AK NEWS HD

AK NEWS HD ព័ត៌មានពិត! 067995577

26/08/2026

លោក ស្រី នាង ហ៊ាប ដែលរងភាពអយុត្តិធម៌ ដោយការចេញអាជ្ញាប័ណ្ណ មានចំនួនដី៤២,៨៧ហិតា អោយទៅក្រុមហ៊ុន CHHC បំពានលើដីកម្មសិទ្ធនិងផ្ទះរបស់លោកស្រី ស្ថិតនៅភូមិត្រាង ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ អំពាវនាវសុំយុត្តិធម៌ពីថ្នាក់ដឹកនាំ ខណៈលោកស្រី បានទិញដីដោយមានអាជ្ញាធរទទួលស្គាល់ និងអាស្រ័យផលតាំងពីឆ្នាំ២០១៦ ។

ជាមួយគ្នានេះ ពលរដ្ឋដែលរងគ្រោះ ដោយការឃ្លុំដីរបស់ក្រុមហ៊ុនរ៉ែអា CHHC ក៏បានអំពាវនាវដល់ប្រមុខថ្នាក់ដឹកនាំ អាជ្ញាធរខេត្តកំពង់ស្ពឺ ជួយផ្តល់យុត្តិធម៌ បានប្រើប្រាស់អាស្រ័យផលលើដីរបស់ខ្លួន ព្រោះពួកគាត់បានធ្វើស្រែចំការជាច្រើនឆ្នាំមកហើយ ក្នុងនាមម្ចាស់ស្រុក។

ជាមួយគ្នានេះ លោកស្រី នាង ហ៊ាប មានជំនឿលើការដោះស្រាយរបស់អាជ្ញាធរខេត្តកំពង់ស្ពឺ និងផ្តល់យុត្តិធម៌ ដល់លោកស្រី ក៏ដូចជាពលរដ្ឋផ្សេងទៀត។

អង្គភាពសារព័ត៌មាន AK News ប្តេជ្ញាធ្វើការផ្សព្វផ្សាយព័ត៌មានដោយទូលំទូលាយ សច្ចធម៌ និងប្រកបដោយតម្លាភាព ដោយចៀសវាងដាច់ខាតនូវរាល់ខ្លឹមសារញុះញង់ ឬអគតិ។ ផ្អែកលើវិជ្ជាជីវៈសារព័ត៌មាន យើងខ្ញុំតែងតែបើកទូលាយ និងរង់ចាំទទួលការបកស្រាយ បំភ្លឺ ឬឆ្លើយតបពីគ្រប់ភាគីពាក់ព័ន្ធទាំងអស់ រៀងរាល់ម៉ោងធ្វើការ ដើម្បីធានានូវតុល្យភាពព័ត៌មាន និងភាពត្រឹមត្រូវជូនសាធារណជន។
( ចេញផ្សាយនៅថ្ងៃទី២៥ ខែសីហា ឆ្នាំ២០២៦ )

សម្តេច ម៉ែន សំអន ចុះពិនិត្យទីតាំងរៀបចំពិធីក្រុងពាលីសាងសង់រូបសំណាក់ «មេទ័ពសំរិទ្ធ» នៅខេត្តស្វាយរៀងខេត្តស្វាយរៀង៖ សម្តេចកិ...
24/08/2026

សម្តេច ម៉ែន សំអន ចុះពិនិត្យទីតាំងរៀបចំពិធីក្រុងពាលីសាងសង់រូបសំណាក់ «មេទ័ពសំរិទ្ធ»

នៅខេត្តស្វាយរៀង
ខេត្តស្វាយរៀង៖ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ នារសៀលថ្ងៃទី២៤ ខែសីហា ឆ្នាំ២០២៦ នេះ បានអញ្ជើញចុះពិនិត្យទីតាំងផ្ទាល់ សម្រាប់រៀបចំពិធីក្រុងពាលីសាងសង់រូបសំណាក់ «មេទ័ពសំរិទ្ធ» ដែលស្ថិតនៅក្នុងទីរួមខេត្តស្វាយរៀង។

