Japan Unfolded

11/06/2026

🏪 FamilyMart ထဲရောက်လာမယ့် Seven Bank ATM

ဂျပန်မှာ ဇွန်လ ၁ ရက်နေ့ကစပြီး FamilyMart ဆိုင်တွေထဲမှာ Seven Bank ရဲ့ ATM စက်အသစ်တွေကို စတင်တပ်ဆင်နေပြီဖြစ်ပါတယ်။ တစ်နိုင်ငံလုံးမှာရှိတဲ့ ဆိုင်ခွဲတွေအားလုံးမှာ ၄ နှစ်အတွင်း ATM စက်ပေါင်း ၁ သောင်း ၆ ထောင်ကျော်အထိ အစားထိုးသွားဖို့ ရှိတယ်လို့ သိရပါတယ်။

Seven Bank ATM က ဂျပန်မှာ ဘဏ်ပေါင်း ၆၀၀ ကျော်နဲ့ ချိတ်ဆက်ထားပြီး ဖုန်းနဲ့တင် ငွေသွင်းငွေထုတ်၊ ငွေဖြည့်တာတွေပါ လုပ်လို့ရလို့ သုံးရတာ တကယ်အဆင်ပြေတဲ့ ATM ပါ။အရင်ကဆို western union နဲ့မြန်မာကိုပါ ငွေလွယ်လွယ်ကူကူလွဲလို့ရခဲ့သေးတာပါ။ မရတော့တာတော့ သုံးလေးနှစ်တောင် ရှိတော့မယ် သကောင့်သားနဲ့မရှေးမနှောင်းပါပဲ😅။

👉
7 bank card ရှိသူတွေအတွက်တော့ နေ့အချိန်အတွင်း 手数料 0yenနဲ့ ငွေထုတ်လို့ရမယ့်နေရာတွေများလာမှာဆိုတော့ တော်တော်အဆင်ပြေကြမှာပါ။

😢
အနီးနားမှာ ゆうちょ銀行မရှိလို့ family martမှာရှိတဲ့ゆうちょ出張ATM သုံးတဲ့သူတွေကတော့ ထုတ်ခသက်သာချင်ရင် 7bank 口座　အကောင့်ပြေးလုပ်ရမယ့်သဘောပါ။

တစ်ခုသတိထားရမှာက family mart ထဲက 7bank atmတွေက အနီရောင် 🔴 မဟုတ်ဘဲ
အစိမ်းရောင်🟢ဖြစ်နေမှာပါတဲ့ဗျာ။အားမတန်လိုမာန်လျော့ ပေမယ့် အလုံးစုံတော့မလိုက်လျောသေးဘူးဆိုတဲ့သဘောပါ။


#ဂျပန်သတင်း

10/06/2026

東京入管အတွေ့အကြုံနဲ့ 在留သက်တမ်းတိုးကြေးစျေးတက်ပြီလား

သွားခဲ့တာက ဒီနေ့ ၆လပိုင်း၁၀ရက် သွားခဲ့တာပါ။

✅ဘာတွေထူးခြားပြောင်းလဲနေပြီလဲ

ဟုတ်ကဲ့ သက်တမ်းတိုးကြေးက စျေးမတက်သေးပါဘူး။ ၆၀၀၀ကျခဲ့ပါတယ် ဒါကြောင့်အရင်ကစျေးအတိုင်းပါပဲ။ ဘယ်တော့စျေးတက်မလဲ သူတို့လည်းမသိကြပါဘူး ။ဥပဒေကအတည်ပြုပြီးပါပြီ ဒါပေမယ့်မြေပြင်မှာ သက်ရောက်ဖို့ကတော့ အချိန်တစ်ခုလိုဦးမယ့်ပုံပါပဲ။ တစ်လအကြာမှာလည်းစနိုင်သလို နောင်နှစ်၄လပိုင်းမရောက်ခင်အထိအချိန်မရွေးစနိုင်ပါတယ်။

