ウェブサイトとは何ですか？

https://www.facebook.com/105769522230911/

i Sports, Shibuya-ku (2025)

04/10/2025

အောင်လအန်ဆန်ရဲ့ ပွဲစဥ်ကို အဆိုတော် လေးဖြူ ကိုယ်တိုင် "အမဲလိုက်အက" သီချင်း သီဆိုဖျော်ဖြေပြီး ပွဲထွက်လာခဲ့ပါတယ် 🥊🇲🇲✊🏻

Please Like & Follow iSports Page ✅

03/10/2025

လေ့ကျင့်ရေးအစီအစဉ်မှာ မေထက်လူ တံတောင်ဆစ်ဒဏ်ရာ ရရှိ 😔💔🇲🇲⚽️💪🔥
--------
အမေရိကန်ဆီမီးပရိုကလပ် UCLA အသင်းရဲ့ လေ့ကျင့်ရေးအစီအစဉ်မှာ ဘယ်ဘက်တံတောင်ဆစ် အဆစ်လွဲဒဏ်ရာ ရရှိခဲ့တယ်လို့ မြန်မာအမျိုးသမီးလက်ရွေးစင်တိုက်စစ်မှူး မေထက်လူက လူမှုကွန်ရက်စာမျက်နှာက တဆင့် ထုတ်ပြန်ခဲ့ပါတယ်။

အသင်းနဲ့အတူစတင်လေ့ကျင့်မှုတွေ ပြုလုပ်ခဲ့တဲ့ ဒုတိယနေ့မှာပဲ ဒဏ်ရာရခဲ့တာဖြစ်ပြီး သူ့အတွက်ကြီးမားတဲ့ ဒဏ်ရာမဖြစ်ခဲ့လို့ ကံကောင်းခဲ့တယ်လို့ မေထက်လူက ဆိုပါတယ်။

စိုးရိမ်ပူပန်ပေးကြတဲ့ ပရိသတ်အားလုံးကို ကျေးဇူးတင်ကြောင်းနဲ့ ပိုပြီး ကြံ့ခိုင်သန်စွမ်းတဲ့ ပုံစံနဲ့ ပြန်လာခဲ့မယ်လို့လည်း မေထက်လူက ရေးသားဖော်ပြထားပါတယ်။

Photo: May Htet Lu Facebook

Please Like & Follow iSports Page ✅

03/10/2025

ဆီးရီးယားနဲ့ အာရှဖလားခြေစစ်ပွဲအတွက် ထိုင်းမှာ လေ့ကျင့်ပြင်ဆင်နေတဲ့ မြန်မာအသင်း 🇲🇲🛫🇹🇭⚽
-----------
မြန်မာ့လက်ရွေးစင်အသင်းဟာ ဆီးရီးယားနဲ့ အာရှဖလားခြေစစ်ပွဲအတွက် ထိုင်းနိုင်ငံ ဘန်ကောက်မြို့က Alpine Training Center မှာ လေ့ကျင့်မှုတွေ ပြုလုပ်နေပါတယ်။

လက်ရွေးစင်အသင်းမှာ ထိုင်းလိဂ်မှ မောင်မောင်လွင်၊ လွင်မိုးအောင်၊ သန်းပိုင်၊ စိုးမိုးကျော်၊ မလေးရှားလိဂ်မှ ကျော်မင်းဦး၊ ဟိန်းထက်အောင်တို့ ပါဝင်နိုင်ခြင်း မရှိသေးဘဲ အောက်တိုဘာ ၄ ရက်မှသာ လူစုံလေ့ကျင့်နိုင်မှာ ဖြစ်ပါတယ်။

အသင်းလူစာရင်းမှာ ဒဏ်ရာရရှိထားတဲ့ မလေးရှားလိဂ်မှ ဝေလင်းအောင် ပါဝင်နိုင်ခြင်း မရှိဘဲ ဒဂုံစတားအက်ဖ်စီမှ ရဲရင့်ဖြိုး လက်ရွေးစင်အသင်းကြီးစာရင်းမှာ ပထမဆုံး ပါဝင်လာတာ တွေ့ရပါတယ်။

