SamacharGhar.com

07/03/2026

28/02/2026

‘गिजिनकोकु’ भिसा नियम कडा हुँदै,

टोकियो, जापान – Immigration Services Agency of Japan ले ‘प्राविधिक, मानविकी र अन्तर्राष्ट्रिय सेवा’ (गिजिनकोकु) भिसा अन्तर्गत विदेशी कामदार भर्ना गर्ने नियममा कडाइ गर्ने तयारी गरेको छ। नयाँ निर्देशिका आगामी अप्रिलदेखि लागू हुने बताइएको छ।

नयाँ नीति अनुसार, यदि कुनै कम्पनीले ‘निर्दिष्ट कुशल श्रमिक’ (Specified Skilled Worker) वा अन्य भिसामा रहेका विदेशी कामदारलाई तलब नदिने, सम्झौता विपरीत काममा लगाउने, वा गम्भीर श्रम उल्लङ्घन गरेको पाइएमा, त्यस्ता कम्पनीलाई ‘गिजिनकोकु’ भिसामा समेत नयाँ विदेशी कामदार भर्ना गर्न रोक लगाइनेछ।

विशेषगरी दक्ष जनशक्तिलाई अदक्ष काममा लगाउने, पारिश्रमिक रोक्ने तथा अनुचित हक्केन (dispatch) प्रणालीको दुरुपयोग बढ्दै गएपछि सरकारले यस्तो कदम चाल्न लागेको हो। अब हक्केन कम्पनीहरूले कामदार पठाउँदा उनीहरूले कुन कम्पनी र कुन कार्यस्थलमा काम गर्ने भन्ने विवरण पहिले नै स्पष्ट रूपमा कागजातमा उल्लेख गर्नुपर्नेछ।

सरकारी तथ्याङ्कअनुसार हाल जापानमा ‘गिजिनकोकु’ भिसामा रहेका विदेशीको संख्या करिब ४ लाख ५० हजार पुगेको छ। यो संख्या ‘स्थायी आवासीय’ (PR) पछि दोस्रो ठूलो समूह मानिन्छ।

नयाँ व्यवस्थाअनुसार, यदि कुनै कम्पनीले विदेशी कामदार राख्न ५ वर्षसम्म प्रतिबन्ध पाएको छ भने, उक्त अवधिभर ‘गिजिनकोकु’ अन्तर्गत पनि कसैलाई भर्ना गर्न पाउने छैन। साथै सरकारले ‘बिजनेस म्यानेजमेन्ट’, ‘विद्यार्थी’ तथा ‘पीआर’ भिसाका नियमहरूलाई समेत थप व्यवस्थित र कडा बनाउने तयारी गरिरहेको जनाएको छ।

सरकारको यो कदमले विदेशी कामदारको हकहित संरक्षण, श्रम बजारको पारदर्शिता तथा रोजगार प्रणालीमा सुधार ल्याउने अपेक्षा गरिएको छ।

22/02/2026

सन् २०२५ को जुलाईको एक बिहान, जापानको हरियालीले ढाकिएको चिडियाखानामा एउटा सानो जीवनले आँखा खोल्यो। उसको नाम राखियो— पन्च। जन्मिएलगत्तै उसले धर्तीको उज्यालो त देख्यो, तर आमाको न्यानो काख भने देख्न पाएन। प्रकृतिले कहिलेकाहीँ निर्दयी खेल खेल्छ—आमाले उसलाई अस्वीकार गरिन्।

सानो शरीर, थरथर काँप्ने औंला, र आँखा भरिएको अनुत्तरित प्रश्न— “मेरो आमा कहाँ छिन्?”
एक्लोपनको चिसोले त्यो नाजुक ज्यानलाई छोप्दै गयो।

तर कथा यत्तिमै रोकिएन।

चिडियाखानाका कर्मचारीहरूले उसको मौन पुकार सुने। उनीहरूले समाधान खोजे—माया सधैं सजीव शरीरमै मात्र हुन्छ भन्ने होइन, कहिलेकाहीँ अनुभूतिमा पनि हुन्छ। त्यसैले उनीहरूले पन्चलाई एउटा ओराङ्गुटानको नरम सफ्ट टोय दिए।

त्यो खेलौना पन्चका लागि केवल कपास र धागोको वस्तु थिएन; त्यो उसको “संसार” बन्यो।
उसले त्यो खेलौनालाई कस्सिएर अँगालो हाल्थ्यो, निदाउँदा छातीमा टाँसिन्थ्यो, र डर लाग्दा झुन्डिएर शान्ति खोज्थ्यो।

जब उसका ती दृश्यहरू सामाजिक सञ्जालमा फैलिन थाले, संसारभरका मानिसहरूको मन पग्लियो। हजारौं किलोमिटर टाढा बसेका मानिसहरूले पनि त्यो सानो बाँदरको हृदयको धड्कन महसुस गरे। आँखा रसाए, कमेन्टहरूमा सहानुभूति बग्यो, र एउटा प्रश्न उठ्यो—
“के माया केवल रगतको नातामै सीमित हुन्छ?”

