FK News Khmer, Phnom Penh (2025)

28/12/2024

ប៉ៃលិន៖ នៅបរិវេណសាលាខេត្ត រសៀលថ្ងៃទី២៧ ខែធ្នូ ឆ្នាំ២០២៤ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន បានអញ្ជើញសំណេះសំណាល និងផ្តល់រង្វាន់ លើកទឹកចិត្តដល់សិស្សប្រឡងជាប់ សញ្ញា បត្រមធ្យមសិក្សាទុយិភូមិនិទ្ទេស A,B,C,D,E ទូទាំងខេត្ត ដែលពិធីនេះក៏មានការអញ្ជើញចូលរួមពីសំណាក់ ឯកឧត្ដម លោកជំទាវ ជាអភិបាលរងខេត្ត, លោក-លោកស្រីនាយក នាយករងរដ្ឋបាលខេត្ត, ប្រធានមន្ទីរអង្គភាពជុំវិញខេត្ត លោកគ្រូ អ្នកគ្រូ អាណាព្យាបាល និងសិស្សានុសិស្ស ប្រមាណជាង ៥០០នាក់។ លោក តង់ ធារ៉ា ប្រធានមន្ទីរអប់រំ យុវជន និងកីឡាខេត្តប៉ៃលិន បានធ្វើរបាយការថា៖ សម្រាប់ការប្រឡង សញ្ញា បត្រមធ្យមសិក្សាទុតិយភូមិនៅក្នុងឆ្នាំ២០២៤នេះ គឺមានបេក្ខជនប្រឡងជាប់ទូទាំងខេត្តប៉ៃលិន សរុបចំនួន ៤០១នាក់ ស្រី ២៥១នាក់ ស្មើនឹង ៧២,៩១% ស្រី ៧៩,១៨% ក្នុងនោះ(និទ្ទេស A=០៥នាក់ ស្រី ០២នាក់, B=២៩នាក់ ស្រី ២៥នាក់, C=៦៦នាក់ ស្រី ៤៣នាក់, D=១៣៦នាក់ ស្រី ៨៧នាក់ និងនិទ្ទេស E=១៦៨នាក់ ស្រី ៩៤នាក់)។...

ប៉ៃលិន៖ នៅបរិវេណសាលាខេត្ត រសៀលថ្ងៃទី២៧ ខែធ្នូ ឆ្នាំ២០២៤ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្ត...

28/12/2024

(បាត់ដំបង) សិស្សសាលាស្រីម្នាក់បានស្លាប់ភ្លាមៗ និងម្នាក់ទៀតរងរបួសស្រាលនៅក្នុងហេតុការណ៍គ្រោះថ្នាក់ចរាចរណ៍នៅវេលាម៉ោង០៦និង៥៥នាទី ថ្ងៃទី២៨ ខែធ្នូ ឆ្នាំ២០២៤ នៅតាមបណ្តោយផ្លូវជាតិលេខ៥ ត្រង់ចំណុចទល់មុខរោងម៉ាស៊ីនស្រូវ តុង ភាព ស្ថិតនៅភូមិកន្សៃបន្ទាយ ឃុំមោង ស្រុកមោងឬស្សី ខេត្តបាត់ដំបង ។ មានករណីគ្រោះថ្នាក់ចរាចរណ៍នេះដែរបានកើតឡើងរវាងរថយន្តម៉ាក Hyundai ពណ៌ស ពាក់ផ្លាកលេខ បាត់ដំបង ៣A-៣៩៨២ បើកបរដោយបុរសម្នាក់ទិសដៅពីជើងទៅត្បូង(បាត់ដំបង ទៅភ្នំពេញ ) ចំណែកម៉ូតូម៉ាកហុងដាឌ្រីមពណ៌ខ្មៅ ពាក់ផ្លាកលេខ បាត់ដំបង ១T-៣៤៤៦ អ្នកបើកបរឈ្មោះ ជឿត មេសា ភេទស្រី អាយុ១៨ឆ្នាំ ជាសិស្សថ្នាក់ទី១២B១ រស់នៅភូមិទួលព្រំុ២ ឃុំកកោះ ស្រុកមោងឬស្សី ខេត្តបាត់ដំបង និងអ្នករួមដំណើឈ្មោះ ជឿត ភារ័ត្ន ភេទស្រី អាយុ២០ឆ្នាំ ជាសិស្សថ្នាក់ទី១២ រស់នៅភូមិ ឃុំ ជាមួយគ្នា ក្នុងទិសដៅស្របគ្មា លុះមកដល់ចំណុចកើតហេតុខាងលើករថយន្តបានរយ៉ែថយក្រោយបំរ៉ុងចូលរោងម៉ាស៊ីន ក៏បានប៉ះជាមួយម៉ូតូធ្វើឲ្យជនរងគ្រោះធ្លាក់ពីម៉ូតូក៏ត្រូវរថយន្តកិនបណ្តាលអោយស្លាប់ម្នាក់និងរបួសម្នាក់តែម្តង ។ ក្រោយពេលកើតហេតុសមត្ថកិច្ចជំនាញបានចុះទៅវាស់វែងធ្វើកំំណត់ហេតុយករថយន្តនិងម៉ូតូទៅរក្សាទុកនៅអធិការដ្នានគរបាលស្រុកមោឬស្សី ចំណែកសាកសពត្រូវបានប្រគល់អោយសាច់ញាតិយកទៅរៀបចំធ្វើបុណ្យតាមប្រពៃណី៕

(បាត់ដំបង) សិស្សសាលាស្រីម្នាក់បានស្លាប់ភ្លាមៗ និងម្នាក់ទៀតរងរបួសស្រាលនៅក្នុងហេតុការណ៍គ្រោះថ្នាក់ចរាចរណ.....

