Nzuki News

13/09/2024

Uu ni ula Probox kwakya wakima na kuwaa vau kwa vau amanyiwa 6 ala 3 nima sukulu wa musingi wa Kyoani na 3 ma sukulu wa secondary wa Kyoani ila syii Îkutha Kitui kya itheo.

Ndeleva wa ngali ii etwika ivindani ya mbanga esembete muno na ngali yavika kisioni kiu yalea mbanga na kukonga amanyiwa asu ala mesilite utee wa lelu usu munene wa Kitui kuthi Kibwezi vala waitwaa kiseseni kya volisi kya Mutomo na kuvingiwa.

13/09/2024

Ve mbanga ingi yethiwa sokoni wa Kyatune Kitui kya itheo na leluni muasa wa Kitui kuthi na Kibwezi na kuumisya muno mutwai umwe wa ngilita.

Nzuki News yasukiiwa kana mutwai usu asembwa sivitali munene wa Mutomo na mbanga isu yethiwa masaa mavuthu itina wa ngali ingi kukonga na kuwaa amanyiwa 6 ma sukulu wa musingi wa Kyoani na ula secondary wa Kyoani.

10/09/2024

Ula mwalimu kwa ivinda yimwe weetisye usumbi wa nthi ya Kenya Mohamed Abduba Dida aendeeye na kwikala kathithu kuuya nthi ya Amerika akwatikana na makosa ma kutindaa aatiiye mutoto umwe nthi isu atekwelesya wendi wake ni mwau.

Ovewe yielani ya Big muddy River Correctional centre, Ilnois kwa ilungu ya myaka 7.

04/09/2024

04/09/2024

Atandithya ma malikiti ya mboka na matunda musyini munene wa Wote kaondi oyu malanitye mboka yoo lelu kati wa equity kulika musyini usu maiteta kana atandithya ma Wholesale methiitwe mayekwa makathoosya sua yiima na kutuma matakwata athoi.

04/09/2024

Lucy Mulili, DG Makueni; Masivitali onthe mena ndawa oyu vaa kaondi ya Makueni.
Mwenenthi wa Mbooni: Aiee twendaa sivitali tukatumwa kuthoa ndawa, sindano, gloves na kila kindu.
Enenthi ma kaondi ya Makueni methiitwe mayasya kana mekilya mathi sivitali maitumwa kuthoa ndawa ndukani na meseng'a niki gavana wa Mutula Kilonzo Jr utee kusisya thina na manatie ambiia mutandao wa kukunikilaa utumiku wa ndawa wa laato wa million mbee 35.

03/09/2024

Muundume umwe niwatonyanga kasava ngondu kake na nzola owaa na asyoka aisusya kialani kuya wote Makueni

03/09/2024

Andû 13 nimatîwa ni thayu nthini wa mbanga ya lelû ila yakitika kisioni kya Koguta makwatanionî ma leli wa kuma Londiani kwenda Muhoroni.

Mbanga isu yakonia Matatu ya akua 14 na iloli imwe.

03/09/2024

Munduume wa ukuu wa katikati kuwaa muka na eyuwaa mutaani wa Kasarani musyini munene wa Wote kuya kaondi ya Makueni.

03/09/2024

Aka aingi methiitwe maitumia mbesa syoo mbene mevithite aamuume Makavanga usyai na maitia asee moo maikuna nzeve matekusyaa.

Uu ni kwianana na report ya muvea wa uiiti vaa Kenya.

03/09/2024

Mamwana 15 ma sukulu wa Mwaani boys na syilitu 3 sya Ukia girls kuma kaondini ya Makueni nimekiwa mbini ni makovo ma muvea wa Isalu sokoni wa Ukia itina waukwatikana maendee ukusya Vangi na kuthenga musinga wa Chrome, makikanite maimondolya raha ngalini ii sya akua 14 yelekele Masaku.
Nzuki News yatavua kana amanyiwa asu moosana musyini munene wa Wote mamina kutumwa musyi kumanwa na mukomo wa alimu ula uendeeye na masangania mbesa mathoa musinga kasikende na misokoto kauta ya vangi na kulika matatuni yii.

02/09/2024

Ve mutwai umwe wa ngilita sokoni wa Makindu kuya Kibwezi kaondi ya Makueni woawa utuku ni andu matesikie avenwa mota na mwii wake wekwa kiaoni kya Makindu sokoni usu.

Nzuki News yatavua kana mwanake usu wa ukuu wa katikati anosete ngilita isu na mukovo na etialitye ota kyumwa kimwe ou amina mukovo usu.