Lingmuk 鈴木 リンモク

29/06/2025

台灣玉井芒果之旅！🥭🥭🥭

每年6月尾係台灣芒果旺季！只要去到玉井芒果市場就可以搵到好多品種嘅芒果！西施，香水，黑香，金煌，香蕉等等🥭個個都好L好甜😋超好吃耶！（咁樣講先有台灣feel）

其實去玉井之前，順便去咗高雄美濃區！美濃比好多山圍住，有啲似日本嘅美濃。嗰度有得食傳統客家料理（板條等）同古早味美濃清冰！美濃清冰嘅口感完全唔似其他刨冰嘅，同埋個味道本身有香蕉味（因為隔離嘅城市旗山係香蕉產地），食落好有新鮮感😋

下年6月都好期待食好多種嘅生果甜品！🥭🍌拭目以待等到下年先～

#台灣 #玉井 #玉井芒果 #台湾旅行 #台湾公認インスタグラマー #台湾グルメ #台湾 #台湾スイーツ #台湾好きと繋がりたい #台湾マンゴー #香港 #香港旅行 #旅行 #美濃 #美濃區 #美濃清冰

14/05/2025

人生第二次參加咗跑山比賽！最後有獎令我出乎意料…多謝邀請我😆

比賽嗰日天氣超好👍 跑得好爽～🥳 港島徑有好多靚景！我可以望到成個維多利亞灣同埋大潭水塘等等！體驗幾好😌

下次都希望有獎～堅持練跑🏃💪 另外多謝好多攝影師影咗好多靚相😆下次再見！

攝影師 .photo 等
帽&跑山鞋
Gel

PS. 我以為我隻手錶留咗喺杜拜，所以我買左 嘅手錶⌚️ 尋晚練跑嗰陣跑友問有冇睇過蘋果手錶尋找功能。我諗唔到呢個方法，跟住之後我用GPS尋找手錶先發現我隻手錶喺坪洲嘅我屋企😂 我真係好傻好天真。係人都知，我係好天然嘅人。之後都多多指教。

13/04/2025

港島徑全走✅ 50km

我哋一路欣賞香港大自然一路搵一啲歷史價值嘅古蹟行咗50公里！天氣預報話會落雷雨⛈️亦都好似有橫風橫雨咁天氣好差，但結果冇咁誇張😂最後因為好彩天氣好返咗，所以可以望到龍脊嘅夜景！我覺得港島徑冇我想像中咁辛苦，大滿足嘅50km！多謝同我一齊行50km嘅香港朋友🫶

行港島徑個時，我搵到一啲出乎意料嘅嘢。傳說中嘅私人天星小輪同埋注意🐎嘅警告牌⚠️，好似大潭水塘咁有歷史價值嘅嘢！之後都喺香港嘅行山徑繼續搵多啲香港特色嘅嘢💪 希望10年之內成功參加到香港四徑！

港島徑outfit
防風防雨嘅外套 / 背囊: .hk
帽/ 腰包 /跑山鞋:

#港島徑 #港島徑全走

14/02/2025

我農曆新年去咗非洲最西南端好望角！順便食埋鴕鳥同埋斑馬🦓！希望好似斑馬咁，我今年跑得更加快，亦都今年之內達到Sub3！✊

今次我去咗五個國家（🇿🇦🇿🇼🇧🇼🇳🇦🇿🇲）最深刻嘅地方係…企鵝🐧海灘🥹 我最近日日都睇飯啲企鵝嘅相relax…值得去啊…企鵝🐧下次再見！

#情人節快樂 #企鵝

18/01/2025

Fjällräven Classic Korea 2024🇰🇷
10/16-10-19, 2024

Fjällräven Classic 係世界各地都有嘅行山活動！上年10月參加咗韓國濟州島版嘅三日兩夜行山活動！

其實今次係我第一次孭住咁重嘅背囊（20kg）行咁耐🤣其他同伴都唔需要帶咁多嘢，我真係好傻好天真。

我嚟緊都出day1-day3嘅post！

Day1. 行15km 以韓國最高嘅山 Harla山為主！有得欣賞芒草～火山特色嘅風景好似遠足咁，好輕鬆嘅第一日！好舒服！

san嘅YouTube頻道啱啱開始出呢個行山活動嘅系列！大家都去睇下啦！



.hk

25/12/2024

聖誕節快樂！🎄

今年去咗斯里蘭卡過聖誕節🎅🎁

雖然斯里蘭卡係喺全人口佛教佔據70%嘅國家，但係Adams Peak係四個宗教嘅聖地（基督教、印度教、伊斯蘭教、佛教）。咁我就嚟呢度慶祝聖誕節特別d啊！25號嗰日我行到2240米咁高嘅山頂，跟住之後成功睇日出🌅超靚！希望下年都可以過得好充實嘅生活！