ការចុះពិនិត្យនេះ ធ្វើឡើងដើម្បីធានាឱ្យដំណើរការរៀបចំពិធីសាសនា និងការចាប់ផ្តើមគម្រោងសាងសង់រូបសំណាក់ប្រវត្តិសាស្ត្រមួយនេះ ប្រព្រឹត្តទៅដោយរលូន ត្រឹមត្រូវតាមក្បួនខ្នាត និងប្រកបដោយភាពមហោឡារិក។
( រក្សាសិទ្ធ អត្ថបទ លក ប៊ុនធឿន )

លោក ផែង វណ្ណៈ ដែលត្រូវជាបងធម៌របស់លោក សាន្ត ប៊ុនធឿន បានសម្តែងនូវក្តីរីករាយ និងការអរគុណយ៉ាងជ្រាលជ្រៅចំពោះក្រុមគ្រូពេទ្យនៃម...
24/08/2026

លោក ផែង វណ្ណៈ ដែលត្រូវជាបងធម៌របស់លោក សាន្ត ប៊ុនធឿន បានសម្តែងនូវក្តីរីករាយ និងការអរគុណយ៉ាងជ្រាលជ្រៅចំពោះក្រុមគ្រូពេទ្យនៃមន្ទីរពេទ្យកាល់ម៉ែត្រ បន្ទាប់ពីររូបលោកទទួលបានលទ្ធផលក្នុងកម្រិតល្អប្រសើរ ក្រោយការចូលសម្រាកព្យាបាល និងកែសម្រួលបញ្ហាចង្កេះ “

យោងតាមការបញ្ជាក់ឲ្យដឹងជាផ្លូវការមុននេះបន្តិច លោក ផែង វណ្ណៈ បានគូសបញ្ជាក់ថា ការព្យាបាលជំងឺជាប់ចង្កេះរបស់លោក ទទួលបានលទ្ធផលជាផ្លែផ្កាយ៉ាងគាប់ប្រសើរ ក្រោមការយកចិត្តទុកដាក់ និងពិនិត្យមើលថែទាំយ៉ាងដិតដល់ពីសំណាក់ក្រុមគ្រូពេទ្យជំនាញ។

តាមរយៈសារអមដោយភាពកក់ក្តៅ លោកបានសរសេររៀបរាប់ថា៖ «ចូលមន្ទីរពេទ្យកាល់ម៉ែត្រ ជួសជុលចង្កេះ បន្ទាប់ពីជួសជុលរួចទទួលបានលទ្ធផលល្អណាស់! សូមអរគុណក្រុមគ្រូពេទ្យនៃមន្ទីរពេទ្យកាល់ម៉ែត្រ ដែលបានយកចិត្តទុកដាក់ព្យាបាលជំងឺជាប់ចង្កេះខ្ញុំ បានប្រសើរច្រើន»។

ការប្រកាសពីស្ថានភាពសុខភាពដ៏ល្អប្រសើរឡើងវិញនេះ ទទួលបានការចាប់អារម្មណ៍យ៉ាងខ្លាំងពីសំណាក់មហាជន និងអ្នកគាំទ្រ ដោយភាគច្រើនបានសម្តែងនូវការជូនពរឲ្យរូបលោកឆាប់ជាសះស្បើយទាំងស្រុង ដើម្បីវិលត្រឡប់មកបំពេញភារកិច្ច និងជីវភាពប្រចាំថ្ងៃវិញក្នុងពេលឆាប់ៗនេះ៕
( រក្សាសិទ្ធ អត្ថបទ លក ប៊ុនធឿន )

សមត្ថកិច្ចឃាត់ខ្លួនម្ចាស់គណនី "អាយ៉ា ទឹកត្នោតជូរ" ពាក់ព័ន្ធករណីជេរប្រមាថជាសាធារណៈខេត្តពោធិ៍សាត់ — កម្លាំងនគរបាលខេត្តពោធិ...
24/08/2026

សមត្ថកិច្ចឃាត់ខ្លួនម្ចាស់គណនី "អាយ៉ា ទឹកត្នោតជូរ" ពាក់ព័ន្ធករណីជេរប្រមាថជាសាធារណៈ

