင်လို့ရတဲ့အထိ သတ္တိရှိပါ။ သင့်စိတ်ကူးထားတဲ့ ဘဝအတိုင်းနေထိုင်နိုင်ဖို့ ခွန်အားရှိပါတဲ့။အားလုံးကြားသိလိုက်ရတဲ့အတိုင်းပါပဲ။ ကိုယ့်ဘဝအတွက် ဘယ်လိုမျိုးတွေရဲရင့်ဖို့လိုတယ်။ သတ္တိရှိဖို့လိုတယ်။ ခွန်အားရှိနေဖို့လိုတယ်ဆိုတာကိုပြောပြထားတဲ့စကားဖြစ်ပါတယ်။ ပထမဆုံးအနေနဲ့ သင့်စကားသံကိုအသုံးပြုနိုင်လောက်အောင် ရဲရင့်ပါလို့ ပြောထားပါတယ်။ ဆိုလိုရင်းကတော့ ဘယ်နေရာမှာပဲ ဖြစ်ဖြစ် ဘယ်လိုအခြေအနေမျိုးမှာပဲဖြစ်ဖြစ် ကိုယ့်ရဲ့မှန်ကန် တယ်လို့ ယုံကြည်ထားတဲ့ ယူဆချက်တွေကို ရဲရဲဝံ့ဝံ့ပြောဆိုတတ်ဖို့ပါ။ တစ်ချို့ကရှိပါတယ်။ အာဏာကိုကြောက်လို့ပဲဖြစ်ဖြစ်၊ ရာထူးဂုဏ်သိမ်ကိုရှိန်နေလို့ပဲဖြစ်ဖြစ် အရာတိုင်းကို တခြားသူရဲ့ပြောတဲ့ အတိုင်း ဟုတ်ကဲ့ဟုတ်ကဲ့လို့ တွင်တွင်ပြောပြီး ကိုယ့်ရင် ထဲက တကယ်ဖြစ်ချင်တဲ့စိတ်ဆန္ဒကို မြိုသိပ်ထားတတ်ကြပါတယ်။ ဒီလိုနဲ့ ပွင့်လင်းမြင်သာမှုမရှိတဲ့အခြေအနေမှာ တအုံ့နွေးနွေး နဲ့ နေထိုင်လုပ်ကိုင်ရတာ မပျော်ရွှင်တော့ဘဲဖြစ်တတ်ပါတယ်။ တကယ်တော့ ကိုယ့်ဘက်က မှန်တာကို မှန်တဲ့အကြောင်း ပွင့် ပွင့်လင်းလင်းပြောရဲဆိုရဲရပါမယ်။ ကိုယ်မှန်တာကို မပြောရဲခြင်းဟာ ကိုယ့်ဘက်က မှားပါတယ်လို့ ဝန်ခံလိုက်တဲ့သဘောဖြစ်သွား တတ်ပါတယ်။ ဒါကြောင့် အမှန်တရားသာစစ်မှန်တယ်ဆိုရင် အမှန်ကိုအမှန် အတိုင်း မုန်းမုန်းချစ်ချစ် ပြောရဲရပါမယ်။
Linn(Notes For You)

