Avenger Club

17/07/2026

⚽️ សេចក្តីជូនដំណឹង ស្តីពី ការរៀបចំផ្សាយបន្តផ្ទាល់ព្រឹត្តិការណ៍ប្រកួតកីឡាបាល់ទាត់ពិភពលោកឆ្នាំ២០២៦ (FIFA World Cup 2026) វគ្គផ្តាច់ព្រ័ត្រ

📍 ថ្ងៃទី២០ ខែកក្កដា ឆ្នា២០២៦ នៅបរិវេណសួនវិមានឯករាជ្យក្រុងបាត់ដំបង

11/07/2026

[English Below]
ទិដ្ឋភាពនៃពិធីបើកព្រឹត្តិការណ៍ពិព័រណ៍ផ្លែឈើបាត់ដំបង២០២៦ ក្រោមអធិបតីភាពដ៏ខ្ពង់ខ្ពស់ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ ឯកឧត្តម អ៊ុយ រី ប្រធានក្រុមប្រឹក្សាខេត្ត ឯកឧត្តម សុខ លូ អភិបាលខេត្តបាត់ដំបង។ព្រឹត្តិការណ៍ដ៏សំខាន់នេះប្រព្រឹត្តទៅក្នុងរយៈពេល១០ថ្ងៃ ចាប់ពីថ្ងៃទី១០ ដល់ថ្ងៃទី១៩ ខែកក្កដា ឆ្នាំ២០២៦ នៅបរិវេណខាងក្នុង និងខាងមុខអគារសារមន្ទីរប្រវត្តិសាស្ត្រខេត្តបាត់ដំបង ,សូមអញ្ជើញចូលរួមទស្សនាទាំងអស់គ្នា។

Scenes from the opening ceremony of the Battambang Fruit Exhibition 2026, highly presided over by His Excellency Huot Hak, Minister of Tourism, His Excellency Uy Ry, Chairman of the Provincial Council, and His Excellency Sok Lou, Governor of Battambang Province. This major event will take place over a period of 10 days, from July 10 to July 19, 2026, inside and in front of the Battambang Provincial Historical Museum. Everyone is cordially invited to visit.

ផលិតដោយ៖ Avenger Club

#ទេសចរណ៍រីកលូតលាស់ក្នុងសន្តិភាព #ម្នាក់ៗជាអ្នកផ្សព្វផ្សាយទេសចរណ៍កម្ពុជាម្នាក់

09/07/2026

កុំភ្លេចមកលេង "បុណ្យពូនភ្នំទុរេនសាមគ្គី និងពិពណ៌ផ្លែឈើ" ដែលប្រព្រឹត្តទៅនាថ្ងៃទី ១១-១២ ខែ កក្កដា ឆ្នាំ២០២៦ នេះ នៅ វត្តថ្មបាំងលើ ស្រុកថ្មបាំង ខេត្តកោះកុង ម៉ោង ៣ រសៀល។ បានមកលេងកុំភ្លេចចូលយក ស្ទីកគ័រ Cute cute នៅស្តង់មន្ទីរទេសចរណ៍ខេត្តកោះកុងផង។
#ទេសចរណ៍ដើម្បីទាំងអស់គ្នាទាំងអស់គ្នាដើម្បីទេសចរណ៍
#ទេសចរណ៍រីកលូតលាស់ក្នុងសន្តិភាព
#ម្នាក់ៗជាអ្នកផ្សព្វផ្សាយទេសចរណ៍កម្ពុជាម្នាក់



#មហាគ្រួសារវិស័យទេសចរណ៍

07/07/2026

បានហិតក្លិនបាត់ដំបងនៅ ឆ្នាំនេះ?

The beautiful charm of Battambang Province, accompanied by captivating landscapes and colorful lights reflecting on the river, creates an enchanting atmosphere for strolling and relaxation.

ផលិតដោយ | Avenger Club​ x Golden Land - ទឹកដីសុវណ្ណភូមិ

05/07/2026

ខ្មែររួបរួម ខ្មែរខ្លាំង🇰🇭

04/07/2026

🌇

សំណង់ស្ថាបត្យកម្មផ្សារធំបាត់ដំបង ឬផ្សារណាត់ ខេត្តបាត់ដំបងមានតម្លៃដែលមិនអាចកាត់ថ្លៃបាន។
• សម័យអាណានិគមបារាំង ហៅថាផ្សារក្រណាត់
• សម័យសង្គមរាស្រ្តនិយម ហៅថាផ្សារធំ
• សម័យសាធារណៈរដ្ឋលន់ណុល ហៅថាផ្សារស្វាយប៉ោ
• សម័យប៉ុល ពត ជាឃ្លាំងដាក់ទំនិញ និងគ្រឿងសង្ហារិម
• សម័យសាធារណរដ្ឋប្រជាមានិតកម្ពុជា ជាឃ្លាំងដាក់អំបិល និងអាហារ
• ឆ្នាំ១៩៨៩ រដ្ឋបាលបានរៀបចំជាផ្សារណាត់សម្រាប់លក់ផលិតផលកសិកម្ម
• បច្ចុប្បន្ន ហៅថាផ្សារធំបាត់ដំបង ប៉ុន្តែជាទូទៅហៅថាជាផ្សារណាត់។

