12/09/2022
❗️ Чүй облусу боюнча жол кыймылынын коопсуздугун камсыздоо кызматкерлери тарабынан жол эрежесин сактоо жана кырсыктардын алдын алуу максатында 8-сентябрдан 13-сентябрга чейин рейддик иш-чаралар өтүүдө. Ысык-Ата районунун инспекторлору ак түстөгү Хонда Стрим үлгүсүндөгү унаасын Бишкек-Нарын-Торугарт жолунда кооптуу учур жараткандагы үчүн токтотконго аракет кылышты.
Ал эми унаанын айдоочусу баш ийбестик көргөзүп, качып жөнөдү. Эки экипаж унаанын артынан кууп жетип токтотушту. Кызматкерлер айдоочуга бара жатканда, ал артындагы кызматкерлердин унаасынынын алдыңкы бөлүгүн киргизе сүзүп, алдыдагы инспекторлордун жана биздин оператордун өмүрүнө коркунуч жаратып, кайрадан качып жөнөдү.
Айдоочу жолдун баарын чаңдатып, эл жашаган аймакка кире качкан. Инспекторлор бир нече мүнөткө унаанын изин жоготуту. Көрсө, качып бара жаткан Хонда Стрим жол жээгинде токтоп турган жүк ташуучу унаанын алдына кире сүзө токтоп калган экен. Инспекторлор чаң жолдо бара жатып, Хондо үлгүсүндөгү унаанын арткы капталына урунуп токтоду. Рулдагы айдоочу унаанын арткы бөлүгүнө өтүп кеткендиги аныкталды.
Өзүнүн жана инспектордун өмүрүнө коркунуч жаратып, кызматтык автоунааларды жараксыз абалга алып келген айдоочу мас абалында болгондугун мойнуна алды.
Одиссей үлгүсүндөгү автоунаа кызматкерлер тарабынан токтотулганда, айдоочу спирт ичимдигин ичкенине шек жаратты. Айдоочу болсо, кымыз гана ичкендигин айтып, өзүн юристмин деп тааныштырды.
Айдоочунун мастыгын тактоо үчүн наркология болүмүнө бардык. Ал жактан дагы бул жаран мастыгын мойнуна албай, ар ким менен кайым айтышып, коркутуп жатты. Деген менен экспертизанын жыйынтыгы айдоочу спирт ичимдигин тастыктады.
