gezit.kg

gezit.kg Contact information, map and directions, contact form, opening hours, services, ratings, photos, videos and announcements from gezit.kg, Media/News Company, Bishkek.

УКМК төрагасы Камчыбек Ташиев кечээ, 28-июнь күнү Чаткал өрөөнүндө алгачкы «Башкы-Терек» ГЭСнин имаратында капсула салуу...
30/06/2025

УКМК төрагасы Камчыбек Ташиев кечээ, 28-июнь күнү Чаткал өрөөнүндө алгачкы «Башкы-Терек» ГЭСнин имаратында капсула салуу аземине катышты.

Чаткал дарыясында ГЭСтер каскадын куруу боюнча инвестициялык долбоордо 4 чакан ГЭС каралып, 3 жыл ичинде курулуп бүтөт. Долбоор Министрлер кабинетинин 2024-жылы 27-августундагы 523-токтомуна ылайык, энергиянын кайра жаралуучу булактары (ЭКБ) чөйрөсүндөгү мамлекеттик-жеке онөктөштүк (МЖӨ) алкагында ишке ашырылып жатат. ГЭСтерге «Гран Холдинг» ЖЧКсы инвестор болгон. Чаткал каскад ГЭСтери Каныш-Кыя айыл аймагына курулат. Алар (Башкы-Терек, Коргон-Сай, Чуңкурчак, Айгыр-Жал). Бул долбоор ишке ашса Чаткал өрөөнү туруктуу электр энергия менен камсыз болот жана Ала-Бука жана Таласка да жеткирүү мүмкүнчүлүгү түзүлөт. Белгилей кетсек, Чаткал өрөөнүндө биринчи жолу ГЭС салынып жатат. Бул өлкөдөгү жеке өнөктөштөр тарабынан курулуп жаткан эң ири долбоор болуп саналат.

Serep.kg

Ички иштер органдарынын кызматкерлери тарабынан социалдык тармактарга жүргүзүлгөн мониторингдин жүрүшүндө Instagram соци...
30/06/2025

Ички иштер органдарынын кызматкерлери тарабынан социалдык тармактарга жүргүзүлгөн мониторингдин жүрүшүндө Instagram социалдык тармагында «asanov_live» деген аталыштагы аккаунт аныкталган.

Аталган баракчага өлкөнүн жогорку жетекчилигинин дарегине агрессивдүү жана басмырлаган түрдө, этикалык нормаларды одоно бузуу менен сүйлөгөн белгисиз жарандын видеосу жайгаштырылган. Бул видеоматериал мыйзамдарга ылайык укук бузуунун белгилери бар экендиги боюнча каралууда.
Жүргүзүлгөн иш-чаралардын натыйжасында, видеодогу 1985-жылы туулган жаран кармалып, Бишкек ШИИБдин убактылуу кармоочу жайына киргизилди. Мындан тышкары, жаран Кылмыш-жаза кодексинин 205-беренеси (уурдоо) боюнча Ленин РИИБи тарабынан издөөгө алынып жаткандыгы аныкталган.

Serep.kg

УКМК төрагасы Камчыбек Ташиев Чаткалга болгон иш-сапарынын алкагында Ыдырыс пайгамбардын кадам-жайына зыярат кылды. Бул ...
30/06/2025

УКМК төрагасы Камчыбек Ташиев Чаткалга болгон иш-сапарынын алкагында Ыдырыс пайгамбардын кадам-жайына зыярат кылды. Бул жердин абалы менен таанышып, Ыдырыс пайгамбардын күмбөзү деп аталган жайда Куран багыштап, бата кылды.

Мындагы тарыхый эстеликтер байыркы кылымдарга таандык. Мезгил өтүп, жаан-чачынга калып, дубалы бузула баштаганда, 2011-жылы Камчыбек Ташиев тарабынан үстү жабылып, тегерек-чети иретке келтирилген. Бул жай — Ыдырыс пайгамбардын күмбөзү деп аталып, зыярат кылуучу жерлердин катарына кирет. Ага Кыргызстандан гана эмес, бүткүл Орто Азиядан жарандар зыяратка келип турат.

УКМК интимдик кызмат көрсөтүүлөрдү жана сойкуканаларды уюштуруучулардын ири тобу колго түшүрүлдү. Мындан кийин сойкулукт...
26/06/2025

УКМК интимдик кызмат көрсөтүүлөрдү жана сойкуканаларды уюштуруучулардын ири тобу колго түшүрүлдү. Мындан кийин сойкулукту уюштурууга шарт түзгөн сауналардын, мейманканалардын, жеке батирлердин жана оюн-зоок жайларынын ээлери жоопкерчиликке тартылат. Бул тууралуу УКМКдан билдиришти.

