22/10/2025
ជនរងគ្រោះជាកីឡាករប្រណាំងម៉ូតូត្រៃមិនសប្បាយចិត្តចំពោះចំណាត់ការប៉ូលិសខណ្ឌព្រែកព្នៅ ដែលមិនបម្រើពលរដ្ឋស្លូតត្រង់តែម្តង
កាលថ្ងៃទី២០ខែតុលា ឆ្នាំ២០២៥ វេលាម៉ោង៨យប់ មានករណីជនរងគ្រោះ២រូប ឈ្មោះ ឡាច ហុងលី អាយុ១៤ឆ្នាំជាសិស្ស និងឈ្មោះ ជឿន ចន្ថា អាយុ១៦ឆ្នាំមុខរបរ សិស្សថ្នាក់ទី១២ នៃវិទ្យាល័យជម្ពូវន្ដ័ ( ជំនាញក្រៅម៉ោងខាងប្រណាំងម៉ូតូត្រៃ ) ធ្លាប់ទទួលជ័យលាភីមេដាយច្រើនគ្រឿងក្នុងព្រឺត្តិការណ៍ប្រណាំងម៉ូតូម្តងៗ ) បានធ្វើដំណើរដោយម៉ូតូផ្ទាល់ខ្លួន ម៉ាក្យ scoopy 2017 ពីផ្ទះ នៅសង្កាត់ចោមចៅ៣ គោលបំណងទៅយកសំបុត្រកំណើតនៅក្នុងទឹកដីខណ្ឌព្រែកព្នៅ រាជធានីភ្នំពេញ ។ លុះវេលាប្រមាណម៉ោង៩យប់កំពុងធ្វើដំណើរត្រលប់មកផ្ទះវិញ ជនរងទាំង២រូបគ្រោះឈ្មោះ ឡាច ហ៊ុនលី និងជឿន ចន្ថា ក៍បានជិះជួបក្រុមល្បាត ខណ្ឌព្រែកព្នៅ ក្រោមការដឹកនិងប្រតិបត្តិការដោយក្រុមសមត្ថកិច្ចអធិការខណ្ឌព្រែកព្នៅ ពេលនោះ ក្រុមនោះក៍ត្រូវបានហៅអោយឈប់សួររឿង ស៊ីមាំងលឺសម្លេងពេលកំពុងបើកបរ ហើយក៏អញ្ចើញជនរងគ្រោះទៅ អធិការខណ្ឌ ព្រែកព្នៅ ដើម្បីសួរនាំបន្តរ នៅពេលទៅអធិការខណ្ឌព្រែកព្នៅភ្លាម សមត្ថកិច្ចបានធ្វើការចោទថារូបគេជាក្រុមក្មេងទំនើងមកពីភូមិ ស្រែ១០០ ( បញ្ចាក់ខ្ញុំបាទទាំង២នាក់មិនបានដឹងនិងមិនស្គាល់ភូមិស្រែ១០០នៅឯណាទេ ) រួចក៍បានដកហូតទូរស័ព្ទទុក និងរួចចាប់បង្ខំអោយថតរូបកាន់តេសទឹកនោម(បញ្ចាក់ តេសទឹកនោមមិនមែនរបស់សាមីខ្លួនទេ) ទោះបីជនរងគ្រោះបដិសេដថាមិនដែលមិនបានប្រើប្រាស់គ្រឿងញៀន ក៍ត្រូវបានសមត្ថកិច្ចខណ្ឌព្រែកព្នៅបង្ខំអោយផ្ដិតមេដៃលេីឯកសារផ្សេងៗ ជាច្រើន… ។