မြန်မာအသင်းအနေနဲ့ ဆီးရီးယားနှင့် အဝေးကွင်းပွဲစဉ် ကစားဖို့ အောက်တိုဘာ ၅ ရက်၊ ညနေပိုင်းမှာ ဘန်ကောက်မြို့ကနေ ဆော်ဒီအာရေဗျနိုင်ငံကိုဆက်လက်ထွက်ခွာမှာပါ။ မြန်မာနဲ့ ဆီးရီးယားအသင်းတို့ဟာ အောက်တိုဘာ ၉ ရက် ညပိုင်း ဆော်ဒီနိုင်ငံမှာ ယှဥ်ပြိုင်ကစားရမှာပဲ ဖြစ်ပါတယ်။

Photo - MFF

Please Like & Follow iSports Page ✅

02/10/2025

ပေါ်တူဂီ တတိယတန်းလိဂ်မှာ ကစားခဲ့ဖူးတဲ့ ကစားသမားကို မြန်မာယူ-၂၃အသင်းအတွက် အားဖြည့်ရွေးချယ် 🇲🇲⚽️🇵🇹💥
-----------
ပေါ်တူဂီတတိယတန်းလိဂ်ကလပ် Clube de Futebol Esperança de Lagos မှာ ကစားခဲ့ဖူးတဲ့ မြန်မာလူမျိုး ကွင်းလယ်တောင်ပံကစားသမား သူရိန်ထွန်းကို ဆီးဂိမ်းပြိုင်ပွဲဝင်မယ့် မြန်မာယူ-၂၃အသင်းအတွက် အားဖြည့်ရွေးချယ်ထားကြောင်း အသင်းတာဝန်ရှိသူတစ်ဦးက i Sports ကို အတည်ပြုပါတယ်။

သူရိန်ထွန်းဟာ အင်္ဂလန်နိုင်ငံ၊ လက်စတာစီးတီးအကယ်ဒမီမှာ တက်ရောက်သင်ကြားခဲ့သူဖြစ်ပြီး ပရော်ဖက်ရှင်နယ်အဖြစ် ပေါ်တူဂီတတိယကလပ် Clube de Futebol Esperança de Lagos မှာ ကစားခဲ့ဖူးသူဖြစ်ပါတယ်။ သူရိန်ထွန်းဟာ Clube de Futebol Esperança de Lagos အသင်းနဲ့ ဇွန်လအတွင်းက စာချုပ်သက်တမ်းကုန်ဆုံးခဲ့ပြီဖြစ်ပြီး လက်ရှိမှာတော့ အသင်းလက်မဲ့ဖြစ်နေပါတယ်။

အာရှဖလားခြေစစ်ပွဲမှာ မြန်မာယူ-၂၃အသင်းတိုက်စစ်ပိုင်းအားနည်းခဲ့တာကြောင့် သူရိန်ထွန်းကို အားဖြည့်ရွေးချယ်ခဲ့တာဖြစ်ပြီး မြန်မာယူ-၂၃အသင်းရဲ့ ဂျပန်လေ့ကျင့်ခြေစမ်းခရီးကို အတူလိုက်ပါလေ့ကျင့်မှာဖြစ်တယ်လို့ သိရပါတယ်။

Please Like & Follow iSports Page ✅

02/10/2025

အောင်လအန်ဆန်ပွဲ အောက်တိုဘာ ၄ ရက် (စနေနေ့) မြန်မာအချိန် မနက် ၉ နာရီမှာ ထိုးသတ်မယ် 🥊🇲🇲🔥
-----------------
ကချင်တိုင်းရင်းသား MMA ဖိုက်တာ အောင်လအန်ဆန်နဲ့ ဆွီဒင်ဖိုက်တာ ကာဒက်စတန်တို့ဟာ လာမယ့် အောက်တိုဘာ ၄ ရက်(စနေနေ့) မြန်မာအချိန် မနက် ၉ နာရီမှာ ယှဥ်ပြိုင်ထိုးသတ်မှာ ဖြစ်ပါတယ်။

One Fight Night 36 ပွဲစဥ်ပိုစတာမှာ အမေရိကန်အချိန် အောက်တိုဘာ ၃ ရက် ည ၉ နာရီ ကြေညာထားပေမယ့် မြန်မာအချိန်အရ အောက်တိုဘာ ၄ ရက် (စနေနေ့) မနက် ၉ နာရီ ထိုးသတ်မှာ ဖြစ်ကြောင်း အောင်လက ရှင်းပြထားပါတယ်။