УКМКнын маалыматына ылайык, укук коргоо органдарынын системалуу түрдө сойкулукка каршы күрөшүүсүнүн натыйжасында, коомубуздагы буга окшогон терс көрүнүштөр азайтылды. Бирок алардын ишмердүүлүгү сауналардын, мейманканалардын, жеке батирлердин жана жеке оюн-зоок мекемелеринин ээлеринин кызыкчылыгы аркылуу уланып келүүдө.

21-июнда Бишкек шаарынын аймагында мурда аныкталган сауналарда, конок үйлөрүндө, жеке менчик батирлерде ири өлчөмдөгү тергөө иш-чаралары жүргүзүлүп, анын натыйжасында 50дөн ашык кыздардын интимдик кызмат көрсөткөндүгү аныкталган. Тергөө маалында кармалган кыздардын баары интимдик кызматтарды жана сойкуканаларды уюштургандарга карата көрсөтмөлөрдү беришкен.

Натыйжада, интимдик кызматтын жана сойкуканалардын уюштуруучулары кармалып, УКМКнын убактылуу кармоочу жайына киргизилди.

Алар:

1987-жылы туулган К.А.А. КР жараны, социалдык тармактар аркылуу элиталык интимдик кызмат көрсөтүүлөрдүн уюштуруучусу;

1975-жылы туулган М.Э.М. КР жараны, «Инь Янь», «Банный двор», «Кристалл» сауналарынын жана «Рандеву» конок үйүнүн кожоюну;

1995-жылы туулган П.Л.Е. КР жараны, «Инь Янь» саунасынын администратору;

1990-жылы туулган К.Н.В. чет өлкөнүн жараны, «Guest House» саунасынын администратору;

Интимдик кызмат көрсөткөн кыздарга карата административдик айыптар салынып, Бишкек ШИИБдин тиешелүү каттоо тизмесине алынды.

Жалал-Абадда жаңы, заманбап, 5200 орунга ылайыкташкан спорт сарай салынат. Бүгүн, 22-июнда анын курулушуна Министрлер ка...
23/06/2025

Жалал-Абадда жаңы, заманбап, 5200 орунга ылайыкташкан спорт сарай салынат. Бүгүн, 22-июнда анын курулушуна Министрлер кабинетинин төрагасынын орун басары, УКМК төрагасы Камчыбек Ташиев капсула салды.
Жаңы спорт сарай мурдагы “Айти” базардын ордуна салынып жатат. Ал көп функционалдуу болуп, эл аралык турнирлерди өткөрүүгө, машыгууга бардык шарттар түзүлөт. Имарат үч бөлүктөн туруп, чоң спорттук аянтча, олимпиадалык стандарттагы бассейини болот. Кошумча сыртында 200 орунду унаа токтотуучу жайы курулат.
Быйыл эгемендик күнүн утурлай Жалал-Абадда Бокс академиясы пайдаланууга берилсе, андан башка бир топ спорттук мекемелер оңдоп-түзөөдөн өтүп жатат. Бул иштердин баары өлкө жетекчиси Садыр Жапаровдун тапшырмасынын негизинде, УКМК төрагасы Камчыбек Ташиевдин көзөмөлү астында ишке ашууда.

Президент Садыр Жапаров Малайзиянын премьер-министри Анвар Ибрагимдин чакыруусу менен аталган өлкөгө барат. Бул туурасын...
23/06/2025

Президент Садыр Жапаров Малайзиянын премьер-министри Анвар Ибрагимдин чакыруусу менен аталган өлкөгө барат. Бул туурасында президенттик администрациядан билдиришти.
Анда Кыргызстан менен Малайзиянын саясий, соода-экономикалык, маданий жана гуманитардык жаатындагы өз ара кызыкчылык жараткан кызматташуусунун келечеги талкууланмакчы.
Сапардын алкагында Кыргызстандын президенти Малайзиянын парламентинин төрагасы, бизнес-чөйрөнүн өкүлдөрү менен да жолугарын айтышты.

