08/07/2025
ក្មេងទំនើងចំនួន៥នាក់ត្រូវបានឃាត់ខ្លួនបន្ទាប់ពីកម្លាំងអន្តរាគមន៍នៃអធិការដ្ឋាននគរបាលក្រុងតាខ្មៅ ចេញល្បាតហើយធ្វើការឆែកឆេរក៏ឃើញមានកាំបឹតបុ័ងតោមួយ ជាប់ខ្លួន នៅវេលាម៉ោង០២:០០នាទីថ្ងៃទី៧ ខែកក្កដា ឆ្នាំ២០២៥ កម្លាំងជំនាញព្រហ្មទណ្ឌក្រុងតាខ្មៅ សហការជាមួយ ប៉ុស្តិ៍នគរបាលរដ្ឋបាលតាខ្មៅ ,កំពង់សំណាញ់ ,ដើមមៀន ដឹកនាំបញ្ជាដោយលោកវរសេនីយ៍ឯក យី វណ្ណដា អធិការនគរបាលក្រុងតាខ្មៅ ធ្វើការល្បាតតាមដងផ្លូវ រហូតមកដល់ចំណុចលើផ្លូវ២១ ភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល ប្រទះឃើញជនសង្ស័យ ចំនួន២ម៉ូតូមានគ្នា ៥នាក់ កម្លាំងយើងបានប្រដេញឃាត់ភ្លាមនិងបានឆែកឃើញកាំបិតប៉័ងតោមួយ(លាក់ទុកក្នុងខ្លួនឈ្មោះសុខម៉េងលី) ទើបឈានដល់ការឃាត់ខ្លួនបក្សពួកជនសង្ស័យទាំង៥នាក់ រួមនឹងវត្ថុតាង ម៉ូតូចំនួន០២គ្រឿង កាំបិតប៉័ងតោមួយ ទូរសព្ទ័០៥គ្រឿង រួមនឹង មួកការពារចំនួន៣ ។
បច្ចុប្បន្នជនសង្ស័យ និងវត្ថុតាងខាងលើ សមត្ថកិច្ចជំនាញ បានកសាងសំណុំរឿងចាប់បញ្ជូនទៅតុលាការ ចាត់ការតាមនីតិវិធី៕
