CEO Wonder Power Team

06/10/2026

"ក្នុងឱកាសបុណ្យភ្ជុំបិណ្ឌប្រពៃណីជាតិខ្មែរ"ខាងមុខនេះ
យើងខ្ញុំប្រធានកិត្តិយស អនុប្រធាន ប្រធានក្រុមទាំង៧ និងសមាជិក សមាជិកា នៃCEO Wonder Power Team
ក្រុងប៉ោយប៉ែត ខេត្តបន្ទាយមានជ័យទាំងអស់ សូមគោរពជូនពរលោកប្រធានប្រតិបត្តិ អោយមានសុខភាពល្អ មានសេចក្តីសុខ សុភមង្គល រកទទួលទានមានបាន ទ្រព្យសម្បត្តិចេះតែកើនឡើង និងមានសេចក្តីសុខ សុភមង្គល និងអាយុយឺនយូរ ហើយរាល់ការធ្វើដំណើរទីជិត ឆ្ងាយប្រកប ដោយសុខសុវត្ថិភាពជានិរន្ត។

02/10/2026

02/10/2026

ថ្ងៃព្រហស្បតិ៍ ៥រោច ខែភទ្របទ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១ ខែតុលា ឆ្នាំ២០២៦។

លោក ហុក វណ្ណៈ អនុប្រធានយុវជនគណបក្ស និងជាប្រធាន ប្រតិបត្តិនៃផែនសហគ្រិនវ័យក្មេង និងCEO Wonder Power Team ក្រុងប៉ោយប៉ែត បានដឹកនាំអនុប្រធាន និងសមាជិក សមាជិកា ចូលរួមយកអំណោយ ជូនអភិបាល នៃគណៈអភិបាល ក្រុងប៉ោយប៉ែត។
អំណោយឧបត្ថម្ភរួមមានទឹកបរិសុទ្ធចំនួន១,០០០យួរ និង
មីយើងចំនួន១០០កេស សម្រាប់ប្រើប្រាស់បន្តផ្គត់ផ្គង់
ជូនប្រជាពលរដ្ឋដែលរងគ្រោះដោយសារទឹកជំនន់ នៅក្នុងក្រុងប៉ោយប៉ែត។

កាយវិការ និងទឹកចិត្តសប្បុរសធម៌ដ៏ថ្លៃថ្លានេះ គឺជាការចូលរួមចំណែកយ៉ាងសំខាន់ជាមួយរដ្ឋបាលក្រុង ក្នុងការដោះស្រាយបញ្ហាប្រឈមចំពោះមុខ និងជួយសម្រាល ទុក្ខលំបាករបស់បងប្អូនប្រជាពលរដ្ឋបានទាន់ពេលវេលា។

23/09/2026

ថ្ងៃអង្គារ ១១កើត ខែភទ្របទ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី22 ខែកញ្ញា ឆ្នាំ2026 ។

លោក ហុក វណ្ណៈ ប្រធានប្រតិបត្តិ នៃCEO WONDER POWER TEAM និងផែនសហគ្រិនវ័យក្មេង ក្រុងប៉ោយប៉ែត ខេត្តបន្ទាយមានជ័យ បានដឹកនាំ អនុប្រធាន និងសមាជិក សមាជិកា ចូលរួមកិច្ចប្រជុំសាមញ្ញលើកទី៦ ពិភាក្សាស្ដីពី "វិធីសាស្ត្រនៃការវាយតម្លៃលើសុខភាពអាជីវកម្ម" សម្រាប់សហគ្រិនក្រុងប៉ោយប៉ែត ក្នុងស្ថានភាពវិបត្តិសេដ្ឋកិច្ច ។

