What are the opening hours?

Monday 08:00 - 20:00 Tuesday 08:00 - 20:00 Wednesday 08:00 - 20:00 Thursday 08:00 - 20:00 Friday 08:00 - 20:00

kaktus.kyrgyz, Улица Тыныстанова, 197, Bishkek (2025)

02/07/2025

Нарын облусунун Ат-Башы районундагы Ача-Кайыңды – Май-Босого унаа жолунун 5 чакырымы асфальтталат. Бул тууралуу Транспорт жана коммуникациялар министрлигинин маалымат кызматы билдирди.

Маалыматка ылайык, учурда 14–16-чакырым аралыгына асфальт катмары төшөлүп бүттү. Жол оңдоо жумуштары “Кыргызавтожол-Түндүк” мамлекеттик ишканасынын №20 Жол тейлөө ишканасы тарабынан аткарылып жатат.

Учурда жол жээгин бекемдөө иштери жүрүүдө. Ал эми алдыдагы күндөрү 43–45-чакырымдар жана 16–17-чакырымдар аралыгына асфальт төшөө пландалууда.

Бул иштер айыл аралык каттамдарды жакшыртууга жана унаа кыймылынын коопсуздугун жогорулатууга багытталган. Жол курулушу тийиштүү жетекчилик тарабынан көзөмөлгө алынган.

02/07/2025

2025-жылдын 1-июлунан тарта Ош шаарынын Кара-Суу жана А.Навои көчөлөрүнүн кесилишинде жайгашкан борбордук базар жаңы дарекке – Б.Осмонов көчөсүндөгү муниципалдык базарга көчүрүлдү.

Сатуучулар учурда товарларын жыйнап, жаңы жайга көчүүгө даярданууда. Жаңы базар санитардык жана коопсуздук талаптарына жооп берип, заманбап шарттар менен жабдылган. Бул жерде ишкерлер үчүн дагы ыңгайлуу мүмкүнчүлүктөр каралган.

Муниципалдык базар Ош эл аралык аэропортуна жана жаңы автобекетке жакын жайгашып, сатуучулар жана сатып алуучулар үчүн логистикалык жактан ыңгайлуу болуп саналат.

01/07/2025

Бишкек шаардык Ленин райондук ИИБи 1987-жылы туулган Алымкулова Руфина Раухатовнаны изделип жатканын кабарлады. Ал 2025-жылдын 27-июнунда саат 18:00 чамасында үйүнөн чыгып кеткен бойдон кайра кайтып келген эмес.

Жоголгон аялдын энеси 30-июнь күнү милицияга кайрылып, кызынын дайынсыз болуп жатканын билдирген. Маалымат ИИМдин автоматташтырылган маалыматтык системасына катталган.

Белгилери: бою 160–165 см, арык дене түзүлүштө, узун кара чачтуу, көзү күрөң. Апасынын айтымында, Руфина психикалык илдет менен жабыркайт. Жоголгон учурда үстүндө кызгылт футболка, боз шым жана ак кроссовка болгон.

Милиция Руфина Алымкулованын кайда жүргөнүн билгендерге төмөнкү номерлер аркылуу кабарлап коюуну суранат:
📞 0312 35 29 47
📞 0703 69 90 55
📞 0702 80 80 23

01/07/2025

1-июль күнү президент Садыр Жапаровдун жарлыгы менен Кермалиев Султан Шарипканович Ысык-Көл облусунун Балыкчы шаарынын мэри болуп дайындалды. Тиешелүү документ расмий жарыяланды.

Султан Кермалиев 1989-жылы 25-июнда Бишкек шаарында туулган. №37 мектеп-гимназияны аяктап, Кыргыз-Орус Славян университетинен жарандык курулуш багытында инженердик билим алган. Эмгек жолун ширетүүчү болуп баштаган.

Кийинчерээк “Шарипкан” аттуу жеке курулуш компаниясын негиздеп, аны жетектеп келген. Компания дизайнерлик пирстерди жана туристтик объекттерди курууга адистешкен. Анын эң белгилүү эмгектери — Чолпон-Атадагы комуз формасындагы пирс жана Балыкчыдагы Зевс менен Посейдон айкелдери. Бул эстеликтер туристтер арасында кеңири таанылып, шаар көркүнө айланган.

