Khmer Unity - ខ្មែរតែមួយ

Home
Cambodia
Chbar Ampeou
Khmer Unity - ខ្មែរតែមួយ

ខ្មែរតែមួយ - Khmer Unity:

នាំជូននូវព័ត៌មាន ទស្សនៈ ទស្សនៈវិភាគ ព្រឹត្តិការណ៍សង្គម បច្ចុប្បន្នភាព កម្ពុជា មាននៅគ្រប់ទីកន្លែង...
**********
1- https://www.khmerunity.org
2- https://www.facebook.com/KhmerUnityOfficial/
3- https://www.youtube.com/c/winwindc-khmerunity/
4- https://t.me/khmerunity

08/09/2025

PRESS RELEASE: Endeavors of the Royal Government of Cambodia for the Release and Repatriation of 18 Detained Soldiers

08/09/2025

សារព័ត៌មានThe Sunday Guardian ៖ «គណបក្សប្រឆាំង និងអ្នកជាតិនិយមថៃ មានជាប់ពាក់ព័ន្ធនៅក្នុងផែនការប្រឆាំងនឹងនាយករដ្ឋមន្ត្រីកម្ពុជា»

08/09/2025

សេចក្តីអំពាវនាវ
ស្ដីពីការបង្ការ ទប់ស្កាត់គ្រោះថ្នាក់ចរាចរណ៍ផ្លូវគោក ក្នុងឱកាស ពិធីបុណ្យកាន់បិណ្ឌ ភ្ជុំបិណ្ឌប្រពៃណីជាតិខ្មែរ នៅថ្ងៃទី៨ ដល់ថ្ងៃទី២៣ ខែកញ្ញា ឆ្នាំ២០២៥

08/09/2025

សេចក្ដីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ ស្ដីពី កិច្ចខិតខំប្រឹងប្រែងរបស់រាជរដ្ឋាភិបាលកម្ពុជា សម្រាប់ការដោះលែង និងធ្វើមាតុភូមិនិវត្តន៍របស់កងទ័ពកម្ពុជាទាំង១៨រូប

05/09/2025

វីដេអូ៖ សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទីនៃព្រះរាជាណាចក្រកម្ពុជា អនុញ្ញាតឲ្យលោកជំទាវ Bridgette L. Walker ភារធារីស្តីទីស្ថានទូតសហរដ្ឋអាមេរិកប្រចាំនៅកម្ពុជា ចូលជួបសម្តែងការគួរសម នៅវិមានព្រឹទ្ធសភា រាជធានីភ្នំពេញ។

ថ្ងៃសុក្រ ១៣កើត ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៥ ខែកញ្ញា ឆ្នាំ២០២៥

05/09/2025

ខ្លឹមសារដែលបានបង្ហោះគឺជាព័ត៌មានក្លែងបន្លំ ដែលក្រុមប្រឆាំងជ្រុលនិយមប្រឌិតឡើងក្នុងគោលបំណងចោទប្រកាន់មកលើរដ្ឋាភិបាល!

បញ្ជាក់៖ ផេកផ្លូវការរបស់ PR Cambodian Government មិនបានវាយត្រាព័ត៌មានក្លែងក្លាយទៅលើការបង្ហោះរបស់អ្នកសារព័ត៌មាន លោក សាន្ត ប៊ុនធឿន នោះឡើយ។

05/09/2025

សេចក្តីថ្លែងការណ៍រួម រវាងក្រសួងមហាផ្ទៃធនាគារជាតិនៃកម្ពុជា និងអាជ្ញាធរសេវាហិរញ្ញវត្ថុមិនមែនធនាគារ ស្តីពីការចាត់វិធានការចំពោះសកម្មភាពផ្តល់កម្ចីខុសច្បាប់ និងការទទួលយកអត្តសញ្ញាណប័ណ្ណ សៀវភៅស្នាក់នៅ ប័ណ្ណសមធម៌ និងប័ណ្ណសមាជិកបេឡាជាតិសន្តិសុខសង្គម សម្រាប់ធានាលើកម្ចី!

