យឿន សុវណ្ណយ៉ារ៉ា-Sovannyara Yoeun

03/01/2026

៙. កន្លងឆ្នាំចាស់ចូលឆ្នាំថ្មី ជីវិតជោគជ័យថ្លៃព្រះធម៌
ឆ្នាំចាស់ផ្ទេរបទពិសោធល្អ ឆ្នាំថ្មីបន្តពរថែចិត្ត។
ឆ្នាំថ្មីតែថ្ងៃនៅបើកមេឃ ទោះវ័យបានចែកចាស់ជីវិត
តែ « តថតា » ដូច្នោះពិត ខ្លួននៅជាមិត្តនឹងខ្លួនឯង។
ខ្ញុំដាម្មាហូមសូមត្រេកអរ ធ្វើការបន្តធម៌កោតក្រែង
រស់រួមសាសនាព្រះសម្ដែង ចាត់ចែងជីវិតពេលជិតក្ស័យ។
ដឹងគុណបុណ្យបានឱ្យនៅរស់ ដឹងគុណគ្រប់អស់បុព្វការី
ដឹងគុណញាតិមិត្តស្និទ្ធចាស់ថ្មី រួមដៃតេជះព្រះសាសនា។
អរគុណដែនដីសុវណ្ណភូមិ ប្រទេសដល់ព្រមព្រះសាស្ដា
ព្រះត្រៃបិដក អដ្ឋកថា ព្រះបុព្វាចារ្យរក្សាទុក ។
ខ្ញុំសូមប្រាថ្នា វិវដ្ដៈ សងសង្សារចក្រជូនម្ចាស់ស្រុក
ដោយបុណ្យដែលមានធម្មទានសុខ
តទៅជាតិមុខផុតទុក្ខហោង.៕៚

02/01/2026

៙.មេត្តាករុណាក៏មានហើយ តែកុំភ្លេចឡើយឧបេក្ខា
កុំគិតជួសគេរឿងខ្លះណា ព្រោះថារឿងយើងឡើងសន្ធឹក។
បើដឹងថាគេកបលាភយស កុំគិតប្រទូស្ដទ្រុស្ដវរវឹក
លត់ភ្លើងឥស្សាមុទិតាជាទឹក សតិរឭកដឹងបរមត្ថ ។
មនុស្សរស់គ្រប់គ្នាជាវិញ្ញាណ ដឹងក្រដឹងមានមិនមែនសត្វ
តួចិត្តចេតសិកជាបរមត្ថ គ្មានមនុស្សគ្មានសត្វក្នុងរូបទេ។
តួចិត្តចេតសិកដឹង អារម្មណ៍ អង្គធម៌ អភិធម្មមិនមែនគេ
ក៏មិនមែនយើងឡើងមកដែរ មានតែវិញ្ញាណ តខណៈ ។
អ្នកមានខំអរ គិតថាអញ អ្នកក្រម្នោម្នេញ អញអន់អាក់
អញកើតឥស្សាមច្ឆរិយៈ បរមត្ថគ្មានម្នាក់ក្នុងលោកឡើយ។
ច្រណែនអ្នកណាថាបានស្អី គួរខំឃ្មាតខ្មីសួស្ដីត្រើយ
គឺមិនប្រកាន់ខន្ធហ្នឹងហើយ ទីពឹងកោះត្រើយស្បើយទុក្ខា.៕៚

01/01/2026

៙.ស្រឡាញ់ក៏ប្រាសស្អប់ក៏ព្រាត់ គ្មានអ្វីទៀងទាត់ឱ្យថេរឋិត
អ្វី ដែលមកដល់ កុំខ្វល់គិត ថ្នាំខ្លាំងស័ក្ដិសិទ្ធិពិតខន្តី ។
ពេលចិត្តមួម៉ៅក្ដៅក្រហាយ ត្រូវកុំនិយាយពាក្យអប្រីយ៍
ព្រោះចិត្តដូរមកដូចប្រក្រតី តែពាក្យសម្ដីដូរស្អីបាន ។
កុំយកគ្រប់រឿងមកខ្វល់គិត កុំឱ្យវិបរិតចិត្តសន្ដាន
ចិត្តល្អ អារម្មណ៍ រមណីយដ្ឋាន អប់រំចិត្តបានឋានព្រះធម៌ ។
មិនដែលឃើញឃ្មុំធ្វើអត្តឃាត ឃើញហើរព្រោងព្រាតក្រេបកេសរ
ស្រមោចក៏មិនពោលរអ៊ូ ឈូឆររកស្កររកចំណី ។
មិនឮកណ្ដៀរពោលដៀមដាម ឃើញតែរវាមខំពាំដី
សម្បុកពីងពាងសាងសរសៃ គ្មានទេរោគស្អីសរសៃប្រសាទ។
មនុស្សយើងគួរជ្រាបពីការងារ វេលាប្រយោជន៍កុំខូចខាត
មួយឆ្នាំកន្លងឆ្គងឱ វាទ ត្រូវខំសម្អាតកាយ វាចា ។
ទឹកភ្លៀងខ្នងភ្នំ ប្រជុំធ្លាក់ ទឹកកាមាសវៈ ធ្លាក់សង្សារ
ទឹកភ្លៀងអមតៈ ធម្មទេសនា ឆ្លងកាត់សង្សារ អាសវៈក្ស័យ.៕៚

31/12/2025

🇰🇭🇰🇭🇰🇭

សូមស្វាគមន៍ យុទ្ធជន ទាំង១៨រូប ដែលបាននិវត្តន៍មកកាន់មាតុប្រទេសវិញប្រកបដោយសុខសុវត្ថិភាព

ថ្ងៃទី៣១ ខែធ្នូ ឆ្នាំ២០២៥

#ហ៊ុនម៉ាណែត #កម្ពុជា #សន្តិភាពនៅកម្ពុជា

31/12/2025

បុគ្គលសាបព្រោះនូវពូជបែបណា
តែងទទួលបាននូវផលបែបនោះ ។🧡💗🇰🇭

31/12/2025

ចែកជូនគ្រឿងបរិភោគ គ្រឿងប្រើប្រាស់..
បងប្អូនភៀសសឹក មកពីទីផ្សេងៗ ខេត្តសៀមរាប។
________________________________

28/12/2025

🙏🙏🧡🧡🙏🙏🧡🧡

22/12/2025

សូមឲ្យសព្វសត្វបានសុខ 🙏🧡💔
May all beings free from suffering !

21/12/2025

ឥទំ​ មេ​ បុញ្ញំ​ និព្វានស្ស​ បច្ចយោ​ ហោតុ​។🙏🧡
រីបុណ្យរបស់ខ្ញុំនេះ​ ចូរជាបច្ច័យនៃព្រះនិព្វាន។
__________________________________<
🙏

21/12/2025

🧡សព្វេ សត្តា អាហារដ្ឋិតិកា🧡🌷

20/12/2025

🧡🙏សព្វេ សត្តា អវេរា ហោន្តុ🙏🧡