26/05/2026
ပအိုဝ်းမလေးတွေက ဝတ်စုံနက်နက်၊ ခေါင်းပေါင်းလေးနဲ့ ဆံပင်မှာ ငွေဆံထိုးလေး ထိုးထားရင် ရိုးရိုးယဉ်ယဉ်လေးနဲ့ ရင်ခုန်စရာ အလွန်ကောင်းတာ။ ဒါပေမယ့် စိတ်တိုလာရင် ခေါင်းပေါင်းကြီး ဖြုတ်ထုရုံတင်မကဘူး၊ ဆံပင်က ငွေဆံထိုးကို ဆွဲထုတ်ပြီး ဂျင်ကလိလို လိုက်ထိုးတတ်တယ်။ မှန်ရင် ခေါင်းပါ အပေါက်ဖြစ်သွားနိုင်လို့ ပအိုဝ်းမလေးနဲ့ ညားရင် အိမ်ထဲမှာတောင် ခေါင်းကာ (Helmet) အမြဲဆောင်းထားဖို့ ပြင်ထားပါ။
ကရင်မလေးတွေက မျက်နှာချိုချို၊ သွားစွယ်လေးနဲ့ ပြုံးပြလိုက်ရင် ဘယ်လောက်ရက်စက်တဲ့ ယောကျ်ားပဲဖြစ်ဖြစ် အရည်ပျော်သွားတာပဲ။ ဒါပေမယ့် ရန်ဖြစ်ရင်တော့ Rap Battle ပြိုင်သလိုပဲ၊ သူတို့စိတ်တိုပြီး ကရင်လို 5G အရှိန်နဲ့ တရစပ်ဆဲပြီဆိုရင် ကိုယ်က ဘာမှပြန်မပြောနိုင်ဘဲ သိုးပေါက်လေးလို မတ်တပ်ရပ်ပြီး မျက်ရည်ကျနေရုံပဲ ရှိတယ်။
ချင်းမလေးတွေက နှာတံပေါ်ပေါ်၊ အထာကျကျနဲ့ နိုင်ငံတကာမော်ဒယ်လ်တွေပါ လာပြီး ဒူးထောက်ရမယ့်အလှမျိုး။ ဒါပေမယ့် မတော်တဆ စကားများလို့ စိတ်တိုသွားရင် ကိုယ့်ကို အထုပ်တစ်ထုပ်လို မပြီး အိမ်ပြတင်းပေါက်ကနေ အပြင်ကို လွှတ်ပစ်လိမ့်မယ်။ မိန်းမ စိတ်တိုလို့ လိုက်ရိုက်ရင် ပြေးရတာနဲ့တင် ခြောက်လအတွင်း အိုလံပစ်အပြေးသမား ဖြစ်သွားမယ်။
မွန်မလေးတွေက အပြောအဆို ညင်သာပြီး အိန္ဒြေအပြည့်နဲ့ ရွှေမင်းသမီးလေးအတိုင်း လှပလွန်းလို့ ရင်ထဲ အေးချမ်းသွားတာပဲ။ ဒါပေမယ့် စကားစစ်ထိုးရင် အိုဆာမာဘင်လာဒင်တောင် လက်မြှောက်ရမယ်။ စိတ်တိုလို့ မွန်လို တတွတ်တွတ်ရွတ်ပြီဆိုရင် ဂါထာမန္တန်နဲ့ အုန်းမှုတ်ခွက်ထဲ ထည့်မီးမြှိုက်နေသလိုပဲ၊ ဘာမှပြန်မပြောရဲဘဲ အခန်းထောင့်မှာ ကပ်နေရလိမ့်မယ်။
ကချင်မလေးတွေက ရိုးရာဝတ်စုံက ငွေမောင်းလေးတွေ မြည်တိုင်း ရင်ထဲ ဖြုန်းကနဲ ဖြုန်းကနဲ ဖြစ်သွားရတဲ့ စူးရှတဲ့ အလှမျိုး။ ဒါပေမယ့် အိမ်ဦးခန်းက ဂျိန်းဖောဓားက ခြင်ရိုက်ဖို့ ချိတ်ထားတာ မဟုတ်ဘူးဆိုတာ သတိရပါ။ စိတ်ဆိုးအောင် လုပ်မိတာနဲ့ ဓားစာခံဖြစ်ဖို့သာ ပြင်ထား၊ နေ့တိုင်း အိမ်သာဆေး၊ ထမင်းချက်ရင်း ဘုရားစာပဲ တတွတ်တွတ် ရွတ်နေရလိမ့်မယ်။