28/12/2024

សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជានៅព្រឹកថ្ងៃទី២៨ ខែធ្នូ ឆ្នាំ២០២៤នេះ បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីបើកការប្រកួតកីឡាវាយកូនគោលពានរង្វាន់សម្តេចតេជោ ហ៊ុន សែន លើកទី៨ ឆ្នាំ២០២៤ ខណៈការប្រកួតនេះក៏ដើម្បីចូលរួមអបអរសាទរខួប លើកទី២៦ឆ្នាំនៃ«ទិវាសន្តិភាព»នៅកម្ពុជាផង និងលើកស្ទួយវិស័យកីឡាវាយកូនគោលផងដែរ។ ការប្រកួតកីឡាវាយកូនគោល ពានរង្វាន់សម្តេចតេជោ ហ៊ុន សែន លើកទី៨នេះ រៀបចំរយៈពេល២ថ្ងៃ ចាប់ពីថ្ងៃទី២៧ ដល់ថ្ងៃទី២៨ ខែធ្នូ ឆ្នាំ២០២៤ នៅទីលានកីឡាវាយកូនគោល ឈុន អូន ហ្គហ្វ រីស៊ត ស្ថិតនៅឃុំជ្រៃលាស់ ស្រុកពញាឮ ខេត្តកណ្តាល។ ព្រឹត្តិការណ៍ប្រកួតកីឡាវាយកូនគោលនេះ រៀបចំឡើងក្នុងគោលបំណងចូលរួមអបអរសាទរ “ទិវាសន្តិភាពនៅកម្ពុជា” ដែលជាថ្ងៃបុណ្យជាតិផ្លូវការមួយនៅព្រះរាជាណាចក្រកម្ពុជា ដើម្បីជាការឆ្លើយតបទៅនឹងបំណងប្រាថ្នាដ៏ពិសិដ្ឋរបស់ប្រជាជនកម្ពុជា គឺការស្រឡាញ់សន្តិភាព និងការស្អប់ខ្ពើមសង្គ្រាម។ នេះក៏ជាការរំលឹកដល់ការសម្រេចបាននូវការបញ្ចប់សង្គ្រាមទាំងស្រុង និងការកសាងបាននូវសន្តិភាព និងឯកភាពជាតិពេញលេញ នៅព្រះរាជាណាចក្រកម្ពុជា ដោយនយោបាយឈ្នះ ឈ្នះ កាលពីថ្ងៃទី២៩ ខែធ្នូ ឆ្នាំ១៩៩៨។ ពិសេសជាការរម្លឹកដឹងគុណ និងចងចាំជាប់ជានិច្ចនូវគំរូវីរភាពដ៏អង់អាចក្លាហាន និងការធ្វើពលិកម្មគ្រប់បែបយ៉ាងរបស់វីរបុរសស្នេហាជាតិ និងវីរនារីស្នេហាជាតិរបស់កម្ពុជា ដែលបានប្រយុទ្ធ និងតស៊ូយ៉ាងស្វិតស្វាញនៅគ្រប់សមរភូមិ ទាំងសមរភូមិសង្គ្រាម ទាំងសមរភូមិការទូត ទាំងសមរភូមិនយោបាយ រហូតសម្រេចបាននូវការបញ្ចប់ជាស្ថាពរនូវសង្គ្រាមនៅកម្ពុជា ហើយសម្រេចបាននូវ ការបង្រួបបង្រួមជាតិ ឯកភាពជាតិ និងនាំមកជូនជាតិ និងប្រជាជនកម្ពុជានូវសុខសន្តិភាពពេញ ផ្ទៃប្រទេសនៅព្រះរាជាណាចក្រកម្ពុជា។...

សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជានៅព្រឹកថ្ងៃទី២៨ ខែធ្ន....

