09/07/2025
ពាក្យនេះត្រូវបានមនុស្សជាច្រើនលើកមកនិយាយអំពីកន្លែងការងារផ្ទាល់ខ្លួនរបស់គាត់ តែវាប៉ះពាល់អារម្មណ៍ដល់ម្ចាស់អាជីវកម្មខ្លាំងមែនទែន ការជាថៅកែគេវាពិតមិនស្រួលដូចការគិតរបស់បុគ្គលិកនោះទេ មួយខែៗត្រូវចំណាយលើនេះលើនោះ ជួនកាលខែខ្លះខាត តែនៅតែញញឹមបើកលុយអោយបុគ្គលិកដ៏ដែលមិនបាត់មួយកាក់មួយសេន ។
ជាបុគ្គលិកបើនៅតែត្អូញត្អែរឿងប្រាក់ខែតិច តែការងារច្រើនលាឈប់ទៅ ទោះនៅបន្តការងារក៏គ្មានអ្វីរីកចម្រើនដែល ព្រោះគំនិតចាក់ចូលបេះដូងការគិតមិនល្អលើកន្លែងការងាររបស់ខ្លួនឯងទៅហើយនោះ បើគិតថាគេមិនអោយតម្លៃ ទៅរកកន្លែងកន្លែងដែលគេអោយតម្លៃយើងទៅ ជាធម្មតាថៅកែគែតែងមើលលើការខិតខំប្រឹងប្រែងរបស់បុគ្គលិក លទ្ធផលដែល
បុគ្គលិកម្នាក់ៗជួយដល់ក្រុមហ៊ុន ត្រូវចាំថាបុគ្គលិក 10 នាក់មិនមែនសុទ្ធតែមានប្រាក់ខែដូចគ្នា ហើយរិតតែមិនអាចឡើងប្រាក់ខែដូចគ្នាក្នុងថ្ងៃតែមួយ ក្រុមហ៊ុនចំណេញគេមិនខ្លាចទេក្នុងការផ្តល់ការលើកទឹកចិត្តដល់បុគ្គលិកឡើយ តែពេលខ្លះគេខ្លាចពេលផ្តល់អោយហើយយើងគ្មានសម្មត្ថភាពយក ។
ចង់បានប្រាក់ខែច្រើនត្រូវផ្តោតលើគោលការណ៍សំខាន់ៗដូចជា ត្រូវបន្តរៀនសូត្រ អភិវឌ្ឍន៍ជំនាញរបស់យើងអោយកាន់តែល្អប្រសើរជាងមុន នឹងរៀនអ្វីថ្មីមកបន្ថែមលើអ្វីដែលយើងចេះ គិតអំពីការជួយអោយក្រុមហ៊ុនដែលយើងធ្វើអោយមានការរីកចម្រើន ។ ត្រូវចាំថាមិនថាអ្នកចេះប៉ុណ្ណាទេ បើធ្វើការងារមិនកើត ហើយចេះតែថាចេះថាចុះ ក្រុមហ៊ុនគេក៏អាចរកអ្នកផ្សេងជំនួសអ្នកបានដែល ។
អំឡុងពេលដែលអ្នកធ្វើការងារ មានអ្នកផ្សេងជាច្រើនកំពុងតែព្យាយាមដាក់ពាក្យចូលធ្វើតំណែងដូចអ្នក តែគេគ្មានឪកាស
ដូច្នេះត្រូវខំ ។
អ្វីដែលខ្ញុំនិយាយនេះចំពោះក្រុមហ៊ុនមួយចំនួនប៉ុណ្ណោះ ក្រុមខ្លះពិតជាកែងកម្លាំងរបស់បុគ្គលិកមែន ។
