29/01/2021
ការចែករំលែករបៀបធ្វើ៖
ញាំគ្រឿងសមុទ្រពិសេស
គ្រឿងផ្សំ៖
- បង្គា(បកសំបក) ៣០០ក្រាម
- មឹក(កាត់ជាកង់ៗ) ៥០០ក្រាម
- សាច់ចិញ្រ្ចាំ ១០០ក្រាម
- ម្ទេស (ដាក់តាមចំណូលចិត្ត)
- ខ្ទឹមបារាំង
- ខ្ទឹមក្រហម
- ស្លឹកខ្ទឹម
- ការ៉ុត
- ទឹកក្រូចឆ្មារ ៣-៤ស្លាបព្រាបាយ
- ទឹកខ្ទឹមសជ្រក់ ៣ស្លាបពា្របាយ(បើមាន)
- ស្ករស ១ស្លាបព្រាបាយ
- ទឹកត្រី ២-៣ស្លាបព្រាបាយ
- ម្ស៉ៅស៊ុបរ៉តឌី ១ស្លាបព្រាកាហ្វេ
របៀបធ្វើ៖
១. រៀបចំបន្លែ ខ្ទឹមបារាំង ហាន់ស្តើងៗល្មម,ខ្ទឹមក្រហម ហាន់ស្តើងៗល្មម,ការ៉ុត សាប់ ឬឈូសជាសរសៃៗ,ស្លឹកខ្ទឹមកាត់ ខ្លីៗល្មម (បន្លែទាំងអស់អ្នកអាចដាក់តាមចំណូលចិត្ត)
២. យកបង្គា និងមឹកដាក់ស្រុះឲ្យឆ្អិន រួចទុកមួយអន្លើ
៣. ចំណែកសាច់ចិញ្រ្ចាំ ដាក់ដាំខ្ទះដាក់ទឹកចូលបន្តិច ដាក់សាច់ចូលឆាឲយឆ្អិនបន្តិច រួចដាក់ម្សៅស៊ុបរ៉តឌី និងស្ករស ចូលឆាច្របល់ចូលគ្នាឲ្យសព្វ ឆ្អិនហើយទុកមួយអន្លើ
៤. យកត្បាល់ដាក់ម្ទេសចូលបុកបន្តិច រួចដួសដាក់ចានធំល្មម ដាក់សាច់ចិញ្រ្ចាំឆាហើយចូល ដាក់ទឹកត្រី ទឹកខ្ទឹមសជ្រក់ និងទឹកក្រូចឆ្មារលាយច្របល់ចូលគ្នាឲ្យសព្វ
៥. បន្ទាប់មកដាក់ខ្ទឹមក្រហម ខ្ទឹមបារាំង និងការ៉ុតចូលច្របល់ចូលគ្នា រួចដាក់មឹក បង្គា និងស្លឹកខ្ទឹមចូលច្របល់ចូលគ្នាឲ្យ សព្វល្អ ហើយដួសដាក់ចានជាការស្រេច
