22/05/2025
Maamulka JWXO Ee Gobolka Qoraxay oo Kulan Muhiim Ah Qabtay.
Waxaa Xafiiska JWXO ee Gobolka Qoraxay ka qabsoomay kulan balaadhan oo ay isugu yimaadeen xubnaha JWXO ee kadhisan 12 ka Xaafadood ee magaalada Qabridahare iyo Ururada Bulshada ee ka howl gala magaalada Qabridahare ee Xarunta Gobolka Qorraxay.
Kulanka ayaa ku bilowday kala warqaadasho waxaana warbixin waafi ah laga dhagaystay Gudoomiyaha JWXO ee Gobolka Mudane Maxamuud Jigre Gamaadiid, wuxuuna Gudoomiyuhu xubnaha la wadaagay qorshayaal muhiim ah.
Sidoo Kale Gudoomiye Jigre ayaa xubnaha faray ka shaqaynta nabada iyo dhowrista akhlaaqda, si magaalada iyo Gobolkuba u noqdaan kuwo hor-mara.
Kulanka oo maanta xaasaasi ahaa ayaa lagu qaadaa dhigay qodobo hor-tabin u leh Ururka, kuwaas oo fulintoodana lagu balamay.
Xubnaha madasha soo xaadiray ayaa muujiyay sida ay ugu heelan yihiin shaqada Ururka, iyagoo xusay in ay la socda waxa hareerahooda ka socda.
Kulanka oo ay Marti ku ahayd Nafteed Hurto Cibaado Maxamed Tarabi hadal dhaxal gal ahna ay kajeedisay ayaa goor dambe oo galabta ah kusoo idlaaday si nabad galiyo ah.
Qabridahare.
