20/08/2026
សមាគមគ្រឿងសម្អាងCCA គ្រោងបើកវគ្គនៅថ្ងៃទី ២៨ ខែ សីហា ឆ្នាំ ២០២៦ នៅរាជបណ្ឌិត្យសភាកម្ពុជា
រាជធានីភ្នំពេញ៖យោងលិខិតរបស់សមាគមលេខ ១០៨/២៦សជណចុះថ្ងៃទី ២០ ខែ សីហា ឆ្នាំ ២០២៦នេះបានអោយដឹងថា
សមាគមអ្នកប្រឹក្សាយោបល់គ្រឿងសម្អាង(CCA) មានកិត្តិយសសូមជម្រាបជូនលោក/លោកស្រីឱ្យបានជ្រាបថា
នៅថ្ងៃទី២៨ ខែសីហា ឆ្នាំ២០២៦ ខាងមុខនេះសមាគមCCA រៀបចំវគ្គបណ្តុះបណ្តាលមួយក្រោមប្រធានបទ៖
«នីតិវិធីបើករោងចក្រផលិតគ្រឿងសម្អាងក្នុងស្រុក និង នាំចូល វគ្គទី២ » វគ្គនេះបង្កើតឡើងគ្រោងជួយដល់
សិក្ខាកាមឱ្យបានយល់ដឹងអំពីការសាងសង់រោងចក្រគ្រឿងសម្អាងក្នុងស្រុក,នីតិវិធីនានា,ការចុះបញ្ជីសុខាភិបាល,ការអនុវត្តន៍ច្បាប់
ការនាំចូលគ្រឿងសម្អាងអោយស្របច្បាប់ ដោយការចូលរួមនេះទទួលបានការចែករំលែកអំពីវាគ្មិនអ្នកច្បាប់ ស្ថាប័នរដ្ឋ វិស័យឯកជនដែលមានបទពិសោធន៍ ទីប្រឹក្សា អ្នកជំនាញដោះស្រាយបញ្ហានានាក្នុងក្រុមហ៊ុនគ្រឿងសម្អាង ជាពិសេសអាចទទួលបានបទពិសោធន៍នានាក្នុងការដោះស្រាយបញ្ហា ចេះការពារខ្លួន ។
ហើយវគ្គនេះមានវាគ្មិនកិត្តិយសចំនួន ០៦នាក់៖
មានដូចជាមកពីស្ថាប័ណតុលាការ,ស្ថាប័ណសុខាភិបាល,អ្នកច្បាប់,អ្នកបច្ចេកទេសនាំចូល,អ្នកដោះស្រាយបញ្ហាពេលក្រុមហ៊ុនគ្រឿងសម្អាងលោកអ្នកជួបបញ្ហាដោយផ្តល់ជាដំណោះស្រាយ និង វិធីការពារក្រុមហ៊ុនឬរោងចក្រលោកអ្នក។
ដោយសមាគមនេះមានគោលបំណង និង អត្ថប្រយោជន៍ដូចជា ៖
ផ្តល់ចំណេះដឹងបទពិសោធន៍ជាក់ស្តែងលើការផលិតគ្រឿងសម្អាងក្នុងស្រុក,ការបើករោងចក្រ,ការអនុវត្តន៍ច្បាប់កន្លង មករបស់មន្ត្រីក្រសួងសុខាភិបាល , និង ការចុះបញ្ជិកាក្រសួងសុខាភិបាល ។
ផ្តល់ចំណេះដឹង លើវិស័យគ្រឿងសម្អាង ចំណោទបញ្ហា និង ដំណោះស្រាយ។
វគ្គសំនួរ /ចំលើយ (ដោយផ្ទាល់អំពីវាគ្មិនមកពីស្ថាប័នរដ្ឋ,ស្ថាប័នតុលាការ ជាពិសេសក្រសួងសុខាភិបាល)។
គេសង្កេតឃើញវគ្គនេះមានគោលការណ៍ និង កម្មវិធីដូចជា
ធ្វើនៅថ្ងៃទី ២៨ ខែសីហា ឆ្នាំ២០២៦ ម៉ោង៖13:០០នាទី-17:3០នាទី ល្ងាច
ធ្វើនៅ ៖ រាជបណ្ឌិត្យសភាកម្ពុជា (ជិតក្រសួងពាណិជ្ជកម្ម) ចំនួនចូលរួម ៖ ១០០នាក់
កម្មវិធីនេះត្រូវបង់ថ្លៃអាហារ៖ សមាជិកសមាគម បង់ ២០ដុល្លា មិនមែនសមាជិក ត្រូវបង់ថ្លៃអាហារ ៥០ ដុល្លា
ការចូលរួមដោយបង់ថ្លៃអាហារដើម្បីអោយកម្មវិធីមានគុណភាព និង អ្នកចូលរួមទទួលបានគុណតំលៃ
ការជូនដំណឹងខាងលើនេះ សូម ចុះឈ្មោះតាម រយៈ(Telegram) 010 3333 05
គួរំលឹកផងដែរថា កាលពីថ្ងៃទី ២៦ ខែ មិថុនាឆ្នាំ ២០២៦កន្លងទៅនេះសមាគមគ្រឿងសម្អាងCCAបានបើកវគ្គទី១ដោយមានអ្នកចូលរួមប្រមាណជាងមួយរយអ្នកហើយមានវាគ្មិនចំនួន៤រូប ដោយ២រូបជាជនជាតិកូរ៉េ និង ជាម្ចាស់រោងចក្រអ៊ីណូស្គិនដែលជារោងចក្រល្បីមួយនៅប្រទេសកូរ៉េផងដែរ។
ហើយសមាគមនេះបើកវគ្គទី២ដោយមានវាគ្មិនមកពីស្ថាប័នតុលាការ សុខាភិបាល អ្នកច្បាប់ អ្នកបច្ចេកទេស ដែលសមាគមនឹងលើកឡើងអំពីចំណោទបញ្ហា ដើម្បីអោយវាគ្និនផ្តល់ជាដំណោះស្រាយ និង វិធីការពារនានាដល់សិក្ខាកាមដែលបានចូលរួម។