10/03/2025

ချစ်ခြင်းမေတ္တာဆိုတာချစ်သူတွေအတွက်ပဲမဟုတ်ပါဘူး။ ချစ်သူတွေထက်ပိုပြီးချစ်တတ်တဲ့သူငယ်ချင်းတွေအတွက်လည်း ဖြစ်ပါတယ်။ တကယ့်သူငယ်ချင်းစစ်ဆိုတာရှာဖွေရခက်သလိုထားခဲ့ဖို့လည်းခဲယဉ်းပြီးမေ့ဖောက်ဖို့လည်းမဖြစ်နိုင်ပါဘူး။ ကိုယ့်ရဲ့ ဘဝအတွက် အခက်အခဲတွေ ခံစားနေရတဲ့ ဝေဒနာတွေကို ရင်ဖွင့်လို့ရမယ့် ကိုယ်လိုအပ်ရင် သူ့ရဲ့ပုခုံးကိုမှီပြီးကိုယ်ငိုရှိုက် နိုင်မယ့် သူငယ်ချင်းကောင်းတွေက ကျွန်တော်တို့ဘဝအတွက် သိပ်ကိုမှလိုအပ်ပါတယ်။ သူငယ်ချင်းကောင်းတွေရှိခြင်းကကိုယ့်ဘဝအတွက် အားဆေးတစ်ခွက် လည်းဖြစ်သလိုပျော်ရွှင်ခြင်းရဲ့လက်ဆောင်မွန်တစ်ခုလည်းဖြစ်ပါတယ်။ ရည်းစားဦးအချစ်ဦးဆိုတဲ့သူတွေက တောင် ကိုယ်နဲ့ ပြတ်စဲပြီးသွားတဲ့အချိန်မှာအမုန်းတွေနဲ့ မျက်နှာချင်းမဆိုင်ချင်သလိုခံစားမှုမျိုးဖြစ်စေနိုင်ပေမယ့် သူငယ်ချင်းတွေ ကတော့ အဲဒါနဲ့ ဆန့်ကျင်ဘက်ပါပဲ။ တခါတလေတော့လည်းမိသားစုကတောင် အားမပေးနိုင်တဲ့ ကိုယ့်ဘဝရဲ့ ပေါ့ပါးလွတ်လပ်မှု တွေကိုအားဖြည့် ပေးနိုင်တာကသူငယ်ချင်းတွေပဲဖြစ်ပါတယ်။ သူငယ်ချင်းကောင်းရဖို့ဆိုရင် သိပ်ကိုမှခက်ခဲပါတယ်။ ရထားတဲ့ သူငယ် ချင်းဆိုတာကလည်းဘဝတစ်သက်တာအတွက် ထာဝရရှိနေမယ့်သူဖြစ်နေပါလိမ့်မယ်။ ဒါကြောင့် ကိုယ့်ရဲ့ လက်ရှိ ရှိနေတဲ့ သူငယ်ချင်းတွေကိုဒီထက်ပိုမိုချစ်ခင်မှုတွေလေးနက်ခိုင်မာလာစေဖို့ ကောင်းမွန်တဲ့ဆက်ဆံရေးကိုတည်ထောင်ထားနိုင်စေဖို့ ဆန္ဒပြုလိုက်ရပါတယ်။ ကမ္ဘာပေါ်က စစ်မှန်တဲ့ သူငယ်ချင်းဆက်ဆံမှုတိုင်း အဖုအထစ်မရှိဘဲ သာယာပျော်ရွှင်ခြင်းတွေကို ဘဝတလျှောက်အတူတူခံစားရင်း အခက်အခဲတွေကို ကောင်းတူဆိုးတူဖြတ်ကျော်ရင်း အမှတ်တရကောင်းများစွာကို ဖန်တီးရယူ နိုင်ကြပါစေ။
Linn(Notes For You)

09/03/2025

လောကကြီးမှာအရေးပါလှတဲ့ သူငယ်ချင်းဆိုတဲ့လူသားတွေရဲ့အကြောင်းကိုပြောပြထားတာ ဖြစ်ပါတယ်။ ကျွန်တော်တို့ရှင်သန်နေထိုင်ကြတဲ့ လူ့လောကကြီးမှာငယ်ရွယ်စဉ်အချိန်ကတည်းကနေအသက်ကြီးမြင့်တဲ့အချိန် အထိငယ်ပေါင်းသူငယ်ချင်းလုပ်ဖော်ကိုင်ဘက်၊တိုင်ပင်ပေါ်တိုင်ပင်ဘက်၊ ဆိုးတူကောင်းဘက်စတဲ့ မိတ်ဆွေများနဲ့ တွေ့ဆုံကြ ရမှာပါ။ အဲဒီလိုသူငယ်ချင်းတွေက ကျွန်တော်တို့ဘဝအတွက် အမှတ်တရပေါင်းများစွာကိုဖန်တီးပေးစွမ်းနိုင်သူများဖြစ်ပါတယ်။

ဘဝရဲ့ လက်တွဲဖော်ချစ်သူကြင်ဖက်ဆိုတဲ့သူအတွက်ပဲ ကျွန်တော်တို့မှာအချစ်တွေ မေတ္တာတရားတွေရှိနေတတ်တာမဟုတ်ပါ ဘူး။ တခါတလေမှာချစ်သူဆီကနေမရနိုင်တဲ့ စိတ်ချမ်းသာပျော်ရွှင်မှု၊ လွတ်လပ်ပေါ့ပါးမှုကိုသူငယ်ချင်းတွေဆီကနေရနိုင်ပါ တယ်။ ဒါကြောင့် လောကမှာသူငယ်ချင်းကောင်းရဖို့ဆိုတာသိပ်ကိုမှ အရေးကြီးပါတယ်။
Linn(Notes For You)