27/12/2024

បន្ទាយមានជ័យ ជនជាតិថៃត្រូវជនមិនស្គាល់មុខបាញ់ប្រហារ ស្លាប់ម្នាក់ក្រោយពីបញ្ជូនទៅកាន់មន្ទីរពេទ្យ ម្នាក់ទៀតរត់គេចរួច ហេតុការណ៍នេះកើតឡើងយប់ថ្ងៃទី២៦ ខែធ្នូ ឆ្នាំ២០២៤នៅតាមផ្លូវស្ថិតភូមិបាលិលេយ្យ ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ. ប្រជាពលរដ្ឋប្រាប់ថា៖ នៅពេលដែលស្នូរផ្ទុះអាវុធប្រាវស្មាតតែដុតផាវហើយស្ទុះចេញមកមើលឃើញជនរងគ្រោះម្នាក់ដេកសន្លប់ស្តូកស្តឹងមានរបួសធ្ងន់ដេកហូរឈាម និងម្នាក់ទៀតរត់ស្រែកអោយគេជួយក្នុងចំណោម២នាក់ជិះម៉ូតូ១គ្រឿងម៉ាក់ស៊ូម័រអ៊ិច.។ ប្រជាពលរដ្ឋបានបញ្ជាក់ថា,ជនរងគ្រោះដែលរបួសធ្ងន់ត្រូវបានអ្នករួមដំណើរដឹកទៅកាន់គ្លីនិកឯកជននៅក្បែរដោយស្ថានភាពជនរងគ្រោះធ្ងន់ធ្ងរត្រូវបានគ្រូពេទ្យឯកជនបញ្ជូនទៅមន្ទីរពេទ្យបង្អែកក្រុងប៉ោយប៉ែត(ដីថ្មី)ដើម្បីសង្គ្រោះបន្ទាន់ត្រូវបានស្លាប់.។ ប្រជាពលរដ្ឋបានបញ្ចាក់ថា៖ នៅពេលដែលឃាតករបាញ់ទៅលើជនរងគ្រោះបានជិៈម៉ូតូម៉ាកស៊ូម័រអ៊ិចក្នុងចំណោម២នាក់ម្នាក់ស្ត្រីជនជាតិថៃពេលជិៈម៉ូតូតាមផ្លូវត្រូវបានឃាតករ២នាក់ជិៈម៉ូតូ១គ្រឿងតាមក្រោយហើយបាញ់ប្រហារទៅលើជនរងគ្រោះម្នាក់ជាបុរសជាអ្នកបើកបរម៉ូតូបណ្តាលរបួសធ្ងន់ក្រោយបញ្ជូនដល់មន្ទីរពេទ្យបានស្លាប់និងម្នាក់ទៀតរត់គេចខ្លួនរួចផុតពីគ្រោះថ្នាក់ការសន្និដ្ឋានអាចជនជាតិថៃបាញ់ប្រហារគ្នារឿងគំនុំ.៕

បន្ទាយមានជ័យ ជនជាតិថៃត្រូវជនមិនស្គាល់មុខបាញ់ប្រហារ ស្លាប់ម្នាក់ក្រោយពីបញ្ជូនទៅកាន់មន្ទីរពេទ្យ ម្នាក់ទៀ...

27/12/2024

(បាត់ដំបង)ផ្ទះ០១ខ្នងត្រូវបានអគ្គិភ័យឆាបឆេះយ៉ាងសន្ធោសន្ធៅបង្កការភ្ញាក់ផ្អើលដល់ប្រជាពលរដ្ឋក៏ដូចជាសមត្ថកិច្ចចេញអន្តរាគមន៍បាញ់ទឹកពន្លត់ នៅវេលាម៉ោង ១៥និង២០នាទី ថ្ងៃទី ២៧ ខែធ្នូ ឆ្នាំ២០២៤ នៅត្រង់ចំណុចក្រុមទី ៦ ភូមិកំពង់សីមា សង្កាត់វត្តគរ ក្រុងបាត់ដំបង ។ ប្រភពនៅកន្លែងកើតហេតុបានប្រាប់ថា ករណីអគ្គិភ័យកើតឡើងខាងលើនេះដែរ បង្កឡើងដោយក្មេងប្រុសអាយុ០៩ឆ្នាំ ដែលត្រូវជាកូនម្ចាស់ផ្ទះឈ្មោះ ឃុត សុខុន ភេទប្រុស អាយុ៦០ឆ្នាំ រស់នៅចំណុចកើតហេតុខាងលើ បាននាំគ្នាដុតក្រដាស ថង់លេង ក៏បណ្ដាលអោយឆេះរាលដាល ផ្ទះ០១ខ្នង ទំហំ ៥ម៉ែត្រ × ១២ម៉ែត្រ សង់អំពីបេតុងក្រោម ឈើលើ ដំបូលប្រក់ស័ង្កសី និងសម្ភារប្រើប្រាស់ក្នុងផ្ទះឆេះអស់ទាំងស្រុងផងដែរ ។ នៅក្នុងហេតុការណ៍គ្រោះអគ្គិភ័យនេះដែរ ការិយាល័យនគរបាលបង្ការពន្លត់អគ្គីភ័យ និងសង្រ្គោះ ព្រមទាំងកម្លាំងអធិការក្រុង ស្រុក បានចេញរថយន្តពន្លត់អគ្គីភ័យចំនួន ០៤គ្រឿង ក្នុងការចអន្តរាគមន៍ពន្លត់ ដោយប្រើប្រាស់ទឹកអស់ចំនួន ០៣ រថយន្តទើបគ្រប់គ្រងភ្លើងបានទាំងស្រុង និងមិនបង្កអោយមានគ្រោះថ្នាក់ដល់អាយុជីវិតមនុស្ស និងឆ្លងទៅផ្ទះអ្នកជិតខាងឡើយ៕

(បាត់ដំបង)ផ្ទះ០១ខ្នងត្រូវបានអគ្គិភ័យឆាបឆេះយ៉ាងសន្ធោសន្ធៅបង្កការភ្ញាក់ផ្អើលដល់ប្រជាពលរដ្ឋក៏ដូចជាសមត្ថក....