Кермалиев Ысык-Көл облусунун туристтик жана инфраструктуралык өнүгүшүнө активдүү салым кошуп келет. 2023-жылы ал президенттин Ардак грамотасы менен сыйланган.

01/07/2025

Индиянын Телангана штатындагы Sigachi Industries фармацевтикалык заводунда катуу жарылуу болуп, кеминде 36 адамдын өмүрү кыйылды. Бул тууралуу Hindustan Times басылмасы жазды.

Каргаша 30-июнда кургаткыч жабдуулардын биринен чыккан жарылуудан кийин башталган. Жарылуудан соң өрт тутанып, заводдун ичинде жайгашкан ондогон жумушчулар сыртка чыга албай калган.

Күбөлөрдүн айтымында, окуя болгон маалда аймакта болжол менен 90 адам болгон. Куткаруу иштери түнү бою жүрүп, таңга жуук 36 кишинин сөөгү урандылардын астынан чыгарылды. Дагы бир нече адам дайынсыз болууда. Издөө-куткаруу иштери уланууда.

01/07/2025

25-июнь күнү Нарын облусуна болгон иш сапарынын алкагында Министрлер Кабинетинин төрагасынын орун басары, УКМК төрагасы Камчыбек Ташиев мамлекеттик ипотекалык үйлөрдүн курулушу 3 айдан кийин аяктап, элге тапшырыларын билдирди. Бул тууралуу маалыматты “Регион” телеканалынын башкы директору өзүнүн фейсбук баракчасында жазды.

Жыйын учурунда Камчыбек Ташиев эмне себептен Нарын шаарындагы ипотекалык үйлөрдүн курулушу жай жүрүп жатканын тактаган. Курулуш министри Нурдан Орунтаев бетон жок болуп жатканын айткан.

01/07/2025

Кыргызгидрометтин маалыматына ылайык, 3–5-июль аралыгында абанын температурасы кескин жогорулайт.

Чүй облусунун өрөөндөрүндө күндүз +35…+40°ка чейин, Ош, Жалал-Абад жана Баткен облустарында +36…+41°, ал эми Талас облусунун өрөөндөрүндө +36…+38°ка чейин көтөрүлөрү күтүлүүдө.

Синоптиктер мындай аптапта күндүн түз тийген нурларынан сактанууга жана айыл чарба эгиндерин өз убагында сугарууга чакырышат.

01/07/2025

2025-жылдын 1-июлунда түнкү саат 03:00 чамасында Чүй облусунун Ысык-Ата районунда жайгашкан Такыр-Төр көлүнүн суусу кескин көбөйүп, жээкке жакын жайгашкан Алмалуу жана Кебек-Бий (Горная-Серафимовка) айылдарынын ортосундагы унаа жолду каптаган. Натыйжада жол убактылуу жабылып, ыкчам штаб түзүлдү.

Өзгөчө кырдаалдар министрлигинин маалыматына караганда, бүгүн саат 09:00гө карата жүргүзүлгөн эвакуация иштеринин жыйынтыгында:
• Алмалуу айылынан – 500 адам
• Кебек-Бий (Горная-Серафимовка) айылынан – 240 адам
• Нижняя-Серафимовка айылындагы карылар үйүнөн – 42 адам эвакуацияланды.

Карылар үйүндөгү жарандар атайын тез жардам унаалары менен коопсуз жайларга жеткирилди. Жалпысынан эвакуация иштерине КР ӨКМден 21 кызматкер, 4 автоунаа, ИИМден 80 кызматкер, 15 кызматтык унаа, 8 тез жардам унаасы, 7 кичи автобус жана бир катар жеке менчик автоунаалар тартылган.

Министрлик билдиргендей, азыркы тапта абал турукташып, эвакуацияланган жарандардын айрымдары кайра өз үйлөрүнө кайтууда.

Такыр-Төр көлүндөгү кырдаал Өзгөчө кырдаалдар министри, генерал-майор Бообек Ажикеевдин жеке көзөмөлүндө. Абалга байланыштуу кошумча маалыматтар берилет.