ខេត្តពោធិ៍សាត់ — កម្លាំងនគរបាលខេត្តពោធិ៍សាត់ បានចុះអនុវត្តវិធានការផ្លូវច្បាប់ ដោយធ្វើការឃាត់ខ្លួនស្ត្រីម្នាក់ ដែលជាម្ចាស់គណនីហ្វេសប៊ុកឈ្មោះ «អាយ៉ា ទឹកត្នោតជូរ» ពាក់ព័ន្ធនឹងករណីប្រើប្រាស់ពាក្យសម្ដីជេរប្រមាថយ៉ាងធ្ងន់ធ្ងរលើប្រជាពលរដ្ឋក្នុងខេត្តពោធិ៍សាត់ ជាសាធារណៈតាមបណ្តាញសង្គម។

ជនសង្ស័យមានឈ្មោះ ភី យ៉ាងរី អាយុ ២៥ ឆ្នាំ មានទីលំនៅក្នុងភូមិប្រជាធម្មខាងកើត សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។

យោងតាមប្រភពពីសមត្ថកិច្ច ការឃាត់ខ្លួននេះធ្វើឡើងបន្ទាប់ពីមានប្រតិកម្ម និងបណ្ដឹងតវ៉ាជុំវិញសកម្មភាពផ្សាយផ្ទាល់ ឬការបញ្ចេញមតិលើបណ្ដាញសង្គមរបស់សាម៉ីខ្លួន ដែលបានប្រើប្រាស់ភាសាអសីលធម៌ និងប៉ះពាល់ធ្ងន់ធ្ងរដល់កិត្តិយស និងកសិ៍្តឈ្មោះរបស់ប្រជាពលរដ្ឋរស់នៅក្នុងខេត្តពោធិ៍សាត់។

បច្ចុប្បន្ន មន្ត្រីនគរបាលជំនាញកំពុងបង្កើតសំណុំរឿងតាមនីតិវិធីដើមី្បបញ្ជូនខ្លួនជនសង្ស័យទៅកាន់សាលាដំបូងខេត្តពោធិ៍សាត់ ដើម្បីចាត់ការ និងផ្តន្ទាទោសទៅតាមផ្លូវច្បាប់ជាធរមាន។

សមត្ថកិច្ចនាយកដ្ឋានព្រហ្មទណ្ឌ នាំខ្លួនជនសង្ស័យ ឆេង ភារុន មកកាន់រាជធានីភ្នំពេញ ដើម្បីចាត់ការតាមនីតិវិធីច្បាប់ “បន្ទាប់ពីរ...
24/08/2026

សមត្ថកិច្ចនាយកដ្ឋានព្រហ្មទណ្ឌ នាំខ្លួនជនសង្ស័យ ឆេង ភារុន មកកាន់រាជធានីភ្នំពេញ ដើម្បីចាត់ការតាមនីតិវិធីច្បាប់ “

បន្ទាប់ពីរៀបចំបែបបទរួចរាល់ កម្លាំងសមត្ថកិច្ចនគរបាលនៃនាយកដ្ឋានព្រហ្មទណ្ឌ ក្រសួងមហាផ្ទៃ ដឹកនាំដោយលោកឧត្ដមសេនីយ៍ទោ ប៉ុល រតនា អនុប្រធាននាយកដ្ឋាន បាននាំខ្លួនឈ្មោះ ឆេង ភារុន ពីច្រកទ្វារព្រំដែនអន្តរជាតិបាវិត ឆ្ពោះមកកាន់រាជធានីភ្នំពេញ ដើម្បីបន្តចាត់ការទៅតាមនីតិវិធីច្បាប់។

ពាក់ព័ន្ធនឹងចម្ងល់របស់អ្នកប្រើប្រាស់បណ្តាញសង្គមមួយចំនួន អំពីករណីមិនមានការវាយខ្នោះលើជនសង្ស័យក្នុងអំឡុងពេលធ្វើដំណើរឆ្លងដែននោះ សូមបញ្ជាក់ថា ផ្អែកលើគោលការណ៍នីតិវិធីនៅតំបន់ច្រកទ្វារព្រំដែនអន្តរជាតិ ការវាយខ្នោះមិនត្រូវបានអនុវត្តក្នុងអំឡុងពេលធ្វើបូរណសន្និបាត/ទាមទារសិទ្ធិឆ្លងដែនឡើយ។ ការប្រកាសអនុវត្តវិធានការវាយខ្នោះ ឬរឹតបន្តឹងសន្តិសុខ គឺត្រូវធ្វើឡើងនៅពេលជនសង្ស័យបានឈានជើងចូលដល់ដែនអធិបតេយ្យនៃកម្ពុជារួចរាល់តែប៉ុណ្ណោះ។

