18/10/2024
Lamine Yamal ayaa dhawaan magacaabay shanta da’yar ee ugu wanaagsan La Liga. Xiddiga da’yarka ah ee Barcelona, oo caan ku ah hibadiisa iyo fahamka ciyaarta, ayaa xusay shan ciyaaryahan oo uu rumeysan yahay inay ka mid yihiin mustaqbalka ifaya ee da’yarta kubadda cagta Spain Ee maanta.
Kan ugu horreeya liiskiisa waa Firmin Lopez, saaxiibkiisa kooxda Barcelona. Fermin ayaa soo bandhigay ballanqaad dhab ah, gaar ahaan xilli ciyaareedkii h**e isagoo ka hoos ciyaaraya tababare Xavi, wuxuuna leeyahay awood uu ku xakameeyo khadka dhexe.
Lamine wuxuu kan labaad u doortay Pablo Barrios, khadka dhexe ee weerarka ah ee kooxda Atletico Madrid. Barrios ayaa h**e u soo bandhigay xirfad heer sare ah asagoo ka hoos ciyaaraya Diego Simeone.
Alejandro Balde, oo sidoo kale ka tirsan Barcelona, ayaa sidoo kale liiska ku jira. Qaab-ciyaareedka difaaca bidix ayaa noqday mid la yaab leh, isagoo muujinaya inuu yahay ciyaaryahan aan kaliya loogu talo gelin mustaqbalka, balse hadda muhiim ah.
Waaxaa kaloo liiska ku jira Marc Casado,xiddig kale oo ka soo baxay La Masia. Casado ayaa xiiso geliyay taageerayaasha kulamadii uu ka qeyb galay, isagoo ammaan ka helay Hansi Flick
Ugu dambeyntii, Lamine wuxuu xusay Pablo Torre, ciyaaryahan sare oo sidoo kale ka dhex muuqday Barcelona. Hal-abuurkiisa iyo xirfadiisa farsamo ayaa isaga ka dhigay mid ka duwan ciyaartoyda kale. Wuxuu leeyahay aragti uu ku furo difaacyada taasoo uu ku abuuro fursado. Wuxuu noqon doonaa mid la daawan doono xilli ciyaareedyada soo socda