27/12/2024

នៅព្រឹកថ្ងៃទី២៧ ខែធ្នូ ឆ្នាំ២០២៤ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ និងជាប្រធានគណៈបញ្ជាការឯកភាពរដ្ឋបាលខេត្ត បានអញ្ជើញដឹកនាំកិច្ចប្រជុំគណៈបញ្ជាការឯកភាពរដ្ឋបាលខេត្ត ដោយមានការចូលរួមពីលោកអភិបាលរងខេត្ត នាយករដ្ឋបាលសាលាខេត្ត អភិបាលក្រុង ស្រុក និងប្រធានមន្ទីរ អង្គភាពពាក់ព័ន្ធក្នុងខេត្តព្រះសីហនុ។ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ និងជាប្រធានគណៈបញ្ជាការឯកភាពរដ្ឋបាលខេត្ត បានដាក់ចេញនូវបទបញ្ជាឱ្យកងកម្លាំងសមត្ថកិច្ច ត្រូវធ្វើការបង្ការ បង្ក្រាបក្រុមក្មេងទំនើង បើរកឃើញមួយត្រូវបង្ក្រាបមួយ មានពីរបង្ក្រាបពីរ ដោយមិនមានការលើលែងនោះទេ។ ស្របពេលដែលខេត្តព្រះសីហនុ រៀបចំបុណ្យឆ្លងឆ្នាំសកល២០២៤-២០២៥ ពិសេសការណែនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានដាក់ចេញឱ្យរដ្ឋបាលខេត្ត ក្រុង ស្រុកយកចិត្តទុកដាក់បញ្ហាក្រុមក្មេងទំនើងមិនត្រូវមានការយោគយល់លើកលែងនោះទេ បើឃើញមួយត្រូវបង្ក្រាបមួយ ឃើញពីរបង្ក្រាបពីរ មិនមានការណែនាំអ្វីទៀតទេ គឺយើងត្រូវតែអនុវត្តតាមច្បាប់ជាប់ជាប្រចាំ ទន្ទឹមនោះបញ្ហាគ្រឿងញៀនក៏ដូចគ្នាផងដែរ ដើម្បីធ្វើយ៉ាងណាឱ្យភូមិ ឃុំ សង្កាត់របស់យើងមានសុវត្ថិភាព ស្រមតាមគោលនយោបាយរបស់រាជរដ្ឋាភិបាលកម្ពុជាអាណត្តិទី៧ នៃរដ្ឋសភា។ ឯកឧត្តម ប្រធានគណៈបញ្ជាការឯកភាពរដ្ឋបាលខេត្ត បានសង្កត់ធ្ងន់ថា អភិបាលរងខេត្ត ដែលទទួលបន្ទុកតាមក្រុង ស្រុកទាំង៥ របស់ខេត្តព្រះសីហនុត្រូវចុះសហការជាមួយអាជ្ញាធរក្រុង ស្រុក និងអាជ្ញាធរពាក់ព័ន្ធ ចុះទៅធ្វើការអប់រំផ្សព្វផ្សាយនៅតាមសាលារៀនក្នុងក្រុង ស្រុក ពិសេសជាការលើកទឹកចិត្តដល់សិក្សានុសិស្សឱ្យខិតខំសិក្សារៀនសូត្រ និងផ្សព្វផ្សាយវិធានការចំបាច់នានាចំពោះក្មេងទំនើង ដើម្បីឈានឆ្ពោះទៅការប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៤-២០២៥ ទទួលបានលទ្ធផលកាន់តែល្អបន្ថែមទៀត ម្យ៉ាងទៀតក្មេងទំនើងវាមានការទាក់ទងទៅនឹងការបង្កើតជាក្រុមនៅតាមសាលារៀន តាមភូមិ ដូចជាការណាត់វាយគ្នានៅក្នុងសាលា និងក្រៅសាលា ការបង្ហោះម៉ូតូ ការលាក់ដាវសាំម៉ារ៉ៃជាដើម ការចេញពីសាលារៀនមិនទៅផ្ទះ ផ្តុំគ្នានៅក្នុងសាលា ឬនៅតាមទីប្រជុំជននានាដែលជាដើមចមបង្កបានជាក្រុមក្មេងទំនើង ម្យ៉ាងទៀតការចុះទៅពង្រឹងការផ្សព្វផ្សាយជាវិធីមួយសាស្ត្រជួយពង្រឹងគុណភាពសិក្សាបានថែមទៀតផង។ ឆ្នាំសិក្សា២០២៣-២០២៤ ការសិក្សារបស់សិស្សក្នុងខេត្តព្រះសីហនុទទួលបានលទ្ធផលល្អប្រសើរ ជាប់និទ្ទេស A មានការកើនឡើងជាងឆ្នាំ២០២៣ ក្នុងនោះនិទ្ទេស B C D ក៏មានការកើនឡើង ប៉ុន្តែនិទ្ទេស E មានការថយចុះ សូមពង្រឹងគុណភាពអប់រំដោយធ្វើយ៉ាងណាឱ្យសិស្សរបស់យើងទទួលបាននិទ្ទេស A.B.C កាន់តែច្រើន ដូច្នេះរដ្ឋបាលក្រុង ស្រុក រួមនឹងអភិបាលរងខេត្ត ដែលទទួលបន្ទុកនៅតាមគោលដៅ សូមចាប់ដៃគ្នាចុះទៅជួបអាជ្ញាធរក្រុង ស្រុក ដើម្បីបង្កើនគុណភាពសិក្សារបស់សិស្សចាប់ពីដើមឆ្នាំ ដើម្បីលើកទឹកចិត្តពង្រឹងគុណភាពវិស័យអប់រំ ស្មើនឹងគាត់បានចូលរួមក្នុងសង្គមរបស់យើងបានល្អ ព្រោះប្រទេសជាតិមួយខ្លាំង ត្រូវការធនធានមនុស្សដែលមានចំណេះដឹងខ្លាំង ដែលធ្វើឱ្យសេដ្ឋកិច្ចប្រទេសជាតិរបស់យើងកាន់តែល្អប្រសើរជាក់ជាមិនខាន។...

