តេជគុណមុខខ្មៅ៚

03/11/2025

រាត្រីសួស្តី សូមកុំស្អប់មនុស្សតាមគ្នា!
នេះស្រូវខាងតាកែវខ្ញុំ

02/11/2025

កុំឃើញឈើពុកផុយពីរបីដុំ
ចោទឈើមួយភ្នំថាពុំមានន័យ
កុំឃើញខុសភ្លើល្ងើខូចពីរបី
ចោទមួយដែនដីគ្មានន័យខ្លឹមសារ។

ចោលបានឬអត់បងប្អូនគ្រប់គ្នា
រឿងរ៉ាវនិន្ទាប្រដូចចោទថា
ខុសៗដូចគ្នាមិនពិចារណា
ខ្ញុំចង់ប្រាប់ថាខុសតែអ្នកខុស។

ឃើញខុសពីរបីលៃជេរមួយខេត្ត
ប្រយ័ត្នកើតប្រេតបាត់ក្តីសន្តោស
តាកែវខុសអីបងប្អូនស្រីប្រុស
គិតឱ្យច្បាស់ចុះរួចសឹមស្ដីណា។

កម្ម:កម្ម:ប្រែថាអំពើ
បុគ្គលណាធ្វើស្ដីចុះមិនថា
កុំជេរប្រមាថពូជពង្សវង្សា
អ្នកដឹងទេថាអ្នកគិតខុសហើយ។

ផ្ញើជូនបងប្អូនរួមជាតិខេមរា
ស្ដាប់កាព្យនេះណាចូរកុំកន្តើយ
បើមិនដឹងប្រឹងប្រុងស្ដាប់ឲ្យហើយ
តាកែវអ្នកអើយខេត្តចាស់ជាងគេ។

ដែនដីគោកធ្លកនៅទីឋានណា
បងប្អូនខេមរាដឹងដែរឬទេ
បើយើងគ្រប់រូបសុទ្ធតែជាខ្មែរ
ច្បាស់ណាស់គូតែកើតចេញពីហ្នឹង។

តាកែវខេត្តយើងខាងជើងភូមិភាគ
ពូជពង្សវង្សនាគសូមប្រាប់ឱ្យដឹង
កុំចេះតែម៉ៃលៃលកថ្លែងថ្លឹង
ខ្លះគ្នាមិនដឹងប្រឹងជេរតែផ្ដាស។

ករណីពីរបីឃើញតាមហ្វេសប៊ុក
វាជាក្តីទុក្ខខ្ញុំនេះដឹងណាស់
មើលខេត្តណាគ្មានប្រាប់កុំក្រឡាស់
រឿងនេះវាច្បាស់មានមិនដាច់គ្នា។

ដោយហេតុមនុស្សយើងភ្លើងបាបក្នុងចិត្ត
សាងទុច្ចរិតបង្កកម្មពៀរ
ធ្វើម៉េចវាសាងអំពើរបស់វា
កុំជេរគ្រប់គ្នាអ្នកផ្សេងមិនដឹង។

តាកែវខេត្តខ្ញុំសម្បូរអ្នកប្រាជ្ញ
ពង្សរុងរឿងស្ងាចគូជាទីពឹង
ធម្មកថិកសូមប្រាប់ឱ្យដឹង
ខេត្តតាកែវហ្នឹងហើយច្រើនជាងគេ។

តាពូថៅដៃចាប៉ីជើងចាស់
ពូកែខ្លាំងណាស់បងប្អូនដឹងទេ
តាកែវទៀតហើយអស្ចារ្យជាងគេ
រៀបរាប់រិះរេខ្ទេចខ្ទីគ្មានសល់។

លោកតាប្រាជ្ញឈួនមួនដោយវោហារ
គាត់នៅខេត្តណាមិនដឹងកុំឆ្ងល់
គឺខេត្តតាកែវត្រូវដឹងឱ្យដល់
ឃុំខ្វាវ កុំឆ្ងល់ ស្រុកទាំង តាកែវ។

ល្ខោនបាសាក់អ្នកមើលសព្វថ្ងៃ
ល្អគុណរំពៃជាងគេតាកែវ
បង្កងទឹកសាបឆ្ងាញ់ក៏តាកែវ
កុំដៀលតាកែវពេកៗបានទេ។

មិនអស់ ព្រំព្រេរខ្មែរហូលផាមួង
សូត្រស្បៃត្បាញផងបងប្អូនដឹងទេ
ខេត្តតាកែវយើងនេះមានច្រើនជាងគេ
មិនបានអួតរេមិនជឿមើលចុះ។