पन्चले निर्जीव वस्तुमा खोजेको त्यो न्यानोपनले मानवीय संवेदनालाई झकझकायो।
हामीले बिर्सिंदै गएको सानो सत्य उसले सम्झायो—
माया खोज्ने हृदय सधैं जीवित हुन्छ, चाहे त्यो मानिसको होस् वा एउटा सानो जापानी बाँदरको।

एक्लोपनको अँध्यारोबीच पनि, सानो अँगालोले उज्यालो दिन सक्छ।
पन्चको कथा केवल बाँदरको कथा होइन—
यो त संसारभर फैलिएको मानवताको ऐना हो।**

28/01/2026

political

26/11/2025

जापानको कान्साई अन्तर्राष्ट्रिय विमानस्थल (KIX) को टर्मिनल १ मा एक २० वर्षीय चिनियाँ पुरुष पर्यटक चौथो तल्ला नजिकको सडकबाट खस्दा मृत्यु भएको छ। घटना मङ्गलबार दिउँसो करिब २:३० बजे भएको हो।

यात्रीहरूले सडक किनाराको पर्खालमा बसेका उनलाई देखेपछि प्रहरीलाई खबर गरेका थिए। प्रहरीले उनलाई सुरक्षित स्थानमा ल्याउन प्रयास गर्ने क्रममा ती युवक बार समातेकै अवस्थामा सन्तुलन गुमाएर पहिलो तल्लामा खसेका थिए।

उनी आमासहित परिवारसँग जापान घुम्न आएका थिए। प्रहरीले घटनाको कारण र परिस्थितिबारे विस्तृत अनुसन्धान जारी राखेको छ।🇯🇵🇯🇵

21/11/2025

20/11/2025

japan beauty nature

20/11/2025

🇯🇵🇨🇳 जापान–चीन विवाद फेरि चर्कियो

जापानी प्रधानमन्त्री सानाए ताकाईचीले “चीनले ताइवानमा हमला गरेमा जापानले सुरक्षा बल चलाउन सक्छ” भनेपछि चीनले कडा विरोध जनाएको छ र उक्त भनाइ फिर्ता लिन माग गरेको छ।

चिनियाँ अधिकारीको सामाजिक सञ्जालमा आएको कडा प्रतिक्रिया पछि वातावरण झनै तातियो।

तनाव बढेपछि चीनले
• जापानी समुद्री खाद्य निर्यातमा रोकजस्तै कडाइ,
• जापान जाने यात्रु टिकट रद्द,
• आफ्ना नागरिकलाई “जापान नजान” चेतावनी
जस्ता कदम चालेको छ।

जापानले पनि चीनमा रहेका जापानीलाई सतर्क रहन आग्रह गरेको छ।

एयर चाइना ले जापान उडान कटौती गरेको छ र केही जापानी फिल्महरू चीनमा रोकिएका छन्।
सेन्काकु टापु विवादले सम्बन्ध झनै बिग्रिँदै गएको छ।

ताइवानले जापानलाई समर्थन देखाएको छ भने चीनले सैन्य र आर्थिक दबाब बढाइरहेको छ।
यसको असर जापानको पर्यटन र बजार क्षेत्रमा पर्न सक्ने आँकलन गरिएको छ।

20/11/2025

क्योटो, जापानः जापानको क्योटोमा लामो समयदेखि बसोबास गर्दै आएकी एक नेपाली महिला आफ्नै निवासमा मृत अवस्थामा फेला परेकी छन्। मृत फेला पर्ने महिला म्याग्दि घर भएकी अस्मिता मल्ल रहेको प्रहरीले जनाएको छ।

परिवारका अनुसार, बेलुका सकुशल सुत्न गएकी मल्ल बिहान उठ्ने समयमा मृत भेटिएकी थिइन्। तत्काल घटनास्थलमा पुगेका चिकित्सकहरुको टोलीले उहाँलाई मृत घोषित गरेको थियो।

मल्ल आफ्नो परिवारसहित क्योटोमा लामो समयदेखि बसोबास गर्दै आउनुभएको थियो। अचानक भएको यस दुःखद घटनाबाट उहाँको परिवार र आफन्तजन गहिरो शोकमा छन्।

मृत्युको कारणबारे भने हालसम्म थप विवरण सार्वजनिक गरिएको छैन। स्थानीय प्रहरीले घटनाको अनुसन्धान गरिरहेको बताइएको छ।

19/11/2025

जापानको ओड़ता सहरस्थित सागासेकी क्षेत्रमा मङ्गलबार बेलुका 5:40 बजे (स्थानीय समय) तिर एक भीषण आगलागी भएको छ। आवासीय क्षेत्रबाट सुरु भएको यो आगो तीव्र गतिमा नजिकैको जङ्गलतर्फ पनि फैलिन थालेपछि नियन्त्रणमा लिन कठिनाइ भइरहेको छ।

प्रारम्भिक जानकारी अनुसार, यो प्रकोपका कारण 20 भन्दा बढी घर तथा भवनहरु जलेर नष्ट भएका छन्। घटनाको गम्भीरतालाई ध्यानमा राख्दै स्थानीय अधिकारीहरुले 99 घरपरिवारका 146 जनालाई सुरक्षित स्थानमा स्थानान्तरण गरिसकेका छन्।

यस आगलागीका कारण जनजीवन प्रभावित भएको छ भने मानवीय क्षतिको आशंका पनि बढेको छ। स्थानीय प्रहरीले पुष्टि गरेअनुसार, आगो लागेको क्षेत्रबाट एक जना 70 वर्षीय वृद्ध पुरुष सम्पर्कविहीन भएका छन् र उनीहरुको खोजी कार्य जारी छ।

जङ्गलमा आगो फैलिएकाले निभाउन थप चुनौती देखिएको र स्थानीय अधिकारीहरु तथा दमकलकर्मीहरु आगो नियन्त्रणमा लिने प्रयासमा जुटिरहेका छन्।