16/06/2025
ព័ត៌មាន ទទក ប៉ៃលិន៖ នៅមជ្ឈមណ្ឌលបណ្តុះបណ្តាលវិជ្ជាជីវៈ ខេត្តប៉ៃលិន មានប្រារព្ធពិធី ទិវាជាតិអប់រំបណ្ដុះបណ្ដាលបច្ចេកទេស និងវិជ្ជាជីវៈ (TVET) លើកទី៨ ឆ្នាំ២០២៥ ក្រោមប្រធានបទ «TVET ការបង្កើតឱកាសការងារ សាងក្តីសង្ឃឹម ដល់យុវជន» ដែលបង្ហាញពីសារៈសំខាន់ នៃការអប់រំជំនាញបច្ចេកទេស ក្នុងការជំរុញការអភិវឌ្ឍធនធានមនុស្ស។ ពិធីនេះស្ថិតក្រោមអធិបតីភាពលោក ម៉ើង លីដា អភិបាលរងខេត្តប៉ៃលិន តំណាងលោកជំទាវបណ្ឌិត បាន ស្រីមុំ អភិបាលខេត្តប៉ៃលិន ព្រមទាំងមានការអញ្ជើញចូលរួមពីលោក ភី ឡង់ឌី ប្រធានមន្ទីរការងារ និងបណ្តុះបណ្តាលវិជ្ជាជីវៈ ខេត្តប៉ៃលិន , តំណាងអភិបាលក្រុង/ស្រុក មន្ត្រីរាជការ លោកគ្រូអ្នកគ្រូ សិស្សានុសិស្ស ផ្នែកឯ កជន តំណាងធនាគារ មីក្រូហិរញ្ញវត្ថុ ជាច្រើនរូប ។
