02/04/2026
JOHN WANYONYI MANGULIECHI (OMUMEME)
Asalwa tarehe 30 /8/1930 nga omwana omutelwa wa paapa Manguliechi Tolwa Omumeme ne maayi Dina Nabalayo Omubuya Omukabo.
Abatisibwa mukatoliki bamutiukha baali John.
Akhebwa kumwiko kwa 1946, Omukinyikeu waamba Omutalia.
Bakhaye;
1. Mary Naliaka, Omulunda, 1957
2. Rosemary Nakhumicha, Omueachalo, 1968
3. Maximilla Nasimiyu, Omukitang'a,
Bamung'ona kumusambwa 1963 enyuma we bulwale khumuangula ne khumunyasia buuli busiele.
Enyuma we khumung'ona kumusambwa, Manguliechi kachaka khukenda nende Simoni Okhwa Masakha (Omukhwami) namwiikia kimilimo kie khuswa kumuse.
Manguliechi anja khuswala kumuse kwe khuranga kumwaka kwa 1976. Anano Babukusu kaswalanga ne kekhale (khuswalila asi). Kumuse kwe khuranga kuno kaswala kwo Omusawa Misiko baali Sifuna wa Bwayo musirekere sia Kabutola.
1980, kachaka khuswala kumuse ne kemile ( Khulomela angaki).
N/B: Babukusu khebulila muuli khuswala kumuse khulimo bitonyi bitaru, oswala newikhale, newimile namwe nokenda. Nosianja olomela asi, oli wachilila khukhula ne bakhulekhula wanja khuswala newimile, oli bakhufwara bikekwa nono ( ekutusi, enjabasi, epokoto, lichabe, esimbo ekhendie, endebe embukusu) nyo aba woola khuloma nokenda, nono nikwho khuswala kumuse.
1983, Kumwaka kuno nikwo bafwara Manguliechi engubo ye khuswala kumuse ne khumuwa bikekwa nibio mbalile angaki ao. Kumulukha kwe khufwara omundu engubo kukholekhanga akoloba chikhafu nechilotile, bakhwimia a namwima ne Omukulo niye okhufwara engubo. Akhufwara engubo, akhukelekela nga ocha khukhola kimilimo neyi akhuchubia, aloma ali "akhoo, wikholanga luuno kakhunyolile."
25/11/1985, Manguliechi kachaka khuswala kumuse nono enyuma wa Luka Namulala khumufungula. Khebulila oli Luka Namulala niye waba omwekesia omukhulu wa Manguliechi, ne luundi niye wamuwa chikhabi che khuswala kumuse.
Manguliechi kaswala kimise kie babaandu bamanyikhane lukali po ne kulimo kwa;
Elijah wa Nameme 1987, Masinde nende Wamalwa
follow Producers Pauleta
