Apsara Plus

Apsara Plus ព័ត៌មានសារុបសំខាន់ៗប្រចាំសប្តាហ៍ & ?

តម្លៃប្រេងសាំងកើនឡើង======តម្លៃប្រេងសាំង បានកើនឡើងមកវិញ សម្រាប់ក្នុងការលក់រយៈពេល១០ថ្ងៃ ខាងមុខនេះ ។ យោងតាមក្រសួង ពាណិជ្...
01/08/2023

តម្លៃប្រេងសាំងកើនឡើង
======
តម្លៃប្រេងសាំង បានកើនឡើងមកវិញ សម្រាប់ក្នុងការលក់រយៈពេល១០ថ្ងៃ ខាងមុខនេះ ។ យោងតាមក្រសួង ពាណិជ្ជកម្ម តម្លៃប្រេងឥន្ធនៈសម្រាប់ការលក់រវាងពីថ្ងៃទី១ រហូតដល់ថ្ងៃទី១០ ខែសីហាឆ្នាំ២០២៣ គឺប្រេង សាំងធម្មតាមានតម្លៃចំនួន៤ពាន់៥៥០រៀលក្នុង១លីត្រ ដែលតម្លៃនេះបានកើនឡើងចំនួន៤០០រៀល បើធៀបទៅ ការលក់រយៈពេល១០ថ្ងៃមុន..ចំណែកប្រេងម៉ាស៊ូតមានតម្លៃចំនួន ៤ពាន់៤៥០រៀលក្នុង១លីត្រ ដែលតម្លែនេះ គឺកើនឡើងចំនួន៤៥០រៀល បើធៀបទៅនឹងការលក់រយៈ ពេល១០ថ្ងៃមុន។សូមជម្រាបថា រាជរដ្ឋាភិបាលតែងតែចំណាយប្រាក់ ជួយខាតយ៉ាងហោច ៦ចុច៥សេន ក្នុង មួយលីត្រ ដើម្បី ជាការទប់ស្កាត់តម្លៃ ប្រេង ក្នុងការជួយសម្រាលបន្ទុកដល់ពលរដ្ឋ។
។។។។

14/07/2023

្រឹត្តិការណ៍អន្តរជាតិ៖ រលកកម្ដៅកំពុងវាយលុកតំបន់អឺរ៉ុបខាងត្បូង

14/07/2023

្រឹត្តិការណ៍អន្តជាតិ ៖អាស៊ាននិងចិនព្រមព្រៀងលើគោលការណ៍ដើម្បីពន្លឿនកិច្ចចរចាក្រមប្រតិបត្តិសមុទ្រចិនខាងត្បូង

14/07/2023

្រឹត្តិការអន្តរជាតិ៖ គ្រាប់បែកចង្កោមអាមេរិកទៅដល់ដៃកងទ័ពអ៊ុយក្រែនហើយ

មេដឹកនាំណាតូផ្ញើសារចម្រុះ ទាក់ទងនឹងភាពចម្រូងចម្រាសនៃការបើកការិយាល័យ នៅប្រទេសជប៉ុន======នៅក្នុងកិច្ចប្រជុំកំពូលរបស់ខ្លួន ...
13/07/2023

