Matenak

13/09/2025

ស្ថានការណ៍វឹកវរខ្លាំងនៅខេត្តសុងខ្លា ភាគខាងត្បូងប្រទេសថៃ

កម្លាំងសន្តិសុខថៃបានបើកប្រតិបត្តិការរុករកនៅតំបន់ហួយតៅ ស្រុកសាបាយ៉យ ខេត្តសុងខ្លា បន្ទាប់ពីក្រុមបះបោរនៅព្រំដែនភាគខាងត្បូងកំពុងលាក់ខ្លួន និងធ្វើសកម្មភាពវឹកវរនៅទីនោះ ។ នេះជាព័ត៌មានកាលថ្ងៃទី ១១ ខែកញ្ញា ។

មានការប៉ះទង្គិចគ្នា ដែលធ្វើឲ្យស្ថានការណ៍មានភាពតានតឹង ។ អាជ្ញាធរថៃឈឺក្បាល បានចាត់វិធានការតឹងរ៉ឹងនៅតំបន់នោះ ។

ជាមួយគ្នានេះ នៅវេលាម៉ោង ៧.៣០នាទីព្រឹកថ្ងៃដដែល រថពាសដែកយោធាមួយគ្រឿងបានក្រឡាប់នៅ ស្រុកណាថាវី ខេត្តសុងខ្លា បណ្តាលឲ្យទាហាន ៨នាក់រងរបួស ៤នាក់របួសធ្ងន់ ៕

ប្រភព matichon

13/09/2025

ក្រុមអ្នកសង្កេតការណ៍អន្តរកាល(IOT) ប្រចាំទីស្នាក់ការទី១ នៅស្រុកជាំក្សាន្ត ខេត្ត ព្រះវិហារ បានចុះសង្កេតការណ៍ ផ្ទៀងផ្ទាត់ និងរាយ​ការណ៍ អំពីស្ថានភាពនៅច្រកព្រំដែនអានសេះ ខេត្តព្រះវិហារ នៅព្រឹកថ្ងៃទី១៣ ខែកញ្ញានេះ។ បេសកកម្មនេះ ដឹកនាំដោយឧត្តមសេនីយ៍ត្រី Dato’ Pahlawan Asri bin Shukor នាយក នាយកដ្ឋានបណ្តុះបណ្តាល នៃបញ្ជាការដ្ឋានកងទ័ពជើងគោកម៉ាឡេស៊ី និងជាប្រធានបេសកកម្ម IOT (HOM) រួមនិងសមាជិក និង ក្រោមការសម្របសម្រួលពីក្រសួងការពារជាតិកម្ពុជា។

សូមរំឭកថា ក្រុមអ្នកសង្កេតការណ៍អន្តរកាល (IOT)ខាងលើនេះ បានចេញដំណើរពី ភ្នំពេញ ឆ្ពោះទៅទីស្នាក់ការប្រចាំនៅខេត្តព្រះវិហារ និងខេត្តបន្ទាយមានជ័យ តាំងពីថ្ងៃទី១១ ខែកញ្ញា ដើម្បីចុះទៅសង្កេតការណ៍ ផ្ទៀងផ្ទាត់ និងរាយការណ៍ អំពីស្ថានភាពព្រំដែនក្រោយបទឈប់បាញ់ ដែលបានចូលធរមានតាំងពីថ្ងៃទី២៨ ខែកក្កដា៕

អរគុណរូបភាពរបស់ក្រសួងការពារជាតិ

12/09/2025

https://www.matenak.com/item/10018.html
ក្រសួងមុខងារសាធារណៈចាប់ផ្តើមធ្វើបច្ចុប្បន្នភាពរចនាសម្ព័ន្ធ និងធ្វើជំរឿនមន្ត្រីជាក់ស្តែង «ការធ្វើជំរឿនមន្ត្រី មិនមែនជាការស្វែងរកកំហុស លើទិន្នន័យឯកសារចាស់ៗនោះទេ!»

ការធ្វើបច្ចុប្បន្នភាពរចនាសម្ព័ន្ធ និងការធ្វើជំរឿនមន្ត្រីជាក់ស្តែង ជាជំហានមួយទៀតនៃការពង្រឹងប្រព័ន្ធរដ្....

