Борбордук Телеканал

Борбордук Телеканал 📞 Сиздер кандайдыр бир окуяларга күбө болсоңуздар, биздин номерге кайрылыңыздар: + 996 (700) 006 465

06/11/2025

Кыргызстан Сирияга гумжардам жеткирди.

Президенттин буйругу менен аны УКМК жана ТИМ Түркиянын маморгандары менен биргеликте уюштуруп беришти.

150 тоннадан ашык күрүч, шекер, суу май жана башка азык-түлүк берилген.

Сириянын бийлиги Кыргызстанга ыраазычылыгын айтты.

06/11/2025

Бишкекте аялдамаларда коомдук транспорттун кыймылына тоскоолдук жараткан автоунааларга карата рейддик иш-чара өткөрүлдү. Бул тууралуу бүгүн, 6-ноябрда Биринчи май райондук администрациясынан билдиришти.

Жалпысынан 1 саат ичинде 10 административдик протокол түзүлүп, айып салынган жалпы сумма 30 миң сомду түздү.

06/11/2025

Чүйдө от менен жазуу жазып, видеону TikTokко жарыялаган жигит кармалды.

Окуя Сүймөнкул Чокморов айылындагы талаада болгон.

24 жаштагы жигит милицияга жеткирилди, териштирүү жүрүп жатат.

06/11/2025

Кайгуул милициясынын имаратындагылар жумуш учурунда “төшөк” эпизоддору камтылган тасма көрүшкөн. Мындай видео интернет желесине тарап, ага мекеменин маалымат кызматы жооп берди.

Ага ылайык, алар органдын тескөөчүлөрү эмес “Кыргыз почтасынын” кызматкерлери экенин билдиришти.

05/11/2025

Президенттин Иш башкармалыгынын башчысы Каныбек Туманбаев түз эфир учурунда мөөнөтсүз айдоочулук күбөлүктөрдүн тагдыры тууралуу айтып берди.

Ал белгилегендей, мөөнөтсүз айдоочулук күбөлүктөрдү 2026-жылдан тарта жаңы үлгүдөгү айдоочулук күбөлүктөргө алмаштырууга болот.

"Жаңы үлгүдөгү айдоочулук күбөлүк алууда айдоочулар кайрадан экзамен тапшырбайт жана эч кандай төлөм төлөнбөйт. Мунун баары акысыз жана экзаменсиз болот. Ал эми мурда 10 жылга берилген күбөлүктөрдү мөөнөтү аяктаганга чейин колдоно берсе болот. Мөөнөтү аяктагандан кийин Транспорт каражаттарын жана айдоочулук курамды каттоо боюнча мамлекеттик агенттикте жаңыртылат", — деди ал.

05/11/2025

Кечээ, 4-ноябрда Бишкектин көчөлөрүнүн биринде цемент түркүк автоунааны басып калды.

Окуя Лев Толстой көчөсүндө Ибраимов менен 7-апрелдин ортосу экенин айтышты.

Жабыркагандардын бар-жогу туурасында маалымат түшө элек.

04/11/2025

Бишкекте кошунасын “атып салам” деп коркуткан куралчан киши кармалды.

Окуя Жумушчулар шаарчасында 30-октябрда болгонун Ленин РИИБинен кабарлашты.

Киши себепсиз эле эки жолу ок чыгарып, кошунасын сөгүп-сакканы айтылды. Натыйжада 51 жаштагы куралчан киши кармалып, аңчылыкка колдонулган куралы, пневматикалык курал жана эки гильза алынган.

28/10/2025

Балбан Билал Шарип уулу дүйнө чемпионатында (U-23) коло медаль утту. Бул тууралуу Күрөш Федерациясы билдирди.

Белгилей кетсек, 20-октябрдан тарта Сербиянын Нови-Сад шаарында спорттук күрөш боюнча 23 жашка чейинки балбандар арасында дүйнө чемпионаты өтүүдө.

Кыргызстандын капчыгында бир катар медалдар бар, анын ичинде алтын медалды Нурзат Нуртаева алды, ал эми Гулнура Таштанбекова коло утса, Өмүрбек Асан уулу күмүш медаль жеңди.

28/10/2025

Кыргызстандык балбан Өмүрбек Асан уулу Сербиянын Нови-Сад шаарында өтүп жаткан спорттук күрөш боюнча жаштар арасындагы дүйнө чемпиондугунда экинчи орунду ээледи. Бул тууралуу Күрөш Федерациясынан билдиришти.

23 жашка чейинки спортчулар арасындагы турнирде кыргызстандык балбан эркин күрөш боюнча 61 килограммга чейинки салмактык категорияда күч сынашты.

Ал Кытай, Болгария, Албания жана Түркиянын спортчуларын катары менен жеңип, финалга чыккан. Алтын медаль үчүн болгон чечүүчү беттеште анын атаандашы 19 жаштагы америкалык Жэксон Патрик Форрест болду. Анда америкалык балбан жеңишке жетип, алтын медалды алды, ал эми кыргызстандык Өмүрбек Асан уулу күмүш медаль тагынды.

27/10/2025

Жол ортосунда жакалашкан айдоочуларды арачалаган жигит соцтармак колдонуучуларынын алкышына татыды.

Окуя Бишкектин Манас проспектинде болгонун көрүүгө болот.

Ленин РИИБи окуя каттоого алынып, жаңжалдашкан адамдардын ким экени аныкталып жатканын билдирди.

27/10/2025

Бишкекте жол кыймылын тескөөчүлөрдүн дарегине жаман сөздөрдү айткан жарандар кармалышты.

Кайгуул кызматынан билдиргендей, тескөөчүлөр тарабынан токтотулган унаанын жүргүнчүсү текшерүү учурунда аларды сөгүп, агрессивдүүлүк көрсөткөн. Натыйжада ал Ленин райондук ички иштер бөлүмүнүн убактылуу кармоочу жайына киргизилди.

Медициналык кароодо айдоочу менен анын жанындагы жүргүнчү спирт ичимдиктерин ичишкени аныкталган. Унаа айып коргоого токтотулуп, айдоочуга карата административдик укук бузуулар жөнүндө протокол түзүлгөн.

Address

Ленина 97
Bishkek
720011

Telephone

+996700006456

Website

https://www.youtube.com/@BorbordukTV

Alerts

Be the first to know and let us send you an email when Борбордук Телеканал posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Борбордук Телеканал:

Shortcuts

Share

Category