Indreni Times Network

13/05/2026

टोकियो । जापानमा आयोजना हुँदै आएको “नेपाल फेस्टिभल” सम्बन्धमा पछिल्लो समय सामाजिक सञ्जालमा फैलाइएका भ्रामक, तथ.....

13/05/2026

विदेशी व्यवसाय भिसामा जापान कडा: आवेदन ९६% ले घट्यो ।

टोकियो । जापानमा व्यवसाय सुरु गर्ने विदेशी व्यवस्थापकहरूका लागि दिइने “व्यवस्थापन・प्रशासन भिसा (経営・管理ビザ)” सम्बन्धी नियम कडा बनाइएपछि, आवेदन संख्या करिब ९६ प्रतिशतले घटेको जापानको अध्यागमन सेवा एजेन्सीले जनाएको छ । गत वर्ष अक्टोबरदेखि लागू गरिएको नयाँ नियमले प्रणालीको वास्तविक उद्देश्यभन्दा बाहिर गएर जापान प्रवेश गर्न खोज्ने विदेशीहरूको संख्या नियन्त्रण गर्न केही प्रभाव देखाएको मानिएको छ । एजेन्सीका अनुसार, पहिले मासिक औसत करिब १७०० वटा आवेदन पर्ने गर्थ्यो। तर, गत वर्ष अक्टोबरमा नियम कडा बनाइएपछि मासिक औसत आवेदन संख्या करिब ७० मा झरेको छ । विदेशी नीतिका जिम्मेवार मन्त्री Kimi Onoda ले May १२ तारिखको पत्रकार सम्मेलनमा, “आप्रवासन उद्देश्यका लागि यो भिसाको दुरुपयोग हुने चिन्ता केही हदसम्म हटेको छ, र अहिले यो प्रणाली मूल उद्देश्यअनुसार सञ्चालन हुन थालेको छ,” भनेर बताएका छन्।
नयाँ मापदण्डअनुसार, यो भिसा प्राप्त गर्न आवश्यक पूँजी रकम पुरानो नियमको ६ गुणा बढाएर “३० मिलियन येन (करिब ३ करोड येन) भन्दा बढी” बनाइएको छ। साथै, कम्तीमा १ जना जापानी नागरिक वा स्थायी बसोबास अनुमति प्राप्त व्यक्तिलाई पूर्णकालीन रूपमा रोजगार दिन अनिवार्य गरिएको छ। यसका अतिरिक्त, जापानी भाषा क्षमता, व्यवसाय सञ्चालन अनुभव, तथा शैक्षिक योग्यता सम्बन्धी नयाँ शर्तहरू पनि थपिएका छन्।

13/05/2026

नेपाल फेस्टिभल बारे सामाजिक सञ्जालमा फैलियो भ्रामक प्रचार, एनआरएनए जापानको कडा आपत्ती ।

टोकियो । जापानमा आयोजना हुँदै आएको “नेपाल फेस्टिभल” सम्बन्धमा पछिल्लो समय सामाजिक सञ्जालमा फैलाइएका भ्रामक, तथ्यहीन र निराधार सामग्रीप्रति NRNA Japan ले गम्भीर ध्यानाकर्षण भएको जनाएको छ। संस्थाले प्रेस विज्ञप्ति जारी गर्दै नेपालको कला, संस्कृति, भाषा, पर्यटन तथा जापान स्थित नेपाली समुदायबीच एकता र सद्भाव बढाउने उद्देश्यले सञ्चालन हुँदै आएका कार्यक्रममाथि गलत प्रचार गरिएको भन्दै आपत्ति जनाएको हो।एनआरएनए जापानले कुनै आधिकारिक पुष्टि बिना सामाजिक सञ्जालमा अपुष्ट सूचना, व्यक्तिनिष्ठ आरोप–प्रत्यारोप तथा भ्रम फैलाउने गतिविधिले समुदायमा अविश्वास र असमझदारी सिर्जना गर्ने उल्लेख गरेको छ। यस्ता गतिविधिले सामाजिक सद्भावमा नकारात्मक असर पार्ने भएकाले गैरजिम्मेवार अभिव्यक्ति नगर्न सबैलाई आग्रह गरिएको छ। संस्थाले लोकतान्त्रिक मूल्य, अभिव्यक्ति स्वतन्त्रता र आलोचनाको सम्मान गरिने स्पष्ट पार्दै तथ्यमा आधारित सुझाव र टिप्पणीलाई सकारात्मक रूपमा लिने संस्कार आवश्यक रहेको जनाएको छ। तर चरित्रहत्या गर्ने उद्देश्यले गरिने प्रचार, अफवाह र सामाजिक सञ्जालको दुरुपयोग कुनै पनि हिसाबले स्वीकार्य नहुने विज्ञप्तिमा उल्लेख छ। कुनै विषयमा जिज्ञासा, गुनासा वा असमझदारी भए सम्बन्धित आयोजक वा जिम्मेवार निकायसँग प्रत्यक्ष सम्पर्क गरी सत्यतथ्य बुझ्न पनि एनआरएनए जापानले आग्रह गरेको छ। साथै जापानस्थित नेपाली समुदायलाई सामाजिक एकता, सद्भाव, पारस्परिक सम्मान र सकारात्मक वातावरण कायम राख्न सहयोग गर्न अपिल गरिएको छ।
nepaljapannews.com

12/05/2026

जापानको कानागावा प्रान्तस्थित फुजिसावा शहरमा पहिलो पटक निर्माण हुन लागेको मस्जिदको विरोधमा स्थानीय बासिन्दाले प्रदर्शन । सामान्य झडप

12/05/2026

ग्राहक बिरामी परेपछि खुल्यो पोल,अष्ट्रेलियामा नेपाली रेस्टुरेन्टलाई भारी जरिवाना ।

अष्ट्रेलियाको Sydney मा रहेको खुकुरी नेपाली रेष्टुरेन्ट खाद्य सुरक्षासम्बन्धी गम्भीर लापरबाहीमा दोषी ठहर भएपछि अदालतले ३७ हजार अष्ट्रेलियन डलरभन्दा बढी जरिवाना गरेको छ। Campsie क्षेत्रमा सञ्चालनमा रहेको उक्त रेस्टुरेन्टलाई तत्काल बन्द गर्न समेत आदेश दिइएको बताइएको छ। अष्ट्रेलियन सञ्चार माध्यमहरूमा नेपाली रेस्टुरेन्टकै नाम चर्चामा आएको हो। ग्राहक बिरामी परेको गुनासोपछि गरिएको निरीक्षणका क्रममा रेस्टुरेन्ट भित्र फोहोर भुइँ, मुसाको दिसा, खुला अवस्थामा राखिएको खाना तथा कमजोर सरसफाइ प्रणाली भेटिएको अष्ट्रेलियन सञ्चार माध्यमहरूले बताएका छन्। किचेन र खानाका नमुनामा Salmonella Reading नामक खतरनाक ब्याक्टेरिया पुष्टि भएपछि स्वास्थ्य निकायको सिफारिसमा रेस्टुरेन्ट तुरुन्त बन्द गरिएको थियो। केही चिसो परिकारमा समेत संक्रमण भेटिएको र बिरामी परेका ग्राहकको केससँग जीन परीक्षणमार्फत सम्बन्ध पुष्टि भएको बताइएको छ।
NSW Food Authority ले “उपभोक्ताले सुरक्षित र सफा वातावरणमा तयार गरिएको खाना पाउने अधिकार राख्छन्” भन्दै खाद्य सुरक्षामा लापरबाही गर्ने व्यवसायमाथि कडा कारबाही जारी रहने चेतावनी दिएको छ।
nepaljapannews.com

12/05/2026

जापानको नयाँ नियमले विदेशीमा तनाव — अब pension नतिरे Visa जोखिममा ।

टोकियो। विदेशीहरूका लागी कडा नियमहरू लागु गर्दै गएको जापान सरकारले सामाजिक सुरक्षा योगदानको विषयमा पनि कडाइ गर्ने संकेत दिएको छ। आगामी वर्षहरूमा pension र health insurance नियमित रूपमा नतिर्ने विदेशीहरूको visa renewal प्रभावित हुन सक्ने सम्भावना बढेको छ। सरकारी रिपोर्ट अनुसार मार्च २०२५ सम्म विदेशी बासिन्दाबाट pension contribution को भुक्तानी दर केवल ४९.७% रहेको छ भने health insurance premium भुक्तानी दर ६३% पुगेको छ। तर जापानी नागरिक सहितको समग्र भुक्तानी दर भने करिब ९३% रहेको सरकारी तथ्यांकले देखाएको छ । सरकारले सामाजिक सुरक्षा प्रणालीलाई बलियो बनाउने उद्देश्यसहित नयाँ नीति अघि बढाएको बताइएको छ। प्रधानमन्त्री सानाइ ताकाइची नेतृत्वको सरकारले २०२७ देखि visa screening गर्दा payment record समेत जाँच गर्ने तयारी गरिरहेको जापानी सञ्चारमाध्यमहरूले उल्लेख गरेका छन्।

नयाँ व्यवस्थाले विशेषगरी जापानमा बसोबास गर्ने विदेशी कामदार र विद्यार्थीहरूमा चिन्ता बढाएको छ। यदि pension र health insurance नियमित रूपमा नतिरेको पाइएमा भविष्यमा visa renewal प्रक्रिया कडा हुन सक्ने सम्भावना रहेको छ।

11/05/2026

जापानको व्यस्त रेलमा अचानक स्प्रे आक्रमण, यात्रुहरू बिरामी,शंकास्पद पुरुष फरार

टोकियो । जापानको राजधानी टोकियोमा आइतबार साँझ रेलभित्र भएको एक डरलाग्दो घटनाले यात्रुहरूमा त्रास फैलिएको छ। अत्यन्त व्यस्त मानिने JR Saikyo Line मा गुडिरहेको रेलभित्र अज्ञात व्यक्तिले स्प्रे छर्किँदा ६ जना यात्रु बिरामी परेर अस्पताल पुग्नुपरेको छ । जापानी सञ्चारमाध्यमहरूका अनुसार घटना आइतबार साँझ करिब ७ बजेतिर आकाबाने र इताबासी स्टेशन बीच गुडिरहेको रेलमा भएको हो। रेलमा यात्रा गरिरहेकी एक २० वर्षीया महिलाले अचानक कडा गन्ध आएको जानकारी दिएपछि घटनाबारे थाहा भएको बताइएको छ।

स्प्रे छर्किएपछि केही यात्रुहरूलाई आँखा र घाँटीमा जलन हुन थालेको थियो। घटनामा चार महिला र दुई पुरुष गरी ६ जना यात्रुहरूलाई अस्पताल लगिएको छ। उनीहरूको अवस्था गम्भीर नभएको जनाइएको छ । घटनापछि रेल Itabashi Station मा रोकिने बित्तिकै करिब ४० वर्षका एक शंकास्पद पुरुष ट्रेनबाट झरेर फरार भएको बताइएको छ। प्रहरीले उक्त व्यक्तिको खोजी तीव्र बनाएको छ। जापानी प्रहरीले यस घटनालाई सम्भावित कुटपिट वा शारीरिक आक्रमण (Assault) को रूपमा लिएर अनुसन्धान अघि बढाएको छ।

11/05/2026

टोकियो । गल्कोट स्पोर्ट्स क्लब टोकियो जापानले सिल्भर रनिङ कप पुरुष भलिबल तथा खुल्ला महिला भलिबल प्रतियोगिता २०२६ सम्पन्न गरेको छ । क्लबको ११ औ बार्षिकोत्सव तथा नेपाली नया बर्ष २०८३ को अवसर पारेर “स्वास्थ्यका लागि खेलकूद राष्ट्रका लागि खेलकूद” भन्ने नारा सहित प्रतियोगिताको आयोजना गरेको थियो ।

टोकियो । गल्कोट स्पोर्ट्स क्लब टोकियो जापानले सिल्भर रनिङ कप पुरुष भलिबल तथा खुल्ला महिला भलिबल प्रतियोगिता २०२....

11/05/2026

प्रधानमन्त्रीको कमज़ोरी होला तर नियत खराव छैन - राजेन्द्र बानिया

10/05/2026

गैर आवासिय नेपाली संघ (एनआरएनए) जापान र गोरखा समाज जापानको सहकार्यमा सम्पन्न जापान-नेपाल सम्बन्ध र परदेशी एकता बिषयक महासंवाद कार्यक्रममा कैद गरिएका तस्बिरहरु ।
प्रमुख वक्ता - जापानका लागी नेपाली पुर्व राजदुत मदन कुमार भट्टराई र बरिष्ठ पत्रकार राजेन्द्र बांनिया
उक्त अवसरमा नेपाल पत्रकार महासंघ जापान शाखाले पत्रकार बानियालाई सम्मान गरेको थियो ।

10/05/2026