11/09/2025

តោះបងប្អូនភ្ជុំបិណ្ឌទៅលេងស្រុកទាំងអស់គ្នា! ជិះឡានក្រុង ៦ថ្ងៃ អត់អស់លុយ

#ហ៊ុនម៉ាណែត #កម្ពុជា #សន្តិភាពនៅកម្ពុជា #មតិអ្នក

11/09/2025

រថយន្តដឹកហ្គាសមួយគ្រឿងបានក្រឡាប់ និងផ្ទុះឆេះនៅលើផ្លូវហាយវេមួយកន្លែងនៅភាគអាគ្នេយ៍ប្រទេសម៉ិកស៊ិកកាលពីថ្ងៃពុធ ១០ កញ្ញា ដោយបានសម្ល/ា/ប់មនុស្សយ៉ាងហោចណាស់ ៣នាក់ និងរបួស ៧០ នាក់ និងបានបំផ្លាញរថយន្តជាច្រើនគ្រឿង ៕

ប្រភព៖ Reuters

10/09/2025

https://www.matenak.com/item/10016.html
ឯកឧត្តមបណ្ឌិត សុត ធា និងលោកជំទាវ យង់ ច័ន្ទជាតា អញ្ជើញចូលរួមពិធីសូត្រមន្ត បិណ្ឌវេនទី៤ នៅសាលាបុណ្យពន្លឺសាមគ្គី ស្ថិតក្នុងសង្កាត់ផ្សារដើមគរ ខណ្ឌទួលគោក

ពិធីសូត្រមន្តបិណ្ឌវេនទី៤ បានរៀបចំនៅសាលាបុណ្យពន្លឺសាមគ្គី ស្ថិតនៅក្នុងសង្កាត់ផ្សារដើមគរ ខណ្ឌទួលគោក រាជធ.....

09/09/2025

សាររបស់សម្តេចបងវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា៖

ដោយសារមួយរយៈនេះឃើញមានការជជែកគ្នា នៅក្នុងបណ្ដាញសង្គមលើប្រធានបទមួយចំនួន រួមទាំងការចោទនូវសំណួរមួយចំនួនដែលបង្កើតជាភាពស្រពិចស្រពិល រហូតដល់មានបុគ្គលខ្លះយកទៅធ្វើអាជីវកម្មដើម្បីកេងចំណេញនយោបាយផង។ ខ្ញុំសូមយកឱកាសបញ្ជាក់ដោយសង្ខេប ÷

១. ហេតុអ្វីរាជរដ្ឋាភិបាលស្ងាត់ស្ងៀមម្ល៉េះ?
- បងប្អូនមួយចំនួនប្រហែលជាយល់ថាទាល់តែនាយករដ្ឋមន្ត្រី ឬឥស្សរជនសំខាន់ៗ បញ្ចេញសារតាមទូរទស្សន៍ ឬបណ្តាញសង្គមជាប្រចាំ បានគិតថារដ្ឋាភិបាលអត់ស្ងៀមស្ងាត់។

នៅក្នុងដំណាក់កាលដែលសភាពមានការប្រែប្រួលលឿននិងមានភាពមិនច្បាស់លាស់ ការធានានូវសង្គតិភាពនៃពត៌មានគឺសំខាន់ណាស់ ដើម្បីកុំអោយមានបញ្ហាច្របូកច្របល់ក្នុងអារម្មណ៍របស់ប្រជាពលរដ្ឋ។ ក្នុងគោលដៅនេះ រាជរដ្ឋាភិបាលបានរៀបចំយន្តការ និងប្រគល់ភារកិច្ចជូនក្រុមអ្នកនាំពាក្យ ដែលមានអ្នកនាំពាក្យរាជរដ្ឋាភិបាល ក្រសួងការពារជាតិ និងក្រសួងការបរទេស ធ្វើកិច្ចការងារផ្សព្វផ្សាយពត៌មានជាប្រចាំ។ បន្ថែមលើយន្តការនេះ ក្រសួងស្ថាប័នពាក់ព័ន្ធ ដូចជាក្រសួងការបរទេស ក្រសួងពត៌មាន រដ្ឋលេខាធិការដ្ឋានកិច្ចការព្រំដែន គណៈអភិបាលខេត្តពាក់ព័ន្ធ។ល។ ក៏មានផ្សព្វផ្សាយនូវវិធានការសំខាន់ៗរបស់ខ្លួន អោយប្រជាពលរដ្ឋបានជ្រាបជាប់ជាប្រចាំផងដែរ។

២. តើរាជរដ្ឋាភិបាលបានបញ្ជារអោយកងទ័ពជួរមុខនៅសមរភូមិដកថយទេក្រោយពីចរចារបទឈប់បាញ់?
- ចម្លើយខ្លី គឺគ្មានទេ។

រាជរដ្ឋាភិបាលមិនមានដាក់បទបញ្ជាអោយដកថយកម្លាំងក្រោយពីមានបទឈប់បាញ់នោះទេ។ ហើយក្នុងកិច្ចចរចារបទឈប់បាញ់ ក៏គ្មានដាក់លក្ខខណ្ឌអោយកងទ័ពភាគីណាដកថយពីទីតាំងឈរជើងរបស់ខ្លួននោះដែរទេ។

