24/05/2025
គម្រោង ការត្រៀមខ្លួនរបស់អាស៊ានដើម្បីទទួលយកបញ្ញាសិប្បនិម្មិត (AI RAP)
ប្រវត្តិគម្រោង
គម្រោង AI Ready ASEAN ដឹកនាំដោយមូលនិធិអាស៊ាន និងគាំទ្រដោយក្រុមហ៊ុន Google.org គឺជាកម្មវិធីថ្នាក់តំបន់ ត្រូវបានបង្កើតឡើងដើម្បីលើកកម្ពស់ចំណេះដឹងអំពីបច្ចេកវិទ្យាបញ្ញាសិប្បនិម្មិត (AI) និងការសរសេរកូដតាមរយៈ Hour of Code ដែលជាចលនាសកលដើម្បីណែនាំវិទ្យាសាស្ត្រកុំព្យូទ័រដល់មនុស្សគ្រប់វ័យ។ គម្រោងនេះមានគោលបំណងធ្វើឱ្យការសរសេរកូដ និង AI ក្លាយជារឿងសាមញ្ញ សប្បាយ និងអាចប្រើប្រាស់បានសម្រាប់សិស្ស គ្រូបង្រៀន ឪពុកម្តាយ និងសហគមន៍នៅទូទាំងបណ្តាប្រទេសអាស៊ាន។
បេសកម្ម
ក្រុមការងារមានបេសកកម្មដឹកនាំ និងគ្រប់គ្រងគម្រោង “ការត្រៀមខ្លួនរបស់អាស៊ានដើម្បីទទួលយកបញ្ញាសិប្បនិម្មិត” (AI Ready ASEAN) ដើម្បីឱ្យសម្រេចបានតាមគោលដៅក្នុងការផ្ដល់ចំណេះដឹងចាំបាច់ អំពីអក្ខរកម្មបញ្ញាសិប្បនិម្មិត (AI Literacy) ដល់យុវជន គ្រូបង្រៀន និងមាតាបិតា ឬអាណាព្យាបាលសិស្ស សរុបប្រមាណ ១៦៦,៧៥០នាក់ ទូទាំងប្រទេសកម្ពុជាដើម្បីអាចប្រើប្រាស់បញ្ញាសិប្បនិម្មិត (AI) ប្រកបដោយទំនួលខុសត្រូវ និងក្លាយជាជំនាញដ៏សំខាន់សម្រាប់ថ្ងៃអនាគត។
គោលដៅនៃគម្រោង
: ការត្រៀមខ្លួនរបស់អាស៊ានដើម្បីទទួលយកបញ្ញាសប្បនិម្មិត (AI Ready ASEAN) គឺជាគម្រោងកម្រិតតំបន់ ដែលគ្របដណ្ដប់ប្រទេសជាសមាជិក អាស៊ាន(AMS) ហើយមានគោលបំណងផ្ដល់ចំណេះដឹងចាំបាច់ អំពីអក្ខរកម្មបញ្ញាសប្បនិម្មិត (AI Literacy) ដល់យុវជន គ្រូបង្រៀន និងមាតាបិតា ឬអាណាព្យាបាលសិស្ស សរុបប្រមាណ ៥,៥លាននាក់ ក្នុងតំបន់ ដើម្បីអាចប្រើប្រាស់បញ្ញាសប្បនិម្មិត (AI) ប្រកបដោយទំនួលខុសត្រូវ និងក្លាយជាជំនាញដ៏សំខាន់សម្រាប់ថ្ងៃអនាគត។ គម្រោងនេះមានរយៈពេល ២ឆ្នាំ គឺចាប់ពីខែមីនា ឆ្នាំ២០២៥ ដល់ខែធ្នូ ឆ្នាំ២០២៦ ដែលអនុវត្តទូទាំង២៥រាជធានី-ខេត្តក្នុងប្រទេសកម្ពុជា និងមានសាលាគោលដៅសរុបចំនួន៤០០សាលា។ គម្រោងនេះនឹងផ្ដល់ផលជះជាវិជ្ជាមានដល់អ្នកទទួលផលចុងក្រោយសរុបចំនួន ១៦៦,៧៥០នាក់ ដែលរួមមានយុវជនប្រមាណ ១២៥,០៦២នាក់ លោកគ្រូអ្នកគ្រូប្រមាណ ៣៣,៣៥០នាក់ និងមាតាបិតា ឬអាណាព្យាបាលសិស្សប្រមាណ ៨,៣៣៨នាក់ និងលោកគ្រូអ្នកគ្រូ។
