03/10/2024
គំនិតខ្លះៗ សម្រាប់អ្នកចង់ចេញរកស៊ីខាងលក់កាហ្វេតាមផ្លូវ ឬ ហាងតូចៗ ៖
1. ផ្តោតលើរស់ជាតិ នៃកាហ្វេរបស់អ្នក រកឱ្យឃើញរស់ជាតិឆ្ងាញ់ ហើយឆ្ងុយ ។ បើអ្នកមិនដឹងថាអ្នកទិញចូលចិត្តផឹកកាហ្វេរស់ជាតិបែបណា កុំបើកលក់អីល្អជាង ព្រោះសព្វថ្ងៃនេះ កាហ្វេដែលអាចឈរជើងបានយូរមិនបានច្រើនទេ ។
2. បើអ្នកជាប្រភេទកាហ្វេ Slow Bar ឆុងដៃ អ្នកត្រូវផ្តោតលើរស់ជាតិ និង គុណភាព បរិយាកាស ការរៀបចំកន្លែងលក់ តម្លៃអាចថ្លៃបន្តិច អាច 7000 រៀល ឬ លើសនេះតិចតួច អ្នកផឹកពិតប្រាកដ នឹងមកផឹកកាហ្វេអ្នក ។ បើអ្នកលក់ធម្មតាដូចគេ អ្នកចំណេញតិច ហើយកាហ្វេ Slow Bar ធ្វើយូរ អ្នកមិនអាចធ្វើទាន់ឱ្យភ្ញៀវច្រើនទេ ដូចនេះផ្តោតលើរស់ជាតិ និង រើសអតិថិជន តម្លៃអាចថ្លៃបន្តិចមិនជាបញ្ហា ។
3. បើអ្នកជាអ្នកលក់កាហ្វេម៉ាស៊ីន ៖ អ្នកធ្វើបានលឿន អ្នកលក់ត្រឹម 5000 រៀលបានហើយ តែរស់ជាតិទទួលយកបាន ឬ ឆ្ងាញ់ កែវកុំធំពេក ទឹកកកក៏កុំច្រើនពេកដែរ ។ កែវធំ ទឹកកកច្រើនអាចបាត់រស់ជាតិ លុះត្រាតែយើងដាក់កាហ្វេ និង គ្រឿងច្រើនដែរ ។ ដូចនេះរើសកែវសមរម្យមួយ មិនតូចពេកមិនធំពេក ។
4. មានទំនាក់ទំនងល្អជាមួយភ្ញៀវ ចេះរុះរាយរាក់ទាក់ ចេះអរគុណ ចេះញញឹម និយាយរួមចរិតល្អ ។ កាហ្វេអ្នកឆ្ងាញ់យ៉ាងណាក៏ដោយ បើគេមកទិញអ្នក គេបានភាពមិនសប្បាុយចិត្តទៅវិញ គេមិនមកទៀតទេ ដូចនេះកុំរើសអើងភ្្ៀវឱ្យសោះ ឱ្យតែដើរចូលមកគឺជាភ្ញៀវរបស់យើង ។
5. ការជ្រើសទីកន្លែង សម្រាប់អ្នកធ្វើការ សាលារៀន ឬ នរណាក៏អាចទិញបាន បើអ្នកលក់កាហ្វេ 7000 រៀល កន្លែងដែលមនុស្សមិនសូវចាយលុយ អ្នកអាចពិបាករកភ្ញៀវ ។
6. កាហ្វេនៅតាមផ្លូវនឹងហាងតូចៗ ភាគច្រើនបើកមិនសូវបានយូរទេ ពេលខ្លះចាញ់កាហ្វេនៅក្នុងផ្សារទៀត គេឈរជើងបានយូរណាស់ ។ ដូចនេះមុននឹងបើក ត្រូវគិតឱ្យបានវែងឆ្ងាយ ថាបើកហើយបោះបង់លុយចោល $4000 $5000 ឬ យកអាជីពនេះដើម្បីចឹញ្ចឹមជីវិតមួយជីវិត ? បើអ្នកមិនច្បាស់ទេ កុំចេះតែបើកអ្នកអាចប្រឈមជាមួយបញ្ហាជាច្រើនហើយអាចបោះបង់ចោល ពេលលក់មិនដាច់ ។ រកអ្វីដែលជាយើង មិនមែនឃើញគេលក់ដាច់ មកលក់ដែរទេ ។
