Khmer Youth in Europe - យុវជនខ្មែរនៅអឺរ៉ុប

17/08/2025

ឯកឧត្តម លុយ ដាវីត រួមជាមួយព្រះសង្ឃ និងបងប្អូនប្រជាពលរដ្ឋខ្មែររស់នៅប្រទេសបារាំងចូលរួមក្នុងពិធីដង្ហែក្បួនកាន់ទុក្ខ និងបង្សុកូលឧទ្ទិសកុសលជូនដល់វីរ:បុរសកងទ័ពកម្ពុជាដែលបានពលីជីវិតដើម្បីការពារបូរណភាពទឹកដីជូនជាតិមាតុភូមិ ប្រឆាំងនឹងការឈ្លានពានរបស់កងទ័ពសៀម មកលើប្រទេសកម្ពុជា។ ប្រជាជនកម្ពុជានឹងចងចាំជានិច្ចចំពោះការលះបង់មួយនេះ។
សូមវិញ្ញាណក្ខន្ធរបស់បងប្អូនកងទ័ពវីរៈបុរសខ្មែរគ្រប់រូបដែលបានពលិជីវិតជូនជាតិបានទៅកាន់សុគតិភពកុំបីឃ្លៀងឃ្លាតឡេីយ។ 🙏🏼🙏🏼🙏🏼

17/08/2025

ការរៀបចំជួបជុំសម្ដែងមតិ របស់ប្រជាពលរដ្ឋខ្មែរ នៅប្រទេស ទីក្រុងហ្សឺណែវ ប្រទេសស្វីស

សហគមន៍ខ្មែរ នៅទីក្រុងហ្សឺណែវ ប្រទេសស្វីស ប្រមាណ២០០នាក់ បានរៀបចំជួបជុំសម្ដែងមតិ ដែលមានខ្លឹមសារសំខាន់ៗ ដូចខាងក្រោម៖

១. ប្រកាសសម្ដែងនូវកតញ្ញូដឹងគុណដ៏ ជ្រាលជ្រៅបំផុត ជូនចំពោះថ្នាក់ដឹកនាំ កម្ពុជា ជាពិសេស សម្ដេចអគ្គមហា សេនា បតីតេជោ ហ៊ុន សែន ប្រធានព្រឹទ្ធសភា និងសម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ព្រមទាំងវីរកងទ័ពជួរមុខទាំងអស់ ដែលបានលះបង់ដ៏ធំធេង និងប្ដូរផ្ដាច់បំផុត ក្នុងបុព្វហេតុការពារអធិបតេយ្យភាព និងបូរណភាពទឹកដីនៃព្រះរាជាណាចក្រកម្ពុជា។

២. ថ្លែងអំណរគុណចំពោះ ប្រធានាធិបតីអាមេរិក ដូណាល់ ត្រាំ និងនាយករដ្ឋមន្រ្តីម៉ាឡេស៊ី អាន់វ៉ា អ៊ីមប្រាហ៊ីម ដែលបានផ្ដួចផ្ដើម និងសហការរៀបចំឱ្យមានកិច្ចប្រជុំពិសេសរវាង សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងនាយករដ្ឋមន្ត្រីស្តីទីថៃ ព្រមទាំងការចូលរួមយ៉ាងសកម្មពីសាធារណរដ្ឋប្រជាមានិតចិន ដែលបាននាំឱ្យមាននូវបទឈប់បាញ់ជាបន្ទាន់ និងឥតលក្ខខណ្ឌ រវាងកម្ពុជា និងថៃ។
គាំទ្រប្រធានាធិបតី ត្រាំ ជាប្រធានាធិបតីសន្តិភាព។

៣. សម្តែងមរណទុក្ខដ៏សែនក្រៀមក្រំបំផុត ជាមួយក្រុមគ្រួសារនៃវីរកងទ័ព ដែលបានពលីជីវិត ក្នុងបុព្វហេតុការពារទឹកដី។

៤. អំពាវនាវដល់បងប្អូនជនរួមជាតិ បន្តរក្សាសាមគ្គីភាព និងឯកភាពជាតិ ដើម្បីចូលរួមចំណែកជាមួយរាជរដ្ឋាភិបាល ជាពិសេសសកម្មភាពជ្រោមជ្រែង និងលើកទឹកចិត្តដល់វីរកងទ័ព ក៏ដូចជាការសម្រួលទុក្ខលំបាករបស់បងប្អូនជនភៀសសឹក តាមមធ្យោបាយ និងលទ្ធភាព ដែលអាចធ្វើទៅបាន។