05/09/2025

វិភាគ៖ យោធាថៃបង្វែរសង្គ្រាមប្រដាប់អាវុធ ទៅជាសង្គ្រាមលើជនស៊ីវិលកម្ពុជា

សង្គ្រាមកម្ពុជា-ថៃបានផ្ទុះឡើងរយៈពេល៥ថ្ងៃរវាងកងទ័ពកម្ពុជានិងថៃកាលពីអំឡុងថ្ងៃទី២៤ ដល់ពាក់កណ្តាលអាធ្រាតថ្ងៃទី២៨ ខែកក្កដា ឆ្នាំ២០២៥ កន្លងទៅ បានបណ្តាលឲ្យយោធានិងជនស៊ីវិលស្លាប់និងរបួសជាច្រើននាក់និងទទួលរងនូវការខូចខាតហេដ្ឋារចនាសម្ព័ន្ធរបស់ជាតិយ៉ាងធ្ងន់ធ្ងរ តែនោះគឺជាការប៉ះទង្គិចគ្នាដោយយោធានិងយោធា ។ សង្គ្រាមដែលបានកើតឡើង គឺផ្តើមចេញពីអំពើការឈ្លានពានរបស់យោធាថៃមកលើអធិបតេយ្យភាពកម្ពុជា។

ឆ្លើយតបនឹងការបំពានមកលើកម្ពុជា និងការទប់ទល់ដើម្បីការពារខ្លួន ការពារទឹកដី ហើយដែលកម្លាំងយោធាបានវាយបកទៅវិញ និងទាហានថៃបានបាញ់ផ្លោងយ៉ាងកំរោលមកលើកម្ពុជានៅតំបន់ព្រំដែន គឺជាទិដ្ឋភាពនៃការប្រយុទ្ធគ្នារវាងកម្លាំងយោធានិងយោធា រួមទាំងសព្វាវុធដែលប្រើក្នុងជម្លោះរវាងប្រទេសទាំងពីរ ។

ប៉ុន្តែស្ថានភាពថ្មីៗនេះនៅតំបន់ព្រំដែនកម្ពុជា-ថៃ ជាពិសេសនៅតំបន់ភូមិជោគជ័យនិងភូមិព្រៃចាន់ ឃុំអូរបីជាន់ គឺជារឿងដាច់ដោយឡែកពីទីតាំងជម្លោះបញ្ហាព្រំដែនដ៏ក្តៅគគុកដែលបានប៉ះទង្គិចគ្នាទ្រង់ទ្រាយធំ ។ ប៉ុន្តែ ការបង្កបញ្ហារាលដាលមកដល់ភូមិករ ផ្ទះសម្បែង ដីអ្នកស្រុកដែលធ្លាប់ និងបានកំពុងរស់នៅ គឺជារឿងអយុត្តិធម៌សម្រាប់ប្រជាពលរដ្ឋស៊ីវិលកម្ពុជាស្លូតត្រង់ខ្លាំងណាស់។ ទង្វើឈ្លានពានរបស់ថៃ បង្ហាញឲ្យឃើញច្បាស់ថា យោធាថៃកំពុងបង្វែរយុទ្ធសាស្រ្តពីជម្លោះរបស់ខ្លួនក្នុងមហិច្ឆតាវាតទីទឹកដី តម្រង់មករកគោលដៅប្រជាជនស៊ីវិលកម្ពុជាគឺជាអំពើរំលោភច្បាប់ទាំងកំរោល។ យោធាថៃ បានបញ្ចេញសកម្មភាពបង្ខំនិងទាមទារឲ្យប្រជាពលរដ្ឋស៊ីវិលកម្ពុជាចំនួន ១៧០ គ្រួសារនៅភូមិជោគជ័យនិងភូមិព្រៃចាន់ ជាប់និងភូមិបានណងចាន់ក្នុងខេត្តស្រះកែវរបស់ថៃនេះ ចាកចេញពីផ្ទះសម្បែងរបស់ពួកគាត់នោះ គឺជាឧទាហរណ៍យ៉ាងច្បាស់លាស់នៃការធ្វើសង្គ្រាមមកលើប្រជាជនស៊ីវិលកម្ពុជា។

សកម្មភាពរបស់ក្រុមយោធាថៃប្រដាប់ដោយអាវុធ និងប្រើកម្លាំងបង្ក្រាប រួមទាំងប្រើសំឡេងស៊ីរ៉ែនរោរ៍ខ្លាំងៗអាចនឹងប៉ះពាល់ដល់ក្រដាសត្រចៀក និងខួរក្បាលរបស់អ្នកភូមិកម្ពុជា ពិតជាបានបង្កការព្រួយបារម្ភយ៉ាងខ្លាំង ដល់សិទ្ធិរស់នៅនិងជាការរំលោភលើសិទ្ធិមនុស្សយ៉ាងធ្ងន់ធ្ងរ ដែលត្រូវបានគាំពារដោយច្បាប់អន្តរជាតិ។
យោងតាមលិខិតរបស់អភិបាលខេត្តស្រះកែវ កាលពីថ្ងៃទី២៩ ខែសីហា ឆ្នាំ២០២៥ ដែលបានអះអាងថា ប្រជាពលរដ្ឋស៊ីវិលកម្ពុជាបានសាងសង់ និងរស់នៅលើដីព្រៃឈើបម្រុងរបស់ថៃ ហើយជារឿងរំលោភច្បាប់នោះ សំនួរសួរថា តើភាគីថៃកំពុងយកច្បាប់អ្វីមកសំអាង តើភាគីថៃមានបានគោរពទៅតាម MOU 2000 ដែលបានព្រមព្រៀងគ្នាជាមួយកម្ពុជាដែរឬទេ? ឬមួយភាគីថៃធ្វើអ្វីតាមតែទំនើងចិត្ត?