អាស្រ័យហេតុនេះ សូមសាធារណជនមេត្តាយោគយល់ និងស្វែងយល់អំពីនីតិវិធីច្បាប់ពាក់ព័ន្ធឱ្យបានច្បាស់លាស់ ចៀសវាងការបញ្ចេញមតិ ឬការភាន់ច្រឡំផ្សេងៗ។

លោក ផែង វណ្ណៈ ផ្តល់ថវិកា ១០លានរៀល ជួយព្យាបាលជនរងគ្រោះដោយអំពើហិង្សាវាយនឹងដបស្រា ដើម្បីបញ្ជូនទៅវៀតណាមភ្នំពេញ៖ លោក ផែង វណ្ណ...
24/08/2026

លោក ផែង វណ្ណៈ ផ្តល់ថវិកា ១០លានរៀល ជួយព្យាបាលជនរងគ្រោះដោយអំពើហិង្សាវាយនឹងដបស្រា ដើម្បីបញ្ជូនទៅវៀតណាម

ភ្នំពេញ៖ លោក ផែង វណ្ណៈ នៅព្រឹកថ្ងៃនេះ បាននាំយកថវិកាចំនួន ១០លានរៀល ទៅប្រគល់ជូនជនរងគ្រោះឈ្មោះ ចាន់ ចេង អាយុ ២៥ឆ្នាំ ដើម្បីសម្រាលបន្ទុកចំណាយលើការសម្រាកព្យាបាលរបួសធ្ងន់ធ្ងរ។

ជនរងគ្រោះបានរងរបួសប្រេះលលាដ៍ក្បាល យ៉ាងធ្ងន់ធ្ងរ បន្ទាប់ពីរងការវាយប្រហារដោយដបស្រា ពីសំណាក់បុគ្គលឈ្មោះ ឆេង ភារុន។ ដោយសារស្ថានភាពរបួសមានភាពធ្ងន់ធ្ងរ និងតម្រូវឱ្យមានការសង្គ្រោះបន្ទាន់ គ្រួសាររបស់ជនរងគ្រោះបានសម្រេចចិត្តរៀបចំបញ្ជូនរូបគេ ទៅទទួលការព្យាបាលបន្តនៅប្រទេសវៀតណាម នាថ្ងៃនេះតែម្តង។

ជំនួយសប្បុរសធម៌នេះ នឹងជួយសម្រួលដល់ការចំណាយលើការធ្វើដំណើរ និងថ្លៃព្យាបាលរបស់គ្រួសារជនរងគ្រោះ ក្នុងដំណាក់កាលសង្គ្រោះបន្ទាន់នេះ។

រថយន្តម៉ាក FORD RAPTOR F150 បើកបរដោយនារីម្នាក់ក្នុងល្បឿនលឿន បានជ្រុលចង្កូតបុកបង្គោលភ្លើងថ្មបាក់រលំដល់ដី នៅត្រង់ចំណុចផ្លូ...
24/08/2026

រថយន្តម៉ាក FORD RAPTOR F150 បើកបរដោយនារីម្នាក់ក្នុងល្បឿនលឿន បានជ្រុលចង្កូតបុកបង្គោលភ្លើងថ្មបាក់រលំដល់ដី នៅត្រង់ចំណុចផ្លូវកោង “

ការខូចខាត: បង្គោលភ្លើងថ្មបាក់រលំ និងរថយន្តរងការខូចខាតយ៉ាងធ្ងន់ធ្ងរ (គ្មានរបាយការណ៍អំពីអ្នករងគ្រោះថ្នាក់ដល់ជីវិតនៅក្នុងហេតុការណ៍នេះទេ)។

ផ្លាកលេខរថយន្ត: ភ្នំពេញ 2BM-5288
ពេលវេលា: ម៉ោង ០២:២០ នាទីយប់ រំលងអាធ្រាត្រ ឈានចូលថ្ងៃទី២១ ខែសីហា ឆ្នាំ២០២៦