အောင်လအန်ဆန်နဲ့ ကာဒက်စတန်တို့ဟာ မစ်ဒယ်ဝိတ်တန်း စိန်ခေါ်ပွဲအဖြစ် ထိုးသတ်မှာ ဖြစ်ပြီး အောင်လနဲ့ One ရဲ့စာချုပ်အရ ဒီပွဲစဥ်ဟာ အောင်လရဲ့ ပရော်ဖက်နယ်ဖိုက်တာဘဝ နောက်ဆုံးပွဲ ဖြစ်လာဖွယ် ရှိပါတယ်။

"မြန်မာပြည်က ပရိတ်သတ်ကြီးလည်း အားပေးဖို့ အဆင်သင့်ပဲလို့မျှော်လင့်ပါတယ်။ ပွဲတစ်ပွဲမှာ ဘာမဆိုဖြစ်နိုင်တယ်ဆိုပေမယ့် အကောင်းဆုံးရလာဒ်ရအောင်ကြိုးစားမယ်ဗျာ။ ကတိပေးတယ်" လို့ အောင်လက ပွဲကြိုအနေနဲ့ ပြောထားပါတယ်။

ဒီပွဲကိုတော့ SkyNet ရုပ်သံလိုင်းနဲ့ One Championship Youtube Channel တို့မှာ တိုက်ရိုက်ထုတ်လွှင့်သွားမှာပဲ ဖြစ်ပါတယ်။

Please Like & Follow iSports Page ✅

01/10/2025

MNL All Stars အသင်းကို ၁-၀ဂိုးနဲ့ မြန်မာ နိုင် 🇲🇲⚽🔥💪
---------------
မြန်မာ့လက်ရွေးစင်ဘောလုံးအသင်းဟာ ဆီးရီးယားနဲ့ကစားမယ့် အာရှဖလားခြေစစ်ပွဲမတိုင်ခင် ကြိုတင်ပြင်ဆင်မှုအဖြစ် ဒီနေ့ ညနေပိုင်းက MNL All Stars အသင်းနဲ့ ခြေစမ်းပွဲကစားခဲ့ရာ ရဲရင့်အောင်ရဲ့ တစ်လုံးတည်းသောသွင်းဂိုးနဲ့ အနိုင်ရခဲ့တယ်လို့ မြန်မာနိုင်ငံဘောလုံးအဖွဲ့ချုပ်က သတင်းထုတ်ပြန်ပါတယ်။

မြန်မာအသင်းဟာ အောက်တိုဘာ ၂ရက် (မနက်ဖြန်)မှာ ထိုင်းနိုင်ငံကို သွားရောက်နေထိုင်လေ့ကျင့်မှာဖြစ်ပြီး ပြည်ပကလပ်တွေမှာ ကစားနေတဲ့ ကစားသမားတွေအားလုံး အောက်တိုဘာ ၅ရက်မှာ လာရောက်ပူးပေါင်းမယ်လို့သိရပါတယ်။

မြန်မာအသင်းနဲ့ ဆီးရီးယားအသင်းတို့ဟာ အာရှဖလားခြေစစ်ပွဲ ပထမအကျော့ပွဲစဉ်အဖြစ် အောက်တိုဘာ ၉ရက်မှာ ဆော်ဒီနိုင်ငံမှာ ကစားမှာဖြစ်ပြီး ဒုတိယအကျော့ကို အောက်တိုဘာ ၁၄ရက်မှာ ရန်ကုန်မြို့၊ သုဝဏ္ဏကွင်းမှာ ကစားရမှာ ဖြစ်ပါတယ်။

Photo: MFF
Please Like & Follow iSports Page ✅

01/10/2025

ဘရာဇီးသား နှစ်ယောက်ကို မွေးစားဖို့ ဗီယက်နမ် ပြင်ဆင် ⚽️🔥🏆🇧🇷➡️🇻🇳
---------
ဗီယက်နမ်ဘောလုံးအဖွဲ့ချုပ်ဟာ ဘရာဇီးနိုင်ငံသား ကစားသမားနှစ်ဦးကို လက်ရွေးစင်အသင်းလူစာရင်းမှာ ထည့်သွင်းဖို့အတွက် ဗီယက်နမ် ယဉ်ကျေးမှု၊ အားကစားနဲ့ ခရီးသွားလာရေးဝန်ကြီးဌာနကို တင်ပြထားတယ်လို့ ဗီယက်နမ်မီဒီယာတွေက ဖော်ပြပါတယ်။

