15/09/2026
កិច្ចសម្ភាសន៍ជាន់ខ្ពស់ជាមួយលោក Omar AL-Razzaz អតីតនាយករដ្ឋមន្ត្រីនៃប្រទេសហ្ស៊កដានី
នាពេលថ្មីៗកន្លងទៅនេះ លោក Omar AL-Razzaz អតីតនាយករដ្ឋមន្ត្រីនៃប្រទេសហ្ស៊កដានី បានផ្តល់បទសម្ភាសន៍ពិសេសក្នុងកម្មវិធីកិច្ចសម្ភាសន៍ជាន់ខ្ពស់របស់អគ្គស្ថានីយវិទ្យុនិងទូរទស្សន៍មជ្ឈិមចិននៅក្រុងប៉េកាំង ។
លោក Omar AL-Razzaz បានថ្លែងនៅក្នុងកិច្ចសម្ភាសន៍ថា ព្រះអង្គម្ចាស់ Abdullah ទី២ព្រះមហាក្សត្រនៃប្រទេសហ្ស៊កដានី បានយាងបំពេញព្រះរាជទស្សនកិច្ចនៅសាធារណរដ្ឋប្រជាមានិតចិននាពេលថ្មីៗកន្លងទៅនេះ ។ ក្នុងអំឡុងដំណើរទស្សនកិច្ចនោះ ព្រះអង្គម្ចាស់ Abdullah ទី២ មិនត្រឹមតែបានធ្វើការផ្លាស់ប្តូរយ៉ាងស៊ីជម្រៅនិងពិគ្រោះពិភាក្សាកិច្ចសហប្រតិបតិ្តការក្នុងវិស័យសេដ្ឋកិច្ច ជាមួយសហគ្រាសធំៗរបស់ប្រទេសចិនប៉ុណ្ណោះទេ ព្រះអង្គថែមទាំងបានធ្វើការផ្លាស់ប្តូរយ៉ាងស៊ីជម្រៅជាមួយលោក Xi Jinping ប្រធានរដ្ឋចិនអំពីស្ថានការណ៍ក្នុងតំបន់និងពិភាក្សាបញ្ហាដែលប្រទេសទាំងពីរយកចិត្តទុកដាក់ដូចគ្នាផងដែរ ។ ឆ្នាំក្រោយ ប្រទេសទាំងពីរនឹងអបអរទទួលខួបទី៥០នៃការបង្កើតទំនាក់ទំនងការទូត ។ ក្នុងរយៈពេល១០ឆ្នាំកន្លងទៅនេះ ពាណិជ្ជកម្មនិងការបណ្តាក់ទុនទ្វេភាគី ព្រមនិងកិច្ចសហប្រតិបតិ្តការគ្រប់ផ្នែកសុទ្ធតែទទួលបានការរីកចម្រើនដ៏ល្អប្រសើរ បូករួមទាំងទំនាក់ទំនងភាពជាដៃគូសេដ្ឋកិច្ចយុទ្ធសាស្ត្រ និងកិច្ចសហប្រតិបត្តិការនៅក្នុងវិស័យនយោបាយ ។ ប៉ុន្មានឆ្នាំចុងក្រោយនេះ លោក Xi Jinping ប្រធានរដ្ឋចិនបានលើកឡើងគំនិតផ្តួចផ្តើមសកលទាំងបួន ក្នុងន័យខិតខំប្រឹងប្រែងជំរុញកិច្ចសន្ទនាអរិយធម៌ បង្កើនការយល់ដឹងដល់គ្នាទៅវិញទៅមក និងធ្វើឱ្យអភិបាលកិច្ចសកលមានសុក្រឹតភាពជាដើម ។ លោក Xi Jinping មានចក្ខុវិស័យវែងឆ្ងាយ ដែលបានចង្អុលបង្ហាញពីទិសដៅសម្រាប់ការរួមរស់ដោយសនិ្តសហវិជ្ជមានរបស់ពិភពលោក ។ ពិភពលោកត្រូវការភាពជាអ្នកដឹកនាំបែបនេះ ហើយ
ក៏មានដៃគូដែលមានឆន្ទៈដូចគ្នាជាច្រើនឆ្លើយតបនឹងគោលបំណងនេះយ៉ាងសកម្មផងដែរ ៕