៥. អំពាវនាវឱ្យសហគមន៍អន្តរជាតិ ចូលរួមឱ្យបានកាន់តែសកម្ម ដើម្បី៖

∎ ជំរុញឱ្យភាគីថៃ គោរព និងអនុវត្តឱ្យបានម៉ឺងម៉ាត់ និងប្រកបដោយប្រសិទ្ធភាពខ្ពស់បំផុត ចំពោះបទឈប់បាញ់ និងដោះលែងកងទ័ពទាំង១៨រូប ដែលថៃបានចាប់ទៅ។
∎ គាំទ្រយន្តការត្រួតពិនិត្យការអនុវត្តបទឈប់បាញ់ ឱ្យបានខ្ជាប់ខ្ជួន ដើម្បីបញ្ឈប់ជម្លោះប្រដាប់អាវុធ ជាស្ថាពរ។
∎ ជំរុញការដោះស្រាយបញ្ហាដោយសន្តិវិធី ប្រកបដោយយុត្តិធម៌ និងស្របតាមច្បាប់អន្តរជាតិ។

កម្ពុជា ត្រូវការសន្តិភាព។
#កម្ពុជា #ហ៊ុនម៉ាណែត #សន្តិភាពនៅកម្ពុជា

17/08/2025

អាជ្ញាធរមីន នឹងធ្វើសន្និសីទសារព័ត៌មាន « ស្តីពីការចោទប្រកាន់គ្មានមូលដ្ឋានពីភាគីថៃមកលើកម្ពុជាអំពីការដាក់មីនថ្មី និងជំហរកម្ពុជាក្នុងនាមជារដ្ឋភាគី នៃអនុសញ្ញាហាមប្រាមការប្រើប្រាស់មីនប្រឆាំងមនុស្ស » សន្និសីទនេះនឹងធ្វើនៅថ្ងៃចន្ទទី ១៨ ខែ សីហា ឆ្នាំ២០២៥វេលាម៉ោង១០ព្រឹក នៅទីស្នាក់ការអាជ្ញាធរមីនផ្លូវលេខ២៧៣ កែង៥១៦ ស/ក ទួលសង្កែ ខណ្ឌឫស្សីកែវ រាជធានីភ្នំពេញ ។

17/08/2025

16/08/2025

ស្វាគមន៍ចំពោះលទ្ធផលវិជ្ជមាននៃកិច្ចប្រជុំវិសាមញ្ញគណៈកម្មាធិការកិច្ចការព្រំដែនថ្នាក់យោធភូមិភាគកម្ពុជា-ថៃ (RBC) រវាងយោធភូមិភាគទី៣ កម្ពុជា និងបញ្ជាការដ្ឋានការពារព្រំដែនចាន់បុរី-ត្រាត ថៃ ថ្ងៃសៅរ៍ទី ១៦ សីហា ២០២៥។

Welcome the positive outcomes of Cambodia-Thailand Extraordinary Regional Border Committee (RBC) meeting between Cambodia's Military Region 3 and Thailand's Chanthaburi and Trat Border Defense Command, Saturday 16 August 2025.

#ហ៊ុនម៉ាណែត
#កម្ពុជា

15/08/2025

អ្នកឆ្លើយឆ្លងព័ត៌មានអាមេរិកប្រចាំសេតវិមាន
លោក ALFARO MICHEL BARRY បានមកដល់ទីកន្លែងដែលកងទ័ពថៃ ព័ទ្ធបន្លាលួស យកផ្ទះអ្នកភូមិ ៦គ្រួសារ នៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ
តាមដានព័ត៌មានទាន់ហេតុការណ៍ https://t.me/dapnews

15/08/2025

អ្នកសារព័ត៌មានរបស់សេតវិមានសហរដ្ឋអាមេរិក​ បានទៅដល់ទីតាំងជាក់ស្តែងនៅខេត្តបន្ទាយមានជ័យ​ ហេីយការពិតនឹងត្រូវបានផ្សព្វផ្សាយកាន់តែទូលាយទៅកាន់ពិភពលោក។

#យេីងជឿជាក់លេីកម្ពុជា​ #ខ្មែរធ្វេីបាន​ #សន្តិភាពនៅកម្ពុជា​