មេដឹកនាំណាតូផ្ញើសារចម្រុះ ទាក់ទងនឹងភាពចម្រូងចម្រាសនៃការបើកការិយាល័យ នៅប្រទេសជប៉ុន
======
នៅក្នុងកិច្ចប្រជុំកំពូលរបស់ខ្លួន មេដឹកនាំរបស់ណាតូ បានផ្ញើសញ្ញាចម្រុះ ជុំវិញផែនការបើកការិយាល័យមួយរបស់ខ្លួននៅប្រទេសជប៉ុន ដែលមានការរារាំងពីសំណាក់ប្រទេសបារាំង និងការរិះគន់ពីសំណាក់ប្រទេសចិន។
នៅពេលសាកសួរអំពីផែនការបើកការិយាល័យនៅប្រទេសជប៉ុន ប្រធានាធិបតី បារាំង លោក អ៊ីម៉ានូអែល ម៉ាក្រុង បាននិយាយថា ណាតូ គួរតែផ្ដោតឲ្យខ្លាំងលើតំបន់អាត្លង់ទិកខាងជើងនេះ។
ប៉ុន្តែ អគ្គលេខាធិការអង្គការណាតូ លោក ជេនស៍ ស្តូលថេនប៊ើក បាននិយាយថា គំនិតនៃការបង្កើតការិយាល័យទំនាក់ទំនងនៅទីក្រុងតូក្យូ កំពុងស្ថិតនៅក្នុងការចរចានៅឡើយ ។
ដោយមានការភ្ញាក់ផ្អើលចំពោះការកើនឡើងនូវអំណាចយោធារបស់ចិន សហរដ្ឋអាមេរិកបានជំរុញឲ្យមានសម្ព័ន្ធអន្តរអាត្លង់ទិកមួយទៀត ដើម្បីចែករំលែកជំនាញ និងកសាងទំនាក់ទំនងជាមួយនឹងបណ្ដាប្រទេសអាស៊ី ដូចជា ជប៉ុន កូរ៉េខាងត្បូង អូស្ត្រាលី និងនូវែល ហ្សឺឡង់ ជាដើម។
មន្ត្រីអង្គការណាតូ បាននិយាយថា ការិយាល័យនៅប្រទេសជប៉ុនដែលបានស្នើឡើងនោះ នឹងមានទំហំតូច ដែលមានបុគ្គលិកតិចនាក់ប៉ុណ្ណោះ ផ្ដោតលើការកសាងភាពជាដៃគូ ហើយមិនមែនជាមូលដ្ឋានយោធានោះទេ ។
លោក ម៉ាក្រុង បានថ្លែងថា លោកមានការយល់ស្របថា ណាតូ គួរតែមានដៃគូជាមួយនឹងតំបន់ផ្សេងៗទៀត ដែលត្រូវដោះស្រាយបញ្ហាសន្តិសុខរួម ដូចជានៅឥណ្ឌូប៉ាស៊ីហ្វិក អាហ្វ្រិក និងមជ្ឈឹមបូព៌ា ប៉ុន្តែ ណាតូ គួរតែជាអង្គការនៃសន្ធិសញ្ញាអាត្លង់ទិកខាងជើង ដដែល តាមឯកសារនៃការបង្កើតអង្គការនេះឡើង។
កាលពីខែឧសភា ប្រទេសចិន បាននិយាយថា ការិយាល័យរបស់ណាតូ នៅប្រទេសជប៉ុននឹងមិនត្រូវបានស្វាគមន៍ឲ្យមានការបង្កើតឡើងឡើយនៅក្នុងតំបន់អាស៊ីប៉ាស៊ីហ្វិក ។
លោក ស្តូលថេនប៊ើក បានថ្លែងថា ណាតូ ក៏មានក្ដីបារម្ភចំពោះការពង្រឹងវិស័យយោធាយ៉ាងខ្លាំងក្លារបស់ចិន និងការពង្រីកកងកម្លាំងនុយក្លេអ៊ែររបស់ខ្លួនផងដែរ ។

លោក ចូ បៃឌិន ខោកលោកពូទីន លួងលោក ហ្សេលិនស្គី នៅក្នុងកិច្ចប្រជុំកំពូលណាតូ======ប្រធានាធិបតី សហរដ្ឋអាមេរិក លោក ចូ បៃឌិន បាន...
13/07/2023