08/03/2025

မိမိကိုယ်ကို အမြဲတိုးတတ်အောင် လုပ်နေဖို့က သင့်တာဝန်ပါ။ ပြီးရင် အမြဲတမ်း စစ်ဆေးပေးဖို့ လိုအပ်ပါတယ်။ လူတိုင်းလူတိုင်း မိမိကိုယ်ကို မေးရမယ့် မေးခွန်း(၅)ခုရှိပါတယ်။
ပထမဆုံးမေးခွန်းက ဒီနေ့မှာ ဘာတွေကို ပိုကောင်းအောင် လုပ်ပြီးပြီလဲ?
နေ့စဉ်နေ့တိုင်း မိမိကိုယ်ကို မေးရမယ့် မေးခွန်းဖြစ်ပါတယ်။ စားသောက်ဆိုင်က စားပွဲထိုးလေးကို ပိုပြီး သိမ်သိမ်မွေ့မွေ့ဆက်ဆံ သလား? ဒါမှမဟုတ် မိသားစုနဲ့ အချိန်ပေးဖြစ်သလား?
နောင်တရစရာတွေ ရှိသလား?တနေ့တာ ဖြစ်ခဲ့တာတွေ အကုန်ချရေးပြီး အနာဂတ်မှာ မဖြစ်အောင် ဂရုစိုက်ပါ။
မေးခွန်းနံပါတ်(၂) ဘာတွေ ဆက်ပြီး သင်ယူဖို့ လိုအပ်နေသလဲ? အသက် ဘယ်လောက်ဘဲဖြစ်ဖြစ် စူးစမ်းလိုစိတ် ပြင်းပြခြင်းဟာ ဘဝအတွက် မရှိမဖြစ် အရေးပါ ပါတယ်။ လူအများစုက ဘွဲ့ရတာနဲ့တင် သင်ယူစရာ လေ့လာစရာ မလိုတော့ဘူးလို့ ထင်ကြတယ်။
ဒါဟာ အမှားကြီးတခုပါ။ ကိုယ့်အနေနဲ့ ထိုလူအတန်းအစားထဲမှာ မပါသင့်ပါဘူး။ ဒါ့ကြောင့် ဆက်လက် လေ့လာနေပါ၊ ဆက်လက်သင်ယူနေပါ။ ဗဟုသုတဆိုတာ ဘယ်တော့မှ အလကားမဖြစ်ပါဘူး။
နံပါတ် ၃ လက်ရှိမှာ ငါ့ရဲ့ အကြီးမားဆုံး ဦးစားပေးအရာက ဘာလဲ? ရာထူးတိုးဖို့လား? ဒါမှမဟုတ် စာမေးပွဲ အောင်ဖို့လား? Crush နဲ့ အဆင်ပြေဖို့လား? စသဖြင့်ပေါ့။
ဘာဘဲဖြစ်နေပါစေ ဦးစားပေးအချက်တွေ ရှိခြင်းက အချိန်ကို သတ်မှတ်ပိုင်းခြားပေးပြီး လိုအပ်တဲ့ နေရာတွေမှာ အာရုံစိုက်စေပါတယ်။
နောက်ထပ်မေးခွန်းက အချိန် စီမံခန့်ခွဲပုံကို ကျေနပ်ပါသလား? အချိန်တွေကို အကျိုးရှိရှိ အသုံးချနေသလား? တနေ့တာသာ ကုန်သွားတယ်၊ ဘာမှ အကျိူးမရှိ ဖြစ်နေသလား? ဘာတွေ လုပ်ဖို့ လိုနေလဲ? ဘာတွေ ပြောင်းလဲဖို့ လိုအပ်နေသလဲ?
အချိန်ကို ဘယ်လို အသုံးချသလဲ? ဆိုတဲ့အချက်က အနာဂတ်ကို ဆုံးဖြတ်ပေးပါတယ်။ နောက်ဆုံး တစ်ခုက အတိတ်ကို ခြေရာကောက်ပါ။
ဆိုလိုတာက လွန်ခဲ့တဲ့ အပတ်က ဘယ်မှာ ရောက်နေခဲ့သလဲ? လွန်ခဲ့တဲ့လက ဘယ်မှာ ရောက်နေခဲ့သလဲ? လွန်ခဲ့တဲ့ နှစ်က ဘယ်ကို ရောက်နေခဲ့သလဲ?
ဒီမေးခွန်းက မိမိကိုယ်ကို အမြဲဆန်းစစ်နေဖို့ အကူအညီ ပေးပါလိမ့် မယ်။ အတိတ်က မိမိအခြေအနေကိုကောင်းကောင်းသိမှ အနာဂတ်ကို ဘယ်လိုကောင်းအောင်လုပ်မလဲဆိုတာကို ဆုံးဖြတ်နိုင်မှာပါ။
Linn(Notes For You)

