Maha Khmer News Plus

30/10/2025

ករណីម៉ូតូ016ពាក់ស្លាកលេខ កំពង់ធំ1J5629បុ/ក នឹងម៉ូតូសង់020 ពាក់ស្លាកលេខភ្នំពេញ1IF5439ពេញទំហឹងកើតស្ពានវត្តបូព៌ខាងកើតវេលាម៉ោង១០.៥៤នាទីយប់ថ្ងៃទី៣០ខែតុលា២០២៥

30/10/2025

30/10/2025

លោកឧត្តមសេនីយ៍ទោ ហួត សុធី ស្នងការនគរបាលខេត្ត អញ្ជើញដឹកនាំកិច្ចប្រជុំបូកសរុបលទ្ធផលកិច្ចប្រតិបត្តិការ រក្សាសន្តិសុខ សណ្ដាប់ធ្នាប់ប្រចាំខែតុលា ឆ្នាំ២០២៥ និងលើកទិសដៅសម្រាប់ខែបន្ត របស់ស្នងការដ្ឋាននគរបាលខេត្តសៀមរាប ព្រមទាំងផ្សព្វផ្សាយផែនការ ការពាររក្សាសន្តិសុខ សុវត្ថិភាព សណ្តាប់ធ្នាប់ នាឱកាសព្រះរាជពិធីបុណ្យអុំទូក
សៀមរាប ៖ នៅព្រឹកថ្ងៃព្រហស្បតិ៍ ៩កើត ខែកត្តិក ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៣០ ខែតុលា ឆ្នាំ២០២៥ វេលាម៉ោង០៨:០០នាទី នៅសាលប្រជុំស្នងការដ្ឋាននគរបាលខេត្ត ដោយអនុវត្តតាមការចង្អុលដឹកនាំដ៏ខ្ពង់ខ្ពស់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្ដមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្ដសៀមរាប បានអញ្ជើញដឹកនាំកិច្ចប្រជុំបូកសរុបលទ្ធផលកិច្ចប្រតិបត្តិការ រក្សាសន្តិសុខ សណ្ដាប់ធ្នាប់ប្រចាំខែតុលា ឆ្នាំ២០២៥ និងលើកទិសដៅសម្រាប់ខែបន្ត របស់ស្នងការដ្ឋាននគរបាលខេត្តសៀមរាប ព្រមទាំងផ្សព្វផ្សាយផែនការ ការពាររក្សាសន្តិសុខ សុវត្ថិភាព សណ្តាប់ធ្នាប់ នាឱកាសព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក។ ដោយបានការអញ្ជើញចូលរួមពី អង្គភាពនគរបាលការពារបេតិកភណ្ឌ អង្គភាពនគរបាលទេសចរណ៍ លោក-លោកស្រីស្នងការរងទាំងអស់ លោកនាយការិយាល័យទាំង៣៣ លោកអធិការនគរបាលក្រុង-ស្រុកទាំង១៣ផងដែរ។
ក្នុងឱកាសនោះដែរ លោកឧត្តមសេនីយ៍ទោ ស្នងការ បានមានប្រសាសន៍លើកសរសើរពីការខិតខំប្រឹងប្រែងអនុវត្តតួនាទីភារកិច្ច ក្នុងកិច្ចប្រតិបត្តិការ រក្សាសន្តិសុខ សណ្ដាប់ធ្នាប់សាធារណៈ នាពេលកន្លងមកបានល្អប្រសើរ។ បន្ថែមលើនោះផងដែរ លោកឧត្តមសេនីយ៍ទោ ស្នងការ ក៏បានណែនាំបន្ថែម និងដាក់ចេញនូវផែនការ ការពាររក្សាសន្តិសុខ សុវត្ថិភាព សណ្តាប់ធ្នាប់ នាឱកាសព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក។ ដោយត្រូវបន្តជំរុញការអនុវត្តន៍គោលនយោបាយ ភូមិ ឃុំ-សង្កាត់មានសុវត្ថិភាព ឱ្យកាន់តែសកម្មផុលផុស និងជាពិសេសផងដែលត្រូវយកចិត្តទុកដាក់គ្រប់គ្រងឱ្យបានហ្មត់ចត់នូវមុខសញ្ញាប្រព្រឹត្តបទល្មើសព្រហ្មទណ្ឌ ក្មេងទំនើង រួមទាំងបទល្មើសផ្សេងៗទៀត សំដៅចាត់វិធានការបង្ការ ទប់ស្កាត់ និងបង្ក្រាប ឱ្យកាន់តែមានប្រសិទ្ធភាព។ ជាកិច្ចបញ្ចប់ លោកឧត្តមសេនីយ៍ទោ ស្នងការ បានជូនពរដល់កងកម្លាំងទាំងអស់ មានសុខភាពល្អ ជោគជ័យគ្រប់ភារកិច្ច និងទទួលបាននូវពុទ្ធិពរទាំងបួនប្រការគឺ អាយុវណ្ណៈ សុខៈ ពលៈ កុំបីឃ្លៀងឃ្លាតឡេីយ៕