7. ត្រូវច្បាស់ការទិញគ្រឿងកាហ្វេបានថោក ហើយល្អ រួមទាំងម៉ាស៊ីន ។ បងប្អូនមួយចំនួនអាចគិតថា របស់ថោកណាល្អ ? តាមពិតទៅរបស់ល្អតម្លៃសមរម្យទេគ្រាន់តែពេលខ្លះ យើងមិនចេះទិញ ។ យើងមិនស្កាល់គេ យើងមិនដើរមើលគ្រប់កន្លែង យើងមិនរៀនពីគេ ៖
- អ្នកខ្លះទិញដែក មកធ្វើផ្ទះ ទៅទិញក្នុងតម្លៃ $10 ក្នុងមួយដើម ។ បើអ្នកទិញរាយស្រួលមិនស្រួលគេមិនលក់ឱ្យផង បើអ្នកទិញបោះដុំគេអាចគិតម្លៃបោះដុំឱ្យ $9 តែបើអ្នកស្គាល់ អ្នក Broker ដែលជាដៃគូរកន្លែងលក់ដែកនោះ គេលក់ឱ្យគាត់តែ $8 ទេ គាត់អាចលក់ឱ្យយើង $8.5 យើងនៅតែចំណេញជាងទិញបោះដុំ ។ អ្នកខ្លះគេប្រើក្បួនបែបហ្នឹង យើងមិនចាំបាច់ខ្វល់ថាគេធ្វើនំអត់ម្សៅ ឬ មានមានម្សៅទេ សំខាន់យើងចំណេញ ។
- យើងចង់បានកៅអី 100 បើយើងទិញតាមកន្លែងលក់ធម្មតា មួយគេលក់ឱ្យ $16 យក 100 គេលក់ឱ្យ $14 តែបើអ្នកទិញរោងចក្រ ( ពេលខ្លះយើងមិនដឹងថាមានរោចក្រ ) គេលក់ឱ្យ មួយ $8 គ្រាន់តែយើងត្រូវជាដៃគូរគេនៅថ្ងៃក្រោយ ។
នៅមានរឿងច្រើនណាស់បងប្អូនដែលពេលខ្លះយើងមិនចេះតែច្រលំថាខ្លួនចេះ ។ ដូចនេះហើយបានជា CFO ប្រាក់ខែច្រើនណាស់ដោយសារ គេធ្វើឱ្យក្រុមហ៊ុនចំណេញដោយសារចំណេះដឹងនិងជំនាញរបស់គេហ្នឹងឯង ។
ដូចនេះរស់ជាតិ គុណភាព តម្លៃ ទំនាក់ទំនង បើរស់ជាតិឆ្ងាញ់តម្លៃសមរម្យ គេនឹងមកទិញម្តងទៀត តែបើរស់ជាតិមិនឆ្ងាញ់ ផឹកមិនកើត ទោះថោកខ្លាំងក៏គេមិនទិញដែរ ។
កុំមើលងាយអ្នកលក់កាហ្វេតាមផ្លូវ អ្នកធ្វើការល្មមៗចំណូលមិនដល់គេទេ ។ ការងារ ឬ មុខរបរអ្វីក៏មានតម្លៃដែរ ត្រូវចេះឱ្យតម្លៃគ្នាទៅវិញទៅមក ព្រោះគេប្រឹងរស់ ប្រឹងរកដោយខ្លួនឯង ។
Credit : SUC NEWS