នៅព្រឹកថ្ងៃទី២៧ ខែធ្នូ ឆ្នាំ២០២៤ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ និងជាប្រធានគណៈបញ្ជា....

27/12/2024

ភ្នំពេញ ៖ ឯកឧត្តម ឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា (ស.ស.យ.ក) អញ្ជើញជាអធិបតីពិធីនៅក្នុងពិធីបួងសួងសុំសេចក្តីសុខ សេចក្តីចម្រេីន សម្រាប់ត្រៀមរៀបចំព្រឹត្តិការណ៍ "សាទរកម្ពុជា" នាព្រឹកថ្ងៃទី២៦ ខែធ្នូ ឆ្នាំ២០២៤ នៅបរិវេណខាងមុខព្រះបរមរាជវាំង រាជធានីភ្នំពេញ។ ព្រឹត្តិការណ៍ "សាទរកម្ពុជា" នឹងប្រព្រឹត្តទៅនៅថ្ងៃ៣១ ខែធ្នូ ឆ្នាំ២០២៤ ដោយមានកម្មវិធីជាច្រើន និងមានអ្នកចូលរួមដង្ហែក្បួនប្រមាណ ៣.០០០នាក់៕

ភ្នំពេញ ៖ ឯកឧត្តម ឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវ.....

27/12/2024

ភ្នំពេញ: ឯកឧត្តមទេសរដ្ឋមន្ដ្រី ឱម យ៉ិនទៀង ប្រធានអង្គភាពប្រឆាំងអំពើពុករលួយ និងឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ អញ្ជើជាសហអធិបតីក្នុងពិធីផ្សព្វផ្សាយច្បាប់ស្ដីពីប្រឆាំងអំពើពុករលួយ ដល់មន្ដ្រីនគរបាលជាតិ ដើម្បីពង្រឹងអភិបាលកិច្ចល្អ ព្រមទាំងធ្វើទំនើបកម្ម រដ្ឋបាលសាធារណៈឲ្យមានសមត្ថភាពខ្ពស់ ខ្លាំង ឆ្លាតវៃ និងស្អាតស្អំ ដើម្បីបម្រើផល ប្រយោជន៍ជូនប្រទេសជាតិ និងប្រជាប្រជាពលរដ្ឋ។ ពិធីផ្សព្វផ្សាយច្បាប់ស្ដីពីប្រឆាំងអំពើពុករលួយ ដល់មន្ដ្រីនគរបាលជាតិ រៀបចំឡើង នាព្រឹកថ្ងៃទី២៦ ខែធ្នូ ឆ្នាំ២០២៤នេះ នៅស្នងការដ្ឋាននគរបាលរាជធានីភ្នំពេញ ដោយមានការចូលរួមពីអនុប្រធាន ឧបការី អគ្គនាយករង នៃអង្គភាពប្រឆាំងអំពើពុករលួយ ថ្នាក់ដឹកនាំអគ្គស្នងការដ្ឋាននគរបាលជាតិ និងនាយនគរបាល ចំនួនជិត៦០០នាក់៕

ភ្នំពេញ: ឯកឧត្តមទេសរដ្ឋមន្ដ្រី ឱម យ៉ិនទៀង ប្រធានអង្គភាពប្រឆាំងអំពើពុករលួយ និងឯកឧត្តម នាយឧត្តមសេនីយ៍ ស ថេត .....

