05/04/2025
BREAKING NEWS: BLACK LABRADOR NA SI “VADER,” ARESTADO SA KASONG PET-TY THEFT
Barangay Tahol, Pilipinas — Isang itim na Labrador na kinilalang si "Vader" ang inaresto ng mga awtoridad ngayong umaga matapos maaktuhang ninanakaw ang mga tsinelas, hotdog, at dignidad ng kapitbahay nilang si Mang Tonyo.
Ayon sa mga saksi, matagal nang pinaghihinalaan si Vader bilang utak sa serye ng misteryosong pagkawala ng mga gamit sa barangay — kabilang dito ang tsinelas, stuffed toys, at isang tray ng itlog na hanggang ngayon ay wala pa ring lead.
“Pag lingon ko, wala na 'yung hotdog ko! Tapos nakita ko siya, may ketchup pa sa nguso!” ani Aling Bebang, isa sa mga biktima ni Vader.
Sinubukang tumakas ni Vader ngunit agad siyang napalibutan ng mga tanod gamit ang taktikang "Tapon Ng Bola." Agad siyang sumuko matapos makitang umiikot ang bola sa ere.
Nakumpiska mula kay Vader ang sumusunod:
- 3 pares ng tsinelas
- 1 pirasong stuffed unicorn
- 2 hotdog sticks (isa kagat na)
- Isang listahan ng mga susunod na target (allegedly)
Sa ngayon, nakakulong si Vader sa barangay dog pound habang hinihintay ang kanyang paw-sasagot sa mga reklamo. Tumanggi siyang magbigay ng pahayag maliban sa isang malungkot na "arf."
Bumuhos naman ang suporta sa social media sa pamamagitan ng hashtag , habang may ilang nanawagan ng mas mahigpit na leash ng batas.
Abangan ang susunod naming ulat: “Vader, pinaghihinalaang may kasabwat na pusang puti.”
– ulat ni Barky Barks para sa 24 Oras Ng Tahol
