23/12/2024
មុនដាច់ឆ្នាំ ចង់អរគុណខ្លួនឯង!
• អរគុណខ្លួនឯង ដែលរឹងមាំ អាចប្រឈម អាចហែលឆ្លងគ្រប់យ៉ាងមកបាន តាំងពី ដើមឆ្នាំ រហូតដលដាច់ឆ្នាំ
• អរគុណខ្លួនឯង ដែលចិត្តធ្ងន់ ចេះអត់ធ្មត់ ចេះគ្រប់គ្រងចិត្តខ្លួនឯងបាន ទោះមិនបាន ឥតខ្ចោះ តែក៏អាចហៅថា ល្អហើយ ចាស់ទុំ ចាស់ចិត្តចាស់គំនិតច្រើនជាងមុន!
• អរគុណខ្លួនឯង ដែលចេះលែងដៃ ចេះបើកចិត្ត ចេះទទួលស្គាល់ការពិត ចេះធ្វើចិត្ត ហើយក៏ចេះដោះលែង មិនជាប់ជំពាក់ មិនទាមទារ មិនបង្ខំ ចំពោះមនុស្ស និងរបស់ ដែលនឹងបាត់បង់ទៅ!
• អរគុណខ្លួនឯង ដែលក្លាហាន ហ៊ានដើរចេញពីកន្លែងដែលមិនឱ្យតម្លៃ ក្លាហាន ហ៊ានដើរចេញពីមនុស្សដែលមើលមិនឃើញតម្លៃ ក្លាហាន ហ៊ានឱ្យខ្លួនឯង ដើរចេញពីសម្ពាធ តទៅនេះ នឹងប្រាប់ខ្លួនឯងបន្ថែមថា កន្លែងណាដែលនៅហើយ គ្មានក្តីសុខ មនុស្សណាដែលនៅជាមួយហើយធ្វើឱ្យកើតទុក្ខ មិនសប្បាយចិត្ត ត្រូវតែចេញទៅឱ្យឆ្ងាយ កុំក្បែរ កុំនៅ!
- [x] ច្រើនឆ្នាំកន្លងមកនេះ ធ្វើឱ្យខ្លួនឯងគ្រាំចិត្តច្រើនហើយ យើងក៏បាន
ស៊ូទ្រាំ ព្យាយាមច្រើនមកហើយ ធ្វើឱ្យខ្លួនឯងឈឺខ្លាំង អស់សង្ឃឹម ខកចិត្ត
ក៏ខ្លាំងហើយ ដូច្នេះ ចាប់ពីពេលនេះទៅ មិនបណ្តោយឱ្យខ្លួនឯងឈឺចាប់
ទៀតទេ ក៏មិនរំពឹងអីដែរ ព្រោះវាហត់ណាស់...!!!
