31/07/2025
នៅការិយាល័យអប់រំយុវជននិងកីឡាស្រុក ព្រឹកថ្ងៃទី ៣១ ខែ កក្កដា ឆ្នាំ២០២៥
លោក រៀម វណ្ណវី អភិបាលរងស្រុកតំណាងលោក ភួន ឈីម អភិបាលស្រុកបានអញ្ជើញជាអធិបតី បើក-បិទ កិច្ចប្រជុំស្តីអំពី ការឆ្លុះបញ្ចាំងលទ្ធផលការងារគម្រោងមត្តេយ្យសិក្សាសហគមន៍ជាមួយភាគីពាក់ព័ន្ធរបស់គម្រោង ស្រុកបាទី ខេត្តតាកែវ រៀបចំដោយអង្គការឆត្របៃតង ដោយបានអញ្ជើញចូលរួមតំណាងមន្ទីរអប់រំយុវជននិងកីឡាខេត្ត នាយកប្រតិបត្តិអង្គការ ការិយាល័យអប់រំស្រុក បុគ្គលិកគម្រោង ក្រុមប្រឹក្សាឃុំគោលដៅទាំង១០ និងគ្រូមត្តេយ្យសិក្សាសហគមន៍ទាំង២៣ សរុប៖ ៣៩ នាក់ ស្មើនឹង ៩៣% នៃអ្នកចូលរួម។
ជាលទ្ធផលនៃកិច្ចប្រជុំ គម្រោងទទួលបានលទ្ធផលល្អប្រសើរដោយមានការចូលរួមយ៉ាងសកម្មពីគ្រប់ភាគីពាក់ព័ន្ធតាមរយៈការចែករំលែក ពិភាក្សា ជម្រុញលើកទឹកចិត្ត ការដោះស្រាយបញ្ហា និងបេ្តជ្ញាចិត្តរួមសហការគ្នា ដើម្បីឲ្យមត្តេយ្យសិក្សាសហគមន៍គោលដៅទាំង២៣ មានដំណើរការរលូន និងកាន់តែរីកចម្រើនក្នុងការផ្តល់សេវាកម្មអប់រំប្រកបដោយគុណភាពសម្រាប់កុមារតូច។ សាន់ ទូច-San Touch