27/12/2024

ដោយអនុវត្តតាមគំរូដឹកនាំរបស់លោកនាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស នៅរសៀលថ្ងៃទី២៥ ខែធ្នូ ឆ្នាំ២០២៤ នៅបញ្ជាការដ្ឋានកងរាជអាវុធហត្ថរាជធានីភ្នំពេញ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស ជាមេបញ្ជាការ កងរាជអាវុធហត្ថរាជធានីភ្នំពេញ បានអញ្ជើញជាអធិបតីភាព ក្នុងពិធីផ្សព្វផ្សាយទិសដៅការងារសម្រាប់ឆ្នាំ២០២៥ របស់ កងរាជអាវុធហត្ថលើផ្ទៃប្រទេស និងប្រកាសមុខតំណែង បំពាក់ឋានន្តរសក្តិ ប្រគល់ប័ណ្ណ លិខិតសរសើរ ជូនដល់យោធិន នៃ កងរាជអាវុធហត្ថរាជធានីភ្នំពេញ ចំនួន ២០១នាក់ ក្នុងនោះរួមមាន៖ ប្រកាសមុខតំណែង ផ្ទេរភារកិច្ច ចំនួន ២៥នាក់, បំពាក់ឋានន្តរសក្តិ ចំនួន ១៣នាក់, ប្រគល់ ប័ណ្ណ-លិខិតសរសើរ សរុបចំនួន ១៦៣សន្លឹក ដោយមានការចូលរួមពី លោកមេបញ្ជាការរង ជានាយសេនាធិការ លោកមេបញ្ជាការរង លោកនាយសេនាធិការរង ប្រធាន-អនុប្រធានមន្ទីរ នាយ-នាយរងការិយាល័យ លោកមេបញ្ជាការ-មេបញ្ជាការរង មូលដ្ឋានអាវុធហត្ថខណ្ឌទាំង១៤ និងលោកមេបញ្ជាការ-មេបញ្ជាការរង វរសេនាតូច ព្រមទាំងសមាជិកអាវុធហត្ថពាក់ព័ន្ធជាច្រើនរូបទៀត។ លោកឧត្ដមសេនីយ៍ឯក រ័ត្ន ស៊្រាង បានមានប្រសាសន៍ថា មុខតំណែង ឋានន្តរសក្តិ ប័ណ្ណ លិខិតសរសើរ ដែលបងប្អូនទទួលបាន នៅថ្ងៃនេះ គឺកើតចេញពីការប្រឹងប្រែងបំពេញការងាររបស់បងប្អូនផ្ទាល់ និងដោយមានការយកចិត្តទុកដាក់ពីសំណាក់ លោកនាយឧត្តមសេនីយ៍ សៅ សុខា ដូច្នេះ បងប្អូនត្រូវយកចិត្តទុកដាក់បំពេញការងារឲ្យបានល្អ ដើម្បីជាការឆ្លើយតបទៅនឹងជំនឿទុកចិត្តរបស់ថ្នាក់ដឹកនាំ និងត្រូវស្មោះត្រង់ចំពោះ ជាតិ សាសនា ព្រះមហាក្សត្រ គោរពច្បាប់ គោរពសិទ្ធមនុស្ស និងបទបញ្ជាទាំងឡាយរបស់ថ្នាក់លើ ប្រកបដោយវិន័យសណ្ដាប់ធ្នាប់ ជាពិសេស ត្រូវយកចិត្តទុកដាក់អនុវត្តឲ្យបានម៉ឺងម៉ាត់នូវអនុសាសន៍ណែនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងការបោសសម្អាតការជួញដូរគ្រឿងញៀន និងចាត់វិធានការបង្ក្រាបឲ្យបានម៉ឺងម៉ាត់បំផុតចំពោះបញ្ហាក្រុមក្មេងទំនើង ឲ្យដូចភ្លៀងរលឹម ដោយគ្មានការលើកលែងនោះឡើយ ទាំងវិធានការរដ្ឋបាល និងវិធានការច្បាប់ ដើម្បីការពារសណ្តាប់ធ្នាប់សាធារណៈ និងសន្តិសុខសង្គម៕

ដោយអនុវត្តតាមគំរូដឹកនាំរបស់លោកនាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ មេបញ្ជាការ កងរា...

26/12/2024

ប៉ៃលិន៖ ព្រឹកថ្ងៃទី២៦ ខែធ្នូ ឆ្នាំ២០២៤ ខេត្តប៉ៃលិន បានប្រារព្ធពិធីអបអរសាទរទិវាជនមានពិការភាពកម្ពុជាលើកទី២៦ និងអន្តរជាតិលើកទី៤២ក្រោមប្រធានបទ «បរិយាបន្នពិការភាពលើគ្រប់វិស័យក្នុងយុគសម័យបរិវត្តកម្មឌីជីថល» និងពិធីប្រកាសដាក់ឱ្យអនុវត្ត «ផែនការយុទ្ធសាស្ត្រជាតិស្តីពីពិការភាព ឆ្នាំ២០២៤-២០២៨» ស្ថិតក្រោមអធិបតីភាពដ៏ខ្ពង់ខ្ពស់លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន។ ថ្លែងក្នុងពិធីនេះ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន បានមានប្រសាសន៍ផ្តាំផ្ញើរការសាកសួរសុខទុក្ខពីសំណាក់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងជាប្រធានកិត្តិយសក្រុមប្រឹក្សាសកម្មភាពជនពិការ និងលោកជំទាវបណ្ឌិត ពេជ្រ ចន្ទមុន្នី ហ៊ុន ម៉ាណែត ជូនចំពោះជនមានពិការភាពទាំងអស់ ដែលលោកទាំងទ្វេតែងតែខ្វល់អំពីសុខទុក្ខប្រជាពលរដ្ឋគ្រប់រូបទាំងអស់ ជាពិសេស គឺបងប្អូនដែលមានពិការភាព ជនមានពិការភាពសតិបញ្ញា និងអូទីស្សឹម ដោយមិនទុកឲ្យអ្នកណាម្នាក់នៅឯកានោះទេ។ លោកជំទាវបណ្ឌិតអភិបាលខេត្ត បានមានប្រសាសន៍លើកឡើងថា៖ ទិវាជនមានពិការភាពអន្តរជាតិ ត្រូវបានប្រារព្ធឡើងនៅគ្រប់ប្រទេសទូទាំងពិភពលោកនៅថ្ងៃទី៣ ខែធ្នូ ជារៀងរាល់ឆ្នាំ ដើម្បីរំលឹកអំពីការតស៊ូទាមទារសិទ្ធិចូលរួមសកម្មភាពនានា ក្នុងសង្គមរបស់ជនមានពិការភាព ប្រមាណ១,៥ពាន់លាននាក់ នៃប្រជាជនសរុបនៅក្នុងពិភពលោក ដែលជាជនមានពិការភាពកាយសម្បទា ញាណដឹង សតិបញ្ញាជាដើម ដោយសារតែ ការរស់នៅរបស់ពួកគេតែងតែប្រឈមជាមួយឧបសគ្គរារាំងនានាដូចជា៖ ការរើសអើង ការប្រមាថមាក់ងាយ ការផាត់ចេញពីសហគមន៍ ការមិនរាប់អាន ការមិនទទួលស្គាល់ ការមិនផ្តល់សេវា ការមិនផ្តល់ឱកាស និងមិនមានសិទ្ធិពេញលេញនៅក្នុងសង្គម ដែលនាំឲ្យប៉ះពាល់ យ៉ាងធ្ងន់ធ្ងរក្នុងជីវិតរស់នៅប្រចាំថ្ងៃរបស់ពួកគាត់។...