ផ្សារធំបាត់ដំបង ឬដែលអ្នកបាត់ដំបងច្រើនហៅថាផ្សារណាត់ គឺមានទីតាំងស្ថិតនៅចំកណ្ដាលទីប្រជុំជនក្រុងបាត់ដំបងដែល មានទីតាំងកាត់ទទឹងផ្លូវសំខាន់ៗដូចជា ផ្លូវលេខ ១ ផ្លូវលេខ ២និងផ្លូវលេខ៣ និង ផ្នែកខាង មុខបែរចំស្ទឹងសង្កែ។ ផ្សារណាត់ គឺជាផ្សារដ៏ធំ មួយស្ថិតនៅក្នុងចំណោមសំណង់សម័យអាណានិគម ដែលស្ថិតនៅចំកណ្តាលសង្កាត់ បារាំង នៃក្រុងបាត់ដំបងដែលដើរតួនាទីយ៉ាងសំខាន់សម្រាប់ផ្គត់ផ្គង់សេដ្ឋកិច្ចក្នុងតំបន់អស់រយៈកាលជិត ១០០ឆ្នាំទៅហើយ។

ក្នុងបទសម្ភាសន៍ជាមួយសារព័ត៌មានក្នុងស្រុកមួយ អ្នកម្នាង ម៉ែន ច័ន្ទទេវី ដែលជាអ្នកជំនាញអភិរក្សសំណង់បេតិកភណ្ឌជាតិក្រោយសម័យអង្គរ បានឱ្យដឹងថា ផ្សារមួយនេះ គឺជាផ្នែកមួយដ៏សំខាន់នៃគម្រោងអភិវឌ្ឍន៍ទីក្រុងរបស់ខេត្តបាត់ដំបង ហើយបានដើរតួនាទីយ៉ាងសំខាន់នៃដំណើររីកលូតលាស់នៃសេដ្ឋកិច្ចខេត្តបាត់ដំបងចាប់តាំងពីក្រោយសាងសង់រួចរហូតមកដល់បច្ចុប្បន្ន។

អ្នកម្នាង ច័ន្ទទេវី ប្រាប់ថា៖ «ដូច្នេះ ផ្សារហ្នឹងសំខាន់ណាស់នៅក្នុងខេត្តបាត់ដំបង។ គេហៅថា ជាអគារមួយជានិមិត្តសញ្ញាមួយសំខាន់ ជា iconic building [អគារប្លែកគួរជាទីកត់សម្គាល់]មួយនៅក្នុងហ្នឹងដែរ។ វាជាកន្លែងបណ្ដុំសេដ្ឋកិច្ចមួយសំខាន់ណាស់របស់ខេត្តបាត់ដំបង។ នរណាដែលចង់ទៅបាត់ដំបង ក៏ទៅផ្សារហ្នឹងដែរ»។

អ្នកម្នាង ច័ន្ទទេវី ប្រាប់បន្តថា៖ «អគារហ្នឹង ជាទូទៅ ខ្ញុំនិយាយពី Structure[គ្រោងអគារ]គឺនៅល្អទេ។ វាមានកន្លែងខ្លះខូច។ ធម្មតា អគារក៏ដូចជីវិតមនុស្សដែរ យើងត្រូវការ maintenance[ថែទាំ]»។

យោងតាមឯកសារស្តីពីការជួសជុលផ្សារធំថ្មីភ្នំពេញ ដែលចងក្រងដោយសាលារាជធានីភ្នំពេញ បង្ហាញថា ការសាងសង់ផ្សារធំបាត់ដំបង (ផ្សារណាត់) បានកើតឡើងក្នុងគំនិតស្ថាបត្យកម្មតែមួយរបស់ស្ថាបត្យករបារាំង អឺណែស អេប្រាដ (Ernest Hebrard)។

លោក អឺណែស ត្រូវបានបារាំងបញ្ជួន មកឥណ្ឌូចិនដើម្បីជួយធ្វើការ រៀបចំដែនដីនគរូបនីយកម្មនៅក្នុងតំបន់ដែលស្ថិតនៅក្រោមការត្រួតត្រារបស់ខ្លួន។ នៅពេលមកដល់ឥណ្ឌូចិន លោកបានចូលកាន់តំណែងជាប្រធាននាយកដ្ឋានស្ថាបត្យកម្ម និងអភិវឌ្ឍទីក្រុងនៅឥណ្ឌូចិនគ្រប់គ្រងសាលាវិចិត្រសិល្បៈទីក្រុងហាណូយប្រទេសវៀតណាមចាប់ពីឆ្នាំ១៩២១។