07/03/2025

ကြောက်ရင်လွဲရဲရင်မင်းဖြစ်။ လောကကြီးမှာဘယ်အလုပ်ပဲဖြစ်ဖြစ် စတင်လုပ်ရုံနဲ့ အောင်မြင်မယ် မအောင်မြင်ဘူးဆိုတာကံသေကံမ တိတိကျကျပြောနိုင်တာမျိုးမရှိပါဘူး။
အလွန်တရာလွယ်တဲ့ ကိစ္စရပ်တွေတော့ မပါဝင်ဘူးပေါ့ဗျာ။ တကယ်ဆိုရင် ကိုယ့်အတွက် လွယ်ကူလှပါတယ်ဆိုတဲ့ အလုပ်တွေအတွက်တောင်မှ အချိန်တွေစဉ်းစားဉာဏ်တွေကိုတော့ ပေးဆပ်ရမှာပါ။
ဒါပေမယ့် အဲဒီလိုလွယ်ကူတဲ့အကြောင်းအရာကိုပြောရရင် အဆင်ပြေချောမွေ့စွာပြီးမြောက်တဲ့ အရာကိစ္စတွေကိုအောင်နိုင်ရုံလုပ်ကိုင်နိုင်ရုံနဲ့ လူတော်တစ်ယောက်လို သတ်မှတ်လို့မရပါဘူး။
အများနဲ့နည်းတူအများလုပ်နိုင်တဲ့အရာတွေကိုလုပ်နိုင်ရုံနဲ့တော့ သူများထက်ထူးချွန်တာမဟုတ်တဲ့အတွက် ဘယ်သူကမှ ချီးကျူးထောပနာပြုမှာမဟုတ်ပါဘူး။
သူများချီးကျူးသည်ဖြစ်စေမချီးကျူးဘူးဖြစ်စေလွယ်ကူလွန်းတဲ့ သမရိုးကျ အလုပ်တွေကို လုပ်ကိုင်နေတဲ့သူတွေရဲ့ လုပ်ရည်ကိုင်ရည်ကလည်းဒုံရင်းကဒုံရင်းပဲဘာမှ ထူးလာမှာမဟုတ်တဲ့အပြင် ကိုယ်ကိုတိုင်လည်း ငြီးငွေ့မှုကိုခံစားရမှာပါ။
စွန့်စားခန်းပါတဲ့ ရုပ်ရှင်တွေ၊ အများနဲ့မတူတဲ့ ထူးခြားတဲ့ Super Hero တွေ ပါတဲ့ ရုပ်ရှင်တွေကိုဘာ့ လူတွေသဘောပိုကျပါသလဲ။
လူဆိုတာစွန့်စားတာကိုရင်ခုန်ကြပါတယ်။ စွန့်စားပြတာကို နှစ်သက်ကြပါတယ်။ သမရိုးကျကနေခွဲထွက်နေတဲ့အရာတွေ လုပ်ရပ်တွေကိုခုန်မင်ကြပါတယ်။ ဒါဟာအဖြေပါပဲ။
လူအများရဲ့ အထင်ကြီးမှုကိုလိုချင်တဲ့သူကလူအများသာမန်လုပ်ဆောင်နေတဲ့ လုပ်ရပ်တွေကနေခွဲထွက်ပြီးစွန့်စားတီထွင်လုပ်ကိုင်ရပါမယ်။ ဒီလိုလုပ်ကိုင်ရင်းနဲ့ မလွဲမသွေတွေ့ကြုံရမှာကရှုံးနိမ့်ခြင်းပါပဲ။
ကိုယ်စွန့်စားလုပ်ကိုင်ရင်းနဲ့ ဆုံးရှုံးခြင်းတွေ ကြုံလာရလည်းဘာမှ စိတ်ပျက်အားငယ်စရာမလိုပါဘူး။ တစ်ခါရှုံးရင် နှစ်ခါပြန်ကြိုးစားလို့ရပါတယ်။ နှစ်ခါလဲရင်လည်းသုံးခါပြန်ထလို့ရပါတယ်။
ဒီလိုအမှားအယွင်းတွေကနေကိုယ့်အတွက် ပညာပါရလိုက်ဦးမှာ ဖြစ်ပါတယ်။ ကိုယ်မှားခဲ့ဘူးတဲ့အမှားကနေသင်ခန်းစာကိုယူတတ်ဖိုတော့လိုပါတယ်။ ဒီလိုဆိုရင် တဖြည်းဖြည်းနဲ့ အမှားအယွင်း ဆုံးရှုံးမှုတွေ နည်းလာမယ်။
ဒီလိုနဲ့ နောက်ဆုံးမှာတော့ ကိုယ်လိုချင်တဲ့အောင်မြင်မှု၊ ကိုယ်ရောက်ချင်တဲ့ ပန်းတိုင်ကို အနိုင်ရတဲ့သူတစ်ယောက်အဖြစ်နဲ့ ရောက်ပြီဆိုရင်တော့ သေချာပါတယ် အဲဒီအချိန်မှာခံစားရတဲ့ ပျော်ရွှင်မှုက ဘယ်အရာနဲ့မှ နှိင်းယှဉ်လို့ရမှာမဟုတ်ပါဘူး။
လောကမှာသူများထက် ထူးခြားအောင်မြင်ချင်တဲ့သူတိုင်းစွန့်စားရဲတဲ့ စိတ်ကိုမွေးပြီးတမူထူးခြားတဲ့ ရှင်သန်မှုမျိုး၊ ကြိုးစားလုပ်ဆောင်မှုမျိုးတွေနဲ့ ဘဝကိုလျှောက်လှမ်းပါ။စွန့်စားကြည့်ပါ။
တကယ်လို့ အနိုင်ရခဲ့ရင် သိပ်ကိုမှ ပျော်ရွှင်ရမယ်။တကယ်လို ဆုံးရှုံးသွားခဲ့တယ်ဆိုရင်တောင်မှ ပညာရပါတယ်။
Linn(Notes For You)

