01/08/2025
សួស្តីអ្នកទាំងអស់គ្នា, ពួកយើងទទួលស្គាល់ថា ក្នុងអំឡុងការប្រកួត M6 កាលពីឆ្នាំមុន កំហុសមួយចំនួនរបស់យើងបានបង្កការឈឺចាប់យ៉ាងខ្លាំង ដល់អ្នកកម្សាន្ដ MLBB នៅកម្ពុជា។ ពួកយើងពិតជាគោរពអោយតម្លៃប្រពៃណីវប្បធម៌នៃគ្រប់ប្រទេស និងគ្រប់តំបន់ទាំងអស់ ហើយក៏ទទួលស្គាល់ពីសារៈសំខាន់នៃប្រាសាទអង្គរវត្ត ស្ថិតនៅក្នុងបេះដូងប្រជាជនកម្ពុជា។ ក្នុងស្ថានភាពបែបនេះ ការសុំទោស និងការផ្ដល់ជូនណាមួយ គឺមានលក្ខណៈមិនទាន់គ្រប់គ្រាន់ឡើយ។
ដូចដែលអ្នកទាំងអស់គ្នាបានកត់សម្គាល់ ពួកយើងបានព្យាយាមបញ្ចូលប្រាសាទអង្គរវត្តទៅក្នុងរូប Portrait និងចលនាបង្ហាញរបស់ឈុតក្រៅ Lady Dragon ដោយព្យាយាមចាប់យកភាពអាថ៌កំបាំង និងការឆ្លងកាត់ពេលវេលានៃភាពអស្ចារ្យរបស់សម្បត្តិបេតិកភណ្ឌពិភពលោកមួយនេះ។ យើងសង្ឃឹមថានេះជាការបង្ហាញនូវការគោរពរបស់យើងចំពោះកេរ្តិ៍ដំណែលវប្បធម៌ដ៏មានតម្លៃនេះ ដែលជាកម្មសិទ្ធិរបស់ប្រជាជនកម្ពុជា។ នៅក្នុងការរចនា ប្រាង្គប្រាសាទអង្គរវត្តដែលលាតត្រដាងក្រោមពន្លឺរះដ៏ត្រចះត្រចង់ ខណៈដែលថ្មភក់មានអាយុកាលរាប់ពាន់ឆ្នាំកំពុងនិងបញ្ចេញពន្លឺដ៏សែនកក់ក្ដៅ។ រាល់ដុំផ្ទាំងសិលាដែលដាប់ឆ្លាក់ជាមួយរឿងទេវកថា ភាពជាតំណាងនៃកំពូលភ្នំព្រះសុមេរុ ជំនឿសាសនានិងទំនៀមទំលាប់ រួមជាមួយបណ្ណាល័យ គឺសុទ្ធសឹងត្រូវបានបង្ហាញនៅពេញផ្ទៃខាងក្រោយរបស់ការរចនាមួយនេះ។ យើងសង្ឃឹមយ៉ាងម៉ុតមុាំថានេះជាបង្ហាញពីភាពទាក់ទាញតែមួយគត់នៃវប្បធម៌កម្ពុជា តាមរយៈព័ត៌មាននិងភាពលម្អិតនិងទិដ្ឋភាពជារួមរបស់តួអង្គ។
ដំណើរការនៃការផលិតឈុតក្រៅនេះ មានរយៈពេលយូរជាងការរំពឹងទុក ពីព្រោះការតំណាងវប្បធម៌តម្រូវឱ្យមានភាពហ្មត់ចត់បំផុត៖ យើងបានធ្វើការបញ្ជាក់ និងប្រៀបធៀបព័ត៌មានលម្អិត នៃការរចនាជាមួយក្រុមការងារក្នុងស្រុកម្តងហើយម្តងទៀត ចាប់តាំងពីសមាមាត្រស្ថាបត្យកម្មរបស់ប្រាសាទអង្គរវត្ត រហូតដល់មុំនៃប្រាង្គប្រាសាទ ដោយសង្ឃឹមថានឹងសម្រេចបាននូវភាពត្រឹមត្រូវកាន់តែល្អឥតខ្ជោះក្នុងការបង្ហាញ។ សម្រាប់ពួកយើង ការបញ្ចូលនូវវប្បធម៌ដ៏អស្ចារ្យរបស់ប្រាសាទអង្គរវត្ត ទៅក្នុងការរចនារបស់ Lady Dragon គឺជាការគោរពដ៏ធំធេង និងជាដំណើររៀនសូត្រមួយ។ យើងជឿជាក់ថាហ្គេមអាចផ្សាភ្ជាប់វប្បធម៌នានាបាន តាមរយៈការតំណាងដោយការគោរព។
ក្នុងពេលជាមួយគ្នានេះផងដែរ ពួកយើងក៏សង្ឃឹមថានឹងពង្រីកការគោរពរបស់យើង ឱ្យហួសពីហ្គេមផងដែរ។ ថ្មីៗនេះ ពួកយើងបានខិតខំទាក់ទងយ៉ាងសកម្ម ទៅកាន់ស្ថាប័នមានសមត្ថកិច្ចពាក់ព័ន្ធក្នុងប្រទេសកម្ពុជា ដោយមានគម្រោងបរិច្ចាគទឹកប្រាក់ ១០០,០០០ (ដប់ម៉ីន) ដុល្លារ ដើម្បីជួយដល់ការជួសជុល និងអភិរក្សវត្ថុបុរាណ វប្បធម៌ និងអគារស្ថាបត្យកម្មប្រវត្តិសាស្ត្រនានា។ ពួកយើងនឹងបន្តផ្តល់ព័ត៌មានថ្មីៗ អំពីដំណើរការនៃការបរិច្ចាគនេះ តាមរយៈបណ្តាញសហគមន៍ផ្លូវការរបស់យើង ហើយពួកយើងក៏សូមអញ្ជើញអ្នកទាំងអស់គ្នាដោយស្មោះសរ ដើម្បីបន្តតាមដានព័ត៌មាននេះ។
នេះគឺជាការចាប់ផ្តើម មិនមែនជាចំណុចបញ្ចប់នោះទេ។ ពួកយើងនឹងបន្តខិតខំ ពីការស្វែងយល់ពីវប្បធម៌ រហូតដល់ការទំនាក់ទំនងប្រចាំថ្ងៃជាមួយអ្នកទាំងអស់គ្នា។ យើងរំពឹងថាគ្រប់ពេលទាំងអស់ដែលនៅជាមួយអ្នកទាំងអស់គ្នា នឹងពោរពេញទៅដោយភាពកក់ក្តៅ។
ពួកយើងក៏ចង់ប្រើប្រាស់សារដ៌សំខាន់នេះ ដើម្បីស្តាប់មតិកែលម្អរបស់អ្នកទាំងអស់គ្នាផងដែរ ទាក់ទងនឹងទិដ្ឋភាពវប្បធម៌អ្វីខ្លះនៃការរចនាឈុតក្រៅ និងផ្ទៃខាងក្រោយដែលអាចកែលម្អ ឬសំណូមពរផ្សេងទៀតសម្រាប់ការបង្កើនប្រសិទ្ធភាពអោយកាន់តែល្អ។ យើងទន្ទឹងរង់ចាំស្តាប់យោបល់របស់អ្នកទាំងអស់គ្នាបន្ថែមទៀត ហើយនឹងបន្តចាប់ផ្តើមជាមួយអ្នកទាំងអស់គ្នា។
ក្រុមការងារ MLBB