«Кара. Кызыл. Сары» көркөм тасмасы Шанхай эл аралык кинофестивалынан «Эң мыкты тасма» сыйлыгын жеңип алды. Бул тууралуу ...
23/06/2025

«Кара. Кызыл. Сары» көркөм тасмасы Шанхай эл аралык кинофестивалынан «Эң мыкты тасма» сыйлыгын жеңип алды. Бул тууралуу «Спутник» жазды.

Толук метраждуу фильм «Кыргызфильм» киностудиясы тарабынан тартылган. Режиссёру Актан Арым Кубат. Тартуу иштери Баткен облусунда жүргүзүлгөн.

Кинофестиваль 13-22-июнда Шанхай шаарында өттү.

«Унаа кырсыгында каза болгон 5 жигиттин өлүмү чоң кайгы алып келди». Бул тууралуу депутат Замирбек Мамасадыков соцтармак...
23/06/2025

«Унаа кырсыгында каза болгон 5 жигиттин өлүмү чоң кайгы алып келди». Бул тууралуу депутат Замирбек Мамасадыков соцтармактагы баракчасына жазды.

«Ош-Бишкек жолунун Таш-Көмүр участкасында болгон кырсыктан Ноокен районунун Бүргөндү-Достук айыл аймагынын Бүргөндү айылынын тургундары, 1998-жылы туулган беш жигиттин бирдейинен каза болушу жердештерим үчүн чоң кайгы болду. Кырсыктан чырактай уулдарын жоготкон маркумдардын жакындарына терең кайгыруу менен көңүл айтып, аза кайгысын тең бөлүшөм. Маркумдардын жаткан жери жайлуу, топурагы торко болсун. Ал эми жабыркагандардын бат сакайып кетишин Кудайдан тилейбиз.

Кырсык каш кабактын ортосунда демекчи, ар бирибиз жол тартканда эрежелерди так сактап, бөөдө кырсыктан оолак бололу. Машина айдаганда бизди үйдө ата-энебиз, балдарыбыз жана жакындарыбыз сагынып күтүп жатканын туюп сезип, көздөгөн дарегибизге аман-эсен жетели. Өлкөбүздө жана ар бир үй-бүлөдө дайыма тынчтык жана амандык болсун», — деп жазылат билдирүүдө.

Кыргызстандыктардын каржылык адаттары өзгөрүүдө. Бүгүн адамдар кагаз документтердин ордуна — смартфонду, банкка баруунун...
19/06/2025

Кыргызстандыктардын каржылык адаттары өзгөрүүдө. Бүгүн адамдар кагаз документтердин ордуна — смартфонду, банкка баруунун ордуна — бир нече баскычты тандашат. Ыңгайлуу, коопсуз жана ишенимдүү!
📱 “Компаньон” мобилдик тиркемеси аркылуу үйдөн чыкпай эле депозит ачсаң болот — болгону бир нече мүнөт ичинде.
🟢 Кагазсыз
🟢 Банкка барбастан
🟢 Эч кандай түйшүк жок
⏳ Мөөнөтү — 3төн 36 айга чейин.
📊 Депозитти алдын ала эсептөө тиркеме аркылуу оңой эле.
🎯 Эмне үчүн ыңгайлуу:
— Депозитти ачуу жана башкаруу — түз эле телефондон
— Кезексиз
— Бардыгы 24/7 көзөмөлдө
— Депозиттер мамлекет тарабынан камсыздандырылган
Азыр — эң ылайыктуу учур. Акчаң өзү иштесин.
*эффективдүү пайыздык чен сом менен — 14,97% га чейин
*эффективдүү пайыздык чен АКШ доллары менен — 3,04% га чейин
📞 Толук маалымат үчүн: 88 00 же www.kompanion.kg

Агартуу министри Догдуркүл Кендирбаева социалдык тармактагы баракчасында маанилүү кабар менен бөлүштү.«Урматтуу агартууч...
19/06/2025

Агартуу министри Догдуркүл Кендирбаева социалдык тармактагы баракчасында маанилүү кабар менен бөлүштү.

«Урматтуу агартуучулар жана методисттер! 2025-2026 окуу жылында сиздердин айлык жогорулайт. Бул колдоо чечими үчүн президентке жана Министрлер кабиненетинин жетекчисине жалпы агартуучулардын атынан ыраазылык билдирем.