ခုချက်ချင်း တကယ်စမယ့်ကိစ္စတစ်ခု ကတော့ရှိနေပါတယ်။ ၆လပိုင်း၁၄ရက်နေ့ကစလို့ 在留＋マイナンバーတွဲလျက်လျောက်လို့ရမယ့် ကိစ္စကတော့အတည်ပါ။စထုတ်ပေးမှာမဟုတ်ပါဘူး စလျောက်တာကိုလက်ခံမယ်ဆိုတဲ့သဘောပါ။

✅သွားထုတ်ရင်ဘယ်လောက်ကြာလည်း

လျောက်လွာတင်တုန်းက booking ယူပြီးသွားခဲ့တာမို့ မိနစ်၃၀အောက်နဲ့ ပြီးခဲ့ပါတယ်။အခုကတ်ထုတ်ချိန်မှာတော့ လွယ်လွယ်တွေးခဲ့မိတဲ့ကိုယ့်ကိုယ်ကိုပဲ အပြစ်တင်ရပါမယ်။သွားထုတ်တဲ့အခါမှာက bookingယူလို့မရတာလည်းပါမယ်ထင်ပါတယ်။စုစုပေါင်း၄:၃၀လောက်ကြာခဲ့ပါတယ်။တော်တော်ဆိုးဆိုးပါ။

ဘာပဲဖြစ်ဖြစ်ခုကာလ မှာ ကွက်တိကျတဲ့သူတွေကတော့ တော်တော်လေားပိုက်ဆံသက်သာတယ်ပဲ ပြောရပါမယ်။အထူးသဖြင့်PRတွေဆို ပိုတန်မယ့်အချိန်ပါ။ဒီတိုင်းလေးပဲ shareပေးတာပါ သိချင်တာရှိရင် အချိန်မရွေးမေးခဲ့နိုင်ပါတယ်ဗျ။
ဖြေနိုင်တဲ့အထဲကဆို အချိန်မရွေးဖြေပေးပါ့မယ်။အဆင်ပြေကြပါစေ🙏

10/06/2026

ကမ္ဘောဒီးယားအခြေစိုက် ဂျပန် Scammer ဂိုဏ်းခေါင်းဆောင် အသက် ၃၁ နှစ်အရွယ် Takafumi Sugawara ထိုင်းနိုင်ငံတွင် အဖမ်းခံရ (ငွေကျပ် ဘီလီယံချီ လိမ်လည်မှုနှင့် လူပြန်ပေးဆွဲမှုများ ပါဝင်)

ဂျပန်မှာ နိုင်ငံခြားသား ဘဏ်အကောင့်တွေ ပိတ်ခံရတာ ခုနောက်ပိုင်း တော်တော် ကြားရမြင်ရတာ များလာပါတယ်။ ဘာအတွက်ပိတ်သလဲဆိုရင် အဝင်အထွက်များလို့ 詐欺　scamထင်လို့ပါတဲ့။
တချို့ဆို ငွေလွဲတစ်ခါနှစ်ခါတည်းနဲ့ အပိတ်ခံရတာတွေတောင်ရှိကြတယ်။ သဘောကနိုင်ငံခြားသား scammerများဆိုတဲ့ အကွက်ပေါ့ဗျာ။ခမျာတို့ကတော့ မြင့်မြတ်သူကြီးတွေပေါ့ ။
အခုတော့ ရွှေသမင်ဘယ်ကထွက်မင်းကြီးတာကထွက်ဆိုသလိုပဲ ကမ္ဘောဒီးယားကို အခြေစိုက်ပြီး ဂျပန်နိုင်ငံသားအချင်းချင်း ပြန်ပေးဆွဲ၊ ငွေညှစ်၊ လိမ်လည်နေတဲ့ အသက် ၃၁ နှစ်အရွယ် (နိပွန်မာစတာ😂)ဂျပန်လူမျိုး အကြီးစား Scammer အဖွဲ့ခေါင်းဆောင်တစ်ဦးကို ထိုင်းနိုင်ငံမှာ လက်ရဖမ်းဆီးရမိခဲ့ပါတယ်။

📌 ဘယ်လိုအကွက်ရွှေ့ခဲ့တာလဲ?