ការដែលយោធាថៃយកច្បាប់ព្រៃមកអនុវត្តក្នុងទឹកដីកម្ពុជា គឺជាអំពើខុសឆ្គងនិងប្រាស់ចាកទាំងស្រុងពីរបៀបនៃប្រជាជាតិដែលស៊ីវិល័យ និងត្រូវបានពិភពលោកមើលឃើញថា ថៃបាននិងកំពុងដើរខុសគន្លងច្បាប់អន្តរជាតិ និងបង្ហាញនូវរូបភាពអានាធិបតេយ្យ និងច្រងេងច្រងាង។ ការចេញបទបញ្ជាណាមួយក្នុងប្រទេសថៃ ក្នុងន័យថា ច្បាប់រដ្ឋបាលរបស់ប្រទេសថៃគឺសម្រាប់តែអនុវត្តទៅលើតែប្រជាពលរដ្ឋថៃ ដែលរស់នៅក្នុងដែនអធិបតេយ្យភាពរបស់ខ្លួនតែប៉ុណ្ណោះ គឺមិនមែនយកច្បាប់ថៃមកអនុវត្តនៅលើទឹកដីកម្ពុជាបាននោះទេ ។

ប្រទេសនីមួយៗមានច្បាប់របស់គេរៀងៗខ្លួន ឬមួយថៃគិតថាច្បាប់របស់ខ្លួនជាច្បាប់អន្តរជាតិដែលអាចអនុវត្តលើប្រទេសណាក៏បាន។សកម្មភាពដ៏គឃ្លើនរបស់យោធាថៃជាច្រើនថ្មីៗនេះ ពិភពលោកប្រាកដជាបានយល់កាន់តែច្បាស់អំពីចរិកពិតរបស់ថៃនិងក៏បានដឹងច្បាស់ផងដែរថា ថៃជាអ្នកបង្កើតសង្គ្រាមឈ្លានពានមុនមកលើកម្ពុជានិងកំពុងរំលោភបទឈប់បាញ់យ៉ាងធ្ងន់ធ្ងរ ។ រីឯកម្ពុជាវិញ គឺជាជនរងគ្រោះនិងគ្រាន់តែប្រើសិទ្ធិការពារខ្លួននិងចង់បានតែសន្តិភាពប៉ុណ្ណោះ ដែលមិនគួរត្រូវបានរងនូវការមួលបង្កាច់ ចោទប្រកាន់ ប្រឌិតព័ត៌មាន និងបំផ្លើសថា ប្រជាជនកម្ពុជាជាអ្នករំលោភលើទឹកដីរបស់ថៃនោះឡើយ។
បញ្ហាប្រជាជនស៊ីវិលកម្ពុជាដែលកំពុងតែរស់នៅក្នុងភូមិជោគជ័យ និងភូមិព្រៃចាន់ ឃុំអូរបីជាន់នេះ ពិតជាជាប់ពាក់ព័ន្ធទៅនឹងការគ្រប់គ្រងព្រំដែន និងការវាស់វែងខណ្ឌសីមា ដែលត្រូវស្ថិតក្រោមសមត្ថកិច្ចរបស់គណៈកម្មាធិការព្រំដែនទូទៅ GBC និង គណៈកម្មការធិការចម្រុះខណ្ឌសីមាព្រំដែនគោក JBC នៃប្រទេសទាំងពីរកម្ពុជា-ថៃ។ ដូច្នេះរាល់ការសម្រេចជាឯកតោភាគីរបស់ថៃ គឺមិនអាចអនុវត្តបាននោះទេ ហើយនេះប្រាកដណាស់ដែលថៃកំពុងប្រើវិធានការប្តូរទិសដៅពី “សង្គ្រាមប្រដាប់អាវុធ” ទៅកាន់ “សង្គ្រាមប្រឆាំងនិងជនស៊ីវិលកម្ពុជា” យ៉ាងច្បាស់ក្រឡែតដោយមិនអាចប្រកែកបានឡើយ។

