25/06/2025
"សាមគ្គីរស់ បែកបាក់ស្លាប់" នេះគឺជាពាក្យពីចាស់បុរាណយើង។ លោកចង់សំដៅឱ្យមនុស្សចេះយើងចេះស្រឡាញ់ ចេះការពារគ្នា និងប្រមូលផ្តុំជាកម្លាំងតែមួយ ទើបយើងអាចយកឈ្នះគូសត្រូវរបស់យើងបាន។ បើកាលណាយើងគ្មានការសាមគ្គីគ្នាទេ នោះសត្រូវនឹងកាច់បំបាក់យើង ដូចជាចង្កឹះមួយដើម គេអាចកាច់បាក់ ប៉ុន្តែបើចង្កឹះមួយបាច់គឺ គេមិនអាចកាច់បំបាក់បាននោះទេ។
លាវប៉ី គួនអុី ចាងហ្វី ពីដើមឡើយ ពួកគេមានតែគ្នាប៉ុន្មាននាក់ប៉ុណ្ណោះ ប៉ុន្តែពួកគេមានការស្រឡាញ់រាប់អានគ្នា ចេះសាមគ្គីគ្នាយ៉ាងខ្លាំង ធ្វើឱ្យអ្នកណាឃើញហើយក៏សរសើរដែរ។ នេះក៏ជាដើមហេតុនៃការកសាងគ្រឹះធ្វើឱ្យពួកគេអាចសម្រេចកិច្ចការធំបានជាបន្តបន្ទាប់ទៀត។