ប៉ៃលិន៖ ព្រឹកថ្ងៃទី២៦ ខែធ្នូ ឆ្នាំ២០២៤ ខេត្តប៉ៃលិន បានប្រារព្ធពិធីអបអរសាទរទិវាជនមានពិការភាពកម្ពុជាលើកទី....

26/12/2024

(ប៉ៃលិន) ជនសង្ស័យម្នាក់បានជិះម៉ូតូចាស់មកឈប់ រួចឡើងជិះម៉ូតូថ្មីចេញទៅបាត់ ខណ:ម្ចាស់ចេញរត់តាមដែរតែតាមមិនទាន់ដោយបន្សល់ទុកនូវម៉ូតូចាស់១គ្រឿងនៅកន្លែងកើតហេតុ ត្រូវបាននគរបាលនៃស្នងការដ្ឋាននគរបាលខេត្តប៉ៃលិនសហការជាមួយនគរបាលស្រុករតនមណ្ឌលឃាត់ខ្លួនបញ្ជូនទៅតុលាការបន្ទាប់ពីរត់គេចបានប៉ុន្មានម៉ោង។ សមត្ថកិច្ចបានអោយដឹងថា ជនសង្ស័យមានឈ្មោះវឿតវ៉នភេទប្រុសអាយុ២៩ឆ្នាំមុខរបរមិនពិតប្រាកដ រស់នៅភូមិសំរោងឃុំស្នឹងស្រុកបាណន់ខេត្តបាត់ដំបងបច្ចុប្បន្នកំពុងកសាងសុំណុំរឿងចាត់ការតាមច្បាប់។ ដែលហេតុការណ៍ខាងលើនេះកើតឡើងកាលពីព្រឹកថ្ងៃទី២៥ខែធ្នូឆ្នាំ២០២៤នៅពីមុខផ្សារប៉ាហ៊ីស្ថិតនៅភូមិអូរតាពុកលើសង្កាត់ប៉ៃលិនក្រុងប៉ៃលិនខេត្តប៉ៃលិន។ តាមការអោយដឹងពីម្ចាស់ម៉ូតូឈ្មោះលីម៉េងជីង បានអោយដឹងថាមុនពេលកើតហេតុលោកបានចូលទៅក្នុងផ្ទះដោយចូលយកសម្ភារ:ដើម្បីទៅតកាមរ៉ាសុវត្ថិភាពអោយគេលុះចូលបានបន្តិចក៍មានជនសង្ស័យជិះម៉ូតូទៅបាត់តែម្តង។ លោកបន្តថាដោយចូលផ្ទះមួយភ្លេចទើបលោកមិនបានដកសោរម៉ូតូចេញទេដោយទុកសោរនៅជាប់និងម៉ូតូនោះហើយម៉ូតូដែលបាត់ម៉ាក HONDA DREAM ពណ៌ខ្មៅផលិតឆ្នាំ២០២៤ពាក់ស្លាកលេខ ប៉ៃលិន 1D-5761 ចំណែកម៉ូតូជនសង្ស័យ ម៉ាក HONDA DREAMដូចគ្នាតែផលិតឆ្នាំ២០១១ ពណ៌ខ្មៅពាក់ស្លាកលេខភ្នំពេញ1AW-0045៕

(ប៉ៃលិន) ជនសង្ស័យម្នាក់បានជិះម៉ូតូចាស់មកឈប់ រួចឡើងជិះម៉ូតូថ្មីចេញទៅបាត់ ខណ:ម្ចាស់ចេញរត់តាមដែរតែតាមមិនទាន...

26/12/2024

ឯកឧត្តម ញ៉ែម អំអឿន អភិបាលខេត្តរតនគិរី បានធ្វើការផ្តាំផ្ញើដល់អស់លោក លោកស្រីដែលត្រូវបានតែងតាំងប្រកាសចូលកាន់មុខតំណែងថ្មី ជានាយក នាយរងរដ្ឋបាល នាយកទីចាត់ការគ្រប់គ្រងធនធានមនុស្ស និងប្រធានការិយាល័យគ្រប់គ្រងបុគ្គលិកនាថ្ងៃនេះ រួមទាំងថ្នាក់ដឹកនាំ មន្ត្រីរាជការ នៃរដ្ឋបាលសាលាខេត្តគ្រប់ថ្នាក់ ត្រូវរួមសហការគ្នាអនុវត្តការងារសំខាន់ៗ ជាអាទិភាពចំនួន៤រួមមាន៖ ១. ត្រូវចូលរួមសហការពង្រឹងការសាមគ្គីភាពឯកភាពផ្ទៃក្នុង និងពង្រឹងរបៀបរបបធ្វើការងារ ទំនាក់ទំនងការងារឲ្យបានល្អនៅក្នុងអង្គភាពសាលាខេត្ត ដោយឈរលើមូលដ្ឋាននៃការលើកកម្ពស់ប្រសិទ្ធភាពការងារ និងធានានិរន្តភាពការងាររបស់ខ្លួន ឲ្យកាន់តែមានភាពល្អប្រសើរក្នុងការជួយការងាររដ្ឋបាល និងការងារដឹកនាំក្រុមប្រឹក្សាខេត្ត និងគណៈអភិបាលខេត្ត ។ ២.ត្រូវចូលរួមលើកកម្ពស់ការផ្តល់សេវាសាធារណៈទាំងសេវាតម្រូវការ និងសេវាសំណូមពរ ជូនប្រជា ពលរដ្ឋឲ្យបានល្អប្រសើរ និងមានប្រសិទ្ធភាព ។ មន្ត្រីរាជការត្រូវយកចិត្តទុកដាក់ពង្រឹងសមត្ថភាពរបស់ខ្លួន និងត្រូវមានសីលធម៌វិជ្ជាជីវៈក្នុងការបំពេញការងារ ដើម្បីឱ្យប្រជាពលរដ្ឋទទួលបានសេវារដ្ឋបាលនានាកាន់តែ ងាយស្រួលឆាប់រហ័ស មានតម្លាភាព និងគណនេយ្យភាពសម្រាប់ខេត្តរតនគិរី។ ៣.ត្រូវយកចិត្តទុកដាក់ ពង្រឹងការគ្រប់គ្រងវត្តមាន និងការបំពេញការងាររបស់មន្ត្រីរាជការក្នុងរចនា សម្ព័ន្ធសាលាខេត្ត ព្រមទាំងត្រូវរៀបចំ និងដាក់ឲ្យអនុវត្តឡើងវិញនូវលក្ខខណ្ឌការងារជូនមន្ត្រីរាជការគ្រប់ទីចាត់ការ អង្គភាព ចាប់ពីនាយករដ្ឋបាលរហូតដល់មន្ត្រីស្របតាមការណែនាំរបស់ក្រសួងមហាផ្ទៃ ធ្វើយ៉ាង ណាឲ្យមន្ត្រីគ្រប់រូបមានការងារធ្វើគ្រប់ៗគ្នា ។ ៤.ត្រូវស្លៀកពាក់ឯកសណ្ឋានមន្ត្រីរាជការស៊ីវិលអោយបានសមរម្យដើម្បីធ្វើជាគម្រូល្អដល់មន្ត្រី ថ្នាក់ក្រោមអង្គភាព និងត្រូវចូលរួមសហការគ្នាសម្អាត អនាម័យបរិស្ថានក្នុង និងក្រៅសាលាខេត្តអោយបានស្អាត។ ការផ្តាំផ្ញើនេះ របស់ឯកឧត្តម ញ៉ែម សំអឿន យ៉ាងដូច្នេះ គឺក្នុងឱកាសដែលឯកឧត្តម អញ្ជើញជាអធិបតី ពិធីប្រកាសចូលកាន់មុខតំណែងមន្ត្រីរាជការសាលាខេត្តដែលបានរៀបចំធ្វើឡើងនៅសាលប្រជុំអគារDសាលាខេត្តរតនគិរី រសៀលថ្ងៃទី២៥ ខែធ្នូ ឆ្នាំ២០២៤។...

ឯកឧត្តម ញ៉ែម អំអឿន អភិបាលខេត្តរតនគិរី បានធ្វើការផ្តាំផ្ញើដល់អស់លោក លោកស្រីដែលត្រូវបានតែងតាំងប្រកាសចូលកា....

FK News Khmer

28/12/2024

28/12/2024

28/12/2024

27/12/2024

27/12/2024

27/12/2024

27/12/2024

27/12/2024

27/12/2024

26/12/2024

26/12/2024

26/12/2024

Address

Telephone

Website

Alerts

Contact The Business

Shortcuts

Share

Category