តាមពិតទៅប្រជាពលរដ្ឋស៊ីវិលកម្ពុជាដែលរស់នៅក្នុងតំបន់នោះ មិនមែនជាអ្នករំលោភបំពានច្បាប់ដោយចេតនានោះទេ ពោលគឺ ពួកគាត់ដែលជាជនស៊ីវិលទាំងនោះ មានប្រវត្តិរស់និងការប្រើប្រាស់ដីធ្លី ភូមិករ ស្របច្បាប់ក្នុងទឹកដីកម្ពុជានៅតំបន់នោះចាប់តាំងពីឆ្នាំ១៩៨៤ ហើយបានបន្តជីវភាពរស់នៅពឹងពាក់អាស្រ័យផលលើដីស្រែចំការ ធ្វើកសិកម្ម ចិញ្ចឹមជីវិតនិងដោយបានបន្តការរស់នៅរហូតមកដល់សព្វថ្ងៃនេះក្រោមការគ្រប់គ្រងនិងក្នុងនាមជាប្រជាជនកម្ពុជាស្របច្បាប់។

04/09/2025

អ្នកនាំពាក្យរាជរដ្ឋាភិបាល៖រាជរដ្ឋាភិបាលកំពុងខិតខំតាមគ្រប់មធ្យោបាយក្នុងការដោះស្រាយករណីដែលបានកើតឡើងនៅភូមិជោគជ័យ និងភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ
--------------------------
ឯកឧត្តម ប៉ែន បូណា អ្នកនាំពាក្យរាជរដ្ឋាភិបាល នៅរសៀលថ្ងៃទី៤ ខែកញ្ញា ឆ្នាំ២០២៥ បានមានប្រសាសន៍ថា រាជរដ្ឋាភិបាលក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជាបានខិតខំការពារអធិបតេយ្យភាពជាតិ បូរណភាពទឹកដីយ៉ាងប្តូរផ្តាច់តាមគ្រប់មធ្យោបាយ។

ឯកឧត្តម ប៉ែន បូណា បានមានប្រសាសន៍បន្ថែមថា ចំពោះករណីបានកើតឡើងនៅភូមិជោគជ័យ និងភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដែលភាគីថៃបានធ្វើសកម្មភាពជាឯកតោភាគីចាប់តាំងពីថ្ងៃទី១២ ខែសីហា ឆ្នាំ២០២៥ មកបានធ្វើអោយប៉ះពាល់ដល់ប្រជាពលរដ្ឋដែលកំពុងរស់នៅ និងអាស្រ័យផលជាយូរលង់មកហើយ។

ឯកឧត្តម ប៉ែន បូណា បានគូសបញ្ជាក់ថា រាជរដ្ឋាភិបាលកម្ពុជាបានធ្វើការងារយ៉ាងសកម្មដោយប្រើយន្តការគ្រប់លំដាប់ថ្នាក់ដែលមានជាធរមានដើម្បីតវ៉ាទៅកាន់ភាគីថៃ និងជម្រាបជូនដំណឹងទៅកាន់ភាគីពាក់ព័ន្ធតាមគ្រប់មធ្យោបាយការទូតដោយស្របតាមច្បាប់អន្តរជាតិ៕

04/09/2025

អគ្គបញ្ជាការដ្ឋានកងយោធពលខេមរភូមិន្ទបដិសេធចំពោះការផ្សាយបំភ្លៃបំផ្លើសថា«រាជរដ្ឋាភិបាលបានគម្រាមកំហែងនិងកាត់ប្រាក់ខែកងទ័ពជួរមុខ»និងស្នើសុំឱ្យអនុវត្តច្បាប់ដកសញ្ជាតិចំពោះជនក្បត់ជាតិ សម រង្ស៊ី
--------
នៅថ្ងៃទី៤ ខែកញ្ញា ឆ្នាំ២០២៥ អគ្គមេបញ្ជាការ អគ្គមេបញ្ជាការរង នាយទាហាន នាយទាហានរង និងពលទាហានទាំងអស់នៃ កងយោធពលខេមរភូមិន្ទ បានចេញលិខិតបដិសេធទាំងស្រុងចំពោះការផ្សព្វផ្សាយព័ត៌មានបំភ្លៃបំផ្លើសការពិតរបស់ជនក្បត់ជាតិ៣ជំនាន់ សម រង្សី និងបក្សពួកដែលថា«រាជរដ្ឋាភិបាល បានគម្រាមកំហែងនិងកាត់ប្រាក់ខែកងទ័ពជួរមុខ»។