06/03/2025

ကျွန်တော်တို့ဟာ လူတစ်ယောက်ကတစ်ယောက်ကို ဝေဖန်တယ်၊ ထင်မြင်ချက်ပေးတယ် ဆိုတာရဲ့ အဓိကရည်ရွယ်ချက်ဟာ ကိုယ့်အနေနဲ့ တစ်ဖက်သူရဲ့ လုပ်ဆောင်ချက်ကို ပိုကောင်းလာစေချင်လို့၊ ပိုမှန်စေချင်လို့ သူ့ရဲ့ လုပ်ဆောင်ချက်အပေါ် သုံးသပ်ဝေဖန်အကြံပေးကြတာမဟုတ်လား ?
ဒါပေမယ့် တစ်ခါတစ်လေ ကျွန်တော်တို့ဟာ မရည်ရွယ်ပဲဖြစ်စေ၊ သတိမထားမိလို့ပဲ ဖြစ်စေ တစ်ဖက်သူကို ပိုကောင်းစေချင်တဲ့ စိတ်နဲ့ ဝေဖန်ရမယ့်အစား အပေါ်ကပုံပြင်ထဲကလို တစ်ဖက်သူကို အဆိုးဘက်ကို ဖြစ်စေတဲ့၊ ဘယ်သူမှအကျိုးမရှိစေတဲ့ ဝေဖန်မှုမျိုးတွေကို လုပ်မိတတ်ကြတယ်။
လူတစ်ယောက်ရဲ့ လုပ်ဆောင်ချက်တစ်ခုအပေါ် ကိုယ့်ရဲ့ ဝေဖန်မှုဟာ သူ့ကို ပိုကောင်းအောင် သုံးသပ်အကြံပေးတာမဟုတ်ဘဲ သူ့ကို မကောင်းပြောဖို့သက်သက်ဆိုရင်“ဝေဖန်မှု” ဆိုတာ အဓိပ္ပါယ်မဲ့သွားနိုင်ပါတယ်။
ဒါ့ကြောင့် တစ်ဖက်သူကို ထင်မြင်ချက်ပေးရတဲ့အခါ၊ ဝေဖန်ရတဲ့အခါ အားနည်းချက်တွေကိုချည်းပဲ အဆိုးမြင်ပြီးဝေဖန်တာထက်သူ့လုပ်ရပ်မှာ ဘာကောင်းကွက်တွေရှိလဲ? နောက်ပြီး ဘာလိုအပ်ချက်လေးတွေရှိလဲ? အဲဒီလိုအပ်ချက်တွေကို သူဘယ်လိုလုပ်လိုက်ရင်တော့ ပိုကောင်းလာနိုင်မလဲ? ဆိုတဲ့အချက်တွေကိုပဲ အတတ်နိုင်ဆုံး အကောင်းဘက်ကကြည့်ပေးပြီး ဝေဖန်ဖို့လိုပါတယ်။
လူတစ်ယောက်ကို ဝေဖန်တဲ့အခါ ကျွန်တော်တို့ရဲ့ အဓိက ရည်ရွယ်ချက်က သူမှားနေတာကို မှန်အောင်၊ မှန်နေတာကို ပိုကောင်းအောင်ပြောပေး၊ ထောက်ပြပေးချင်ကြတာပါ။
ဒီတော့ တစ်ခုခုကို ဝေဖန်တဲ့အခါ တဖက်သူကို ထိခိုက်နစ်နာအောင် ဝေဖန်လိုက်တာထက် တစ်ဖက်သူကို အားပေးရင်း သူ့နေရာကနေ ကြည့်ပေးပြီး သူမှားနေ၊ လိုအပ်နေတဲ့အချက်တွေကို အပြုသဘောဆောင်ပြီး ထောက်ပြပေးလိုက်ရင် တစ်ဖက်သူအတွက် ပိုကောင်းသွားမှာပါ။
ကိစ္စတိုင်းကို အပြုသဘောနဲ့ ဝေဖန်တာဟာ အခက်အခဲတွေကြားမှာ ကြိုးစားလုပ်ကိုင်နေရတဲ့ ကျွန်တော်တိုလူတွေအားလုံးအတွက် အသင့်တော်ဆုံး ဖြစ်မှာပါ။
ဆိုရိုးတစ်ခုတောင် ရှိပါသေးတယ်။ စာအုပ်တစ်အုပ်ကို မဖတ်ရသေးခင်မှာ အဖုံးကိုကြည့်ပြီး မဆုံးဖြတ်လိုက်ပါနဲ့တဲ့။ ဒီစကားထဲကအတိုင်းပါပဲ။
လူတွေအနေနဲ့ ဖြတ်သန်းခဲ့တဲ့ ဘဝအတွေ့အကြုံတွေဟာ တစ်ယောက်နဲ့တစ်ယောက်မတူနိုင်သလို အလုံးစုံလည်း ဘယ်သူမှ မသိနိုင်ပါဘူး။
ဒါကြောင့် အကြောင်းအရင်းအပြည့်အစုံကိုမသိဘဲ ကောက်ချက်ချစောတာ၊ ဆုံးဖြတ်စောတာ၊ ဝေဖန်စောတာ မဖြစ်ပါစေနဲ့။ ကျွန်တော်တို့ အပြုသဘောဆောင်တဲ့ လူမှုပတ်ဝန်းကျင်တစ်ခုကို တည်ဆောက်ကြရအောင်။
#စာလေးကိုအဆုံးထိဖတ်ပေးတဲ့အတွက် ကျေးဇူးတင်ပါတယ်၊ သင့်အတွက် အကျိုးရှိတယ်ဆိုရင် Shareသွားပေးဖိုမမေ့နဲ့ဦးနော်၊ အခြားသူတွေအတွက်လဲ အကျိုးရှိစေဖို။
Linn(Notes For You)