ဗီယက်နမ် V-League ကလပ် Ninh Binh FC အသင်းရဲ့ ဘရာဇီးတိုက်စစ်မှူး ဂျီယိုဗန်နီ၊ ဗဟိုနောက်ခံလူ ဂျန်ဆယ်လ်စီယိုတို့နှစ်ဦးကို ဗီယက်နမ်လက်ရွေးစင်အသင်းမှာ ထည့်သွင်းဖို့ စီစဉ်နေတာပါ။

ကစားသမားနှစ်ဦးစလုံးဟာ ဗီယက်နမ်သွေးနှောခြင်းမရှိပေမယ့် ဗီယက်နမ်ကလပ်တွေမှာ ဘောလုံးကစားနေတာ ငါးနှစ်ကျော်သွားပြီဖြစ်လို့ ဖီဖာဥပဒေအရ လက်ရွေးစင်ကိုယ်စားပြုခွင့် ရှိနေပါတယ်။

Please Like & Follow iSports Page ✅

01/10/2025

နှစ်(၅၀)ကျော် ဝေးကွာနေတဲ့ အာရှဖလား အိပ်မက်
-------
မြန်မာ့လက်ရွေးစင်ဘောလုံးအသင်း အာရှဖလားဝင်ပြိုင်ခွင့်မရတော့တာ (၅၇)နှစ်ရှိခဲ့ပါပြီ။ ၁၉၆၈ အာရှဖလားမှာ ဒုတိယရပြီးကတည်းက ပြိုင်ပွဲနဲ့ အဆက်ပြတ်ခဲ့တာ ဒီနေ့အထိပါပဲ။

အခုတော့ ၂၀၂၇ ဆော်ဒီ အာရှဖလားပြိုင်ပွဲအတွက် ခြေစစ်ပွဲအဆင့်မှာ အုပ်စုအဖွင့်(၂)ပွဲနိုင်ပြီး အာရှဖလားအိပ်မက်မက်လို့ရတဲ့ အနေအထားကို ရောက်နေတယ်လို့ ဆိုနိုင်ပါတယ်။ ဒါပေမယ့် အုပ်စုတွင်းမှာ ဆီးရီးယားကို ကျော်ဖို့လိုပါတယ်။

အောက်တိုဘာ ၉ရက်နဲ့ ၁၄ရက်မှာ ကစားရမယ့် ဆီးရီးယားနဲ့ အိမ်ကွင်း/အဝေးကွင်း နှစ်ပွဲမှာ မြန်မာအသင်း ရလဒ်ကောင်းအောင် စွမ်းဆောင်နိုင်ခဲ့မယ်ဆိုရင် အာရှဖလားအိပ်မက်အတွက် အခြေအနေကောင်းဖို့ နီးစပ်တဲ့အနေအထားကို ရောက်လာမှာပါ။ ဆီးရီးယားနဲ့ ပွဲအတွက် ဘာတွေ ပြင်ဆင်ထားလဲ.. i Sports TV က တင်ဆက်ပေးလိုက်ပါတယ်။

Please Like & Follow iSports Page ✅

01/10/2025

𝐅𝐨𝐜𝐮𝐬𝐞𝐝 𝐨𝐧 𝐆𝐥𝐨𝐫𝐲 | 𝐌𝐲𝐚𝐧𝐦𝐚𝐫 𝐍𝐚𝐭𝐢𝐨𝐧𝐚𝐥 𝐓𝐞𝐚𝐦 𝐓𝐫𝐚𝐢𝐧𝐢𝐧𝐠 ⚽🏟🇲🇲🔥

Please Like & Follow iSports Page ✅

30/09/2025

သီဟထက်အောင်၊ ကျော်မင်းဦးနဲ့ ဝေလင်းအောင်တို့ ဆီးရီးယားနဲ့ပွဲမှာ ပါဝင်ဖို့ မသေချာ ⚽🇲🇲💪🔥
--------
အောက်တိုဘာ ၉ရက်နဲ့ ၁၄ရက်တွေမှာ ကစားရမယ့် ဆီးရီးယားနဲ့ အာရှဖလားခြေစစ်ပွဲ အိမ်ကွင်း/အဝေးကွင်းပွဲစဉ်တွေကို မြန်မာ့လက်ရွေးစင်ကစားသမားတွေဖြစ်တဲ့ သီဟထက်အောင်၊ ကျော်မင်းဦးနဲ့ ဝေလင်းအောင်တို့ ပါဝင်ကစားနိုင်ဖို့ မသေချာဘူးလို့ နည်းပြချုပ် ဦးမျိုးလှိုင်ဝင်းက i Sports ကို ပြောပါတယ်။