另外，今次都帶埋Fjällräven嘅背囊同埋porch、腰包等等！對於成日去旅行嘅我嚟講，好有幫助！
hk


#斯里蘭卡

10/12/2024

香港街馬全馬🏃

今年第五場全馬就係香港街馬！總結黎講，街馬有啲難度。因為我哋要跑幾條隧道同埋高低落差好大！加上，幾乎都收唔到GPS！另外，喺全馬同埋半馬交叉嘅位人多得滞好似塞住咗咁，我覺得難過渣打🤣

今次參加街馬嘅目的唔係更新PB，就係食盆菜！作為一個前元朗圍村人，今年街馬嘅concept啱晒我😆好掛住元朗嘅好熱鬧嘅氣氛…

最後估唔到又更新PB🔥其實喺盆菜個位停咗大概5分鐘🤣練習嘅結果好明顯出嚟啦！

透過五次嘅馬拉松，今年認識到唔少世界各地嘅跑手🏃🏃‍♀️非常開心🥳下年都好期待跑遍世界🌍下年1月台馬見🔥

1. 香港渣打
2. 越南Danang
3. 越南 下龍灣
4. 日本神戶
5. 香港街馬


#香港街馬 #街馬 #香港馬拉松 #香港マラソン

28/10/2024

麥理浩徑第七至第八段 - 針草帽

行山季節又嚟啦！我最近去咗韓國行山🇰🇷 返黎香港就發現香港都已經涼咗～忍唔住行山啦！大家都快d欣賞香港大自然🍂

跟住，我周圍d大學時代嘅朋友話，對香港凈係有密密麻麻嘅高樓大廈同埋飲茶嘅印象…咁就要分享多啲戶外活動嘅一面！⛰️

另外，有啲follower話，想睇韓國行山嘅內容～嚟緊介紹韓國 Fjällräven Classic Korea 嘅資訊😆

#麥理浩徑 #麥理浩徑第七段 #麥理浩徑第八段 #針草帽
hk

24/09/2024

今年第三個全馬完成✅

今次我又用長跑方式去快閃越南下龍灣遊啦！

其實，下龍灣馬拉松可以算係人生最辛苦嘅全馬🤣一直都落大雨☔️應該落雨嘅時候都要練長跑💪

但不愧是下龍灣！可以一路跑一路望到超靚嘅風景🥹天氣差都好靚🥹真係好可惜，睇唔到藍天白雲嘅下龍灣！最後跑完42.195km…好有成就感啦！

有人問我點解特登揀咗下龍灣？我19歲第一次孭背囊環遊東南亞嘅時候，喺越南發咗燒（39度咁高），最後我去唔到下龍灣🥹我一直都喺心裡面覺得好可惜。跟住之後，喺呢10年之間，我鍛鍊咗身體！我已經有無敵免疫系統！今次喺越南下龍灣跑完全馬呢一件事令到10年前嘅自己覺得幾開心！

跑完之後，我欣賞咗越南嘅美食之後返黎香港啦～好期待下一個快閃旅行😆

#下龍灣 #ハロン湾 #フォー #バインミー #馬拉松

25/08/2024

移咗民去香港之後，第一次喺日本過生日🎂
竟然東京冇香港咁熱，好涼快🤣

好彩東京朋友慶祝我非常開心🥳

第一張 🇯🇵 東京 銀座
第二張 🇭🇰 深水埗鴨寮街我屋企

20/08/2024

坪洲中元建醮👹

我啱啱搬入嚟坪洲啦！好彩可以參加到坪洲嘅中元建醮！搬入嚟嗰日，喺廣場見到好大嘅大士王！聽人講，佢係坪洲師傅嘅手工製作！儀式結束嗰日夜晚會比燒晒…我以為係家傳之寶諸如此類嘅嘢…每一年可以整到咁精緻嘅藝術作品😯十分犀利！

跟住之後，最熱鬧嘅農曆7/15嗰日，有「擁嘢」！喺廣場坪洲居民擺低好多吉祥物品（生果、飲品、乜乜餅）每一個吉祥物品配一支旗。聽人講捐錢嘅話，喺旗上可以寫埋自己嘅姓。嗰日夜晚接近11點突然間開始搶嘢！嚇親我…😱同埋因為我冇帶個袋，所以我凈係有得攞一盒菊花茶🤣下年希望我自己捐錢起埋一支"鈴木宅"嘅旗。

總之非常興奮嘅盂蘭節！多謝坪洲街坊話俾我知呢個儀式！好期待坪洲嘅新生活啦！😆

#盂蘭節 #坪洲中元建醮 #大士王

11/08/2024

有緣再見元朗🥹 我又搬屋喇！香港第五章即將開始！最後我揀邊度呢？請睇睇先，多謝😊

拜拜元朗！我又搬屋喇！｜介紹元朗美食 鈴木最近做緊d咩 下一站去邊？

大家好，好耐冇見！我最近忙到剪唔到片，真係唔好意思。今次正式宣布我嘅香港生活第四章元朗篇完成！我又要搬屋喇！我要同元朗say good bye啦。我真係唔捨得走。雖然我本身訂立咗一個目標，年年都試下新嘅生活方式。但係...