+ក្នុងគោលបំណង÷
1- បង្កើនទំនាក់ទំនងឱ្យកាន់តែជិតស្និទ្ធសមាជិក សមាជិកា(ម្ចាស់ជីវកម្ម)
2.ការលើកទឹកចិត្ត សម្រាប់សហគ្រិនក្រុងប៉ោយប៉ែត
ក្នុងស្ថានភាពវិបត្តិសេដ្ឋកិច្ច (ព្រំដែនកម្ពុជា-ថៃ)
3- វិធីសាស្រ្តវាយតម្លៃសុខភាពអាជីវកម្ម
4- និងបន្តរៀនសូត្រឥតឈប់ឈរពេញមួយជីវិត ។

+ ទីតាំង÷ នៅការិយាល័យ ក្រុមហ៊ុន ហុក វណ្ណៈ ភូមិគីឡូលេខ៤ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។

01/09/2026

ថ្ងៃអង្គារ ៤រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១ ខែកញ្ញា ឆ្នាំ២០២៦។

លោក ហុក វណ្ណៈ ប្រធានប្រតិបត្តិ នៃផែនសហគ្រិនវ័យក្មេង
និងCEO WONDER POWER TEAM ក្រុងប៉ោយប៉ែត បានដឹកនាំអនុប្រធាន និងសមាជិក សមាជិកា ដើម្បីចូលរួមកិច្ចប្រជុំ
"រៀបចំផែនការសកម្មភាពឆ្ពោះទៅកាន់ការបោះឆ្នោត ជ្រើសរើសក្រុមប្រឹក្សា ឃុំសង្កាត់ អាណត្តិទី៦ សម្រាប់ឆ្នាំ២០២៧" ក្រោមអធិបតីភាព ឯកឧត្តម លន់ វាសនា ប្រធានផែនសហគ្រិនវ័យក្មេង ខេត្តបន្ទាយមានជ័យ។ ដោយមានការអញ្ជើញចូលរួមពីរ
អនុប្រធាន និងសមាជិក សមាជិកា ផែនសហគ្រិនវ័យក្មេង នៃក្រុមការងារយុវជនបក្ស ខេត្តបន្ទាយមានជ័យ។

+ទីតាំង: នៅសាលប្រជុំ​ តូច​ គណបក្សប្រជាជន​កម្ពុជា​ ខេត្ត​បន្ទាយ​មានជ័យ​។

25/08/2026

ថ្ងៃចន្ទ ១១កើត ខែស្រាពណ៍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២៤ ខែសីហា ឆ្នាំ២០២៦ ។

លោក ហុក វណ្ណៈ ប្រធានប្រតិបត្តិ នៃCEO WONDER POWER TEAM និងផែនសហគ្រិនវ័យក្មេង ក្រុងប៉ោយប៉ែត ខេត្តបន្ទាយមានជ័យ បានដឹកនាំ អនុប្រធាន និងសមាជិក សមាជិកា ចូលរួមកិច្ចប្រជុំពិភាក្សាស្ដីពី "វិធីសាស្ត្រនៃការដោះស្រាយបញ្ហាជីវកម្ម និងការរួមចំណែកកសាងសង្គម" ។

+ក្នុងគោលបំណង÷
1- បង្កើនទំនាក់ទំនងឱ្យកាន់តែជិតស្និទ្ធ រវាងម្ចាស់ជីវកម្ម និងម្ចាស់ជីវកម្ម (ដើម្បីគាំទ្រ និងផ្សព្វផ្សាយ អំពីផលិតផលដល់គ្នាទៅវិញទៅមក)
2- វិធីសាស្ត្រនៃការគ្រប់គ្រង ដឹកនាំ ដោះស្រាយ បញ្ហាអាជីវកម្ម និងបុគ្គលិក
3- វិធីសាស្ត្របង្កើតសេចក្ដីសុខឱ្យខ្លួនឯង និងក្រុមគ្រួសារ ព្រមទាំងចូលរួមចំណែកកសាងសង្គម
4- និងបន្តរៀនសូត្រឥតឈប់ឈរពេញមួយជីវិត ។

+ ទីតាំង÷ នៅការិយាល័យ ក្រុមហ៊ុន ហុក វណ្ណៈ ភូមិគីឡូលេខ៤ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។