17/12/2024
Суук мезгилде, сезондук оорулардын ортосунда иммунитеттин нормалдуу иштешин кантип камсыз кылуу керек?
1. Жумасына жок дегенде 3 жолудан 30 мүнөттөн кем эмес көнүгүү жасаңыз.
2.Аба ырайына жараша кийиниңиз. Кийим кыймылга тоскоол болбошу керек. Эгерде сиз тердеп жатсаңыз, анда ГИПОТЕРМИЯ коркунучу бар.
2.Көбүрөөк кыймыл-аракет жасаңыз. Түшкү тыныгуу учурунда сейилдеңиз, мүмкүн болсо эскалатор же лифт эмес, тепкичтер менен түшүп-чыгыңыз.
3.Сыртта сейилдөө бизге жетиштүү кычкылтек алууга, маанайды жакшыртууга мүмкүндүк берет. Күз жана кыш мезгилдеринде организмге табигый жарык керек — ал иммунитет үчүн маанилүү болгон D витаминин өндүрүүгө жардам берет.
4. Толук кандуу уйку (чоң адамдар үчүн суткасына эң аз 7-8 саат уктоо керек). Иммундук системаны активдүү кармоо үчүн уйку да абдан маанилүү экендигин эстен чыгарбайлы.
5. Жетиштүү деңгээлде суу ичүү. Мурундун, ооздун жана көздүн былжыр челдери организмдин инфекциялардан коргойт, аларда козгогучтарга каршы антителолор бар. Эгер былжыр челдер кургап калса, коргоочу тосмолор (барьер) өз ишин аткара албай калат.
6. Абдан суук мезгилде да жашаган жериңизди күнүнө бир нече жолу желдетип туруңуз.
7. Колду бат-баттан жууп, көзгө, оозго жана мурунга тийгизбөөгө аракет кылыңыз. Болбосо, козгогучтар организмге оңой эле кирип кетиши ыктымал.
8. Тамекини таштаңыз. Тамеки чеккен адам дем алуу органдарынын өнөкөт ооруларына чалдыгат, бул оорулар кыш мезгилинде оңой жана тез эле күчөп кетиши мүмкүн.
9. Ичкиликти азайтыңыз. Алкоголду зыянсыздандыруу үчүн организм көптөгөн витаминдерди жана микроэлементтерди сарптайт. Бул иммунитеттин төмөндөшүнө алып келет. Эң жакшысы ичкиликтен алыс болуңуз.
10. Туура тамактануу иммунитетти бекемдөөнүн негизги жолу: таза тамак-аш, мөмө-жемиш, жашылча, дан азыктарын жеңиз. Лимон, апельсин, кызыл калемпир жана капустада С витамини көп, сабиз, шпинат, балык жана сүт азыктары А витаминине бай. Жасмык(чечевица), жаңгак жана пармезан иммунитетти сактоо үчүн маанилүү микроэлемент болгон цинкти камтыйт.
