31/07/2025
ក្នុងស្មារតីខ្មែរជួយខ្មែរ ខ្មែរតែមួយ.! ឯកឧត្តម ហេង សុធីរ តំណាងសប្បុរសជនក្នុងខេត្តសៀមរាប នាំយកអំណោយជូនដល់ក្រុមគ្រួសារកងទ័ពដែលជាជនភៀសសឹក ចំនួន ៤៧ គ្រួសារ ស្នាក់នៅក្នុងវត្តខ្ជាយ
ខេត្តសៀមរាប ៖ នាព្រឹកថ្ងៃទី៣០ ខែកក្កដា ឆ្នាំ២០២៥ ឯកឧត្តម ហេង សុធីរ និងលោកជំទាវ រួមទាំង លោក ចេន វិចិត្រ អគ្គនាយកព្រះខ័នញូស៍, លោក ហេង សុជាតិ នាយកប្រតិបត្តិព្រះខ័នញូស៍, លោក សាំង សំណាង និងលោក សំម៉ុង រតនៈ អ្នកយកព័ត៌មាន ធីញូស៍ដេលី តំណាងសប្បុរសជន បាននាំយកគ្រឿងឧបភោគបរិភោគ ព្រមទាំងសម្ភារៈប្រើប្រាស់ ប្រគេនជូនព្រះគ្រូចៅអធិការវត្តខ្ជាយ សម្រាប់រៀបចំជូនដល់ក្រុមគ្រួសារកងទ័ពដែលជាជនភៀសសឹក ចំនួន ៤៧ គ្រួសារ មកពីក្រុងសំរោង ស្រុកអូរស្មាច់ ស្រុកអន្លង់វែង ខេត្តឧត្តរមានជ័យ មកស្នាក់នៅក្នុងវត្តវេឡុវ័ន្ត ហៅវត្តខ្ជាយ ស្ថិតក្នុងភូមិខ្ជាយ ឃុំសសរស្តម្ភ ស្រុកពួក ខេត្តសៀមរាប ។
សូមបញ្ជាក់ផងដែរ អំណោយយកទៅប្រគល់ជូនដល់ក្រុមគ្រួសារកងទ័ពដែលជាជនភៀសសឹក ជាអំណោយទទួលបានពីសប្បុរសជនក្នុងខេត្តសៀមរាប បានប្រគល់ជូនព្រះគ្រូចៅអធិការវត្តខ្ជាយ សម្រាប់រៀបចំដល់ជនភៀសសឹក ចំនួន ៤៧ គ្រួសារ ស្មើ ១៦៤ នាក់ ស្រី ៨៩ នាក់ និងកុមារ៥៨ នាក់ ។
ក្នុងនោះគ្រឿងឧបភោគបរិភោគរួមមាន ៖ អង្ករ 50 បេ, មីជាតិ 45 កេស, ត្រីខ 10 យួរ, ទឹកសុទ្ធ 50 យួរ, ទឹកសៀវអ៊ាវ 16 យួរ, ប្រេងឆា 4 យួរ, កន្ទេល 30, ម៉ុង 30, ភួយ 30, សារ៉ុង 50, សាប៊ូបោកខៅអាវ 100 កញ្ចប់, សាប៊ូកក់សក់ 50 ខ្សែ, សាប៊ូដុសខ្លួន 30 ដុំ, ប្រេងក្រឡា 4 ដុំ, ថ្នាំ Panadol 3 ប្រអប់, ធូបមូស 10 ដុំ, សៀង 52 ដប, ផ្អកត្រី 26 ដប និងសម្ភារៈប្រើប្រាស់ជាច្រើនទៀត ។
ក្នុងស្មារតីខ្មែរជួយខ្មែរ ជាខឿនការពារជាតិដ៏រឹងមាំការណ៍នេះសបញ្ជាក់ឱ្យឃេីញថា ប្រជាជនខ្មែរ បានរួបរួមសាមគ្គី ទាំងកងកម្លាំងជួរមុខ និងអ្នកនៅជួរក្រោយ ។
សូមរំឭកផងដែរថា អំណោយសប្បុរសជនក្នុងខេត្តសៀមរាប ជាការស្ម័គ្រចិត្ដចូលរួមពីមូលនិធិសប្បុរសធម៌ រៀបចំដោយអង្គភាពសារព័ត៌មាន ធីញូស៍ដេលី ដែលដឹកនាំដោយ ឯកឧត្តម ហេង សុធីរ ៕
ប្រភព៖Thy News