ဖမ်းဆီးရမိခဲ့တဲ့သူကတော့ ဂျပန်ရဲတပ်ဖွဲ့က ဖမ်းဝရမ်းထုတ်ထားတဲ့ အသက် ၃၁ နှစ်အရွယ် ဂျပန်နိုင်ငံသား Takafumi Sugawara (တာကာဖူမိ ဆူဂါဝါရာ) ဖြစ်ပါတယ်။

လိမ်လည်တဲ့ ပုံစံ (Modus Operandi):

သူဟာ ကမ္ဘောဒီးယားနိုင်ငံကို အခြေစိုက်စခန်းအဖြစ် အသုံးပြုပြီး ဂျပန်နိုင်ငံက သားကောင်တွေကို ဖုန်းနဲ့ အွန်လိုင်းကနေတစ်ဆင့် ရဲအရာရှိတွေအဖြစ် ဟန်ဆောင်ကာ ငွေကြေးလိမ်လည်ခဲ့တာ ဖြစ်ပါတယ်။ဖုန်းနံပတ်အစိမ်းတွေ ဝင်လာတာကြုံဖူးကြမယ်ထင်ပါတယ်။

ငွေပမာဏ:

ဒီဂိုဏ်းဟာ ဂျပန်နိုင်ငံအတွင်းမှာတင် အနည်းဆုံး လိမ်လည်မှုအကြိမ်ရေ ၄၀ ကျော် ကျူးလွန်ခဲ့ပြီး၊ သားကောင်တွေဆီကနေ လိမ်လည်ရယူခဲ့တဲ့ စုစုပေါင်းပမာဏဟာ ဂျပန်ယန်း ၁ ဘီလီယံကျော် (ထိုင်းဘတ် သန်းချီ / မြန်မာငွေ ဘီလီယံချီ) အထိ ရှိနေပါတယ်။

👹 ဂျပန်နိုင်ငံသားအချင်းချင်း ပြန်ပေးဆွဲပြီး ခိုင်းစေခြင်း

Takafumi Sugawara ဟာ ဂျပန်နိုင်ငံသား အချင်းချင်းကိုပါ လှည့်ဖြား ခေါ်ဆောင်ပြီး ကမ္ဘောဒီးယားနိုင်ငံက သူ့ရဲ့ Scammer အခြေစိုက်စခန်းတွေမှာ အတင်းအဓမ္မ လူကုန်ကူး ခိုင်းစေခဲ့ပါတယ် ။

သူက ဇွန်လ ၇ ရက်နေ့မှာ ထိုင်းနိုင်ငံ၊ ဘန်ကောက်မြို့အနီးလေဆိပ်တစ်ခုကနေ မလေးရှားနိုင်ငံကို ထွက်ပြေးတိမ်းရှောင်ဖို့ ကြိုးစားခဲ့ပါတယ်။ ဒါပေမယ့် ထိုင်းရဲတပ်ဖွဲ့ရဲ့ လျှို့ဝှက်စောင့်ကြည့် ဖမ်းဆီးမှုကြောင့် မလေးရှားကို မထွက်ခွာနိုင်ဘဲ လေဆိပ်မှာတင် လက်ရဖမ်းဆီးခြင်း ခံခဲ့ရပါတယ်။

လက်ရှိမှာတော့ ထိုင်းအာဏာပိုင်တွေက သူ့ကို ဂျပန်နိုင်ငံဆီ ပြန်လည်လွှဲပြောင်းပေးအပ်ဖို့ (Extradition) စီစဉ်နေပြီး ဂိုဏ်းတစ်ခုလုံးရဲ့ အမှန်တရားကို ပေါ်ပေါက်အောင် စုံစမ်းစစ်ဆေးသွားမယ်လို့ သိရပါတယ်။ဆက်စပ်သူထဲတွေပါမီးခိုးကြွက်လျောက်လိုက်မှာမို့ ဒီအဖွဲအထဲ ကျွန်တော်တို့ရွှေတွေ မပါပါစေနဲ့လိုပဲဆုတောင်းပါတယ်။

📢 ကျွန်တော်တို့ရွှေတွေအနေနဲ့လည်းအထူးသဖြင့် ငွေလွဲငွေယူလုပ်တဲ့အခါတွေမှာ rate တစ်ခုပဲမကြည့်ဘဲ သံသယစိတ်လေးနဲ့အဘက်ဘက်က စီစစ်ပြီးလုပ်ဆောင်ကြဖို့အကြံပြုလိုက်ရပါတယ်