លោក ចូ បៃឌិន ខោកលោកពូទីន លួងលោក ហ្សេលិនស្គី នៅក្នុងកិច្ចប្រជុំកំពូលណាតូ
======
ប្រធានាធិបតី សហរដ្ឋអាមេរិក លោក ចូ បៃឌិន បានបញ្ចប់កិច្ចប្រជុំកំពូលអង្គការណាតូ កាលពីថ្ងៃពុធ ដោយបានរិះគន់ខ្លាំងៗ និងហៅប្រធានាធិបតីរុស្ស៊ី លោក វ្លាឌីមៀរ ពូទីន ថាកំសាក ហើយបានសន្យាផ្ដល់ការគាំទ្រពេញទំហឹងដល់ប្រធានាធិបតី អ៊ុយក្រែន លោក វ៉ូឡូឌីមៀរ ហ្សេលិនស្គី បើទោះបីជាអ៊ុយក្រែនពុំមែនជាសមាជិករបស់ណាតូក្ដី ។
កិច្ចប្រជុំកំពូលរបស់មេដឹកនាំណាតូ បានបិទបញ្ចប់កាលពីថ្ងៃពុធ នៅប្រទេសលីទុយអានី ដែលស្ថិតនៅជិតនឹងមាត់ទ្វាររបស់ប្រទេសរុស្ស៊ីតែម្ដង ហើយលោក ចូ បៃឌិន បានកោតសរសើរប្រជាជនរបស់អតីតប្រទេសដែលស្ថិតក្រោមសហភាពសូវៀតនេះ ហើយក៏បានអបអរសាទរក្នុងការបន្ថែមសមាជិកណាតូមួយទៀត គឺប្រទេសហ្វាំងឡង់ ក៏ដូចជា លទ្ធភាពនៃការបញ្ចូលប្រទេសស៊ុយអែដជាសមាជិកមួយទៀត។
លោក ចូ បៃឌិន បានចាត់ទុកការបង្រួបបង្រួមប្រទេសសមាជិកណាតូ ឲ្យមានការឯកភាពគ្នាជុំវិញគោលនយោបាយបរទេស ហើយបាននិយាយថា លោក ពូទីន មើលស្រាលចំពោះការប្ដេជ្ញាចិត្តរបស់ប្រទេសសមាជិកណាតូ ។
ថ្លែងទៅកាន់មនុស្សរាប់ពាន់នាក់នៅសកលវិទ្យាល័យវិលនិស នៃប្រទេសលីទុយអានី លោក ចូ បៃឌិន បាននិយាយថា សម្ព័ន្ធយោធាណាតូ កាន់តែរឹងមាំ មានថាមពលកាន់តែខ្លាំង និងមានឯកភាពជាងមុន ឆ្ពោះទៅរកអនាគតរួម ។
លោកបានបន្តថា នៅពេលដែលលោកពូទីន និងភាពលោភលន់ចង់បានទឹកដី និងអំណាច ដោយបានធ្វើសង្គ្រាមលើប្រទេសអ៊ុយក្រែននោះ លោក គិតថា សម្ព័ន្ធណាតូ នឹងបែកបាក់ ប៉ុន្តែ លោក ថា នេះជាការគិតខុសរបស់លោក ។
លោក ចូ បៃឌិន ឡើងថ្លែងសុន្ទរកថានេះ មានបំណងធ្វើយ៉ាងណា ផ្សះផ្សានូវភាពបែកបាក់នៅក្រៅប្រទេស ។

កូរ៉េខាងជើងបាញ់មីស៊ីលប៊លីស្ទីកអន្តរទ្វីបចូលទៅក្នុងដែនទឹកជិតប្រទេសជប៉ុន====== ប្រទេសកូរ៉េខាងជើងបាននិយាយថា ខ្លួនបានបាញ់មីស...
13/07/2023

កូរ៉េខាងជើងបាញ់មីស៊ីលប៊លីស្ទីកអន្តរទ្វីបចូលទៅក្នុងដែនទឹកជិតប្រទេសជប៉ុន
======
ប្រទេសកូរ៉េខាងជើងបាននិយាយថា ខ្លួនបានបាញ់មីស៊ីលប៊លីស្ទីកអន្តរទ្វីប វ៉ាសុង-១៨ កាលពីថ្ងៃពុធ ដែលបានហោះប្រហែលជាង ៧០ នាទី ដែលទង្វើនេះអាចបញ្ឆេះឲ្យមានការប្រឈមមុខសាជាថ្មីជាមួយនឹងសហរដ្ឋអាមេរិក និងសម្ព័ន្ធមិត្តរបស់ខ្លួន ។
ការហោះបានរយៈពេល ៧៤ នាទី គឺជាការរីកចម្រើនបានបន្តិចបន្ថែមទៀត នៅក្នុងការធ្វើតេស្តមីស៊ីលរបស់កូរ៉េខាងជើង ក្រោយពេលបានធ្វើតេស្តកាលពីខែមីនា និងមេសាឆ្នាំនេះ ។ មីស៊ីលប៊លីស្ទីកអន្តរទ្វីប ជាអាវុធដែលកូរ៉េខាងជើងព្យាយាមផលិតដើម្បីឲ្យមានសក្ដានុពលអាចបាញ់ដល់សហរដ្ឋអាមេរិកបាន ។
ការបាញ់ធ្វើតេស្តកាលពីថ្ងៃពុធនោះ បានធ្លាក់ចូលទៅក្នុងដែនទឹកនៅជិតប្រទេសជប៉ុន ហើយការបាញ់សាកល្បងនេះកើតមានក្រោយពេលដែលកូរ៉េខាងជើងបានគំរាមបាញ់ទម្លាក់យន្តហោះចារកម្មយោធាសហរដ្ឋអាមេរិក ណាដែលធ្វើសកម្មភាពស៊ើបការណ៍នៅជិតទឹកដីរបស់ខ្លួន ។
មីស៊ីល វ៉ាសុង-១៨ ជាមីស៊ីលពិបាកតាមចាប់ជាងគេក្នុងចំណោមមីស៊ីលប៊លីស្ទីកអន្តរទ្វីបផ្សេងទៀតរបស់កូរ៉េខាងជើង ។ អ្នកវិភាគនិយាយថា មីស៊ីលនេះ ផ្ដល់លទ្ធភាពឲ្យកូរ៉េខាងជើងអាចធ្វើការវាយប្រហារដោយបំពាក់អាវុធនុយក្លេអ៊ែរ កាន់តែលឿន និងងាយស្រួលជាងមុន ។
សារព័ត៌មានរដ្ឋកូរ៉េខាងជើងបានឲ្យដឹងថា ការធ្វើតេស្តកាលពីថ្ងៃពុធ ធ្វើឡើងក្នុងដំណាក់កាលដែលមានស្ថានភាពធ្ងន់ធ្ងរ នៅពេលដែលស្ថានភាពសន្តិសុខផ្នែកយោធានៅឧបទ្វីបកូរ៉េ និងនៅក្នុងតំបន់ ឈានដល់ដំណាក់កាលមួយនៃវិបត្តិនុយក្លេអ៊ែរ លើសពីសម័យសង្គ្រាមត្រជាក់ ។
សារព័ត៌មាននោះបានចុះផ្សាយថា មេដឹកនាំកូរ៉េខាងជើង លោក គីម ជុងអ៊ុន បានចុះដឹកនាំដោយផ្ទាល់លើការបាញ់ធ្វើតេស្តសាកល្បងមីស៊ីល វ៉ាសុង-១៨ នោះ។
លោក គីម ជុងអ៊ុនធ្លាប់ចាត់ទុកមីស៊ីល វ៉ាសុង-១៨ ជាអាវុធនុយក្លេអ៊ែរដ៏ខ្លាំងក្លាបំផុតរបស់លោក បើទោះបីជាគេនៅពុំទាន់មានឃើញសញ្ញាណាមួយដែលមីស៊ីលប្រភេទនេះ អាចបំពាក់ក្បាលគ្រា់នុយក្លេអ៊ែរបានឬយ៉ាងណានោះ ។

