28/07/2025
លោក សុខ នីន ឈ្មួញដឹកធ្យូងឱ្យអ្នកសារព័ត៌មានបញ្ចេញសារសម្លេងបញ្ជាក់ពីភាពអសមត្ថភាពរបស់រដ្ឋបាលព្រៃឈើស្រុកជីក្រែងក្នុងការការពារព្រៃឈើ
អ៊ុក ផ្លុង សៀមរាប÷ ព្រៃឈើគឺជាធនធានធម្មជាតិ ដែលមានសារៈសំខាន់យ៉ាងខ្លាំងសម្រាប់ជីវិតមនុស្ស និងជាជម្រកសត្វព្រៃដែលត្រូវបានគាំពារដោយក្រសួងកសិកម្មរុក្ខាប្រមាញ់និងនេសាទ។ ថ្មីៗ នេះមានឈ្មួញដឹកធ្យូងអនុផលព្រៃឈើម្នាក់ឈ្មោះ សុខ នីន បានទូរស័ព្ទទៅអ្នកសារព័ត៌មាន ព្រមទាំងប្រាប់អ្នកសារព័ត៌មាន ឲ្យបញ្ជូនសារសម្លេងទៅ អ្នកសារព័ត៌មាន ដែលចូលចិត្តថតផ្ដិតយករូបភាពសកម្មភាពអ្នកដឹកធ្យូង។ សម្លេងនោះបានវាយប្រហារ ចំៗ ពីការ កាប់បំផ្លាញ់ព្រៃឈើយកមកដុតធ្វើធ្យូងនិងការដឹកជញ្ជូនធ្យូង យ៉ាងអាណាធិបតេយ្យ ដោយគ្មាន ខ្លាចញញើត រដ្ឋ បាលព្រៃឈើ និងស្ថាប័នពាក់ព័ន្ធ ដែលមានតួនាទី ការពារ និងអភិរក្សព្រៃឈើក្នុងស្រុកជីក្រែងសោះឡើយ។ ក្នុងសារសម្លេងនោះ លោក សុខ នីន បានអួតអាងថា លោកគ្រាន់តែជាឈ្មួញកណ្តាលតែប៉ុណ្ណោះលោកគ្មានបានកាប់បំផ្លាញព្រៃឈឺនោះទេ។ បើចង់ចាប់ម៉្ដេចមិនចាប់ម្ចាស់ឡដុតធ្យូង? ព្រោះម្ចាស់ឡធ្យូង ហ្នឹងហើយជាអ្នកកាប់បំផ្លាញព្រៃឈើ។ លោកបន្តថាលោក រកស៊ីមុខរបរនេះបីទៅបួនឆ្នាំហើយ បើចង់ចាប់ឡានដឹកធ្យូងរបស់ លោក មេព្រៃ និងមន្ត្រីបរិស្ថានត្រូវចាប់រើម៉ក និងឡាន សាំងយ៉ុង ដឹកធ្យូងផ្សេងៗទៀត ឲ្យអស់ សិន ចាំចាប់ឡានរបស់លោក បើមិនដូច្នោះទេច្បាស់ជា មានរឿង ជា មិនខាន ព្រោះលោក ក៏មានខ្នងដែល។ ពាក់ព័ន្ធករណីខាងលើនេះ អ្នកសារព័ត៌មាន បានបញ្ជូនសារសម្លេងរបស់លោក សុខ នីន ទៅនាយផ្នែករដ្ឋបាលព្រៃឈើ កំពង់ក្ដី លោក សូផល្លា តាមប្រព័ន្ធ telegram លោកមិនព្រម ចូលមើល ទាល់តែសោះ។ រីឯនាយសង្កាត់រដ្ឋបាល ព្រៃឈើជីក្រែង លោក វង្ស សាំងសំរិត ហៅ ហុងដា និងនាយសង្កាត់រដ្ឋបាលព្រៃឈើខ្វាវ លោក ភោគ វីរៈ ចូលស្ដាប់សម្លេង និង មើលសំនួរ ហើយប៉ុន្តែគ្មានការបកស្រាយអ្វី ទាល់តែសោះ។ សម្ដីលោក សុខ នីន គ្មានការបកស្រាយ ពីនាយសង្កាត់រដ្ឋបាលព្រៃឈើកំពង់ក្តី និងខ្វាវ ប្រជាពលរដ្ឋថាដូចសុភាសិតក្នុងរឿងចៅចាក់ស្មុគ(ទំពក់រុញទៅ ទើបព្នៅជ្រុះ មានសំរាមទើបឆ្កែជុះ មានប្រឡាយ ទើបទឹកហូរ មែនហើយទើបគេថា)។
ជាចុងក្រោយប្រជាពលរដ្ឋសំណូមពរ ដល់ ប្រធានមន្ទីរ កសិកម្ម រុក្ខាប្រមាញ់និងនេសាទ ខេត្តសៀមរាប គឺលោក ទៀគឹមសុទ្ធ និង ប្រធានមន្ទីរ បរិស្ថានខេត្តសៀមរាប គឺ លោក ស៊ុន គង់ មេត្តា ដាក់បទបញ្ជាឲ្យ មានប្រសិទ្ធភាព ក្នុងការបង្ក្រាប បទល្មើស ព្រៃឈើ ជាពិសេស ការ កាប់ ឈើយក មកដុតក្នុងឡ ធ្វើជា ធ្យូង និងការ ដឹកជញ្ជូន ធ្យូង ពួកគាត់ថាព្រៃឈើក្នុងដែនសហគមន៍ដែលជាជម្រក សត្វព្រៃ មួយចំនួនត្រូវបានជនខិលខូចរុករានទន្ទ្រានយក ធ្វើជា កម្មសិទ្ធិ រីឯព្រៃឈើដែលសេសសល់បាននឹងកំពុងទទួលនូវការគំរាមកំហែងកាប់មកដុតក្នុងឡ ធ្វើជាធ្យូង ប្រជាពលរដ្ឋ ព្រមានថា ប្រសិនបើគ្មានវិធានការ ទប់ស្កាត់ការកាប់ព្រៃឈើយក ទៅដុតធ្យូង និងការដឹកជញ្ជូនធ្យូងឲ្យ មានប្រសិទ្ធភាព ទេព្រៃឈើក្នុងស្រុកជីក្រែងនឹងវិនាសអន្តរាយ ជាមិនខាន។ (បើ គ្មានអ្នកដុត គឺគ្មានអ្នកដឹក)(បើគ្មានអ្នកដឹក គឺគ្មានអ្នកដុត){ព្រៃឈើសល់}៕
