08/08/2025
ពេទ្យសិល្ប: ជាស្ពានចម្លងផ្សារភ្ជាប់សិល្ប:នាំសន្តិភាព ទៅកាន់ប្រជាជនខ្មែរ ✨🇰🇭
អំឡុងពេលដែលប្រទេសជាតិយើងកំពុងតែស្ថិតនៅក្នុងស្ថានភាពមួយដែលតានតឹង អារម្មណ៏និងផ្លូវចិត្តរបស់ប្រជាជនខ្មែរនៅតែច្របូកច្របល់នៅឡើយ តម្រូវអោយឃ្លាតឆ្ងាយពីទីលំនៅដ្ឋានបន្ចុប្បន្ន មកនៅជំរុំភៀសសឹក ហើយក្រុមពេទ្យសិល្បៈក៏បានសង្កេតឃើញថា #សិល្បៈ គឺជាស្ពានចម្លងផ្សារភ្ជាប់សិល្ប:នាំសន្តិភាព ទៅកាន់ប្រជាជនខ្មែរ។ ហេតុនេះហើយទើបវត្តមានរបស់ពេទ្យសិល្បៈ ដោយរួមមាន សិល្បករបុរាណខ្មែរ តន្រ្តីករ និងយុវជនស្ម័គ្រចិត្តប្រមាណជាង ៣០នាក់ នឹងបន្ដបេសកកម្មរបស់ពួកយើង ពាំនាំយកសិល្បៈជាលើកទី២ ទៅកាន់ជំរុំភៀសសឹកដោយផ្ទាល់។
🇰🇭 គម្រោងនាំយកសិល្បៈខ្មែរទៅកាន់ជំរុំភៀសសឹក លើកទី២
🗺️ ទីតាំង: ខេត្តសៀមរាប និងខេត្តព្រះវិហារ
🗓️ កាលបរិច្ឆេទ: ១១ ១២ សីហា ២០២៥
លើសពីនេះទៅទៀត ដើម្បីឆ្លើយតបទៅកាន់ការសំណូមពរពីសំណាក់អ្នកស្នេហាវិស័យសិល្បៈខ្មែរ ដែលពួកគាត់មានបំណងចង់ចូលរួមដំណើរជាមួយពួកយើង តាមរយៈការបរិច្ចាគនូវថវិការ និងសម្ភារៈផ្សេងៗ ពួកយើងក៏បានសម្រេចចិត្តក្នុងការបង្កើតជា #មូលនិធិសប្បុរសធម៍ សម្រាប់ការចូលរួមបរិច្ចាគ តាមរយៈការស្គេន KHQR ខាងលើ។ ក្នុងនាមពួកយើងជាក្រុមការងារមិនរកប្រាក់ចំណូល ក្រុមការងារស្ម័គ្រចិត្តទាំងអស់ នឹងបែងចែកមូលនិធិសប្បុរសធម៍នេះដើម្បីផ្គត់ផ្គងដំណើររបស់សិល្បករទាំងអស់ ទិញសម្ភារៈប្រើប្រាស់ និងស្បៀងអាហារសម្រាប់បងប្អូនជនភៀសសឹកនៅជំរុំផ្ទាល់តែម្ដង ហើយបេសកកម្មរបស់ពួកយើងមួយនេះនឹងបន្ដទៅមុខទៀត រហូតកម្ពុជាទទួលបានសន្ដិភាពពេញលេញត្រឡប់មកវិញ។
អរគុណសម្រាប់ការផ្តួចផ្តើមគម្រោង ពីសិល្បករតួត្លុក រិទ្ធ ដារ៉ូ មុំវណ្ណ ដាវីន បង សកលកិត្យា តន្រ្តីករពីសាកលវិទ្យាល័យវិចិត្រសិល្បៈ គាំទ្រយ៉ាងជិតស្និទ្ធដោយ ភ្លើងគប់ បុណ្យភូមិ និងបុណ្យភូមិមានជើង។
សិល្បៈខ្មែរ ពីសិល្បករខ្មែរ ទៅកាន់ប្រជាជនខ្មែរ ដើម្បីសន្ដិភាព 🕊️
#ពេទ្យសិល្បៈ #តួត្លុក #សិល្បៈខ្មែរ #ភ្លើងគប់ #បុណ្យភូមិ #បុណ្យភូមិមានជើង #ខ្មែរជួយខ្មែរ