នាយករដ្ឋមន្ត្រីចាំផ្ទះរបស់ថៃ លោក ប្រាយុទ្ធចាន់ អូចា នឹងចូលនិវត្តន៍ពីឆាកនយោបាយ======លោក ប្រាយុទ្ធ ចាន អូចា ជានាយករដ្ឋមន្ត...
12/07/2023

នាយករដ្ឋមន្ត្រីចាំផ្ទះរបស់ថៃ លោក ប្រាយុទ្ធចាន់ អូចា នឹងចូលនិវត្តន៍ពីឆាកនយោបាយ
======
លោក ប្រាយុទ្ធ ចាន អូចា ជានាយករដ្ឋមន្ត្រីចាំផ្ទះ បានប្រកាសកាលពីថ្ងៃអង្គារថា លោកនឹងចូលនិវត្តន៍ពីឆាកនយោបាយ ហើយចាកចេញពីគណបក្សថែរួបរួមជាតិ មុនពេលការបោះឆ្នោតក្នុងសភាដើម្បីជ្រើសរើសនាយករដ្ឋមន្ត្រីថ្មី ។
អតីតឧត្តមសេនីយ៍រូបនេះ បានផ្ញើសាររបស់លោកតាមរយៈទំព័រហ្វេសប៊ុករបស់គណបក្ស ដោយបានថ្លែងអំណរគុណដល់ប្រជាពលរដ្ឋដែលបានគាំទ្ររូបលោក និងគណបក្សនយោបាយរបស់លោកនៅក្នុងការបោះឆ្នោតជ្រើសរើសមេដឹកនាំដែលបានប្រព្រឹត្តទៅកាលពីពាក់កណ្ដាលខែឧសភាកន្លងទៅ ។
ឧត្តមសេនីយ៍ប្រាយុទ្ធ ចាន់ អូចា បានក្លាយជានាយករដ្ឋមន្ត្រីកាលពីឆ្នាំ ២០១៤ ក្រោយពេលដឹកនាំរដ្ឋប្រហារ ដើម្បីផ្ដួលរំលំរដ្ឋាភិបាលជាប់ឆ្នោតរបស់លោកស្រី យីងឡាក់ ស៊ីណាវ៉ាត។
រដ្ឋាភិបាលយោធារបស់លោកបានគ្រប់គ្រងប្រទេសថៃ ជិតប្រាំឆ្នាំ មុនពេលមានការរៀបចំការបោះឆ្នោតថ្នាក់ជាតិ នៅឆ្នាំ ២០១៩ ក្រោមរដ្ឋធម្មនុញ្ញថ្មី ដែលតាក់តែងដោយគណៈកម្មាធិការដែលយោធាបានលើកបន្តុប។
នៅពេលនោះ លោកជាបេក្ខជននាយករដ្ឋមន្ត្រីតែម្នាក់គត់មកពី គណបក្សបល្ល័ង្គប្រជារដ្ឋ ដែលគាំទ្ររបបយោធា ។ គណបក្សរបស់លោកអាចបង្កើតរដ្ឋាភិបាលចម្រុះជាមួយនឹងបណ្ដាគណបក្សសម្ព័ន្ធមិត្តរបស់ខ្លួន បើទោះបីជាគណបក្សប្រឆាំង គឺគណបក្សភឿថៃ កាន់កាប់កៅអីភាគច្រើនក្នុងសភាតំណាងរាស្ត្រក្ដី ។
នៅថ្ងៃទី ១៤ ឧសភា ឆ្នាំនេះ គណបក្សថ្មីរបស់លោក គឺគណបក្សថៃរួបរួមជាតិ បានចាញ់ឆ្នោត ក្រោមស្នាដៃរបស់គណបក្សកាវក្លៃ ដែលបានឈ្នះកៅអីសភាចំនួន ១៥១ អសនៈ។
គណបក្សកាវក្លៃបានបង្កើតសម្ព័ន្ធនយោបាយមួយជាមួយគណបក្សនយោបាយ ៧ ផ្សេងទៀត រួមទាំងគណបក្សភឿថៃផង ហើយគណបក្សទាំងនេះសរុបទៅ មានអសនៈចំនួន ៣១២ អសនៈនៅក្នុងរដ្ឋសភា ដែលមានកៅអីចំនួន ៥០០ អសនៈ ។