ទីតាំង: តាមបណ្តោយផ្លូវលេខ ២១៧ ក្នុងសង្កាត់ស្ពានថ្ម ខណ្ឌដង្កោ រាជធានីភ្នំពេញ
វិធានការសមត្ថកិច្ច: កម្លាំងសមត្ថកិច្ចមូលដ្ឋានខណ្ឌដង្កោបានចុះអន្តរាគមន៍ និងសហការជាមួយការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដើម្បីវាស់វែង និងស្ទូចយករថយន្តទៅរក្សាទុក រង់ចាំការដោះស្រាយតាមនីតិវិធីច្បាប់ (ជាពិសេសការសងជំងឺចិត្ត ឬថ្លៃខូចខាតទ្រព្យសម្បត្តិសាធារណៈ)។

24/08/2026

អតិថិជនទិញអគារពាណិជ្ជកម្ម ក្រុមហ៊ុន យៀក ថៃ ជួបជុំតវ៉ានៅខណ្ឌដូនពេញ ដើម្បីទាមទារប្រាក់សងវិញ

រាជធានីភ្នំពេញ៖ អតិថិជនដែលបានទិញអគារពាណិជ្ជកម្មពីក្រុមហ៊ុន យៀក ថៃ (Yiek Thai) បានជួបជុំគ្នាតវ៉ានៅខាងមុខទីតាំងក្រុមហ៊ុន ដើម្បីទាមទារឲ្យតំណាងក្រុមហ៊ុនចេញមុខដោះស្រាយ និងសងប្រាក់ត្រឡប់មកវិញជូនគ្រួសារពួកគាត់។

ហេតុការណ៍តវ៉ានេះ បានកើតឡើងនៅតាមបណ្តោយផ្លូវក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ។ ក្រុមអតិថិជនបានលើកឡើងថា ការចេញមុខតវ៉ានេះ គឺធ្វើឡើងបន្ទាប់ពីក្រុមហ៊ុនមិនបានអនុវត្តតាមកិច្ចសន្យា ឬដំណោះស្រាយដែលបានព្រមព្រៀងគ្នាពីមុនមក ទើបបង្ខំចិត្តឲ្យពួកគាត់មកជួបជុំគ្នា ដើម្បីស្វែងរកយុត្តិធម៌ និងការសងប្រាក់ត្រឡប់មកវិញ។
អង្គភាពសារព័ត៌មាន AK News ប្តេជ្ញាធ្វើការផ្សព្វផ្សាយព័ត៌មានដោយទូលំទូលាយ សច្ចធម៌ និងប្រកបដោយតម្លាភាព ដោយចៀសវាងដាច់ខាតនូវរាល់ខ្លឹមសារញុះញង់ ឬអគតិ។ ផ្អែកលើវិជ្ជាជីវៈសារព័ត៌មាន យើងខ្ញុំតែងតែបើកទូលាយ និងរង់ចាំទទួលការបកស្រាយ បំភ្លឺ ឬឆ្លើយតបពីគ្រប់ភាគីពាក់ព័ន្ធទាំងអស់ រៀងរាល់ម៉ោងធ្វើការ ដើម្បីធានានូវតុល្យភាពព័ត៌មាន និងភាពត្រឹមត្រូវជូនសាធារណជន។
( ចេញផ្សាយនៅថ្ងៃទី24 ខែសីហា ឆ្នាំ២០២៦ )

ផែង វណ្ណៈ បញ្ជាក់ក្នុងគណនី ហ្វេសប៊ុកលោកថា៖ ពលរដ្ឋខ្មែរ-អាមេរិកាំង ចោទប្រកាន់មន្ត្រីនគរបាលជាន់ខ្ពស់ម្នាក់ថា បានក្រឡាស់សន...
21/08/2026

ផែង វណ្ណៈ បញ្ជាក់ក្នុងគណនី ហ្វេសប៊ុកលោកថា៖ ពលរដ្ឋខ្មែរ-អាមេរិកាំង ចោទប្រកាន់មន្ត្រីនគរបាលជាន់ខ្ពស់ម្នាក់ថា បានក្រឡាស់សន្យាក្នុងទំនាស់ដីធ្លី នៅខេត្តព្រះសីហនុ