30/10/2025

ប្រភព​ពីមន្ត្រី​ក្រសួង​មហា​ផ្ទៃ​ បានបង្ហេីបអោយដឹងថា​ នៅព្រឹក​ថ្ងៃទី​ ៣០​ ខែ​ តុលា​ ឆ្នាំ​ ២០២៥​ លោកឧត្ដមសេនីយ៍ទោ​ គង់​ វុទ្ធី​ អគ្គនាយករង​ នៃ​ អគ្គ​នាយកដ្ឋាន​អត្តសញ្ញាណកម្ម​ បានចូល​ខ្លួន​បំភ្លឺដល់​ក្រុមប្រឹក្សា​វិន័យ​ នៃ​ អគ្គ​នាយកដ្ឋានអត្តសញ្ញាណកម្ម​ ពាក់ព័ន្ធ​ករណី​យកលុយ​ជនរងគ្រោះ​ ២លាន​ដុល្លារ​ ដេីម្បី​រត់ការការងារ​មិនបានសម្រេច​មិនប្រគល់លុយ​ជូន​ជនរងគ្រោះវិញ​ ។ លោកឧត្ដមសេនីយ៍ទោ​ គង់​ វុទ្ធី​ បាន​បដិសេដ​មិនបាន​ឆបោក​ជនរងគ្រោះ​ដូច​សារ​ព័ត៌មាន​ផ្សាយទេ​ តែ​បាន​ទទួលស្គាល់ថា​នៅ​ខ្វះ​លុយ​ជនរងគ្រោះ​ប្រមាណ​ ២លានដុល្លារ​ពិត​ប្រាកដមែន​ ។ ជនរងគ្រោះ​នឹង​ចូល​បំភ្លឺនៅ​ អគ្គ​នាយកដ្ឋាន​អត្តសញ្ញាណកម្មនៅព្រឹកស្អែកដោយយក​ឯកសារ​ជា​ភស្តុតាង​ទៅជាមួយផង​ ។
ប្រភពដដែលបាន​អោយដឹងទៀតថា​ នៅ​រសៀលថ្ងៃទី​ ៣០​ ខែ​ តុលា​ ឆ្នាំ​ ២០២៥​ នេះ​ អគ្គាធិការដ្ឋាន​ ក្រសួង​មហាផ្ទៃ​ ក៏បាន​អញ្ជេីញ​លោកឧត្ដមសេនីយ៍ទោ​ គង់​ វុទ្ធី​ ទៅបំភ្លឺផងដែរ​ ។
ដោយឡែក​ ប្រពន្ធ​របស់លោក​ឧត្ដមសេនីយ៍ទោ​ គង់​ វុទ្ធី​ ឈ្មោះ​ លោកស្រី​ ពេជ្រ​ ពិសី​ Pich Pisey បាន​បង្ហោះ​សារ​នៅលេី​បណ្ដាញ​សង្គម​ហ្វេសប៊ុក​របស់​លោកស្រី​ ដោយ​បញ្ជាក់ខ្លឹមសារថា​ "​ លោក​ផុសបំផុលរឿងមិនពិត​លោកនឹងជួប​មេធាវីចុះ​ធ្វេីការតាម​និតិវិធី​ "​ ។ យី​ សុទ្ធតែ​ធ្វេីការ​តាម​និតិវិធី​ ? និតិវិធីណា​ បង្រៀនប្ដី​លោកស្រី​អោយដេីរ​បោកប្រាស់គេ​ ? យកលុយញេីសឈាមគេទៅ​ចាយហាយសូរ​ ស្មានតែ​រួចពី​សំណាញ់ច្បាប់មែន​ ? ចង់ប្ដឹង​ ប្ដឹងមក​ ខ្ញុំ​កំដរ​លោកស្រី​ដល់​ទី​បញ្ចប់​ ។ ប្រឹងរកលុយសងជនរងគ្រោះទៅ​លោកស្រី​ កុំចំណាយ​ពេលប្ដឹង​អ្នកកាសែត​ ក្រដាស់មិនអាចខ្ចប់ភ្លេីងបានទេ​ ។
(​ នៅមានត​ )៕ ប្រភព៖ Pheng Vannak