ការហ្វឹកហាត់បើកយន្តហោះចម្បាំង F-16 សម្រាប់ពីឡុតអ៊ុយក្រែននឹងចាប់ផ្ដើមនៅខែសីហា======សម្ព័ន្ធប្រទេសចំនួន ១១ នឹងចាប់ផ្ដើមបង្...
12/07/2023

ការហ្វឹកហាត់បើកយន្តហោះចម្បាំង F-16 សម្រាប់ពីឡុតអ៊ុយក្រែននឹងចាប់ផ្ដើមនៅខែសីហា
======
សម្ព័ន្ធប្រទេសចំនួន ១១ នឹងចាប់ផ្ដើមបង្វឹកពីឡុតអ៊ុយក្រែនឲ្យចេះបើកយន្តហោះចម្បាំង F-16 នៅខែសីហានេះ ក្នុងប្រទេសដាណឺម៉ាក ហើយមជ្ឈមណ្ឌលហ្វឹកហ្វឺននឹងត្រូវបានរៀបចំឡើងក្នុងប្រទេសរ៉ូម៉ានី ។ នេះបើយោងតាមការលើកឡើងពីមន្ត្រីនានា នៅក្រៅកិច្ចប្រជុំកំពូលណាតូ ក្នុងប្រទេសលីទុយអានី ។
ប្រទេសដាណឺម៉ាក និងហូឡង់ ដែលជាសមាជិករបស់ណាតូ កំពុងដឹកនាំកិច្ចខិតខំប្រឹងប្រែងជាលក្ខណៈអន្តរជាតិដើម្បី ហ្វឹកហ្វឺនពីឡុតអ៊ុយក្រែន ក៏ដូចជាមន្ត្រីជំនួយការ និងជួយជួសជុលថែទាំយន្តហោះ ហើយចុងក្រោយ គឺអាចផ្គត់ផ្គង់យន្តហោះ F-16 ទៅឲ្យអ៊ុយក្រែនដើម្បីបានធ្វើសង្គ្រាមជាមួយនឹងរុស្ស៊ី ។
រដ្ឋមន្ត្រីការពារជាតិស្ដីទីរបស់ដាណឺម៉ាក់ លោក ត្រូអ៊ែល លុន ពូលសិន បានប្រាប់អ្នកសារព័ត៌មានក្រោយពិធីចុះហត្ថលេខាថា លោកសង្ឃឹមថា លទ្ធផលពីការហ្វឹកហ្វឺននេះនឹងទទួលបាននៅដើមឆ្នាំក្រោយ។
រហូតមកទល់នឹងពេលនេះ នៅពុំទាន់មានប្រទេសណាមួយបានសន្យាថា នឹងបញ្ជូនយន្តហោះចម្បាំង F-16 ទៅឲ្យប្រទេសអ៊ុយក្រែនឡើយ បើទោះបីជាប្រទេសប៉ូឡូញ និងស្លូវ៉ាគី បានផ្ដល់យន្តហោះ MiG-29 ចំនួន ២៧ គ្រឿង ដល់អ៊ុយក្រែនក្ដី ។
ប្រទេសអ៊ុយក្រែន ម្ដងហើយម្ដងទៀត បានអំពាវនាវឲ្យបណ្ដាប្រទេសលោកខាងលិចផ្គត់ផ្គង់យន្តហោះចម្បាំងមកឲ្យខ្លួន និងបង្វឹកដល់ពីឡុតអ៊ុយក្រែនដើម្បីចេះប្រើយន្តហោះទាំងនោះ ដើម្បីមានសមត្ថភាពក្នុងការទប់ទល់នឹងការគ្រប់គ្រងលើការប្រយុទ្ធតាមផ្លូវអាកាសពីសំណាក់ប្រទេសរុស្ស៊ី ។

