13/02/2026
Dhawaan, Yoolbaar Media waxay daah-furi doontaa barnaamij gaar ah oo lagu baarayo laguna qiimeynayo waxqabadka Xildhibaannada Soomaaliyeed afartii sano ee la soo dhaafay. Barnaamijkan ayaa si qoto dheer u eegaya kaalinta ay wakiilladu ka qaateen sharci-dejinta, la xisaabtanka xukuumadda, iyo matalaadda danaha shacabka ay codkooda ku yimaadeen.
Mudada xil-heyntooda, maxay qabteen? Ma soo gudbiyeen sharciyo wax ku ool ah? Ma ka hadleen dhibaatooyinka deegaanadooda? Ma la kulmeen bulshada ay matalaan, mise kuraasta Baarlamaanka ayay ku ekaadeen?
Warbixintan baaritaanka ah waxay ku saleysan tahay xog ururin, falanqeyn dukumiinti, si loo helo sawir dhab ah oo ku saabsan waxqabadka Xildhibaannada.
Ujeeddadu waa in shacabka loo iftiimiyo heerka ay gaarsiisan tahay masuuliyadda iyo waxqabadka wakiilladooda.
Haddaba, Xildhibaankaagu muxuu u qabtay adiga iyo deegaankaagaba afartii sano ee la soo dhaafay?