៣. តើការចរចារនានាក្នុងពេលកន្លងមក មានភ្ជាប់លក្ខខណ្ឌជាមួយការដោះដូរដីឬទេ?
- ចម្លើយខ្លី គឺគ្មានទេ។

ការចរចារបទឈប់បាញ់ថ្ងៃ ២៨ កក្កដា នៅប្រទេសម៉ាឡេស៊ី គឺនិយាយពីបទឈប់បាញ់គ្នាតែប៉ុណ្ណោះ។ ការចរចារទ្វេភាគីកន្លងមកដោយរាប់ទាំង Extraordinary GBC រវាងរដ្ឋមន្ត្រីក្រសួងការពារជាតិ និង កិច្ចប្រជុំថ្នាក់តំបន់រវាងយោធភូមិភាគ (RBC) ក៏មិនមាននិយាយពីការកំណត់ព្រំដែននោះដែរ។ រាល់លទ្ធផលនៃកិច្ចប្រជុំ (រាប់ទាំងប្រជុំពិសេសថ្ងៃទី ២៨ កក្កដា, ប្រជុំវិសាមញ្ញ GBC និង RBC) សុទ្ធតែបង្ហាញជាសាធារណៈទាំងអស់។ គ្មានការលាក់បាំងទេ។ ហើយក៏គ្មាន ការចរចារសំងាត់ណាផ្សេង ក្រៅពីកិច្ចប្រជុំទាំងនោះដែរ។

ចំពោះកិច្ចការចរចារព្រំដែន កម្ពុជានៅតែប្រកាន់យកជំហរនៃការដោះស្រាយបញ្ហាព្រំដែនដោយសន្តិវិធី តាមរយៈការប្រើប្រាស់យន្តការព្រំដែនដែលមានស្រាប់ គឺគណៈកម្មការចម្រុះព្រំដែនកម្ពុជា-ថៃ (JBC) ដោយផ្អែកលើមូលដ្ឋាននៃកិច្ចព្រមព្រៀងរវាងកម្ពុជានិងថៃដែលមានជាធរមាន សន្ធិសញ្ញាពាក់ព័ន្ធ និងច្បាប់អន្តរជាតិ។

៤. តើរដ្ឋាភិបាល ក្រសួងការពារជាតិអត់មានជួយអ្វីដល់កងទ័ពជួរមុខទេ បានជាឃើញតែសប្បុរសជនជួយ?
- ចម្លើយខ្លី គឺរាជរដ្ឋាភិបាលមិនដែលបោះបង់ការទទួលខុសត្រូវរបស់ខ្លួនចំពោះបងប្អូនវីរៈកងទ័ព វីរៈនគរបាលជាតិ និងប្រជាពលរដ្ឋដែលរស់នៅក្នុងតំបន់ប៉ះពាល់ដោយសារការប្រយុទ្ធគ្នា ឬមានការបំពានផ្សេងៗនោះទេ។ សូមបងប្អូនមេត្តាយោគយល់ ចំពោះការដែលក្រសួង ស្ថាប័នរបស់រដ្ឋ មិនបានថតបង្ហោះ ឬដាក់ចេញនូវរបាយការណ៍ជាសាធារណៈ អំពីរាល់ការងារធានានិងផ្គត់ផ្គង់ដល់កងទ័ពជួរមុខនោះទេ ដែលអាចឱ្យបងប្អូនមួយចំនួនយល់ច្រឡំថារាជរដ្ឋាភិបាលមិនបានយកចិត្តទុកដាក់ដល់កងទ័ពជួរមុខ។

បន្ថែមលើនោះ ការគិតគូរជាប្រចាំរបស់រាជរដ្ឋាភិបាលក៏មិនត្រឹមតែសម្រាប់កងទ័ពជួរមុខ និងប្រជាពលរដ្ឋនៅក្នុងតំបន់ដែលរងផលប៉ះពាល់ដោយសារបញ្ហាព្រំដែនប៉ុណ្ណោះទេ ប៉ុន្តែរាជរដ្ឋាភិបាលត្រូវគិតគូរជាប្រចាំសម្រាប់កងទ័ពនិងប្រជាជនទូទាំងប្រទេស និងគ្រប់វិស័យតែម្តង។

ជាមួយគ្នានេះ ខ្ញុំសូមធ្វើការថ្លែងអំណរគុណចំពោះបងប្អូនប្រជាពលរដ្ឋខ្មែរទាំងអស់ដែលមានទឹកចិត្តស្នេហាជាតិ និងគាំទ្រដល់កងកម្លាំងជួរមុខរបស់យើងតាមរយៈការជួយឧបត្ថម្ភគាំទ្រជាស្បៀងអាហារ សម្ភារៈ មធ្យោបាយ ដល់កងទ័ពជួរមុខរបស់យើង បន្ថែមលើអ្វីដែលរាជរដ្ឋាភិបាលដោះស្រាយជូន។ រាជរដ្ឋាភិបាលតែងតែស្វាគមន៍នូវស្មារតីសាមគ្គីជាតិខ្មែរ ខ្មែរជួយខ្មែរនេះ តាំងតែពីមុនផ្ទុះអាវុធកាលពីថ្ងៃទី ២៤ កក្កដា មកម្ល៉េះ។ ពេលនេះជាពេលលំបាក ដែលយើងត្រូវរួបរួមសាមគ្គីគ្នា ជួយគ្នា ដើម្បីរួមគ្នាដោះស្រាយបញ្ហា។

