31/07/2025
ឃ្លាំងស្តុកស្បៀង នៃជំរំវត្តពោធិ៍៥០០០ដើម
ព្រះវិហារ៖ ជំនួយសប្បុរស បានមកដល់ជាហូរហែ មិនឲ្យបងប្អូនជនភៀសសឹកខ្វះខាតឡើយ។ ស្បៀងទាំងនេះ ជាជំនួយសប្បុរសធម៌ ពីរដ្ឋាភិបាល និងជនជនរួមជាតិជួយរៃអង្គាសគ្នា ក្នុងស្មារតីខ្មែរជួយខ្មែរ។ ឃ្លាំងស្តុកស្បៀងនេះ គឺស្ថិតនៅជំរំវត្តពោធិ៍៥០០០ដើម ក្នុងស្រុកគូលែន ខេត្តព្រះវិហារ និងជាទីតាំងធំជាងគេ នៃជំរំភៀសសឹកទាំងអស់ក្នុងខេត្តព្រះវិហារ។ ជំរំវត្តពោធិ៍៥០០០ដើម មានជនភៀសសឹកចំនួន ៤៧០០គ្រួសារ ស្មើនឹង ១៦០០០នាក់។ ខេត្តព្រះវិហារ មានជំរំជនភៀសសឹកសរុប ១៥ទីតាំង ដែលមានគ្រួសារចំនួន ៩៩៩៤គ្រួសារ ស្មើនឹង ៣២៥៥៥នាក់។