09/06/2026

😅夜光虫မရှိပြန်ဘူးဗျာ တော်တော်ကံစပ်မှတွေ့ရတာထင်တယ်😂😂
တစ်ခါသွားပြီး တစ်ခါထဲနဲ့တွေ့ရတဲ့သူတွေက တော်တော် ကံကောင်းတဲ့သူတွေပဲဗျာ


#夜光虫

08/06/2026

🎓 ဂျပန်မြေပေါ်က မြောက်ကိုရီးယားကျောင်းများ (朝鮮学校Chosun Schools) 🇰🇵🇯🇵

ဂျပန်နိုင်ငံမှာ နေထိုင်ရင်း ကိုရီးယားစကားပြော၊ ကိုရီးယားဝတ်စုံဝတ်ပြီး ကိုရီးယားသမိုင်းကို သင်ကြားနေတဲ့ ကျောင်းတွေရှိတယ်ဆိုတာ သိပါသလား? ဒါပေမဲ့ ဒီကျောင်းတွေဟာ ရိုးရိုးနိုင်ငံတကာကျောင်းတွေနဲ့မတူဘဲ အငြင်းပွားမှုပေါင်းများစွာနဲ့ ရပ်တည်နေရတာပါ။

၁။ ကျောင်းရဲ့ အဓိကရည်ရွယ်ချက်က ဘာလဲ?

ဒုတိယကမ္ဘာစစ်အပြီး ဂျပန်မှာကျန်ရစ်ခဲ့တဲ့ ကိုရီးယားနွယ်ဖွားတွေဟာ မိမိတို့ရဲ့ "မျိုးနွယ်စုလက္ခဏာ (Identity)" မပျောက်ပျက်အောင် ကိုယ်ထူကိုယ်ထ တည်ထောင်ခဲ့ကြတာပါ။ ကိုရီးယားဘာသာစကား၊ ယဉ်ကျေးမှုနဲ့ မျိုးနွယ်စုဂုဏ်သိက္ခာကို အဓိကသင်ကြားပါတယ်။

၂။ ဘာကြောင့် "ဂျပန်ဆန့်ကျင်ရေး" လို့ အပြောခံရတာလဲ?

သမိုင်းအမြင်အနေနဲ့ ခုလိုအချိန်အထိ ဂျပန်ရဲ့ ကိုလိုနီပြုခဲ့တဲ့ကာလကို ပြင်းပြင်းထန်ထန် ဝေဖန်သင်ကြားပါတယ်။

ဒီကျောင်းတွေကို မြောက်ကိုရီးယားလိုလားတဲ့ Chongryon အဖွဲ့က ထိန်းချုပ်ထားပြီး၊ ကျောင်းတွေမှာ မြောက်ကိုရီးယားခေါင်းဆောင်ပုံတွေ ချိတ်ဆွဲထားတာ၊ ၎င်းတို့ရဲ့ ဝါဒတွေကို သင်ကြားတာတွေကြောင့် ဂျပန်လူ့အဖွဲ့အစည်းရဲ့ ဝေဖန်မှုကို ခံရတာပါ။

၃။ အစိုးရ ထောက်ပံ့ကြေး မရတဲ့ ဒုက္ခ

ဘယ်ပေးချင်မလဲဗျာ ခဏခဏ missile နဲ့ဒုက္ခပေးနေတော့😂😂
ဂျပန်အစိုးရက ဒီကျောင်းတွေကို မြောက်ကိုရီးယားနဲ့ ဆက်နွှယ်နေတယ်ဆိုတဲ့ အကြောင်းပြချက်နဲ့ "ကျောင်းလခ အခမဲ့" အစီအစဉ်ကနေ ဖယ်ထုတ်ထားပါတယ်။ ဒါကြောင့် တခြားနိုင်ငံတကာကျောင်းတွေ ထောက်ပံ့ကြေးရပေမဲ့ ချိုဆွန်းကျောင်းတွေကတော့ တစ်ပြားမှမရပါဘူး။

၄။ ထောက်ပံ့ကြေးမရဘဲ ဘယ်လိုရပ်တည်နေလဲ?