ខ្ញុំសង្ឃឹមថាការបញ្ជាក់ដោយខ្លីប៉ុន្មានចំណុចខាងលើនិងអាចដោះស្រាយចម្ងល់មួយចំនួនដែលខ្ញុំបានឃើញតាមបណ្ដាញសង្គមនៅពេលកន្លងមកនេះ។

ហេតុដូច្នេះខ្ញុំសូមបងប្អូនប្រជាពលរដ្ឋជនរួមជាតិទាំងអស់ ជឿទុកចិត្តលើរាជរដ្ឋាភិបាលដែលបាននិងកំពុងធ្វើកិច្ចការងារយ៉ាងសកម្ម ក្នុងការស្វែងរកដំណោះស្រាយបញ្ចប់បញ្ហាអោយបានឆាប់រហ័ស ដើម្បីឧត្តមប្រយោជន៍របស់ជាតិនិងប្រជាជន បើទោះជាកិច្ចការជាច្រើនមិនត្រូវបានផ្សព្វផ្សាយជាសាធារណៈ ដែលមើលទៅហាក់ដូចជាមានភាពស្ងាត់ស្ងៀមពេកក៏ដោយ ៕

#ហ៊ុនម៉ាណែត
#កម្ពុជា

09/09/2025

https://www.matenak.com/item/10015.html
មន្ត្រីពាក់ព័ន្ធនឹងសំណុំរឿងលោក ថាក់ស៊ីន ត្រូវគណៈកម្មាធិការជាតិប្រឆាំងអំពើពុករលួយថៃ (NACC) ចាត់ការ

ទិដ្ឋភាពពន្ធនាគារក្រុងថេពមហាណៈខន ដែលដាក់លោក ថាក់ស៊ីន

09/09/2025

https://www.matenak.com/item/10014.html
សមិទ្ធផលថ្មីដ៏ទំនើប នៃប្រវត្តិសាស្រ្តរបស់ខ្មែរ គឺ «អាកាសយានដ្ឋានអន្តរជាតិតេជោ»

ថ្ងៃនេះ 9 - 9 - 2025 ព្រះរាជាណាចក្រកម្ពុជាបានសមិទ្ធផលទំនើបមួយទៀត នៃប្រវត្តិសាស្រ្តអាកាសចរណ៍ស៊ីវិលរបស់ខ្លួន គឺ «.....

08/09/2025

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញរួមដំណើរជាមួយ លោកជំទាវ លូអ៊ីស អារ៉ាណេតា-ម៉ាកូស (Louise Araneta-Marcos) ជំទាវទី១នៃសាធារណរដ្ឋហ្វីលីពីន ទស្សនាព្រះបរមរាជវាំង។

រាជធានីភ្នំពេញ រសៀលថ្ងៃចន្ទ ទី៨ កញ្ញា ២០២៥

H.E. Dr. PICH Chanmony HUNMANET hosted and accompanied H.E. Ms. Louise Araneta-Marcos, First Lady of the Philippines, on a visit to the Royal Palace.

Phnom Penh, Monday afternoon, 8 September 2025

08/09/2025

សម្ដេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទីនៃព្រះរាជាណាចក្រកម្ពុជា អញ្ជើញក្នុងកិច្ចប្រជុំកំពូលជាមួយ លោក ហ្វឺឌីណាន់ រ៉ូម៉ូលដេស ម៉ាកូស ជូញៀ (FERDINAND ROMUALDEZ MARCOS Jr.) ប្រធានាធិបតីនៃសាធារណរដ្ឋហ្វីលីពីន នៅវិមានសន្តិភាព រាជធានីភ្នំពេញ។

ព្រឹកថ្ងៃចន្ទ ទី៨ ខែកញ្ញា ឆ្នាំ២០២៥

08/09/2025

https://www.matenak.com/item/10013.html
កម្ពុជា-ហ្វីលីពីន ប្តេជ្ញាពង្រឹង និងពង្រីកកិច្ចសហប្រតិបត្តិការទ្វេភាគីឱ្យកាន់តែស៊ីជម្រៅ

នាព្រឹកថ្ងៃទី៨ ខែកញ្ញា ឆ្នាំ២០២៥ នៅវិមានសន្តិភាព សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជា....