Samarakot News

22/06/2025

បងប្អូនជីដូនមួយ ដោយសារទំនាស់ដីធ្លីបានយកកំបិតទៅប្រហាទៅលើប្ដីប្រពន្ធ ស្លាប់១នាក់

ខេត្តព្រះវិហារ៖ នៅព្រឹកថ្ងៃទី២២ ខែមិថុនា ឆ្នាំ២០២៥ វេលាម៉ោង០៦:៤៥នាទី មានករណីមនុស្សឃាតគិតទុកជាមុន ផ្តើមចេញពីទំនាស់ដីធ្លី រវាងបងប្អូនជីដូនមួយបង្កើត បណ្តាលឲ្យមនុស្ស ២នាក់រងបួល និង ស្រី្ត ១នាក់ស្លាប់នៅកន្លែងកើតហេតុ ស្ថិតនៅភូមិម្លូព្រៃ ឃុំម្លូព្រៃមួយ ស្រុកឆែប ខេត្តព្រះវិហារ។

ករណីខាងលើបង្កឡើងដោយជំលោះដីធ្លី ដោយជនបង្កឈ្មោះ ប៉ោយ សៀ ភេទប្រុស អាយុ ៤៦ឆ្នាំ មុខរបរកសិកររស់នៅភូមិម្លូព្រៃ ឃុំម្លូព្រៃមួយ ស្រុកឆែប ខេត្តព្រះវិហារ
បានទៅរករឿងជាមួយឈ្មោះលឹម លេន ភេទប្រុស អាយុ ៤០ឆ្នាំមុខរបរកសិករ និងប្រពន្ធឈ្មោះរ៉េន នឿត អាយុ ៤៨ឆ្នាំ មុខរបរកសិករអ្នកទាំង២ រស់នៅភូមិម្លូព្រៃ ឃុំម្លូព្រៃមួយ ស្រុកឆែប ខេត្តព្រះវិហារ។ ក្នុងខណនោះជនបង្កបានទាញកាំបិតធ្វើសកម្មភាពមកលើ ប្ដី-ប្រពន្ធ ខាងលើ បណ្ដាលឲ្យស្ត្រីជាប្រពន្ធ ចំផ្នែកខាងក្រោយខ្នងចំនួន២កាំបិត រហូតដល់ស្លាប់។
ចំណែកប្ដីរងរបួសត្រង់ចំណុចពោះ ផ្នែក ខាងមុខ របួសធ្ងន់បញ្ជូនមកសម្រាក់ព្យាបាលនៅមន្ទីរពេទ្យ។

ក្រោយជនបង្ករឈ្មោះ ប៉ោយ សៀ បាននឹងកំពុងធ្វើសកម្មភាព អ្នកជិតខាង និងសាច់ញាតិ បានមកឃាត់ និងស្វាគមន៍ ១ដៃ មួយជើង ទៅលើជនបង្ករហូតដល់ទ្រមនិងបែកក្បាល ។

តាមការឲ្យដឹងពីសមត្ថកិច្ចបានឲ្យដឹងថា៖ តាមការស្រាវជ្រាវបឋមមូលហេតុ ផ្តើមចេញពីទំនាស់ដីធ្លី។

វត្ថុតាងធ្វើសកម្មភាពខាងលើជាកាំបិតស្នៀត មានប្រវែង ៤៥ស.ម ចំនួន១។

បច្ចុប្បន្នជនបង្ករខាងលើត្រូវបានបញ្ជូនមកឃុំខ្លួនបណ្ដោះអាសន្ននៅអធិការដ្ឋានស្រុកឆែប ដើម្បីចងក្រងសុំរឿងចាត់ការបន្តតាមនិតិវិធីច្បាប់ ៕

22/06/2025

កន្ទេលធំបន្លំដេក រថយន្តយីឌុប ដឹកឈើផ្ទះចាស់ ត្រូវកម្លាំងសមត្ថកិច្ចខេត្តព្រះវិហារបង្ក្រាប ឃើញឈើថ្មីត្រាំទឹកជាច្រើនម៉ែត្រគូប

ខេត្តព្រះវិហារ៖ នៅថ្ងៃទី២០ ខែមិថុនា មាន រថយន្តយីឌុប១គ្រឿង ពណ៌ខៀវ០១គ្រឿង ពាក់ផ្លាកលេខភ្នំពេញ3E-3891 ដឹកឈើចាស់លាយឈើថ្មីត្រាំទឹក របៀបកន្ទេលធំ បន្លំដេក ដឹកចេញពីតំបន់ព្រៃព្រះរកា លុះដល់ចំណុចអូរពេស ភូមិបុស្សធំ ឃុំប្រមេរុ៍ ស្រុកត្បែងមានជ័យ ខេត្តព្រះវិហារ ត្រូវបានកំលាំង រដ្ឋបាលព្រៃឈើ ខេត្តព្រះវិហារ សហការជាមួយកម្លាំងស្នងការដ្ឋានខេត្តព្រះវិហារ និងកម្លាំងអធិការនគរបាលស្រុកត្បែងមានជ័យ បានធ្វើការបង្ក្រាបរថយន្ដខាងលើនោះផងដែរ។

មន្ត្រីរដ្ឋបាលព្រៃឈើខេត្តព្រះវិហារ បានឲ្យដឹងនៅល្ងាចថ្ងៃទី២១ ខែមិថុនាឆ្នាំ២០២៥នេះថា៖ ក្រោយពេលធ្វើការបង្រ្កាបនឹងរឹបអូសរថយន្តដឹកឈើខុសច្បាប់ខាងលើ បានយកទៅរក្សាទុកនៅស្នាក់ការរដ្ឋបាលព្រៃឈើដើម្បីចាត់ការតាមនីតិវិធី។ប៉ុន្តែរថយន្តខាងលើនោះខូចកំពុងជួសជុលតាមផ្លូវនៅឡើយ ដូច្នេះចំនួនឈើមានប៉ុន្មាននោះនឹងរាប់នៅពេលក្រោយ៕

18/06/2025

28/05/2025

ប្រជាពលរដ្ឋ៧៤គ្រួសាររស់នៅភូមិស្គន់ ឃុំសូទិព្វ ស្រុកជើងព្រៃ ខេត្តកំពង់ចាម នៅថ្ងៃទី២៨ ខែឧសភា ឆ្នាំ២០២៥

សូមសំណូមពរដល់ ឯកឧត្តម អ៊ុន ចាន់ដា អភិបាលខេត្តកំពង់ចាម ជួយសម្រួលលូនៅមុខផ្ទះប្រជាពលរដ្ឋ ចាប់ពីផ្សារស្គន់ទៅខេត្តកំពង់ចាម ដែលរដ្ឋធ្វើផ្លូវមានលូមានកម្ពស់ខ្ពស់ធ្វើអោយបងប្អូនប្រជាពលរដ្ឋពិបាកជិះកងនិងម៉ូតូចូលក្នុងផ្ទះ សូមឯកឧត្តម អ៊ុន ចាន់ដា ជួយសម្រួលលូបងហូរទឹកបានទាបជាងនឹងផង ប្រជាពលរដ្ឋសូមជូនពរដល់ ឯកឧត្តម អ៊ុន ចាន់ដា អភិបាលខេត្តកំពង់ចាម និងក្រុមការងារក្នុងខេត្តកំពង់ចាមទាំងអស់មានសុខភាពល្អសូមអរគុណ។

05/05/2025

ចូលរួមទាំងអស់គ្នាដើម្បី ទីក្រុងរបស់យើង 🙏💐💕

05/05/2025

05/05/2025

🙏💐សំណង់ស្ទាក់ទឹកកំពង់គោ សម្រេចបាន៧០% ហើយ! សំណង់នេះស្ថិតក្នុងឃុំកំពង់គោ ស្រុកកំពង់ស្វាយ ខេត្តកំពង់ធំ !

03/05/2025

សារប្រមុ ខរដ្ឋាភិបាលកម្ពុជាប្តេជ្ញាការ ពារសេរីភាពសារ ព័ត៌មាន និងសុវត្ថិភាព

ប្រមុខរដ្ឋាភិបាលកម្ពុជាសម្តេចហ៊ុនម៉ាណែតបានប្តេជ្ញាចិត្តការពារសេរីភាពសារព័ត៌មានតាមរយៈការធានាសុវត្ថិភាពដល់អ្នកសារព័ត៌មានដើម្បីធ្វើឱ្យវិស័យសារព័ត៌មានកម្ពុជាកាន់តែរីកចម្រើនពោរពេញដោយគុណភាព។ការប្តេជ្ញាចិត្តរបស់ប្រមុខរាជរដ្ឋាភិបាលកម្ពុជាធ្វើឡើងចំថ្ងៃប្រារព្ធទិវាសេរីភាពសារព័ត៌មានពិភពលោកលើកទី៣២ ថ្ងៃទី៣ ខែឧសភា ឆ្នាំ២០២៥។ បើតាម សម្តេចហ៊ុនម៉ាណែតសារព័ត៌មានបានដើរតួនាទីយ៉ាងសំខាន់ក្នុងការចូលរួមអភិវឌ្ឍជាតិពង្រឹងចំណេះដឹងដល់ពលរដ្ឋនិងរួមចំណែកពង្រឹងលទ្ធិប្រជាធិបតេយ្យសិទ្ធិមនុស្សនិងតម្លាភាពសង្គម។ក្នុងសារលិខិតផ្ញើជូនទៅអ្នកសារព័ត៌មានជាតិនិងអន្តរជាតិនៅក្នុងឱកាសទិវាសេរីភាពសារព័ត៌មានពិភពលោក សម្តេចហ៊ុន ម៉ាណែតអះអាងថា លំហសេរីភាពសារព័ត៌មានក្នុងប្រទេសកម្ពុជាមានភាពរីកចម្រើនគួរឱ្យកត់សម្គាល់រួមជាមួយនឹងសណ្តាប់ធ្នាប់ក្នុងវិស័យសារព័ត៌មានដែលត្រូវបានរៀបចំឲ្យកាន់តែប្រសើរឡើង។ ចំពោះសម្តេចហ៊ុន ម៉ាណែត រាជរដ្ឋាភិបាលកម្ពុជាបានយកចិត្តទុកដាក់លើកកម្ពស់បរិយាកាសប្រព័ន្ធផ្សព្វផ្សាយនិងលើកកកម្ពស់សិទិ្ធនិងការទទួលខុសត្រូវរបស់អ្នកសារព័ត៌មាន។

បើតាមសារលិខិតដដែលសម្តេចនាយករដ្ឋមន្រ្តីទទួលស្គាល់ការចូលរួមរបស់អ្នកសារព័ត៌មានក្នុងនាមជាស្ពានផ្សព្វផ្សាយព័ត៌មានពីរដ្ឋាភិបាលទៅកាន់ប្រជាពលរដ្ឋ ហើយពាំនាំព័ត៌មានពីពលរដ្ឋមកកាន់រដ្ឋាភិបាល។ ទាំងនេះសុទ្ធសឹងតែជាគុណតម្លៃព័ត៌មានដែលមិនអាចខ្វះបានពិសេសបានជួយឱ្យរដ្ឋាភិបាលក្តាប់សំណើរបស់ពលរដ្ឋបានគ្រប់ជ្រុងជ្រោយ និងដោះស្រាយបញ្ហាទាន់ពេលវេលា។សម្រាប់សម្តេចហ៊ុន ម៉ាណែត រដ្ឋាភិបាលអាណត្តិទី៧ប្តេជ្ញាចិត្តការពារសេរីភាពសារព័ត៌មាន ធានាសុវត្ថិភាពអ្នកសារព័ត៌មាននិងលើកទឹកចិត្តឱ្យមានការសន្ទនាប្រកបដោយភាពច្នៃប្រឌិតនៅគ្រប់វេទិកាទាំងអស់ដើម្បីវិស័យសារព័ត៌មានកម្ពុជាកាន់តែរីកចម្រើន។ ទិវាសេរីភាពសារព័ត៌មានពិភពលោកនៅឆ្នាំនេះ ត្រូវបានរដ្ឋាភិបាលកម្ពុជារៀបចំឡើងក្រោមប្រធានបទ«ការរាយការណ៍ក្នុងពិភពលោកថ្មីដ៏ក្លាហាន៖ផលប៉ះពាល់នៃបញ្ញាសិប្បនិមិ្មតលើសេរីភាពសារព័ត៌មាន និងប្រព័ន្ធផ្សព្វផ្សាយ»។ សម្តេចហ៊ុន ម៉ាណែតកត់សម្គាល់ថា បច្ចុប្បន្ន បច្ចេកវិទ្យាឌីជីថល និងបញ្ញាសិប្បនិម្មិតកាន់តែរីកចម្រើន និងមានភាពសម្បូរបែប ដែលធ្វើឱ្យមានការប្រែប្រួលក្នុងផ្នែកព័ត៌មាន និងការផ្សព្វផ្សាយ។ជាមួយនឹងភាពសម្បូរបែបទាំងនេះ ប្រមុខរដ្ឋាភិបាលកត់សម្គាល់ពីការប្រើប្រាស់បច្ចេកវិទ្យាដោយអសីលធម៌ និងការមិនទទួលខុសត្រូវ ពិសេសការបង្កើតដំណឹងក្លែងក្លាយ ព័ត៌មានក្លែងបន្លំក្នុងចេតនាបង្កការភាន់ច្រឡំធ្វើឱ្យប៉ះពាល់សណ្តាប់ធ្នាប់សង្គម ប៉ះពាល់ដល់វប្បធម៌ សិទ្ធិឯកជន និងសេចក្តីថ្លៃថ្នូរនៃមនុស្សជាតិ។ នៅក្នុងកាលៈទេសៈដែលពិភពលោកកំពុងជួបប្រទះវិបត្តិជម្លោះប្រដាប់អាវុធ និងសង្រ្គាមពាណិជ្ជកម្ម សម្តេច ហ៊ុន ម៉ាណែតបានទាមទារឲ្យបន្តជំរុញកិច្ចសហប្រតិបត្តិការផ្នែកឌីជីថលនិងបញ្ញាសិប្បនិម្មិតដើម្បីផ្តល់ព័ត៌មានពិតនិងចូលរួមប្រឆាំងនឹងព័ត៌មានក្លែងក្លាយនៅក្នុងតំបន់និងនៅលើសកលលោក។មួយវិញទៀត សម្តេចហ៊ុន ម៉ាណែតនៅទទូចឱ្យអ្នកសារព័ត៌មាន អ្នកផលិតមាតិកា និងស្ថាប័នព័ត៌មានទាំងអស់ត្រូវតែប្រកាន់ខ្ជាប់នូវវិជ្ជាជីវៈ ភាពត្រឹមត្រូវ និងស្តង់ដារក្រមសីលធម៌វិជ្ជាជីវៈក៏ដូចជានៅបន្តធ្វើជាស្ពានតភ្ជាប់រវាងពលរដ្ឋ និងរដ្ឋាភិបាល។គួរជម្រាបថា គិតត្រឹមដើមត្រីមាសទី២ ឆ្នាំ២០២៥ អង្គភាពសារព័ត៌មានទាំងអស់ដែលបានចុះបញ្ជីស្របច្បាប់នៅក្រសួងព័ត៌មាន និងកំពុងប្រតិបត្តិការមានចំនួន ១ ៦២០អង្គភាព ស្ថាប័ន។ ក្នុងនោះ ប្រព័ន្ធផ្សព្វផ្សាយលក្ខណៈប្រពៃណីដូចជា វិទ្យុ ទូរទស្សន៍ កាសែត ទស្សនាវដ្តី រោងពុម្ព មានចំនួន ៧៤៥ អង្គភាព ស្ថាប័ន និងប្រព័ន្ធផ្សព្វផ្សាយទំនើបមានចំនួន ៨៧៥ អង្គភាព ស្ថាប័ន។ ក្រៅពីនេះ ក្រសួងព័ត៌មានក៏បានចេញបណ្ណសារព័ត៌មានជូនដល់អង្គភាព និងអ្នកសារព័ត៌មានចំនួន៨០៦២បណ្ណគិតត្រឹមបំណាច់ឆ្នាំ២០២៤កន្លងទៅ ៕

02/05/2025

ក្រុមការងារថ្នាក់ខេត្ត ចុះជួយរុះរើផ្ទះជូនប្រជាពលរដ្ឋ ដែលរងផលប៉ះពាល់យ៉ាងធ្ងន់ធ្ងរ ដោយសារគ្រោះធម្មជាតិខ្យល់កន្ត្រាក់

ព្រះវិហារ៖ នៅថ្ងៃទី០១ ខែឧសភា ឆ្នាំ២០២៥ម្សិលមិញនេះ ក្រោមការដឹកនាំដ៏សកម្មរបស់ឯកឧត្តម កង សៅគុណ អនុប្រធានទី១ ក្រុមការងារថ្នាក់ខេត្តចុះជួយមូលដ្ឋានស្រុកជ័យសែន ដឹកនាំកម្លាំងចម្រុះសរុប ១១៨នាក់ (ស្ត្រី ៣៩នាក់) បានរួបរួមសាមគ្គីគ្នា ចុះជួយរុះរើផ្ទះជូនប្រជាពលរដ្ឋនៅភូមិស្លែង ឃុំខ្យង ស្រុកជ័យសែន ដែលបានរងផលប៉ះពាល់យ៉ាងធ្ងន់ធ្ងរដោយសារគ្រោះធម្មជាតិខ្យល់កន្ត្រាក់ កាលពីល្ងាចថ្ងៃទី២៥ ខែមេសា ឆ្នាំ២០២៥កន្លងមក។
ក្នុងឱកាសនោះឯកឧត្តម កង សៅគុណ ក៏បានបង្ហាញពីការយកចិត្តទុកដាក់ខ្ពស់ ក្នុងនាមតំណាង ឯកឧត្តម គីម រិទ្ធី អភិបាលខេត្ត និងជាប្រធានគណៈកម្មាធិការគ្រប់គ្រងគ្រោះមហន្តរាយខេត្តព្រះវិហារ បាននាំយកអំណោយជាដែកស័ង្កសីចំនួន ២០០សន្លឹក ជូនដល់ ប្រជាពលរដ្ឋ១០គ្រួសារ ដែលរងគ្រោះធម្មជាតិ ស្ថិតនៅក្នុងឃុំខ្យង ចំនួន១០០សន្លឹក និង០៩គ្រួសារទៀត ក្នុងឃុំតស៊ូ ដើម្បីជួយសម្រួលដល់ការសាងសង់ លំនៅដ្ឋានរបស់ពួកគាត់ឡើងវិញ ឱ្យបានឆាប់រហ័ស ។
ក្នុងឱកាសចុះជួយរុះរើនោះដែរ ក្រុមការងារក៏បាននាំយកនូវអំណោយ មួយចំនួនដូចជា ទឹកសុទ្ធ ៣០យួរ ទឹកផ្លែឈើ០៣កេស និងថវិកា ចំនួន ១,១២០,០០០រៀល ដែលបង្ហាញយ៉ាងច្បាស់ពីស្មារតីសាមគ្គីភាព និងការយកចិត្តទុកដាក់យ៉ាងកក់ក្តៅពីថ្នាក់ដឹកនាំខេត្ត ព្រមទាំងគ្រប់ស្ថាប័នពាក់ព័ន្ធ ក្នុងការជួយទំនុកបម្រុង និងសម្រាលទុក្ខលំបាករបស់ប្រជាពលរដ្ឋដែលរងគ្រោះដោយសារគ្រោះមហន្តរាយធម្មជាតិនេះ៕

01/05/2025

អភិបាលខេត្តកំពង់ចាម​ អះអាងថា​ ប្រាក់ឈ្នួលរបស់កម្មករនិយោជិតវិស័យកាត់ដេរសំលៀកបំពាក់ ផលិតស្បែកជើង និងវិស័យផ្សេងៗ ជាមធ្យមប្រមាណជា ១៤១លានដុល្លារ ក្នុង១ឆ្នាំ

កំពង់ចាម​:​ អភិបាលនៃគណៈអភិបាលខេត្តកំពង់ចាម​ ឯកឧត្ដម​ អ៊ុន​ ចាន់ដា​ បានអះអាងថា​ បើគិតប្រាក់ឈ្នួលរបស់កម្មករនិយោជិតវិស័យកាត់ដេរសំលៀកបំពាក់ ផលិតស្បែកជើង និងវិស័យផ្សេងៗ ជាមធ្យមប្រមាណជា ១៤១លានដុល្លារ ក្នុង១ឆ្នាំ បានរួមចំណែកបង្កើនចំណូលរបស់ប្រជាជន ខេត្តកំពង់ចាមប្រចាំឆ្នាំ(GDP) ក្នុងម្នាក់ៗ ចំនួន២.៤៧៨ ដុល្លារ។​ ថ្លែងបែបនេះ​ក្នុងឱកាសអបអរសាទរខួបអនុស្សាវរីយ៍ លើកទី១៣៩ នៃទិវាពលកម្មអន្តរជាតិ ១ឧសភា ក្រោមប្រធានបទ«រួមគ្នាដើម្បីការងារសមរម្យ និងកំណើនប្រកបដោយចីរភាព និងភាពធន់» ដែល​បាន​ធ្វើ​ឡើង​ នាព្រឹកថ្ងៃទី​១​ ឧសភា​ ២០២៥​ ​នៅ​ក្រុមហ៊ុន ជេហ្សេតគ្លរី អេនធើប្រាយ ឯ.ក​ ស្រុកជេីងព្រៃ​ ក្រោមវត្តមាន​ឯកឧត្តម​ ខ្លូត​ ផន​ ប្រធានក្រុមប្រឹក្សាខេត្តកំពង់ចាម​ ។

ក្នុងឱកាសនោះដែរ​ ឯកឧត្ដម​ អ៊ុន​ ចាន់ដា​ បានថ្លែងថា​ ក្នុងខេត្តកំពង់ចាម មានរោងចក្រ សហគ្រាស គ្រឹះស្ថានសរុប ៦២៣សហគ្រាស កម្មករ និយោជិតសរុប ៤៧.០៣២នាក់ ក្នុងនោះឧស្សាហកម្មវាយនភណ្ឌកាត់ដេរ និងផលិតស្បែកជើងមានចំនួន ២៧កន្លែង កម្មករ និយោជិតចំនួន ៣០.៥២០នាក់ ដោយកម្មករនិយោជិតវិស័យកាត់ដេរសំលៀកបំពាក់ និងស្បែកជើង ម្នាក់ៗទទួលបានប្រាក់ចំណូល ជាមធ្យម ២៥៤ដុល្លារ និងវិស័យផ្សេងៗ ទទួលបានប្រាក់ចំណូល ជាមធ្យម ២៣៤ដុល្លារ ក្នុង​១ខែ​ ។

ជាមួយគ្នានោះ​ ឯកឧត្ដម​ អ៊ុន​ ចាន់ដា​ អភិបាលខេត្តកំពង់ចាម​ ក៏បានលេីកឡេីងផងដែរថា​ បន្ទាប់ពីរាជរដ្ឋាភិបាលកម្ពុជានីតិកាលទី៧ បានប្រកាសដាក់ឱ្យអនុវត្ត «កម្មវិធីបណ្តុះបណ្តាល ជំនាញវិជ្ជាជីវៈ និងបច្ចេកទេស ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ» នៅក្នុងឆ្នាំ២០២៥ វិទ្យាស្ថានពហុបច្ចេកទេសខេត្តកំពង់ចាម បានបណ្តុះបណ្តាលលើជំនាញ សិស្សានុសិស្ស មកពីគ្រួសារក្រីក្រ និងគ្រួសារងាយរងហានិភ័យ បានចូលរួមកម្មវិធីបណ្តុះបណ្តាល ជំនាញវិជ្ជាជីវៈ និងបច្ចេកទេស កម្រិតសញ្ញាបត្របច្ចេកទេស និងវិជ្ជាជីវៈ១ សរុបចំនួន ១.០១០នាក់ ៕

26/04/2025

សូមគាំទ្រ! រាជរដ្ឋាភិបាល នឹងលែងឱ្យមានការផ្តល់រង្វាន់លើគម្របដប ឬក្រវិលកំប៉ុងគ្រឿងស្រវឹង។

(ភ្នំពេញ)៖ បំណងប្រាថ្នាដែលប្រជាពលរដ្ឋកម្ពុជាចង់ឃើញអស់យូរ​ខែ​ឆ្នាំមកហើយនោះ ទីបំផុតត្រូវបានរាជរដ្ឋាភិបាលកម្ពុជា ដឹកនាំ​ដោយសម្តេចមហាបវរធិបតី ហ៊ុន ម៉ាណែត សម្រេចហើយ គឺនឹង​លែង​ឱ្យមានការផ្តល់រង្វាន់លើគម្របដប ឬក្រវិលកំប៉ុងគ្រឿងស្រវឹង​ទៀត​ហើយ។

កាលពីថ្ងៃទី២៤ ខែមេសា ឆ្នាំ២០២៥កន្លងទៅនេះ ទីស្តីការគណៈរដ្ឋមន្ត្រី បានផ្ញើលិខិតមួយទៅកាន់លោក​អគ្គបណ្ឌិតសភាចារ្យ អូនព័ន្ធ មុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ, លោកស្រី ចម និម្មល រដ្ឋមន្ត្រី​ក្រសួងពាណិជ្ជកម្ម និងលោក នេត្រ ភក្ត្រា រដ្ឋមន្ត្រីក្រសួងព័ត៌មាន
ដោយឱ្យចាត់វិធានការលើការធ្វើទីផ្សារដោយការផ្ដល់រង្វាន់តាមរយៈ គម្របដប និងក្រវិលកំប៉ុងក្នុងឧស្សាហកម្មភេសជ្ជៈ និងគ្រឿង​ស្រវឹង។

ក្នុងលិខិតនោះ ទីស្តីការគណៈរដ្ឋមន្ត្រី បានឯកភាពឱ្យទុកពេល៦ខែ ឬ១ឆ្នាំ ដើម្បីឱ្យក្រុមហ៊ុនផលិតគ្រឿងស្រវឹង ត្រៀមខ្លួនជាមុន ក្នុងការហាម​ឃាត់​ចំពោះការផ្ដល់រង្វាន់តាមរយៈក្រវិលកំប៉ុង ឬគម្របដប នៃផលិតផលគ្រឿងស្រវឹង និងភេសជ្ជៈ។

ទីស្តីការគណៈរដ្ឋមន្ត្រី ក៏បានឯកភាពរៀបចំកិច្ចប្រជុំរវាងម្ចាស់​ក្រុម៉ហ៊ុនផលិតស្រាបៀរ និងភេសជ្ជៈ និងក្រសួង ស្ថាប័នពាក់ព័ន្ធ ក្រោមអធិបតីភាពដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ដើម្បីបិទមិនឱ្យមានការផ្ដល់​រង្វាន់​ទាំង​អស់នាពេលវេលាសមស្របណាមួយ។

ចំណាត់ការរបស់រាជរដ្ឋាភិបាលនេះ ហាក់បានផ្តល់នូវរង្វាន់ដ៏ធំមួយសម្រាប់ប្រជាពលរដ្ឋក្រោយបុណ្យចូលឆ្នាំថ្មីប្រពៃណីជាតិ។ ចំណាត់ការនេះ ធ្វើឱ្យប្រជាពលរដ្ឋមហាសែនរីករាយ ហើយប្រៀបបានជួយស្រោចស្រង់ជីវិតពលរដ្ឋខ្មែរ ដែលរងការបំផ្លាញដោយគ្រឿងស្រវឹង។

ប្រជាពលរដ្ឋខ្មែរគ្រប់ស្រទាប់វណ្ណៈ បានសម្តែងការគាំទ្រយ៉ាងខ្លាំងក្លាបំផុតចំពោះចំណាត់ការមួយនេះ៕