ប្រទេសសម្ព័ន្ធមិត្តពុំព្រមកំណត់ក្របខណ្ឌពេលវេលាឲ្យអ៊ុយក្រែនចូលជាសមាជិកណាតូ =====បណ្ដាប្រទេសជាសមាជិកអង្គការណាតូ បាននិយាយថា...
12/07/2023

ប្រទេសសម្ព័ន្ធមិត្តពុំព្រមកំណត់ក្របខណ្ឌពេលវេលាឲ្យអ៊ុយក្រែនចូលជាសមាជិកណាតូ
=====
បណ្ដាប្រទេសជាសមាជិកអង្គការណាតូ បាននិយាយថា ប្រទេសអ៊ុយក្រែនអាចចូលជាសមាជិកសម្ព័ន្ធយោធានេះបាន នៅពេលដែលសម្ព័ន្ធមិត្តព្រមព្រៀងគ្នា និងមានការគោរពតាមលក្ខខណ្ឌ ដែលត្រូវកំណត់ ។ ការលើកឡើងនេះបានធ្វើឡើងក្រោយពេលដែលប្រធានាធិបតី អ៊ុយក្រែន លោក វ៉ូឡូឌីមៀរ ហ្សេលិនស្គី បានរិះគន់ថា មានការពន្យាពេលខុសទំនងចំពោះការទទួលអ៊ុយក្រែនជាសមាជិក ។
នៅក្នុងសេចក្ដីថ្លែងការណ៍របស់ខ្លួន អង្គការណាតូ បាននិយាយថា ខ្លួនទទួលស្គាល់ពីភាពចាំបាច់ដែលត្រូវពន្លឿនការងារឲ្យកាន់តែឆាប់រហ័ស ប៉ុន្តែ មិនអាចពឹងផ្អែកទៅតាមក្របខណ្ឌពេលវេលាណមួយនោះទេ ។
លោក ហ្សេលិនស្គី បានថ្លែងថា ហាក់នៅពុំទាន់មានការត្រៀមលក្ខណៈរួចរាល់ក្នុងការអញ្ជើញប្រទេសអ៊ុយក្រែនឲ្យចូលជាសមាជិកណាតូនៅឡើយទេ ។
បច្ចុប្បន្ន លោក ហ្សេលិនស្គី កំពុងស្ថិតក្នុងប្រទេសលីទុយអានី ដែលកំពុងរៀបចំកិច្ចប្រជុំកំពូលណាតូនោះ ។
អ៊ុយក្រែនទទួលស្គាល់ថា ខ្លួនមិនអាចត្រូវបានទទួលយកជាសមាជិកឡើយ ខណៈកំពុងស្ថិតក្នុងសង្គ្រាមជាមួយរុស្ស៊ីបែបនេះ ប៉ុន្តែ ចង់ចូលរួមជាសមាជិកឲ្យបានឆាប់តាមដែលអាចធ្វើទៅបានក្រោយពេលសង្គ្រាមចប់ ។
លោក ហ្សេលិនស្គី បាននិយាយថា ការដែលពុំមានក្របខ័ណ្ឌពេលវេលាសម្រាប់ឲ្យអ៊ុយក្រែនបានចូលជាសមាជិកបែបនេះ មានន័យថា សមាជិកភាពរបស់អ៊ុយក្រែនអាចស្ថិតក្នុងភាពស្រពិចស្រពិល។
ណាតូ ប្រហែលជាមិនបានលើកឡើងទេថាតើពេលណា ដែលអ៊ុយក្រែនអាចចូលជាសមាជិករបស់ខ្លួនបាន ហើយចូលរួមតាមរបៀបណា ។ ប៉ុន្តែ មន្ត្រីការទូតនានា បានបញ្ជាក់ថា ពួកគេបានកំណត់ផ្លូវដើរយ៉ាងច្បាស់លាស់ ដើម្បីឆ្ពោះទៅរកសមាជិកភាពនេះ ហើយដំណើរការនៃការដាក់ពាក្យស្នើសុំក៏ត្រូវបានកាត់បន្ថយច្រើនផងដែរ ។
សម្ព័ន្ធយោធាណាតូបាននិយាយថា កងទ័ពអ៊ុយក្រែនកំពុងតែមានសមត្ថភាពធ្វើសហប្រតិបត្តិការរួម និងមានសមាហរណភាពនយោបាយកាន់តែខ្លាំងឡើងជាមួយនឹងកងកម្លាំងណាតូ ហើយខ្លួននឹងបន្តគាំទ្រអ៊ុយក្រែនក្នុងដំណើរកំណែទម្រង់លទ្ធិប្រជាធិបតេយ្យ និងវិស័យសន្តិសុខជាតិ ។

