11/07/2025
Америка Кошмо Штаттарында жүргөн жана бул өлкөгө сапар пландап жаткан Кыргыз Республикасынын жарандары үчүн маанилүү маалымат
Америка Кошмо Штаттарында жүргөн, ошондой эле бул өлкөгө сапарга чыгууну пландап жаткан жарандарды АКШнын миграциялык мыйзамдарын так сактоонун маанилүүлүгүнө көңүл бурууга чакырат.
Америка Кошмо Штаттарынын расмий маалыматына ылайык, АКШ чек арасын мыйзамсыз кесип өтүү, виза боюнча уруксат берилген мөөнөттөн ашып кетүү, жасалма же жараксыз документтерди колдонуу сыяктуу мыйзам бузуулар олуттуу укуктук кесепеттерге алып келиши мүмкүн. Ага төмөнкүлөр кирет: кармоо жана камакка алуу, депортация, АКШга кайра кирүүгө тыюу салуу, административдик же кылмыш-жаза жоопкерчилигине тартуу.
Эскерте кетебиз, эгерде Кыргыз Республикасынын жарандары АКШга мыйзамдуу негизде кирип, бирок уруксат берилген мөөнөт бүткөндөн кийин өлкөдөн чыкпаса, бул АКШнын миграциялык мыйзамдарын бузуу болуп эсептелет. Мындай учурларда жарандар АКШнын ыйгарым укуктуу органдары тарабынан кармалып, ири айып пулга жыгылышы, көп жылдык эркинен ажыратылышы жана АКШга кайра кирүүгө тыюу салынышы мүмкүн.
Жогоруда аталган терс кесепеттерге туш болбоо үчүн, учурда АКШда мыйзамсыз жүргөн Кыргыз Республикасынын жарандарына АКШнын аймагынан ыктыярдуу чыгып кетүү мүмкүнчүлүгүн пайдалануу сунушталат. Белгилей кетүүчү жагдай – айрым шарттарда, чет элдик жарандарга мекенине кайтып баруусу үчүн Америка Кошмо Штаттарынын Өкмөтү тарабынан каржылык жана башка жардам көрсөтүлүшү мүмкүн. Бул мүмкүнчүлүктөн пайдалануу үчүн CBP Home тиркемеси аркылуу каттоодон өтүү зарыл:
🔗 www.dhs.gov/cbphome
АКШдагы жүрүү шарттарына байланыштуу кошумча суроолор жаралса, Кыргыз Республикасынын Америка Кошмо Штаттарындагы жана Канададагы Элчилигине, ошондой эле Чикаго шаарындагы Кыргыз Республикасынын Башкы консулдугуна кайрылууну өтүнөбүз.
Кыргыз Республикасынын АКШ жана Канададагы Элчилиги
2360 Massachusetts Avenue, NW, Washington D.C. 20008
Электрондук дарек: [email protected]
Телефон: +1 202 256 2924; +1 202 449 9823; +1 202 449 9822.
Кыргыз Республикасынын Чикагодогу Башкы консулдугу
100/1610 Норт Ла Салл көчөсү, Чикаго шаары, Иллинойс, 60602
Электрондук дарек: [email protected]
Телефон: +1 312 929 34 42; +1 312 994 24 16.
Ушуга байланыштуу, Америка Кошмо Штаттарында жүргөн же бул өлкөгө барууну пландап жаткан Кыргыз Республикасынын жарандарына АКШнын миграциялык мыйзамдарындагы жаңы талаптарды так сактоо жана өлкөдө болууга укуктуулугун тастыктаган бардык документтерди жанында алып жүрүү сунушталат.
DHS has announced financial and travel document support to illegal aliens, to facilitate travel back to their home country or another country where they have lawful status through the CBP Home App.