01/07/2025

Кечээ, 30-июнда ИИМдин Жол кыймылынын коопсуздугун камсыздоо башкы башкармалыгынын башчысы, милициянын полковниги Жеңишбек Жоробеков менен Мамлекеттик камсыздандыруу уюмунун төрагасы Элдияр Калдарбековдун жумушчу жолугушуусу өттү. Жолугушууда 2025-жылдын 1-июлунан тартып күчүнө кире турган автоунаа ээлеринин жарандык жоопкерчилигин милдеттүү камсыздандыруу (ОСАГО) мыйзамы талкууланды.

Элдияр Калдарбеков айрым айдоочулар техникалык же башка себептерден улам белгиленген мөөнөткө чейин камсыздандыруу полисин алып үлгүрбөгөнүн айтып, мындай учурларга милиция кызматкерлерин түшүнүү менен мамиле кылууга чакырды. Ошондой эле, жаңы талаптар боюнча айдоочулар арасында түшүндүрүү иштерин күчөтүү зарылдыгын белгиледи.

Жолугушуунун жыйынтыгында, камсыздандыруу полисин ала элек айдоочуларга карата айып салынбай, эскертүү берүү жана камсыздандыруудан өтүүгө багыт берүү чечими кабыл алынды.

Мамлекеттик камсыздандыруу уюму маалымдагандай, айдоочулар үчүн 2025-жылдын 1-сентябрына чейин өтүү мезгили жарыяланды. Бул аралыкта жарандар айып пул төлөбөстөн ОСАГО полисин расмий түрдө тариздей алышат.

30/06/2025

Кара-Балта шаарынын мэри Мирлан Жекшенов жана дагы бир нече шаардык жетекчи кызматкерлери коррупцияга шектелип УКМК тарабынан кармалды. Бул тууралуу Kaktus.media агенттигине күч түзүмдөрүндөгү булактар билдиришти.

Маалыматка ылайык, кармалгандардын арасында Кара-Балта шаарынын мэри жана муниципалдык кызмат башкармалыгынын жетекчиси да бар. Аларга карата кызматтык абалынан кыянаттык менен пайдалануу жана коррупцияга байланыштуу беренелер боюнча тергөө иштери башталды.

Эске салсак, өткөн аптада УКМК төрагасы Камчыбек Ташиев Токмок шаарына күтүүсүз барып, тургундардын жаңы курулган парктын сапаты боюнча нааразычылыктарынан кийин кеңешме өткөргөн. Анда Ташиев Токмок шаарынын мэрин жана дагы үч жооптуу кызматкерди дароо камакка алуу тууралуу буйрук берген. Кара-Балтадагы учурдагы операция дал ушул өңдүү текшерүүлөрдүн уландысы болушу мүмкүн.

30/06/2025

Люксембург айылында Lexus менен Daewoo Nexia кагышып, жол кырсыгы катталды. Nexia унаасын башкарып бара жаткан 26 жаштагы жигит окуя болгон жерде жан берди. Ал эми жанындагы кыз башынан оор жаракат алып, жандандыруу бөлүмүнө жеткирилди.

Кырсык түнкү саат 02:30 чамасында болгон. Алдын ала маалыматтарга караганда, эки унаа бир багытта бара жаткан. Милиция окуянын чоо-жайын тактап жатат.

30/06/2025

УКМК төрагасы Камчыбек Ташиев мамлекеттик кызматкерлерге кайрылып, жоопкерчилик менен иштөөгө чакырды.

Анын айтымында, өлкө жетекчилиги күнү-түнү эмгектенип жаткан маалда, жетекчи кызматтагылар эс алууну эмес, элге кызмат кылууну биринчи орунга коюшу зарыл.

«Ким тоого, көлгө же чет өлкөгө эс алууга кеткенин билсем — жумуштан кетет. Ар бир жетекчи эл үчүн иштеши керек», — деп баса белгиледи Ташиев.

kaktus.kyrgyz

02/07/2025

02/07/2025

01/07/2025

01/07/2025

01/07/2025

01/07/2025

01/07/2025

01/07/2025

01/07/2025

30/06/2025

30/06/2025

30/06/2025

Address

Opening Hours

Telephone

Website

Alerts

Contact The Business

Shortcuts

Share

Category

Monday	08:00 - 20:00
Tuesday	08:00 - 20:00
Wednesday	08:00 - 20:00
Thursday	08:00 - 20:00
Friday	08:00 - 20:00