30/10/2025

សេចក្តីជូនដំណឹង
ស្តីពីកាលបរិច្ឆេទទទួលពាក្យ ចាប់ពីថ្ងៃទី២៧ ដល់ថ្ងៃទី៣១ ខែតុលា ឆ្នាំ២០២៥នេះ ក្នុងការប្រឡងប្រជែងជ្រើសរើសក្របខ័ណ្ឌមន្រ្តីនគរបាលជាតិសម្រាប់ឆ្នាំ២០២៥ ឱ្យចូលបម្រើការងារនៅប៉ុស្តិ៍នគរបាលរដ្ឋបាលឃុំ សង្កាត់ នៃស្នងការដ្ឋាននគរបាលខេត្តសៀមរាប។
ចំពោះបេក្ខជនដែលទទួលបានការផ្តល់ពាក្យ សូមរួសរាន់មកដាក់ពាក្យឱ្យបានទាន់ពេលវេលាដែលបានកំណត់៕

30/10/2025

ឧត្តមសេនីយ៍ឯក ស្រី ឌឹក៖ ការលេចមុខសារជាថ្មី បំបាត់ពាក្យចចាមអារ៉ាម និងពង្រឹងស្មារតីជាតិ"**
"ឧត្តមសេនីយ៍ឯក ស្រី ឌឹក ត្រូវបានគេស្គាល់ថាជាមេទ័ពខ្មែរដ៏ក្លាហានមួយរូប ដែលកន្លងមកភាគីថៃតែងតែផ្សព្វផ្សាយថា លោកបានពលីជីវិតក្នុងសមរភូមិ។ ទោះជាយ៉ាងណា ការលេចមុខជាសាធារណៈរបស់លោកនាពេលថ្មីៗនេះ បានបង្កឲ្យមានការភ្ញាក់ផ្អើលយ៉ាងខ្លាំង និងបានបញ្ជាក់យ៉ាងច្បាស់ថាព័ត៌មានទាំងនោះគឺមិនពិត។
បច្ចុប្បន្ន ស្ថានភាពសុខភាពរបស់លោកឧត្តមសេនីយ៍ឯក ស្រី ឌឹក មានភាពល្អប្រសើរធម្មតា ដែលអាចនិយាយបានថាល្អលើសពីមុនទៅទៀត។ ការផ្សព្វផ្សាយរបស់សត្រូវអំពីមរណភាពរបស់លោក គឺគ្រាន់តែជាយុទ្ធសាស្ត្រផ្លូវចិត្តមួយដើម្បីបំបាក់ស្មារតីកងទ័ព ដែលជាទម្លាប់ធម្មតាក្នុងសម័យសង្គ្រាម។
អ្វីដែលគួរឲ្យសោកស្ដាយបំផុតនោះ គឺការប្រមាថមើលងាយជីវិតរបស់លោកដោយជនរួមជាតិមួយចំនួន ដែលជាឧទ្ទាមជន។ ទង្វើអសីលធម៌បែបនេះ មិនត្រឹមតែជាការបំពានតម្លៃសីលធម៌ប៉ុណ្ណោះទេ ថែមទាំងបង្ហាញពីការមិនទទួលខុសត្រូវចំពោះវីរៈបុរសជាតិទៀតផង។
យើងខ្ញុំសូមបួងសួងឲ្យរាល់ពាក្យពេចន៍ប្រមាថទាំងឡាយ ក្លាយទៅជាពរជ័យ ប្រសិទ្ធពរជ័យដល់ឯកឧត្តម ឧត្តមសេនីយ៍ឯក ស្រី ឌឹក ឲ្យមានសុខភាពល្អបរិបូរណ៍ កម្លាំងពលំមាំមួន និងបន្តបម្រើជាតិមាតុភូមិទទួលបានជោគជ័យគ្រប់ភារកិច្ច។"

