25/06/2024
Kiptaiyat nebo lugosiek kilosun, kitororin kogeny amu kaikonech kegeer betuni, kisome mitengung ak kandoisengung kot kigesu betut eng chametabgei kilosun ak kitor kainengung.
Kibwoti emenyo Kiptaiyandenyo, chang tuguk che tesetai, kisome chamyengung eng kwenutab kandoikyok ak bikab emoni, tonon si iyai nemie, ker kong boisiet age tugul ne ya, kakitonon keesie chemarget eng emoni, kiesio tamirmiriet nebo
meosiek, tonon Kiptaiyandenyo ak iyai luget ago ne sirei tugul iwaal atindiotab betuni komieit eng taingung.
Kibwoti lagokyok che mi ortinwek kobunu sugul, rire ichek, chob oret kot koit tugul eng chametabgei si kolosun sigikab emoni amu iwolu saet.
Rutochi tugul che rirtos ak igaigai, rutochi che miandos ak inyaa tugul, chob oret eng ole mami oret eng kwenunyo ak iwolwech kou sometab mugulelwekyok.
Ye kimandoi rani kosubotech mieindong'ung, wendote kobotech, rirenech, ibelisiewech, igimitech, tektech eng inendet ne ya ak ibwat kainaikyok amu nito somenyo koboto kongoi eng Jesu ne Kiptaiyandenyo amen.