នៅក្នុងលិខិតបដិសេធនោះដែរបានឱ្យដឹងថា កងយោធពលខេមរភូមិន្ទ សូមបដិសេធទាំងស្រុងនិងថ្កោលទោសដាច់អហង្ការចំពោះការផ្សព្វផ្សាយព័ត៌មានបំភ្លៃបំផ្លើសការពិតរបស់ជនក្បត់ជាតិ៣ជំនាន់ សម រង្ស៊ី និងបក្សពួក ដែលមានគោលបំណង បំបាក់ស្មារតីនិងប្រមាថយ៉ាងធ្ងន់ធ្ងរបំផុតចំពោះកងយោធពលខេមរភូមិន្ទ ក៏ដូចជាប្រទេសជាតិនិងប្រជាជនខ្មែរដែលរងគ្រោះការរំលោភបំពានទាំងកម្រោលមកលើបូរណទឹកដីនៃព្រះរាជាណាចក្រកម្ពុជា។ ជនក្បត់ជាតិ៣ជំនាន់ សម រង្សី និងបក្សពួក បាននិងកំពុងលុបបំបាត់កិត្តិយសវីរៈយុទ្ធជននិងជនរងគ្រោះ បំផ្លាញស្មារតីសាមគ្គីជាតិ ខណៈរាជរដ្ឋាភិបាល ប្រជាជនកម្ពុជា ទាំងក្នុងនិងក្រៅប្រទេសក៏ដូចជា កងយោធពលខេមរភូមិន្ទ បាននិងកំពុងតស៊ូក្រាញននៀលប្រយុទ្ធយ៉ាងប្តូរផ្តាច់ ហ៊ានបូជាសាច់ស្រស់ ឈាមស្រស់ ដើម្បីបុព្វហេតុការពារបូរណភាពទឹកដី អធិបតេយ្យជាតិ និងប្រជាជន។

ក្នុងលិខិតនោះដែរក៏បានថ្កោលទោសដាច់អហង្ការនិងស្នើសុំឱ្យអនុវត្តច្បាប់ដកសញ្ជាតិ និងបទល្មើសព្រហ្មទណ្ឌផ្សេងៗទៀតចំពោះជនក្បត់ជាតិ៣ជំនាន់ សម រង្សី និងបក្សពួក៕

04/09/2025

រដ្ឋបាលខេត្តកំពង់ធំរៀបចំផ្សព្វផ្សាយរបាយការណ៍វឌ្ឍនភាព នៃការអនុវត្តវិធានការគន្លឹះក្នុងវិស័យអប់រំ

យោងតាមការបង្ហោះផ្សាយនៅក្នុងបណ្តាញសង្គមផ្លូវការរបស់ឯកឧត្តម នួន ផារ័ត្ន អភិបាលនៃគណៈអភិបាលខេត្តកំពង់ធំ នៅរសៀលថ្ងៃទី៤ ខែកញ្ញា ឆ្នាំ២០២៥ បានឲ្យដឹងថា នៅសាលាខេត្តកំពង់ធំមានរៀបចំពិធីផ្សព្វផ្សាយរបាយការណ៍វឌ្ឍនភាព នៃការអនុវត្តវិធានការគន្លឹះក្នុងវិស័យអប់រំ របស់គណៈកម្មាធិការជាតិជំរុញការអនុវត្តវិធានការគន្លឹះក្នុងវិស័យអប់រំ របស់រាជរដ្ឋាភិបាលនីតិកាលទី៧ នៃរដ្ឋសភា (គ.វ.អ.) ក្រោមអធិបតីភាព ឯកឧត្តមបណ្ឌិត ថោង ខុន ទេសរដ្ឋមន្ត្រីទទួលបន្ទុកបេសកកម្មពិសេស និងជាអនុប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ៕

04/09/2025

ទស្សនពលរដ្ឋ៖ ក្រុមប្រឆាំងជ្រុលនិយមដឹកនាំដោយទណ្ឌិតក្បត់ជាតិ សម រង្ស៊ី ចាប់ផ្តើមប្រើនយោបាយទុច្ចរិត មួលបង្កាច់ ទម្លាក់កំហុសលើ សម្តេចតេជោ ហ៊ុន សែន រឿងជម្លោះព្រំដែនកម្ពុជា-ថៃ

Address

Chbar Ampeou

Telephone

+855123456789

Website

http://www.khmerunity.org/, https://t.me/KhmerUnityOfficial, https://www.facebook.com/KhmerUnityOfficial

Alerts

Be the first to know and let us send you an email when Khmer Unity - ខ្មែរតែមួយ posts news and promotions. Your email address will not be used for any other purpose, and you can unsubscribe at any time.