30/10/2025

ជញ្ជីងថ្លឹងឡាន​ ឬ​ ជញ្ជីងថ្លឹងលុយ​ ?
នៅព្រឹក​ថ្ងៃទី​ ៣០​ ខែ​ តុលា​ ឆ្នាំ​ ២០២៥​ រថយន្ត​ដឹក​ដំឡូងមួយ​គ្រឿង​បាន​ដឹកលេីសទម្ងន់​ បេីកឆ្លងស្ពាន​បាឡេ​ព្រែកឆ្លូង​ នៅ​ឃុំ​ ក្រញូង​សែន​ជ័យ​ ស្រុក​ស្នួល​ ខេត្ត​ក្រចេះ​ បណ្ដាលអោយបាក់​មិនអាច​ធ្វេី​ដំណេីរបាន​ ។ ហេតុការណ៍នេះ​មិនបង្ករគ្រោះថ្នាក់ដល់​មនុស្សទេ​ប៉ុន្តែ​ អ្នកបេីកបរ​ និង​ ព្រូឡាន​ បានរត់​គេចខ្លួនបាត់​ក្រោយកេីតហេតុ​ ។
សូម​អរគុណ​ក្រុម​ជញ្ជីងថ្លឹង​....🙏ប្រភព៖PVN News

29/10/2025

អតីតកីឡាប្រដាល់ លោក រ៉ាក់ វិឆ័យ ស្នើសុំអ្នកសារព័ត៍មានជួយផ្សព្វផ្សាយស្វែងរកក្លិបចូលដើម្បីប្រកួតឡើងវិញយកថវិកា ចិញ្ចឹមប្រពន្ធកូនដែលនៅតូច
ខេត្តសៀមរាប៖ បងប្អូនដែលនិយមធ្លាប់មើលកីឡាប្រដាល់ ប្រហែលជាស្គាល់គាត់ហើយ អតីត: កីឡាករ លោក រ៉ាក់ វិឆ័យ ធ្លាប់វាយប្រដាលនៅ ប៉ុស្តិ៍ទូរទស្សន៍ ជាច្រើន នៅ រាជធានីភ្នំពេញ កាលអំឡុងឆ្នាំ២០០១ ដែលលោកមានស្រុក កំណើត ភូមិស្តៅ ឃុំ ស្តៅស្រុក រតនៈ មណ្ឌុល ខេត្តបាត់ដំបង។ បច្ចុប្បន្ននេះលោក មានប្រពន្ធឈ្មោះ ហន ម៉ាលីណា នឹងមានកូនស្រីមួយទើបតែ អាយុ១ខួបស្នាក់នៅ បន្ទប់ជួល ស្ថិតនៅ ភូមិ ត្រពាំងសេះ សង្កាត់ គោកចក ក្រុង.ខេត្តសៀមរាប ។

ថ្លែងប្រាប់អ្នកសារព័ត៍មាន កាលពីរសៀល ថ្ងៃទី២៩ ខែតុលា ឆ្នាំ២០២៥នេះ លោក រ៉ាក់ វិឆ័យ ដើមឡើយលោកបានដើរប្រដាល់តាមបណ្តារខេត្ត តាមជាយដែនមួយចំនួន រហូតលោកបានល្បីល្បាញ ហើយឆ្នាំ២០០៥ ក៍បានទៅភ្នំពេញនិងបានចូលវាយតាមប៉ុស្តិ៍ទូរទស្សន៍នានាជាច្រើនលើក លោកបានបន្តថា លោកជាសិស្សប្រដាល់គុណខ្មែរ ក្លិបកងពលតូចលេខ៧០ ដែលមានអ្នកស្នេហាកីឡាប្រដាល់ជាច្រើនបានស្គាល់លោកនឹងគាំទ្រជាច្រើនផងដែរ ។

រហូតក្រោយមកលោកក៍បានធ្លាក់ខ្លួនដោយសារជីវភាពរបស់លោក ទើបសម្រេចបោះបង់អាជីពជាអ្នកប្រដាល់ចោល រហូតមកដល់សព្វថ្ងៃនេះ នឹងបានមករស់នៅខេត្តសៀមរាប ។