ក្រុមហ៊ុន ធ្វីតទ័រ (Twitter) គំរាមប្ដឹង ក្រុមហ៊ុន មេតា ជុំវិញកម្មវិធី Threads (ស្រិដ)======ក្រុមហ៊ុន ធ្វីតទ័រ (Twitter) ...
07/07/2023

ក្រុមហ៊ុន ធ្វីតទ័រ (Twitter) គំរាមប្ដឹង ក្រុមហ៊ុន មេតា ជុំវិញកម្មវិធី Threads (ស្រិដ)
======
ក្រុមហ៊ុន ធ្វីតទ័រ (Twitter) បានគំរាមប្ដឹងក្រុមហ៊ុន មេតា ទាក់ទិននឹងកម្មវិធីថ្មីរបស់ខ្លួនឈ្មោះថា Threads (ស្រិដ) តាមរយៈលិខិតមួយច្បាប់ដែលបានផ្ញើទៅឲ្យអគ្គនាយកក្រុមហ៊ុន មេតា គឺលោក ម៉ាក ហ្សាឃឺប៊ើក ដោយមេធាវីរបស់ក្រុមហ៊ុន Twitter ។
ក្រុមហ៊ុនមេតា បានបញ្ចេញកម្មវិធីថ្មីរបស់ខ្លួនឈ្មោះថា Threads កាលពីថ្ងៃពុធ ហើយបានទទួលការចុះឈ្មោះអ្នកប្រើប្រាស់ជាង ៣០ លាននាក់ ហើយមានគម្រោងប្រជែងជាមួយនឹងកម្មវិធី Twitter របស់លោក អេឡុន ម៉ាស់ តាមរយៈអ្នកប្រើប្រាស់រាប់ពាន់លាននាក់នៅលើកម្មវិធី Instagram ដែលជាកម្មវិធីរបស់ក្រុមហ៊ុន មេតា ផងដែរ។
ក្នុងលិខិតរបស់លោក អាឡិច ស្ពីរ៉ូ ជាមេធាវីរបស់ក្រុមហ៊ុន Twitter បានចោទប្រកាន់ក្រុមហ៊ុន មេតា ថាបានផ្ដល់ការងារដល់អតីតបុគ្គលិករបស់ Twitter ដែលនៅមានសិទ្ធិចូលប្រើប្រាស់ព័ត៌មានសម្ងាត់ផ្នែកពាណិជ្ជកម្ម និងព័ត៌មានសម្ងាត់ខ្លាំងផ្សេងទៀតរបស់ Twitter នៅឡើយ ។
មេធាវីរូបនោះ បានសរសេរថា ក្រុមហ៊ុន Twitter មានបំណងពង្រឹងសិទ្ធិកម្មសិទ្ធិបញ្ញាឲ្យបានតឹងរ៉ឹងជាទីបំផុត ហើយទាមទារឲ្យក្រុមហ៊ុន មេតា ចាត់វិធានការភ្លាមៗដើម្បីបញ្ឈប់ការប្រើប្រាស់រឿងសម្ងាត់ផ្នែកពាណិជ្ជកម្ម និងព័ត៌មានសម្ងាត់ផ្សេងទៀត ។
ទោះជាយ៉ាងណា ក្រុមហ៊ុន មេតា បាននិយាយថា ក្នុងចំណោមក្រុមការងារវិស្វកម្មរបស់ Threads ពុំមាននរណាម្នាក់ដែលធ្លាប់ជាអតីតបុគ្គលិករបស់ Twitter ឡើយ។
បុគ្គលិកជាន់ខ្ពស់ម្នាក់របស់ Twitter បានប្រាប់សារព័ត៌មានថា គេដូចជាពុំបានដឹងថា មានអតីតបុគ្គលិក Twitter ទៅធ្វើការឲ្យ Threads នោះទេ ។