ភ្នំពេញ៖ លោក ហាក់ បូវិសាល ពលរដ្ឋខ្មែររស់នៅសហរដ្ឋអាមេរិក បានស្វែងរកកិច្ចអន្តរាគមន៍ផ្សព្វផ្សាយពីលោក ផែង វណ្ណៈ ពាក់ព័ន្ធនឹងវិវាទដីធ្លីដ៏រ៉ាំរ៉ៃ ជាមួយលោកឧត្ដមសេនីយ៍ត្រី ភោគ វឌ្ឍនា អនុប្រធានលេខាធិការដ្ឋាន នៃគណៈកម្មាធិការជាតិប្រយុទ្ធប្រឆាំងទារុណកម្ម (គ.ជ.ប.ទ)។

ផ្អែកតាមការរៀបរាប់របស់ដើមបណ្តឹង ដែលប្រកាសដោយលោក ផែង វណ្ណៈ អង្គហេតុនៃវិវាទនេះមានដំណាក់កាលសំខាន់ៗដូចខាងក្រោម៖
ការព្រមព្រៀងបញ្ចប់វិវាទ៖ កន្លងមក លោក ហាក់ បូវិសាល បានដាក់ពាក្យបណ្តឹងជាច្រើនដំណាក់កាលទៅស្ថាប័នសមត្ថកិច្ច។ បន្ទាប់មក លោកឧត្ដមសេនីយ៍ត្រី ភោគ វឌ្ឍនា បានចូលខ្លួនមកសម្របសម្រួល ដោយស្នើឱ្យដើមបណ្តឹងដកពាក្យបណ្តឹងទាំងអស់វិញ។
ជាថ្នូរនឹងការដកពាក្យបណ្តឹង ភាគីទាំងពីរបានចុះ «កិច្ចព្រមព្រៀងបញ្ចប់វិវាទ» កាលពីថ្ងៃទី១០ ខែកុម្ភៈ ឆ្នាំ២០២៦ ដោយមានការទទួលស្គាល់ពីមេធាវីត្រឹមត្រូវ។ ក្នុងកិច្ចព្រមព្រៀងនោះ លោកឧត្តមសេនីយ៍ត្រី បានយល់ព្រមប្រគល់ដីទំហំ ៤ ហិកតា ស្ថិតក្នុងស្រុកស្ទឹងហាវ ខេត្តព្រះសីហនុ ជូនទៅលោក ហាក់ បូវិសាល។

ការចោទប្រកាន់ពីការបំពានកិច្ចសន្យា៖ ទោះបីជាលោក ហាក់ បូវិសាល បានអនុវត្តតាមកិច្ចព្រមព្រៀងដោយដកពាក្យបណ្តឹងទាំងអស់រួចរាល់ហើយក្តី ភាគីលោកឧត្ដមសេនីយ៍ត្រី ភោគ វឌ្ឍនា ត្រូវបានចោទប្រកាន់ថា បានក្រឡាស់សម្តី និងបដិសេធមិនប្រគល់ដីទំហំ ៤ ហិកតានោះតាមការសន្យឡើយ។

ទិសដៅចំណាត់ការបន្ត៖ ដោយសារគ្មានសមត្ថកិច្ចផ្លូវច្បាប់ក្នុងការដោះស្រាយទំនាស់ លោក ផែង វណ្ណៈ បានផ្តល់យោបល់ឱ្យភាគីរងគ្រោះរៀបចំឯកសារប្តឹងសារជាថ្មីទៅកាន់អគ្គធិការកិច្ចក្រសួងមហាផ្ទៃ និងដាក់ពាក្យបណ្តឹងផ្ទាល់ជូន ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដើម្បីស្វែងរកកិច្ចអន្តរាគមន៍ និងយុត្តិធម៌។

បញ្ជាក់៖ នេះជាព័ត៌មានដែលទទួលបានពីភាគីដើមបណ្តឹង និងការប្រកាសលើបណ្តាញសង្គមតែប៉ុណ្ណោះ។ អត្ថបទនេះរង់ចាំការបកស្រាយ ឬការឆ្លើយតបបំភ្លឺពីភាគីលោកឧត្ដមសេនីយ៍ត្រី ភោគ វឌ្ឍនា ឬអ្នកនាំពាក្យស្ថាប័នពាក់ព័ន្ធ ដើម្បីធានាបាននូវតុល្យភាពព័ត៌មានស្របតាមក្រមសីលធម៌សារព័ត៌មាន។