ទោះបីជាបានបោះបង់អាជីពជាអ្នកប្រដាល់ក៍ដោយមកដល់ពេលនេះក៍ជីវភាពរបស់លោកនឹងប្រពន្ធកូននៅមិនប្រសើរទ្បើងនោះទេគឺបានព្រឹកខ្វះល្ងាចរកកង់កញ្ចាស់មួយដើម្បីជិះធ្វើការមិនបាន សព្វថ្ងៃលោកធ្វើការតាមឡានដឹកសំរាម ហើយប្រពន្ធរបស់លោកមានកូនតូចទើបតែកើតបានមួយខួប ប្រពន្ធធ្វើនំអាកោលក់នៅក្រោយមន្ទីរពេទ្យ គន្ធបុប្ឆាខេត្តសៀមរាប ដើម្បីបានប្រាក់តិចតួចយកមកចិញ្ជឹមកូនតូច នឹងបានស្នាក់នៅ បន្ទប់ជួល ស្ថិតនៅ ភូមិ ត្រពាំងសេះ សង្កាត់ គោកចក ក្រុង.ខេត្តសៀមរាប ។

លោក រ៉ាក់ វិឆ័យ ស្នើសុំអោយ អ្នកសារព័ត៍មាន ជួយផ្សព្វផ្សាយ អំពីជីវភាពរបស់លោកដើម្បីស្វែងរកសប្បុរសជន អោយជួយដល់រូបលោកនឹងក្រុមគ្រួសារ គាត់ផងព្រោះពេលនេះ លោក ជួបទុកលំបាកយ៉ាងខ្លាំងមិនមានប្រាក់ដើម្បីផ្គត់ផ្គង់គ្រួសារ ហើយរូបលោកសំនូមពរអោយម្ចាស់ក្លឹបនានា ជួយអោយគាត់បានវិលត្រឡប់ ចូលវិស័យកីឡាប្រដាល់ជាថ្មីម្តងទៀតដើម្បីបានថវិការចិញ្ជឹមប្រពន្ធនឹងកូន ដូចគេឯងផង៕

29/10/2025

រឿងបែបនេះកើតមានច្រើនណាស់ក្នុងសង្គមយើងបច្ចុប្បន្ន សូមពុកម៉ែងបងប្អូនមេត្តាប្រយ័ត្នផង កុំជឿគេដោយគ្មានមូលដ្ឋាន និងហេតុផលត្រឹមត្រូវ!

បងស្រីទ្រីថាវី យកលុយរត់ការឲ្យគេចូលជាមន្ត្រីក្របខណ្ឌ
បើរត់មិនបានទេ បងយកលុយទៅសងគេវិញផងពីព្រោះយូរឆ្នាំហើយដែរ បងបានធ្វើកិច្ចសន្យារួចរាល់អស់ហើយ តែបងរំលោភបំពាននូវកិច្ចសន្យាថែមទៀត កុំអាងខ្នងអាងខ្សែណាស់បង ថ្នាក់ដឹកនាំលោកអត់បានពាក់ព័ន្ធជាមួយបងទេ នេះជារឿងបុគ្គលនិងបុគ្គល បងស្រីទ្រីថាវីជាមន្ត្រី នៅសាលាខេត្តកំពង់ចាមផ្នែកដោះស្រាយ ហ៊ានស៊ីហ៊ានសងទៅបង ធ្វើមិនបានឱ្យលុយគេវិញចប់៕ ប្រភព៖ វុទ្ធី ព័ត៌មាន

29/10/2025

សាលាដំបូងរាជធានីភ្នំពេញ ចេញសេចក្តីថ្លែងការណ៍ពាក់ព័ន្ធការចុះរឹបអូសផ្ទះស្រ្តីម្នាក់នៅខណ្ឌជ្រោយចង្វារ ដែលនាំឲ្យផ្ទុះការចែកចាយយ៉ាងខ្លាំងនៅលើបណ្តាញសង្គម, ប្រធានតុលាការបញ្ជាឲ្យផ្អាកការអនុវត្ត និងឲ្យពិនិត្យឡើងវិញ ដើម្បីផ្តល់យុត្តិធម៌ដល់អ្នកតវ៉ា