ကျော်မင်းဦးက စင်ကာပူနဲ့ပွဲကတည်းက ဒူးဒဏ်ရာရနေပြီး မလေးရှားမှာ အသင်းသစ် တယ်ရမ်ဂနူးကို ပြောင်းရွှေ့ထားတာကြောင့် ဒဏ်ရာအခြေအနေစောင့်ကြည့်နေရပြီး သီဟထက်အောင်ကလည်း ထိုင်းလိဂ်-၂မှာ ဒူးဒဏ်ရာရခဲ့တာကြောင့် ဆီးရီးယားနဲ့ပွဲပါဝင်ဖို့ ၅၀/၅၀ အနေအထားဖြစ်နေတယ်လို့ ဦးမျိုးလှိုင်ဝင်းက ပြောပါတယ်။

ဝေလင်းအောင်ကတော့ မလေးရှားလိဂ်မှာ ဒဏ်ရာရရှိထားတာကြောင့် အနားယူနေရပြီး ဆီးရီးယားနဲ့ပွဲကို လွဲချော်ဖို့ သေချာတယ်လို့ သိရပါတယ်။ မြန်မာအသင်းဟာ ဆီးရီးယားနဲ့ပွဲအတွက် ပြည်တွင်းလိဂ်က ကစားသမားတွေနဲ့ စုဖွဲ့လေ့ကျင့်မှုကို စက်တင်ဘာ ၂၉ရက်က စတင်ခဲ့ပြီး အောက်တိုဘာ ၂ရက်မှာ ထိုင်းနိုင်ငံကို သွားရောက်နေထိုင်လေ့ကျင့်ဖို့ စီစဉ်ထားပါတယ်။

ထိုင်းနိုင်ငံကနေတဆင့် အဝေးကွင်းပွဲကစားရမယ့် ဆော်ဒီအာရေဗျနိုင်ငံကို အောက်တိုဘာ ၆ရက်မှာ စတင်ထွက်ခွာမှာဖြစ်ပြီး ပြည်ပကလပ်တွေမှာ ကစားနေတဲ့ ကစားသမားတွေအားလုံး အောက်တိုဘာ ၅ရက်မှာ အသင်းနဲ့ အတူ လာရောက်ပူးပေါင်းမယ်လို့ ဦးမျိုးလှိုင်ဝင်းက ပြောပါတယ်။

Please Like & Follow iSports Page ✅

29/09/2025

မြန်မာအမျိုးသမီးအသင်းနည်းပြ ယူကီနဲ့ သီးသန့်တွေ့ဆုံခြင်း 💬🇲🇲⚽️🇯🇵
---------
ဆီးဂိမ်းအတွက် မြန်မာအမျိုးသမီးလက်ရွေးစင်အသင်း အောက်တိုဘာ ၁ရက်မှာ စတင် စခန်းသွင်းလေ့ကျင့်ပါတော့မယ်။

အမျိုးသမီးလိဂ်က ကစားသမားတွေနဲ့ အသင်းကို အခြေခံဖွဲ့စည်းမယ်လို့ သိရပြီး ဂျပန်နိုင်ငံကို သွားရောက်နေထိုင်လေ့ကျင့်ဖို့လည်း အစီအစဉ်တွေ ရှိနေပါတယ်။

မြန်မာအမျိုးသမီးအသင်းရဲ့ ဆီးဂိမ်း plan နဲ့ ပတ်သက်ပြီး ဂျပန်လူမျိုးနည်းပြ ယူကီကို i Sports TV က သီးသန့်တွေ့ဆုံ မေးမြန်းခဲ့ပါတယ်။

Please Like & Follow iSports Page ✅

i Sports

04/10/2025

03/10/2025

03/10/2025

02/10/2025

02/10/2025

01/10/2025

01/10/2025

01/10/2025

01/10/2025

30/09/2025

29/09/2025

住所

電話番号

ウェブサイト

アラート

事業に問い合わせをする

ショートカット

共有する

カテゴリー