បុរី គា ឆេងលីម ចេញមុខបដិសេធការចោទប្រកាន់ និងប្រកាសជម្រះមន្ទិលសង្ស័យជុំវិញជម្លោះជាមួយអតិថិជនភ្នំពេញ៖ លោក ឆេងលីម ម្ចាស់បុរ...
21/08/2026

បុរី គា ឆេងលីម ចេញមុខបដិសេធការចោទប្រកាន់ និងប្រកាសជម្រះមន្ទិលសង្ស័យជុំវិញជម្លោះជាមួយអតិថិជន

ភ្នំពេញ៖ លោក ឆេងលីម ម្ចាស់បុរី គា ឆេងលីម បានចេញសេចក្តីថ្លែងការណ៍បំភ្លឺជាសាធារណៈ ដើម្បីឆ្លើយតបទៅនឹងព័ត៌មានចោទប្រកាន់មួយចំនួន និងជៀសវាងការយល់ច្រឡំពីសំណាក់សាធារណជន និងអតិថិជន។
តំណាងបុរីបានបញ្ជាក់ពីអង្គហេតុ និងជំហរផ្លូវការចំនួន ២ ចំណុចធំៗ៖
ការសម្របសម្រួលដោយសន្តិវិធី៖ កន្លងមក ភាគីបុរីតែងតែប្រកាន់យកការដោះស្រាយដោយសន្តិវិធី និងមានការយោគយល់ខ្ពស់ ដោយបានអញ្ជើញភាគីពាក់ព័ន្ធមកសម្របសម្រួលចំពោះមុខអាជ្ញាធរមានសមត្ថកិច្ច ព្រមទាំងមានវត្តមានតំណាងថ្នាក់ដឹកនាំ និងភាគីបុរី ដោយបានធ្វើកិច្ចសន្យាត្រឹមត្រូវតាមផ្លូវច្បាប់។
ការទទួលទិញផ្ទះត្រឡប់មកវិញ៖ បុរីនៅតែរក្សាជំហរយោគយល់ និងស្វាគមន៍ក្នុងការទទួលទិញផ្ទះនោះត្រឡប់មកវិញ ស្របតាមកំណត់ហេតុដែលបានតម្កល់ទុកនៅអាជ្ញាធរ។
ជាមួយគ្នានេះ ភាគីបុរីបានបដិសេធដាច់ខាតចំពោះការលើកឡើងដែលថា បុរី គា ឆេងលីម បានធ្វើការគំរាមកំហែងដល់ការរស់នៅរបស់ភាគីម្ចាស់ផ្ទះ ហើយបានស្នើឱ្យភាគីចោទប្រកាន់បង្ហាញភស្តុតាង និងសាក្សីឱ្យបានច្បាស់លាស់។
ដើម្បីបង្ហាញពីភាពស្អាតស្អំ និងភាពជឿជាក់ លោក ឆេងលីម បានប្រកាសសន្យាយ៉ាងដាច់អហង្ការថា ប្រសិនបើមានភស្តុតាងបញ្ជាក់ថា បុរីពិតជាបានប្រព្រឹត្តអំពើគំរាមកំហែងដូចការចោទប្រកាន់មែននោះ ខាងបុរីស្ម័គ្រចិត្ត៖
1. បង់ប្រាក់ផ្ដាច់បំណុលផ្ទះនោះជូនធនាគារជំនួសអតិថិជន
2. ប្រគល់កម្មសិទ្ធិផ្ទះមួយខ្នងនោះជូនដោយឥតគិតថ្លៃ (Free)
3. ផ្តល់ប្រាក់រង្វាន់បន្ថែមចំនួន ១០,០០០ ដុល្លារអាមេរិក

Address

ផ្លូវលេខ៩៣ សង្កាត់ទន្លេបាសាក់ ខណ្ឌចំការមន ក្រុងភ្នំពេញ
Phnom Penh
120101

Website

Alerts

Be the first to know and let us send you an email when AK NEWS HD posts news and promotions. Your email address will not be used for any other purpose, and you can unsubscribe at any time.

Shortcuts

Share

Category