29/10/2025

នៅថ្ងៃទី២៩ ខែតុលា នេះ កងពលធំអន្តរាគមន៍លេខ៣ នៃកងទ័ពជើងគោកកម្ពុជា​បានចេញសេចក្តីថ្លែងការណ៍គាំទ្រ​កិច្ចព្រមព្រៀងសន្តិភាព​ទីក្រុងគូឡាឡាំពួរ ដោយបានដាក់បង្ហោះអមជាមួយនឹង​រូបលោក​ឧត្តមសេនីយ៍ឯក ស្រី ឌឹក មេបញ្ជាការយោធាដ៏ឆ្នើមមួយរូបរបស់កម្ពុជា ដែលត្រូវសារព័ត៌មានថៃផ្សាយកន្លងមកថាលោកបានពលីជីវិត ក្នុងពេលប្រយុទ្ធនឹងទាហានថៃកាលពីចុងខែកក្កដា។

29/10/2025

អធិការដ្ឋាននគរបាលក្រុងសៀមរាប
ដោយមានការយកចិត្តទុកដាក់ជាប្រចាំពីសំណាក់ ឯកឧត្តម ប្រាក់ សោភ័ណ អភិបាលខេត្ត​ និងជាប្រធានគណៈបញ្ជាការឯកភាពខេត្តសៀមរាប ស្តីពីការពង្រឹងសន្តិសុខ សណ្តាប់ធ្នាប់សង្គម បង្ការ បង្រ្កាបរាល់បទល្មេីសគ្រប់ប្រភេទ និងអនុវត្តតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ ដោយមានការចង្អុលដឹកនាំពីលោក ឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តសៀមរាប និងដឹកនាំផ្ទាល់ពីលោក វរសេនីយ៍ឯក ដា ចំរើន អធិការនគរបាលក្រុងសៀមរាប បានឃាត់ខ្លួនជនសង្ស័យ២នាក់ ពាក់ព័ន្ធនឹងករណី អំពើលួច(លួចម៉ូតូ)។
ក្រុងសៀមរាប៖​ នៅថ្ងៃទី២៦ ខែតុលា ឆ្នាំ២០២៥ វេលាម៉ោង១៣,០០នាទី មានជនរងគ្រោះឈ្មោះ ឋនរ-វ.ម ភេទស្រី អាយុ១៩ឆ្នាំ មុខរបរនិស្សិត មានទីលំនៅបច្ចុប្បន្នភូមិចំបកហែរ ឃុំកំពង់ថ្កូវ ស្រុកក្រឡាញ់ ខេត្តសៀមរាប បានមកដាក់ពាក្យបណ្ដឹង និងរាយការណ៌ជូនសមត្ថកិច្ចយើងថា នៅថ្ងៃទី២៦ ខែតុលា ឆ្នាំ២០២៥ វេលាម៉ោង០៦,១៨នាទី នៅចំណុចសណ្ឋាគារ មួយកន្លែង ស្ថិតក្នុងភូមិវត្តបូព៌ សង្កាត់សាលាកំរើក ក្រុង.ខេត្តសៀមរាប មានជនសង្ស័យមិនស្គាល់អត្តសញ្ញាណចំនួន២នាក់ បានធ្វើសកម្មភាពលួចម៉ូតូចំនួន១គ្រឿងរបស់ខ្លួន ម៉ាកហុងដាឌ្រីម សេ១២៥ ស៊េរីឆ្នាំ២០២២ ពាក់ផ្លាកលេខ បាត់ដំបង ១AS ០១០៥ ដែលមានលេខតួ និងលេខម៉ាស៊ីន ៦៣៩៤៣៣១ រួចគេចខ្លួនបាត់។ ក្រោយពីបានទទួលពាក្យបណ្ដឹងពីជនរងគ្រោះ​ កម្លាំងសមត្ថកិច្ចបានចុះទៅដល់កន្លែងហេតុ និងធ្វើការស្រាវជ្រាវ ព្រមទាំងឆែកកាមេរ៉ាសុវត្ថិភាព រហូតយើងកំណត់មុខសញ្ញាបាន លុះនៅថ្ងៃទី២៨ ខែតុលា ឆ្នាំ២០២៥ វេលាម៉ោង១៤,០០នាទី កម្លាំងនៃអធិការដ្ឋាននគរបាលក្រុងសៀមរាប បានសហការណ៍ជាមួយកម្លាំង នៃអធិការដ្ឋាននគរបាលស្រុកវ៉ារិន ធ្វើការឃាត់ខ្លួន​ និងប្រគល់-ទទួលជនសង្ស័យ២នាក់រួមមាន៖