Акыркы жылдары билим берүүнүн сапатын жакшыртууга мамлекеттик деңгээлде олуттуу колдоолор жүрүп жатат. Ошондой эле райондук, шаардык билим берүү бөлүмдөрүн, облустук мугалимдерди өнүктүрүү борборлорун автотранспорт менен камсыз кылуу маселеси чечилүүнүн алдында. Бул системалык колдоо бизди шыктандырат жана эмгекке болгон мамилебизди, жоопкерчиликти жогорулатат!!

Урматтуу кесиптештер, бизге күчтүү жана жаратмандардын келишин күтөбүз. Окуу жыл ичинде орун жок калса таарынмай жок. Азыртадан ойлонгула. Айлыктын суммасын айтпай эле коёюн, ал “секрет”. Бул колдоо мыкты агартуучулардын келишине жана жаратмандыкка жол ачат! Эми агартуучунун баркы жогорулап, орун талашкандар көбөйүп, биз келечек муундарга мыкты билим тартуулоо кудуретине ээ болобуз. Агартуучу- ардактуу, асыл кесип!

Билим уясында кокустан, адашып келгендер иштебеши керек. Балага жан дүйнөсүн арнап, билим берген мугалимдер көбөйсүн. Агартуучунун эмгегин баалаган, барктаган доор келди»,- деп жазды ал.
Serep.tv

Бүгүн, 18-июнь күнү кыргыз күрөш курама команда Татарстан Республикасынын Казань шаарында өтө турган III Дүйнө чемпионду...
19/06/2025

Бүгүн, 18-июнь күнү кыргыз күрөш курама команда Татарстан Республикасынын Казань шаарында өтө турган III Дүйнө чемпиондугуна жөнөп кетти. Курама команданы узатуу аземине Спорттун Улуттук түрлөрү боюнча дирекциясынын директору Болотбек Ашыралиев жана федерациясынын өкүлдөр катышты.

Мелдеш 20-23-июнь күндөрү Татарстан Республикасынын Казань шаарында өтөт. Курама команданын тизмеси:

Эркектер арасында:

— 60 кг Толубай Шүкүров;

— 66 кг Арлен Эстебесов;

— 72 кг Назарбек Космосбек уулу;

— 78 кг Бактияр Кадырбек уулу;

— 84 кг Мыктыбек Өмүрзак уулу;

— 90 кг Азизхан Мусабек уулу;

— 96 кг Асанкелди Нурказым уулу;

— +96 кг Бактияр Мирлан уулу.

Кыз-келиндер арасында:

— 60 кг Бегай Бейшенаалы кызы;

— 66 кг Аземи Камчыбекова;

— +66 кг Айжан Анарбекова.

Курама команда машыктыруучу Азизбек Айтмурза уулунун жетекчилиги алдында мелдешке катышат.

Британиялык Вишвашкумар Рамеш Индиядагы авиакырсыктан жалгыз аман калган жүргүнчү экенин ЖМКлар жазышкан. Рамеш Лондонго...
13/06/2025

Британиялык Вишвашкумар Рамеш Индиядагы авиакырсыктан жалгыз аман калган жүргүнчү экенин ЖМКлар жазышкан. Рамеш Лондонго багыт алган Boeing 787 учагынын 11А орундугунда болгон. Рамеш Индияда туулган, 2003-жылдан бери Улуу Британияда жашайт.

Ал журналисттерге кырсык боюнча айтып берди. Анын айтымында, учак учкандан көп өтпөй эле төмөндөй баштап, экиге бөлүнүп кеткен.

«Учкандан 30 секунддан кийин катуу үн чыгып, андан кийин учак кулап түштү. Мунун баары тез эле болуп кетти», — деди Рамеш Hindustan Times гезитине.

Ал көп жылдан бери Улуу Британияда жашагандыктан Индияга бир нече күнгө үй-бүлөсү менен көрүшүүгө келген. Үйүндө жубайы жана уулу күтүп жаткан. Дароо аларга чалып, аман экенин айткан. «Кантип чыкканымды билбейм. Кыязы, учак бөлүнүп кеткенде мен ыргып кеткен окшойм. Көзүмдү ачсам эле айланамдын баары өлгөн адамдар экен. Коркуп кеттим. Туруп эле чуркадым. Бирөө мени кармады дагы Тез жардам унаасына салып, ооруканага жеткирди»,- деген ал учакта бир тууганы да болгонун, дайынын билбей жатканын билдирген.

Serep.kg

Address

Bishkek

Website

Alerts

Be the first to know and let us send you an email when gezit.kg posts news and promotions. Your email address will not be used for any other purpose, and you can unsubscribe at any time.

Shortcuts

Share

Category