ឯកសារដដែលសរសេរថា ស្ថាបត្យករ រូបនេះបានបដិសេធចោលនូវបែបបទស្ថាបត្យកម្មខ្មែរបុរាណក្នុងការសាងសង់សំណង់ផ្សារ ដោយអនុវត្តរចនាបថទំនើបបែបឥណ្ឌូចិនវិញ ដោយមានបំពាក់ប្រព័ន្ធរក្សាអនាម័យ និងសម្របទៅតាមអាកាសធាតុ និងបរិយាកាសក្នុងតំបន់។ លក្ខណៈពិសេសនៃសំណង់ស្ថាបត្យកម្មរបស់ លោកគឺ ប្រកបទៅដោយសោភណភាព ដោយដំបូលមានលក្ខណៈងាយស្រួលដល់ដំណើរ និងបម្លាស់ទី នៃខ្យល់ ហើយមានបាំងសាច រួមទាំងជញ្ជាំង មានគម្រប ជាពិសេសមានទីធ្លានៅកណ្តាលសម្រាប់ពហុបំណងផ្សេងៗ។ ចំណុចពិសេសមួយទៀត គឺសំណង់ស្ថាតប្យកម្មតាមបែបឥណ្ឌូចិន នៃសាលាហាណូយនេះ គឺមិនមែនជាលក្ខណៈបែបសិល្បៈដេកូ (Art Deco) ដែលភាគ ច្រើនតែងតែមានទម្រង់ជាប៉មទៀតទេ។

យោងតាមឯកសារនេះ ការសាងសង់ផ្សារណាត់ក្នុងខេត្តបាត់ដំបង់ ក៏ត្រូវបានធ្វើឡើងក្នុងគំនិតនេះដូចគ្នា ក៏ដូចជាផ្សារមួយចំនួនទៀតនៅក្នុងប្រទេសវៀតណាមដែរ។ ឯកសារសរសេរយ៉ាងដូច្នេះ៖«នៅក្នុងប្រទេសកម្ពុជាយើង ផ្សារដែលមានដូចនេះ គឺឋិតនៅក្នុងខេត្តបាត់ដំបងដែលត្រូវបានសង់ក្នុងឆ្នាំ១៩៣០ និងនៅក្នុងខេត្តកំពង់ចាម។ នៅប្រទេសវៀតណាម ក៏មានផ្សារដែលមានលក្ខណៈដូចគ្នានេះដែរ ដូចជាផ្សារ តាន់ដឹង (សង់ឆ្នាំ១៩២៧) និងផ្សារ cholon (សង់ឆ្នាំ១៩២៩)»។

សម្រាប់ផ្សារណាត់បាត់ដំបងត្រូវបានផ្តួចផ្តើមសាងសង់ដោយនាយកដ្ឋានកិច្ចការសាធារណៈរបស់អាណានិគមបារាំងក្នុងឆ្នាំ១៩៣០ ហើយដែល កាលដំបូងឡើយប្រើប្រាស់ជាទីផ្សារដោះដូរក្រណាត់។ ចាប់ផ្តើមតាំងពី សម្ពោធឲ្យប្រើប្រាស់ជាផ្លូវការក្នុងឆ្នាំ១៩៣០ មកដល់បច្ចុប្បន្ន ផ្សារណាត់ មានឈ្មោះជាបន្តបន្ទាប់ដូចតទៅ៖

• សម័យអាណានិគមបារាំង ហៅថាផ្សារក្រណាត់
• សម័យសង្គមរាស្រ្តនិយម ហៅថាផ្សារធំ
• សម័យសាធារណៈរដ្ឋលន់ណុល ហៅថាផ្សារស្វាយប៉ោ
• សម័យប៉ុល ពត ជាឃ្លាំងដាក់ទំនិញ និងគ្រឿងសង្ហារិម
• សម័យសាធារណរដ្ឋប្រជាមានិតកម្ពុជា ជាឃ្លាំងដាក់អំបិល និងអាហារ
• ឆ្នាំ១៩៨៩ រដ្ឋបាលបានរៀបចំជាផ្សារណាត់សម្រាប់លក់ផលិតផលកសិកម្ម
• បច្ចុប្បន្ន ហៅថាផ្សារធំបាត់ដំបង ប៉ុន្តែជាទូទៅហៅថាជាផ្សារណាត់។

គួរបញ្ជាក់ផងដែរថា ផ្សារធំបាត់ដំបង ឬផ្សារណាត់ ធ្លាប់ត្រូវបាន អគ្គិភ័យឆាបឆេះផ្សារ កាលពីថ្ងៃទី ៣០ ខែសីហា ឆ្នាំ ២០២០ ហើយបច្ចុប្បន្ន បើកដំណើរការលក់ដូរជាធម្មតា៕
#ផ្សារណាត់ #ផ្សារធំបាត់ដំបង #ទឹកដីសុវណ្ណភូមិ

03/07/2026

View battabang at evening.