បើទោះបីមានការធានាពីអាណាព្យាបាលនិងសាច់ញាតិយ៉ាងណា ក៍សមត្ថិច្ចក្រោមការបញ្ចារផ្ទាល់ពីលោកអធិការងឈ្មោះវ.ទោ ញឹម សារ៉ាត់ ទទួលបន្ទុកព្រហ្មទណ្ឌខណ្ឌ មិនអនុញាតិអោយជួបនិងបានវិលមកផ្ទះទាំងយប់ឡើយ រហូតមានគម្រាប់ប្រើហិង្សាដល់ជនរងគ្រោះទៀតផង បើមិនព្រមតាមការចង់បានរបស់សមត្ថកិច្ច បើទោះសមីខ្លួនមិនមានកំហុសរឿងពាក់ពន្ធ័គ្រឿងញៀនក៍ដោយ ។ លុះរហូតដល់ថ្ងៃស្អែកថ្ងៃទី២១ខែតុលាឆ្នាំ២០២៥ វេលាម៉ោង១១,៣០នាទីថ្ងៃត្រង់ ទើបសមត្ថកិច្ចព្រមអនុញាតិអោយសាមីខ្លួនទាំង២នាក់មកផ្ទះវិញ ប៉ុន្តែរក្សាទុកម៉ូតូនៅអធិការដ្ឋានខណ្ឌព្រែកព្នៅ ដដែល ។ តាមដឹងម៉ូតូរបស់សាមីខ្លួនរហូតដល់ថ្ងៃនេះទី២២ខែតុលា ឆ្នាំ២០២៥ មិនទាន់ប្រគល់មកសាមីខ្លួនឡើយទេ ។
អាណាព្យាបាលនិងសាមីខ្លួនយល់ថាករណីនិងសកម្មភាពរបស់ក្រុមសមត្ថកិច្ចនរគបាលខណ្ធព្រែកព្នៅ ដែលបានធ្វើមកលើជនរងគ្រោះកន្លងមកហាក់មានចេតនាខុសពីអង្គហេតុនិងច្បាប់ ព្រោះប្រសិនករណីចោទថាខ្លួនប្រើម៉ូតូមានសម្លេងសុីមាំងខ្លាំងខ្លួននិងសូមទទួលខុសត្រូវចំពោះមុខច្បាប់ ដោយការពិន័យនិងធ្វើកិច្ចសន្យាមានអាណាព្យាបាលដឺងលឺ តែនេះសមត្ថកិច្ចបានបង្វែរករណីរឿងគ្រឿងញៀនទៅវិញ ? ដូចនេះសាមីខ្លួនអោយប្រពន្ធ័ផ្សព្វផ្សាយនិងដើម្បីសមត្ថកិច្ចពាក់ពន្ធ័ជួយរកយុត្តិធ៌មនិងស្តាកិត្តិយសអោយខ្ញុំបាទវិញ ព្រោះខ្ញុំបាទមិនដែលបានប្រើប្រាស់គ្រឿងញៀនទេ ហេតុអីបានសមត្ថកិច្ចបង្ខំអោយខ្ញុំបាទថតមុខតេសទឹកនោមថាជាមានជាតិញៀនទៅវិញ ..?
សូមថ្នាក់ដឹកនាំនៃស្ថាប័នពាក់ពន្ធ័ពិសេសឯឧ នាយឧត្តមសេនីយ៍សរ ថេត អគ្គស្នងការនរគបាលជាតិ និងឯឧ ឧត្តមសេនីយ៍ជួន ណារិន ស្នងការនគរបាលរាជធានីភ្នំពេញ មេត្តាជួយស្រាវជ្រាវករណីខ្ញុំបាទនិងសូមមេត្តាផ្តល់ភាពយុត្តិធ៌មដល់ខ្ញុំបាទទាំង២រូប ដែលជាជនស្លូតត្រង់មួយរូបនិងបានសាងតម្លៃកិត្តិយសក្នុងសង្គមនិតិរដ្ឋក្រោមការដឹកនាំដោយសម្តេចបវរធិបតីហ៊ុន ម៉ាណែត នាយករដ្ឋមន្ត្រីនៃកម្ពុជា ។ ជុំវិញករណីខាងលើនេះដែរអង្ភភាពធីអិអឹម មិនអាចសុំការបំភ្លឺពីលោកអធិការរងទទួលផែននោះបានទេ យើងខ្ញុំរងចាំទទួលដោយរីករាយ រាល់ព័ត៌មានខាងលើនេះដែលចោទទាំងស្រុងហាក់បីដូចជាមិនមានភាពប្រក្រតីទល់តែសោះ។ ការិយាល័យនិពន្ធ ០១២៦៩៦៦៧៩៕
ប្រភព TNM