05/03/2025

နေ့စဥ်ကြုံလာရတဲ့ အဖြစ်အပျက်တွေအပေါ် ဘယ်လိုမှန်ကန်အောင် စိတ်ထားသင့်လဲ? လူ ၁ယောက်ဟာ မှန်ကန်တဲ့စိတ်ထားထားနိုင်လာတဲ့အခါ သူ့နေ့စဥ်ဘဝမှာ ကြုံရတဲ့ကိစ္စတွေကို မှန်ကန်တဲ့လုပ်ရပ်တွေနဲ့ တုံ့ပြန်နိုင်လာပြီး ပိုပြီးအေးချမ်းတဲ့ဘဝကို ပိုင်ဆိုင်နိုင်မယ်လို့ ယုံကြည်လို့ပါ။
ဒီတော့ စိတ်ထားတတ်ဖို့ ဘာလိုမလဲ ?အဖြေက အမှန်တွေးတတ်ဖို့ လိုပါတယ်။အမှန်တွေးမှ အတွေးမှန်ပါလိမ့်မယ်။အတွေးမှန်လာမှ ကြုံလာရတဲ့ အဖြစ်အပျက်တွေအပေါ် မှန်ကန်တဲ့စိတ်ထားထားနိုင်ပြီး မှန်ကန်တဲ့ လုပ်ရပ်တွေ၊ အေးချမ်းတဲ့ဘဝကို ရလာနိုင်မှာပါ။
အမှားတွေကို တွေးမိတဲ့အခါ ရလဒ်အမှားတွေ ဆက်ဖြစ်လာပြီး စိတ်ညစ်ရတတ်ပါတယ်။ဒါဆို အမှန်တွေးတတ်အောင် ဘယ်လိုလုပ်ရမလဲ?အမှန်တွေးတတ်ဖို့ဆိုတာ လူ ၁ယောက်အနေနဲ့ မှန်ကန်တဲ့ စိတ်ထားကို ရဖို့အရေးအကြီးဆုံး အရည်အချင်း ၁ခုပါ။
ကျွန်တော်တို့ဟာ ကိုယ့်ဘဝတစ်လျှောက်မှာ ကြုံလာရတဲ့ ထိခိုက်နာကျင်မှုတွေ၊ ဆုံးရှုံးမှုတွေ၊ အတ္တမာန်မာနတွေကြောင့် မှားယွင်းတဲ့အတွေးတွေ ရှိလာရပြီး မှန်ကန်အောင် တွေးတတ်ဖို့ ပြန်လေ့ကျင့်ယူဖို့လိုပါတယ်။
Linn(Notes For You)

04/03/2025

ကိုယ်ပျော်ရွှင်တဲ့အရာ ကိုယ်ရူးသွပ်တဲ့အရာ ဒီအရာကိုလုပ်နေလို့ ကိုယ့်အတွက် ကျေနပ်နိုင်မယ့်အရာကို Passion လို့ခေါ်ပါတယ်။ အဲဒီအရာ Passionက ဘာလဲဆိုတာသိအောင်လုပ်ပါ။ ကိုယ်ချစ်တဲ့ ကိုယ်မြတ်နိုးတဲ့အရာကို လုပ်နေမှ ဘဝဟာအဓိပ္ပါယ်ရှိတယ်လို့ဆိုကြပါတယ်။ဒီအရာကို ကိုယ်ကယုံကြည်ရင် ဒီအရာမှာသူများမမြင်နိုင်တဲ့ အလှတရားတွေကို မြင်နိုင်ရင် ဘယ်သူ ဘာပြောပြော လက်တွေ့လုပ်သင့်ပါတယ်။
ကိုယ့်ရဲ့ ကြိုးစားအားထုတ်မှုတွေ၊ စွန့်လွှတ်မှုတွေ၊ ပေးဆပ်မှုတွေနဲ့ ထိုက်တန်တဲ့ အရာကိုတွေ့ပြီဆိုရင် ဘဝတလျှောက်လုံး လုပ်ရမယ့်အရာကို တွေ့ပါပြီ။ အဲ့အရာက သူများတွေအတွက် ခမ်းနားနေစရာမလိုဘူး။ ကိုယ့်အတွက် ခမ်းနားရင်လုံလောက်ပြီ။
ဒီနေရာမှာ ဒီအလုပ်ကမှပိုကောင်းတာ၊ ဟိုအလုပ်ကမှပိုကောင်းတာဆိုတာ မရှိပါဘူး။ နှိင်းယှဉ်လို့လည်း မရပါဘူး။ ကိုယ်မြတ်နိုးတဲ့ အလုပ်တွေလုပ်ရင်း ဘဝမှာပျော်လာမယ်။ ပျော်လာတဲ့အခါ ကိုယ့်ကိုယ်ကို ရှာဖွေဖို့လွယ်ကူသွားမှာပါ။ Linn(Notes For You)