* ကျောင်းလခကို မိဘတွေက အပြည့်အဝ ပေးဆောင်ရပါတယ်။
* အလှူငွေအနေနဲ့ကတော့ ကိုရီးယားစီးပွားရေးလုပ်ငန်းရှင်တွေနဲ့ မျိုးနွယ်စုကို ချစ်မြတ်နိုးတဲ့ ကျောင်းသားဟောင်းတွေရဲ့ အလှူငွေဟာ အဓိက အသက်သွေးကြောပါ။
* ပြီးတော့ဆရာ၊ ဆရာမတွေဟာ လစာအနည်းငယ်လေးနဲ့ မျိုးနွယ်စုပညာရေးအတွက် ကိုယ်ကျိုးစွန့် လုပ်ကိုင်ပေးနေကြတာပါ။

၅။ လက်ရှိ အခြေအနေ

နိုင်ငံရေးတင်းမာမှုတွေနဲ့ ငွေကြေးအခက်အခဲကြောင့် ကျောင်းသားဦးရေဟာ တစ်နှစ်ထက်တစ်နှစ် လျော့နည်းလာနေပါတယ်။ ဒါပေမဲ့ "ငါတို့ဘယ်သူလဲဆိုတာ မမေ့ဖို့" ဆိုတဲ့ စိတ်ဓာတ်နဲ့ ဒီကျောင်းတွေဟာ ဂျပန်မြေပေါ်မှာ ခက်ခဲစွာ ရုန်းကန်ရှင်သန်နေဆဲ ဖြစ်ပါတယ်။

မိတ်ဆွေတို့အမြင်ကိုလည်းcomment မှာဆွေးနွေးပေးခဲ့ကြပါဦး။

#ဂျပန်ရောက်ကိုရီးယားကျောင်းများ #ဗဟုသုတ

08/06/2026

Breaking:ဆူနာမီ注意報ထွက်ထားပါတယ်နော် ငလျှင်ကဖိလစ်ပိုင်ဘက်က 8.2Mပါ။ဂျပန်ကိုရောက်မယ်ဆိုရင် ၁၁နာရီနဲ့ ၁နာရီကြားလောက်မှာရောက်ပါမယ်။အားလုံးဘေးကင်ကြပါစေ

07/06/2026

အဓိကပြောချင်တာက သူတက်လာရင် ကျန်တဲ့ထောက်ပံ့ကြေးတွေရပ်မယ် အခွန်ကတော့နိုင်ငံခြားသားတွေဆီကလဆက်ကောက်မယ် ပြီးတော့ ဂျပန်နိုင်ငံသားကလေးတွေကို တစ်
လ၁၀သောင်းပေးမယ် နိုင်ငံခြားသာရကလေးတွေမပါဘူးနော်😂😢
#ဂျပန်သတင်း

07/06/2026

🇯🇵🎌ဂျပန်မှာ နေထိုင်ချင်စရာအကောင်းဆုံးမြို့က ဘယ်မြို့တွေဖြစ်မလဲ? 🏙️✨

ဂျပန်နိုင်ငံမှာရှိတဲ့ မြို့တွေထဲကမှ လူကြိုက်အများဆုံးနဲ့ "နေထိုင်ချင်စရာအကောင်းဆုံးမြို့များ အဆင့်သတ်မှတ်ချက် ၂၀၂၆" (全国住みたい街ランキング2026) ကို Seikatsu Guide.com ကနေ ထုတ်ပြန်လိုက်ပါတယ်။

ဒီနှစ်ရဲ့ ထိပ်ဆုံး (TOP 3) နေရာတွေကတော့ ပြောင်းလဲမှုမရှိဘဲ အရင်နှစ်အတိုင်း အားကောင်းနေဆဲပါပဲ။ ဘယ်မြို့တွေက အဆင့်ဘယ်လောက်မှာ ရှိနေလဲဆိုတာ ကြည့်လိုက်ရအောင်။ 👇