១-ឈ្មោះ ទឺ សីហា ហៅតយ ភេទប្រុស អាយុ ១៥ឆ្នាំ មុខរបរសិស្ស មានស្រុកកំណើតភូមិពោធិ៍ដុះ ឃុំត្រពាំងធំខាងជើង ស្រុកត្រាំកក់ ខេត្តតាកែវ និងទីលំនៅបច្ចុប្បន្នភូមិត្រពាំងក្រសាំង ឃុំស្រែណូយ ស្រុកវ៉ារិន ខេត្តសៀមរាប (ប្រវត្តិទោសគ្មាន)
២-ឈ្មោះ ណាក់ មិនា ភេទប្រុស អាយុ ១៦ឆ្នាំ មុខរបរសិស្ស មានស្រុកកំណើតភូមិស្រះខ្វាវ ឃុំត្បែង ស្រុកបន្ទាយស្រី ខេត្តសៀមរាប និងទីលំនៅបច្ចុប្បន្នភូមិខ្នារផ្ទោល ឃុំស្រែណូយ ស្រុកវ៉ារិន ខេត្តសៀមរាប (ប្រវត្តិទោសគ្មាន)​ ។ ដើម្បីធ្វើការសួរនាំ ក្រោយពីសួរនាំ ជនសង្ស័យឈ្មោះ​ ទឺ សីហា ហៅតយ បានឆ្លើយសារភាពថា ខ្លួនជាអ្នកធ្វើសកម្មភាពចូលលួចម៉ូតូ ហើយជនសង្ស័យឈ្មោះ​ ណាក់ មិនា ជាអ្នកឈរមើលផ្លូវ និងជាអ្នកធាក់រុញម៉ូតូយកទៅធ្វើសោរ និងជិះរត់គេចខ្លួនទៅស្រុកវ៉ារិន បន្ទាប់មកពួកខ្លួនបានយកម៉ូតូដែលលួចបាននោះទៅដោះប្ដូរអាវម៉ាកហុងដាឌ្រីម ពណ៌ខ្មៅ ស៊េរីឆ្នាំ២០១៤ ។
-វត្ថុតាងដកហូត៖​ ម៉ូតូចំនួន២គ្រឿងៈ ទី០១ម៉ាកហុងដាZOOMBER X ស៊េរីឆ្នាំ២០១៧ ពណ៌ខៀវក្រហម សេ១២៥ ពាក់ផ្លាកលេខ តាកែវ ១O ៦១០០ ដែលមានលេខតួ និងលេខម៉ាស៊ីន ៥០០១៦៩០ មានកញ្ចក់ ,ទី២ម៉ាកហុងដាឌ្រីម សេ១២៥ មានលេខតួ និងលេខម៉ាស៊ីន៦៣៩៤៣៣១ គ្មានផ្លាកលេខ បំពាក់អាវម៉ូតូស៊េរីឆ្នាំ២០១៤ ,ផ្លាកលេខ ចំនួន១សន្លឹក បាត់ដំបង ១AS ០១០៥ ,អាវម៉ូតូហុងដាឌ្រីម ពណ៌ខ្មៅ ស៊េរីឆ្នាំ២០២២ ចំនួន១ឈុត តែពុំមានគម្របអាវផ្នែកអាគុយ និងកន្រ្តកចំនួន១ ។
-សមត្ថកិច្ចយើងបានធ្វើតេស្តស្វែងរកសារធាតុញៀនលើជនសង្ស័យខាងលើជាលទ្ធផល អវិជ្ជមាន ។
ជនសង្ស័យខាងលេី ត្រូវបានបញ្ជូនទៅកាន់ការិយាល័យជំនាញ ដើម្បីបន្តនីតិវិធី៕
ប្រសិនបើបងប្អូនប្រជាពលរដ្ឋ ជួបបញ្ហាអសន្តិសុខ ក្នុងក្រុងសៀមរាប សូមទាក់ទងមកលេខប្រចាំការខាងក្រោម ២៤ម៉ោង/២៤ម៉ោង៖
𝗛𝗼𝘁𝗹𝗶𝗻𝗲 𝟬𝟵𝟳 𝟳𝟳𝟴 𝟬𝟭𝟮𝟯
𝗖𝗲𝗹𝗹𝗰𝗮𝗿𝗱 𝟬𝟭𝟮 𝟮𝟯𝟵 𝟮𝟰𝟬
𝗖𝗲𝗹𝗹𝗰𝗮𝗿𝗱 𝟬𝟭𝟮 𝟰𝟲𝟬 𝟱𝟳𝟬