03/03/2025

ကျွန်တော်တို့ သက်ရှိလူသားတွေအနေနဲ့ ရှင်သန်ရာ ဘဝတစ်လျှောက်လုံးမှာ ပုံစံတွေအမျိုးမျိုးအထွေထွေနဲ့ စိတ်ဓါတ်ခံယူချက်တွေလည်းမတူညီကွဲပြားကြတဲ့ လူပေါင်းများစွာနဲ့ တွေ့ဆုံရပါလိမ့်မယ်။ ပေါင်းသင်းဆက်ဆံရေးဆိုတဲ့ တကယ့်ကိုမှ နက်နဲခက်ခဲလွန်းလှတဲ့ လောကရဲ့နယ်ပယ်တစ်ခုမှာ ဘယ်ပညာရှင်ကမှ ပုံသေနည်းနိယာမတွေ မထုတ်နိုင်ခဲ့ပါဘူး။ ဘယ်သူဆိုရင်ဘယ်လိုဆက်ဆံရမယ်ဆိုတာကို အတိအကျဆိုသလို သိမြင်နိုင်တဲ့အစွမ်းလည်း မည်သူတစ်ဦးတစ်ယောက်ချင်းစီမှာမှမရှိပါဘူး။ ဘာလိုလဲဆိုတော့ ဒီနေ့ဒီအချိန်မှာ စိတ်တစ်မျိုးဖြစ်နေတဲ့သူက နောက်နေ့နောက်အချိန်မှာ သူ့စိတ်ကပြောင်းလဲကောင်းပြောင်းလဲနိုင်လို့ပါပဲ။
ဘယ်သူတစ်ဦးတစ်ယောက်ရဲ့ စိတ်အခြေအနေကမှတစ်သတ်မှတ်တည်းဖြစ်တည်နေတာမျိုးမရှိတဲ့အတွက် ခန့်မှန်းရခက်တဲ့ဘာသာရပ်တစ်ခုလည်းဖြစ်ပါတယ်။ ဒါကြောင့် တစ်ယောက်နဲ့တစ်ယောက်က အမြဲတမ်းအမြင်တွေ၊သဘောထားတွေ ခံယူချက်တွေထပ်တူညီနေဖို့ဆိုတာ ဘယ်နည်းနဲ့မှ မဖြစ်နိုင်ပါဘူး။ Linn(Notes For You)

02/03/2025

ပြသနာတစ်ခုကို အဆင်မြင့်မြင့်ဖြေရှင်းဖို့ဆိုရင် မူရင်းကိုရှာဖွေပါ။ အခုလောလောဆယ်ဖြစ်ပေါ်နေတဲ့ ပြဿနာဟာအကျိုးအမြတ်ကြောင့် ဖြစ်ပေါ်လာတဲ့ပြဿနာလား။ အထင်လွှဲမှားမှုကြောင့် ဖြစ်ပေါ်လာတဲ့ ပြဿနာလား၊ မမှန်ကန်မှုကြောင့်ဖြစ်ပေါ်လာတဲ့ ပြဿနာလား၊ မာနထိလို့ ဖြစ်ပေါ်လာတဲ့ ပြဿနာလား စသည်ဖြင့် ပြဿနာရဲ့ အရင်းအမြစ်ကို အရင်ရှာဖွေရပါလိမ့်မယ်။ အားလုံးကိုခြုံပြီး မပိုင်းဖြတ်သင့်ပါ။ဘာလူမျိုးမို့လို့၊ ဘယ်ဘာသာမို့လို့၊ အကျင့်ကို မကောင်းလို့ဆိုတဲ့ သုံးသပ်မှုမျိုးကို ရှောင်ကျဉ်ပါ။ ပြဿနာရဲ့ မူရင်းကို တိတိကျကျသိရပြီးဆိုရင် ဖြေရှင်းလို့ရမရသိနေပါပြီ။ နောက်ထပ်အနေနဲ့ နေရာလဲပြီးစဉ်းစားပါ။ ငါသာ သူ့နေရာမှာရှိခဲ့ရင် ငါဒီပြဿနာကို ဘယ်လိုဖြေရှင်းမလဲ၊ ကိုယ့်ကိုယ်ကို မေးကြည့်ပါ။ဖြေရှင်းနည်း နောက်တစ်မျိုး ဖြစ်သွားနိုင်ပါတယ်။နောက်ဆုံးသိထားရမှာက ပြသနာဖြေရှင်းတာက အနိုင်အရှုံးအတွက်မဟုတ်ဘူးဆိုတာပါ။ပြဿနာဖြေရှင်းတယ်ဆိုတာ အလျှော့ပေးတဲ့ နည်းပညာ ( Compromise ) တစ်မျိုးပါ။ နှုတ်ဆိတ်နေဖို့၊ သူများတကာကို သိပ်ပြီးမရှင်းပြဖို့ဆိုတာ၊ ကိုယ်အလျှော့ပေးရတဲ့အခါမျိုးမှာ မျက်နှာသိပ်မနာအောင်လို့ပါ။ မျက်နှာလိုချင်ရုံသက်သက်နဲ့ အကျိုးအမြတ်ကို အရူံးခံပြီး အနိုင်နဲ့ ပိုင်းချင်တဲ့စိတ်ကို ဖျောက်ဖျက်နိုင်ဖို့ပါ။ ငါဘာကောင်လဲဆိုတာ အရေးမကြီးပါ။ ငါဒီပြဿနာကို အကျိုးအရှိဆုံးဖြစ်အောင် ဘယ်လိုဖြေရှင်းမလဲဆိုတာ ပိုအရေးကြီးပါတယ်။ ပြဿနာတစ်ခုကို နှစ်ဦးနှစ်ဘက်လုံး အလျှော့ပေးပြီး နှစ်ဦးနှစ်ဘက်လုံး ဆက်ပူးပေါင်းလို့ အကျိုးအမြတ် အများကြီးရရှိသွားတဲ့ ဥပမာတွေ အများကြီးပါ။ Win- Win Situation ဆိုတာ အဲဒီအခြေအနေမျိုးကို ပြောတာပါ။
Linn(Notes For You)