ប្រាសាទភ្នំដាបាយ៉ង់នាងខ្មៅ
ជីសូតាម៉ៅប្រាសាទថ្មដុះ
ប្រាសាទជប់ពុលយាយពៅចម្រុះ
សូមប្រាប់ដោយស្មោះល្អល្អះអង់អាច។

សូមប្រាប់បងប្អូនកូនចៅប្រុសស្រី
តូចក្តីធំក្តីខ្លះជេរខ្លះខ្លាច
តាកែវមានតិចណាស់អ្នកដែលកាច
ជូនព្រោះអំណាចគ្រឿងញៀនសង្កត់។

កុំព្រោះខុសមួយម៉ៅមាត់ទាំងអស់
ចលាចលព្រោះបង្កដោយមាត់
ពោលពាក្យផ្ដេសផ្ដាសឥតគិតហ្មត់ចត់
តិចយមបាលកត់ឈ្មោះចូលអវចីយ៍។

រឿងនេះធ្លាប់កើតពីមុនជាក់ស្ដែង
ដូចខេត្តព្រៃវែងដែរញាតិប្រុសស្រី
ខុសមួយពីរសោះបែរជាពោលស្ដី
បន្ថោកតម្លៃគេពេញទាំងអស់។

ឈប់ទៅបានហើយលោកមុខខ្មៅសុំ
បងប្អូនខ្មែរកុំបែបហ្នឹងឱ្យសោះ
សាមគ្គីគ្នាយើងកុំឱ្យចន្លោះ
កុំបង្កគ្រោះព្រោះតែមាត់លាមក។

និពន្ធនិងអានដោយ #តេជគុណមុខខ្មៅ៚

02/11/2025

02/11/2025

បើអ្នកជ្រុលជាគិតថាខ្ញុំអាក្រក់ ខ្ញុំក៏សូមត្រឹមឲ្យអ្នកល្អចុះ!
#តេជគុណមុខខ្មៅ៚

31/10/2025

30/10/2025

#ដាវចិត្ត
-មានដាវមួយស្រួចរួចមុខមុតធំ
ប៉ុន្តែរូបខ្ញុំរុំវាទុកហើយ
មិនដែលប្រាថ្នាថានឹងដកឡើយ
សូមប្រាប់ឲ្យហើយមកស្លូតទៅស្លូត។

-កុំចង់ឈាមរាវនឹងស្ទាវជើងចាស់
សូមប្រាប់ឲ្យច្បាស់មិនបលិពោធ
ខ្ញុំតែងប្រាថ្នាថាបួសរហូត
ទាន់ខ្ញុំនៅស្លូតស្លូតដាក់ខ្ញុំផង។

-ប្រទេសមានច្បាប់សង្ឃមានវិន័យ
បើខ្ញុំខុសអីយកច្បាប់សង្ឃចង
កុំប្រើវាចាពាលាចាគទង
វាមិនទំនងនឹងច្បាប់មាត្រា។

-កុំថាអង្គឯកស្រេចតែគេផ្លុំ
ព្រោះមនុស្សធន់ខ្ញុំមានខួរដែណា
អង្គឯកបដិបត្តិតាមពុទ្ធដិកា
មិនមែនអាណាមកផ្ញុំបក់ឡើយ។

-កុំព្រោះតែពុំបានដូចចិត្តខ្លួន
ដើររុកគាស់កួនគេផ្សេងនោះឡើយ
មនុស្សខ្ញុំធ្វើតឆមនាទីអ្នកកើយ
ហើយមិនធ្វើឡើយបើរឿងរ៉ាវខុស។

-បើចង់ដូចចិត្តឲ្យក្រឹត្យនឹងច្បាប់
បើចង់ចាក់កាប់ត្រៀមនឹងកំហុស
ធ្វើអ្វីធ្វើទៅកុំតែធ្វើខុស
គុកគាងឃ្នាងខ្នោះវាមិនស្រួលអ្វី។

-កុំប្រឹងកោកៗត្រដោកមាត់សឹក
ហេវល្ងាចហេវព្រឹកទៅឆ្អែតក្របី
មិនគិតរកសុខចែកជូនគ្នាអី
សាងតែងទុក្ខភ័យអវីចីចាំ។ (…)
#គ្រូម៉ៅវត្តស្មោង៚

28/10/2025

23/10/2025

បទ #ទៅកឋិនវត្តស្មោងជាមួយម៉ែ
រៀបចំថត និង ប៉ារូលថ្មី (គ្រូម៉ៅ៚)
(លំនាំបទសុំម៉ែទៅរាំ)
បញ្ជាក់កឋិនវត្តស្មោងនិងប្រារព្ធនៅ ថ្ងៃទី ២៥ ខែតុលា ខាងមុខនេះហើយ

22/10/2025

បុណ្យកុសល ប្រពៃណី វប្បធម៌! កឋិនវត្តស្មោង