ប្រធានាធិបតីអ៊ុយក្រែនជំរុញឲ្យកិច្ចប្រជុំកំពូលណាតូ ផ្ដល់សញ្ញាឲ្យច្បាស់ជុំវិញសំណើសុំចូលជាសមាជិក======ប្រធានាធិបតីអ៊ុយក្រែន...
07/07/2023

ប្រធានាធិបតីអ៊ុយក្រែនជំរុញឲ្យកិច្ចប្រជុំកំពូលណាតូ ផ្ដល់សញ្ញាឲ្យច្បាស់ជុំវិញសំណើសុំចូលជាសមាជិក
======
ប្រធានាធិបតីអ៊ុយក្រែន លោក វ៉ូឡូឌីមៀរ ហ្សេលិនស្គី បានអំពាវនាវឲ្យមេដឹកនាំណាតូ ចាប់វិធានការឲ្យបានច្បាស់លាស់ចំពោះសំណើសុំចូលជាសមាជិកពីប្រទេសអ៊ុយក្រែន ក្នុងអំឡុងកិច្ចប្រជុំកំពូលនាសប្ដាហ៍ក្រោយ ។ ទន្ទឹមនឹងនេះ លោកហ្សេលិនស្គី បានទទួលការគាំទ្រពីប្រធានាធិបតីរបស់ប្រទេសឆេកផងដែរចំពោះសំណើសុំចូលជាសមាជិកនេះ ហើយការគាំទ្រនេះ កើតមានអំឡុងពេលដែលលោក ហ្សេលិនស្គី បានធ្វើដំណើរទស្សនកិច្ចទៅកាន់ប្រទេសឆេក។
លោក ហ្សេលិនស្គី បានថ្លែងថា ប្រទេសអ៊ុយក្រែនត្រូវការការគាំទ្រលើសពីការចេញសេចក្ដីថ្លែងការណ៍ធម្មតា អស់រយៈពេល ១០ ឆ្នាំទៅហើយថា ណាតូ តែងតែបើកទ្វារទទួលសមាជិកថ្មីជាប់ជានិច្ច ។
ប្រទេសអ៊ុយក្រែនត្រូវការការផ្ដល់សញ្ញា ឲ្យបានច្បាស់លាស់ពីអង្គការណាតូ ថាតើខ្លួនពិតជាអាចចូលរួមជាសមាជិកបានដែរ ឬយ៉ាងណា នៅពេលដែលសង្គ្រាមរបស់ខ្លួនជាមួយនឹងប្រទេសរុស្ស៊ីបញ្ចប់នោះ ។
ប្រទេសអ៊ុយក្រែនមានបំណងចូលរួមជាសមាជិករបស់ណាតូ ឲ្យបានឆាប់តាមដែលអាចធ្វើបាន ប៉ុន្តែ សមាជិករបស់ណាតូ ហាក់មានចំណុចខ្វែងគំនិតគ្នាជុំវិញការពន្លឿននីតិវិធីដើ្បីឲ្យអ៊ុយក្រែនបានចូលជាសមាជិក ។ មានសមាជិកមួយចំនួនក៏បានសម្ដែងការព្រួយបារម្ភថា ការទទួលយកអ៊ុយក្រែនជាសមាជិកនឹងនាំឲ្យសម្ព័ន្ធយោធាមួយនេះ កាន់តែខិតទៅរកការធ្វើសង្គ្រាមដោយផ្ទាល់ជាមួយនឹងប្រទេសរុស្ស៊ី ។
ប្រទេសឆេក ដែលជាសមាជិកណាតូ ដែរនោះ ជាប្រទេសដែលគាំទ្រឲ្យអ៊ុយក្រែនចូលជាសមាជិកណាតូផងដែរ ហើយក៏បានជួយផ្ដល់យុទ្ធភ័ណ្ឌ និងជំនួយផ្សេងទៀតដល់ប្រទេសអ៊ុយក្រែនថែមទៀតផង។

Address

#69, St360, Boeng Kengkong1 District, Chamkamon Commune Phnom Penh, Cambodia 12302
Cambodia

Telephone

0883383357

Website

Alerts

Be the first to know and let us send you an email when Apsara Plus posts news and promotions. Your email address will not be used for any other purpose, and you can unsubscribe at any time.

Shortcuts

Share

Category