01/03/2025

လောကမှာ တစ်ခါတစ်လေသောအချိန်တွေမှာ ကိုယ့်အနေနဲ့ ကိုယ့်ပုံစံအတိုင်း နေထိုင်နေရင်း တစ်ပါးသူရဲ့ အနှောင့်အယှက်စကားတွေကြောင့် လိပ်ပြာမသန့်သလို၊ ကိုယ်ပဲအပြစ်လုပ်ထားသလို ခံစားရတတ်ပါတယ်။ အထူးသဖြင့် ပတ်ဝန်းကျင်ကို အရမ်းဂရုစိုက်လွန်းတဲ့သူတွေ၊ ပတ်ဝန်းကျင်နဲ့ သဟဇာတဖြစ်အောင် အတင်းကြိုးစားနေတဲ့သူတွေဆိုရင် အဲဒီလိုခံစားချက်မျိုး ပိုပြီးဖြစ်တည်ခံစားရတတ်ပါတယ်။
ငါလုပ်တာများမှားသွားပြီလား။ ငါပြောမိတာများလွန်သွားလား။ စသဖြင့် တွေးတောသွားမိ တတ်ပါတယ်။ ဒါကတော့ ပတ်ဝန်းကျင်က ကိုယ့်အပေါ်မကောင်းမြင်သွားမှာကို ကြောက်ရွံ့တတ်တဲ့သူတွေအတွက် ခံစားရနေကျခံစားချက်မျိုးပါ။ ဒီလိုနဲ့ကိုယ်လုပ်ချင်တာမလုပ်ရ။ ကိုယ်ပြောချင်တာမပြောရတဲ့အခါမှာ တစ်ယောက်တည်းရှိနေတဲ့အချိန်မှာ ဝမ်းနည်းမှုကို ခံစားနေရတတ်ပါတယ်။

Linn(Notes For You)

28/02/2025

ကျွန်တော်တို့ဟာ လိုချင်မှုများစွာနဲ့ ဘဝမှာရှင်သန်နေထိုင်ကြပါတယ်။ ပိုက်ဆံအများကြီး ရှိချင်တယ်၊ ဒါမှ ခရီးတွေသွားလို့ရမယ်၊ လိုချင်တာတွေ ဝယ်လို့ရမယ်။ အလုပ်အတွက် အချိန်တွေပိုပေးချင်တယ်၊ ချစ်ရတဲ့သူတွေအတွက် အချိန်တွေ ပိုပေးချင်ကြတယ်။ လူအမျိုးမျိုး လိုချင်မှုအမျိုးမျိူးပေါ့။
ဘဝမှာ ပိုပြီး ပျော်ရွှင်ဖို့ တစ်စုံတစ်ရာကိုလိုအပ်နေကြတယ်။ ဒီလိုနဲ့ ကျွန်တော်တို့ဟာ မပိုင်ဆိုင်ရတဲ့ အရာတွေပေါ် အာရုံစိုက်ရင်းနဲ့ဘဲ ပိုင်ဆိုင်ထားတဲ့ အရာတွေကို မေ့လျော့နေကြတယ်။ ကျွန်တော်တို့အတွက် အိမ်မက်တွေကစျေးကြီးပါတယ်။ စျေးကြီးတဲ့ အိမ်မက်တွေကို အကောင်အထည်ဖော်ဖို့အတွက် ကျွန်တော်တို့ရဲ့ တာဝန်ပါ။ လိုတိုင်းမရနိုင်သေးတဲ့ဘဝမှာ နေပျော်အောင် ဘယ်လိုနေကြမလဲ။
Linn(Notes For You)

Htain Linn