📊 နေထိုင်ချင်စရာအကောင်းဆုံးမြို့များ ထိပ်ဆုံး (၅) နေရာ

( ) အတွင်းရှိ ဂဏန်းများသည် မနှစ်က အဆင့်ဟောင်း များဖြစ်ပါတယ်။

🥇 နံပါတ် (၁) : ယိုကိုဟားမားမြို့ (Yokohama) [ကာနာဂါဝါစီရင်စု]
အမြဲတမ်း လူကြိုက်များပြီး စတိုင်ကျတဲ့ ဆိပ်ကမ်းမြို့ကြီး ယိုကိုဟားမားကတော့ ဒီနှစ်မှာလည်း နံပါတ် ၁ နေရာကို ဆက်လက်ထိန်းထားနိုင်ခဲ့ပါတယ်။

🥈 နံပါတ် (၂) : ဖူကူအိုကာမြို့ (Fukuoka) [ဖူကူအိုကာစီရင်စု]
အစားအသောက်ကောင်းပြီး နေထိုင်ရတာ အဆင်ပြေ အချက်အချာကျတဲ့ ကျူရှူးဒေသရဲ့ မြို့တော် ဖူကူအိုကာက နံပါတ် ၂။

🥉 နံပါတ် (၃) : ဆပ်ပိုရိုမြို့ (Sapporo) [ဟော့ကိုင်းဒိုး]
သဘာဝပတ်ဝန်းကျင်လှပပြီး အေးချမ်းတဲ့ မြောက်ပိုင်းမြေ ဆပ်ပိုရိုမြို့က နံပါတ် ၃။

၄။ နံပါတ် (၄) : အိုဆာကာမြို့ (Osaka) [အိုဆာကာစီရင်စု] (မနှစ်က အဆင့် ၆)
မနှစ်ကထက် အဆင့် ၂ ဆင့် တက်လာပြီး TOP 5 ထဲကို ပြန်လည်ဝင်ရောက်လာပါတယ်။

၅။ နံပါတ် (၅) : မင်နတိုရပ်ကွက် (Minato-ku) [တိုကျို]
တိုကျိုမြို့ရဲ့ လူချမ်းသာရပ်ကွက် ဖြစ်တဲ့ မင်နတိုကတော့ အဆင့် ၅ နေရာမှာ ရပ်တည်နေပါတယ်။

🔄 စိတ်ဝင်စားစရာ အပြောင်းအလဲများ

ကျိုတိုမြို့ (Kyoto) ကတော့ မနှစ်က အဆင့် ၁၃ ထိ ကျဆင်းခဲ့ပေမယ့်၊ ယခုနှစ်မှာတော့ အဆင့် ၉ နဲ့ TOP 10 စာရင်းထဲကို ပြန်လည်ဝင်ရောက်လာပါတယ်။
တိုကျိုရဲ့ နာမည်ကြီး စေတာဂါယရပ်ကွက် (Setagaya-ku) ကတော့ မနှစ်က အဆင့် ၄ ရရှိခဲ့ပေမယ့် ဒီနှစ်မှာတော့ အဆင့် ၇ သို့ အနည်းငယ် ကျဆင်းသွားခဲ့ပါတယ်။
ဒီစစ်တမ်းကို ၂၀၂၅ ဧပြီကနေ ၂၀၂၆ မတ်လကုန်အထိ အဖွဲ့ဝင်ပေါင်း ၁၂,၇၈၉ ဦးရဲ့ မဲပေးမှုအပေါ် အခြေခံပြီး ကောက်ယူထားတာ ဖြစ်ပါတယ်။
ဘော်ဒါတို့ရော ဂျပန်မှာ ဘယ်မြို့မှာ နေထိုင်ချင်လဲ? ကိုယ်အကြိုက်ဆုံးမြို့ကို Comment မှာ ပြောခဲ့ကြဦးနော်။ 💬👇
#ဂျပန်သတင်း #ဂျပန်နိုင်ငံ

05/06/2026

夜光虫Noctiluca မီးလင်းကောင်ရှိမလားသွားပါတယ်ဗျာ မရှိပါဘူး တွေ့ခဲ့တဲ့သူတွေရှိရင်ပြောပြပေးပါဦးနော်
2:00AM

09/12/2025